الزوجة الرابعة

ود ابو حنة سلام عليك

ياخى انت فى موضوع الاخت تماضر (الزوجة التانية )

كنت متجرس شديد وكمان نطيت لنا طوالى فى الرابعة

ياخى كل المتداخلين نسوانهم منجضاتنهم نجاض والواحد ما وكلهم اعتزروا عن الثانية

فتقوم تشوف الرابعة

تحضرنى مقولة الاستاذ الحسن احمد الحسن

يقول سعادة الدنيا فى ثلاثة

الزوجة المطيعة والدابة السريعة والدار الوسيعة

ود عبد السيد
قلنا اربعة.
يعني عايري ومدنها سوط..
.......
دكتور مصباح قال وااااحدي ومنجضا لى ناس البليلي في جضومن
تقدر تتخيل يا ود عبد السيد.. بليلي حبتا قويي يخلوها تنجض في جضمك؟
شفتا المثل المنصوري ده بليغ كيف؟
راجل يعرس اربعة. ده راجل وين ده!
علي الكليس قال البي يعرس الثانية في الزمن ده! يعتبر كمل المرجلة؟
فما بالك بأربعة
هي المرة دي عندها مشكلة يعني حتى يتزوجوها!
أصبحت لاها محتاجة لى زول في رزق
وأصبحت أشطر من الرجل ف التعليم
وصارت وزيرة
مافي شئ ناقصا
ايش معنى يصبر الراجل ولاتصبر المرة!
يا ما في نساء متعلمات وصلايات ومتدينات.. وحياتن أحلى حياة.ز ربنا ما قسم ليهن زواج خلاص..
المرأة ما عادت ضعيفة يخافوا عليها.. زي زمان .. المرأة موش عالة على الناس... المرأة صارت تعول رجال ليهن شنوبة طواال زي شنب الدقشوق بلا فايدة
تعليم اتعلمت وفاتت الرجل
شغل اشتغلت وصارت أغنى من الرجل
ممكن تبني بيت وتقعد مع أهلا عادي شنو المشكلة يعني!
عنوسة وعزوف..
هي ما عازفة لكن ما لقت نصيبا البي تتمناه
ما عندها مشكلة اليوم تجبرا عشان تتزوج ربع راجل!!!
هو راجل كامل بي رجال الزمن ده شن لهجتو!
كمان جابت ليها ربع راجل.
عمتي آمنى زمان الله يرحما كانت تقول لك
( عجايب.... والنمر الشايب ) هذا لما الخطب يدلهم

من بعد السلام...

انا تانى بلحقكم هناء اصلوا مابخليكم...

اسى كلكم الجيتوا هنا والمريتوا فى البوست التانى كلكم مافيكم زول انصف زوجتوا ياشيوخ حرام علييييييييييييكم الا مافيكم واحد ساكت بالغلط قال انا اسى الحمدلله متزوج واحده وسعيييييد مع زوجتى الواحده دى كلكم منجضه ومحرقه ومسويه يعنى خلاااااص انتو المساكين المستحملين انا متاكده انتو البتولعوا النار غيتو استغفر الله.........مع المعزره وتقبلوا مرورى

مع المعزره وتقبلوا مرورى.. تماضر قالت..

ما حا نتقبل مرورك!
لأنك إشتغلتينا شديد

هههههههههههههههههههههههه طيب ياجماعه معليش وبعتذر بس انتو كمان كترتوها ...وبعتزر مره تانيه

قبلنا العذر..
وانا سعيييد مع زوجتي.. وما حا أعرس تاني ، اها رايك شنو!

الله الله يا ود ابو حنه العنوان هجمني,,,,القال الرابعه قال !!!؟؟؟
انت بالذات ابعد من الموضوع ده لا تانيه ولا رابعه حكومه ميه الميه لا بتتغير ولا بتتبدل
تحياتي للحكومه ووزرائها

الاصل فى الزواج التعدد