عشانك يا نور الهادي

شكرا ود المناصير...وهذه القصيده عشان كل الشعب السوداني.المغلوب علي امره تطيح به نيران الاسعار والفساد والمؤامرات.. ولكن في النهايه لكل ظالم نهايه
اين القذافي؟؟
اين بن علي؟؟
اين حسني مبارك؟؟
!!! ماهو مصير بشار الاسد!
ليتهم يتعظون ليتهم يوعون لكي لا يكون مصيرهم مصير هؤلاء
رفقاء بالغلابه ورحمه بهم يرحمكم من في السماء

شكرا أم وضاح على هذا الإندياح

وجماعتنا ديل ما بعرفو الحساب ... وما عاملين حساب للحساب يوم الحساب

والله اكبر منهم جميعا

درة المنتدى ونور المناصير

عليك الله القصيدة دي ما جرد حساب عدييل كدا ؟

والله انا قربت تبقى علي حكاية النكتة بتاعت الزول الجا يعمل عرضحال في المحكمة ولقى زول كتب ليهو عرضحال صعب جدا ولما قراهو ليهو زولنا قعد يجعر وقال والله ما كنت قايل انو انا مظلوم قدر دا ؟

بالمناسبة يا نور الهادي ـ الحساب دا فيهو غلط

السد حتى الآن ما جاب غير الكهرباء والكهرباء زاتا تفتح وتغمد زي القرقور

والشارعين ـ غايتو شارع عطبرة هيا بقى اخير منو الدقداق

والله الشارع من مسمار حتى كسلا .. إلا تحنسو حناسة

والشوارع التانية إلا تنشهد وتكتب وصيتك ـ تقول شغالة لحساب ناس درمة الحانوتي

قول يا لطيف

[ندعوك للتسجيل في المنتدى أو التعريف بنفسك لمعاينة هذه الصورة]الاخ نور الهادي ـ سلام

ما داير ليك سواق ؟

وهاكم ياود المناصير ونور الهادى واحدة من روائع محجوب شريف وطبعا القصيدة امل لى بكره يعنى بعد مرحلة الثوره

الثلاثي الجميل
وهاكم دي كمان بس للاسف ماعارفاها حقت منو
المهم
مفاتيح البلد
عليك الزحف متقدم
وليك الشعب متحزم ومتلزم
يقول سلم سلم
مفاتيح البلد سلم
سلم عباياتنا وملافحنا مسابحنا ومصاحفنا
مساجدنا وكنايسنا
عقول اولادنا سلمنا
تراث اجدادنا سلمنا
بنادقنا البتضرب بيها في صدورنا
حقنا برضو سلمنا
سلمنا الزمان الضاع وليل الغربه والاوجاع
واحزانا اللي عشناها على الوطن العزيز الضاع
حتهرب وين ؟؟؟؟!!!
حتهرب وين من الالم الطويل والجوع
ومن تعليمك المدفوع
ومن شعباً سقاك لبنو
سقيتو من الهوان والجوع
وكاسات سمك المنقوع
حتهرب وين؟ وانت ادينك الاثنين ملوثه دم
حتى الدم فصيح بنضُم
يقول:
سلم سلم
مفاتح البلد سلم

سلام يا محاسن
القصيدة للشاعر ـ محمد المكي إبراهيم

شكراً ود المناصير

ود المناصير زول مثقف يا محاسن ملم بالحاجات كلها

غايتو الحاكومة حكايتها حكاية ؟؟؟؟؟؟؟ وحكومة الانقاذ براها حكاية ؟؟؟ وللمناصير حكاية ؟؟؟؟؟ وما عارفين حكومة نميرى كانت كيف ؟؟؟؟؟ والان السودان كله خيرو راقد لكن المشكلة ازمة ادارية
وازمة سياسية ؟؟؟؟

النوبة مشكلة ؟؟؟؟؟؟؟
المناصير مشكلة ؟؟؟؟؟؟؟؟؟
الزغاوة مشكلة ؟؟؟؟؟؟؟؟؟
الفور مشكلة ؟؟؟؟؟؟؟؟؟
الرزيقات مشكلة ؟؟؟؟؟؟؟؟
هو شنو ومنو الماعند مشكلة ؟؟؟؟؟؟؟؟؟
ورونوا دلونى ؟؟؟؟؟؟؟؟؟؟ شايقية وجعليين بس ؟؟؟؟؟ معقولة دى بس ؟؟؟؟؟؟؟؟؟



تحياتى
ابو مصطفى