عشانك يا ود أبو حنة

ودا عشان الإعتصام ..

وكمان الباشمهندس صديق ابو حنة لتواصله معنا وتعليقه الجميل في قسم الأغاني والفيديو

ونعتذر لردائة الصورة ... ولكن يبقى عيسى بروي صوتا قويا يجتاز حواجز الزمن ..وينداح إلى كل القلوب بلا إستئذان

والله قمة الروعة يا ود المناصير.. ويبقى عيسى رمزاً لنا..
عيسى هو عيسى مليئاً بمحبة اهله.. ربنا يمده بالصحة والعافية

صديق عبدالله علي أبوحنة كتب:والله قمة الروعة يا ود المناصير.. ويبقى عيسى رمزاً لنا..
عيسى هو عيسى مليئاً بمحبة اهله.. ربنا يمده بالصحة والعافية

والله حيرتنا ... الشي أنا يا دوب رفعت المقطع وعاوز اجربو !!!

لقيتك حاضر .... ربنا يحضر ليك الخير دائما الباشمهندس صديق

فأنت قصة إبداع سوداني متفرد في الخليج

لك كل التحايا

كيف يا ود المناصير، انت تكتب ونحن لا نتابع. تملكنى شعور غامر، لاينازع، أن افتح المنتدى الآن.. وصدق حسى، حيث وجدت هذه الإشراقات الجميلة من قامتنا عيسى..ومنك ايضاً، حيث تحب أن نتذوق هذه الإبداعات.

عشانك يا ود المناصير..لاتغيب من المنتدى، فالكل يتفق على أنك ود المناصير بحق وحقيقة..
ما تحرد تاني زي حردة العيد الكبير ديك.. الجهجهت كل الأعضاء.. تمام..

نورالهادى كتب:شكرا الرائع دوما ودالمناصير وفعلا متل ما قال الباشمهندس صديق قمة فى الروعة ونحن متابعين .

الرائع السفير الحقيقي للسودان .... نور الهادي ... سلام يا غالي

تواصلك الدائم معنا هو دافعنا للتوثيق لتراث بلادي ورموز المناصير

والسؤال متى نعرف قيمة رموزنا وكبارنا وقيمة تراثنا ؟؟

دقت ساعة الجد لجمع كل ما هو منصوري تاريخا وشعرا ونثرا ومواقف وثوابت واصول وثقاقة ورموز ... ليكون زاد ومعين لأجيال الغد

لك الشكر والتقدير نور الهادي

صديق عبدالله علي أبوحنة كتب:عشانك يا ود المناصير..لاتغيب من المنتدى، فالكل يتفق على أنك ود المناصير بحق وحقيقة..
ما تحرد تاني زي حردة العيد الكبير ديك.. الجهجهت كل الأعضاء.. تمام..

لك الشكر الباشمهندس صديق أبو حنة .. أصل الحن والقلب الرهيف ..المسالم النظيف العفيف ..المحب لإخوانه الداعي للخير والإلفة والمحبة بين الناس ..

حردة تاني ما في .. خلاص ... بقينا نتقريف ليكم زي الزول الراميهو شاي الضحى الصاموطي

ولما نغيب ــ قسرا ـ وظرفا ـ نضيق نجابد ..نتعب نكابد حتى نجيكم ... ونلقاكم ... اخوان بنات ..وعشا بايتات

منكم نتعلم دائما كل جديد .. فكيف نغادركم ونترك هذا العلم الجميل

لك الشكر والتقدير

سلام ياجنا وتااني سلام
وسلام كتير للرائعين من ابناء بلدي
ريحانه منتدي المناصير بلدي صديق ودابحنه
وابن بطوطه بلادي نور الهادي
افتل ياودالمناصير فوق حبلك نحن متااااابعين
وربنا يخدر ضراعك

بوست ود المناصير ده جاب ود القبايل ؟ معناهو البوست ده ما هين..

التحيه لك يارائع
والتحية الصادقة لكم جميعا
تقبل مرورى

ويبقى الأصل أصل

ويتساقط ما دونه

كل الأشجار تتساقط أوراقها .. الا النخيل .. !!
ويبقى الاصل

قريبي ... نزل إيدك

إنت عارف ... من برتي وبي فوق دربي ومرات بوني ودماج واوس وسور وشرري وشري وحتى السلمات ولحدي الطويني بي غادي

مشيت بي مركب مكنة . والبحر كان جايب شردة (دي بتاعت زمان )اسع ما عارف اسما شنو ؟

المهم نخيلنا ظاهر زي ما هو .. واقف علي حيلو

ويفضل النخل البي يقاوم في الغراق نخل المناصير

ود بروي هل تسمعني ؟؟

رافع يدي ..!!
عشان اجاوب .. ممكن اجاوب ..؟
الاجابة هي: الحكومة ضربت المعتصمون في مقتل ..
وين الفانوس
((ود بروي هل تسمعنا))

ود الطرشان كتب:..!!
الاجابة هي: الحكومة ضربت المعتصمون في مقتل ..

يا زول إنت معانا واللا مع الحاكومة ؟

مالك كل يوم هجم النمر هجم النمر

للأسف نحن النمر ومرات اسود
وبدر نصب الشرك ...!
أملا الفانوس جاز

[quotللأسف نحن النمر ومرات اسود
وبدر نصب الشرك ...!
أملا الفانوس جاز.
e][/quote]ود الطرشان بدا يطربق.. والعجيبة في ناس لسه مصدقين مفتكرنوا إنو فيلسوف تجريد النصوص من معانيها..( النثر التجريدي)والسبب في الطربقة انا عارفو

ها ها ها
الحنوني تهضرب مالك
الساعة عندك الثانية بعد منتصف الليل
تجريد سلاح ...

ود الطرشان كتب:للأسف نحن النمر ومرات اسود
وبدر نصب الشرك ...!
أملا الفانوس جاز

قالوا الفار لما سكر قال أين القططة

ود الطرشان إنت لا سكران ولا عميان

بس الجاز قفلوهو .. اي والله قفلو البلف

ناس قريعتي راحت ديل طامسين في الحرير .. وهاك يا دعة .. ونغنغة .. ونوم في العسل

ولما صحو لقو البلف قفلوه

وزماان الكبير قوي قال في خطاب .. حا نقفل البلف

واليوم البلف قفلو اهلو .. والكبير في إثيوبيا يشحد ويتوسل ويستجدي

والواسطة ناس كينيا .. والقضاء الكيني قال الفيني مكفيني والكبير دا ما بيمر فيني

حكم

ود الطرشان . جاز مافي

شيل فانوسك وامشي ميدان الرجال وهناك فانوسك يولع بي نفس اقرب زول

صديق عبدالله علي أبوحنة كتب:[quotللأسف نحن النمر ومرات اسود
وبدر نصب الشرك ...!
أملا الفانوس جاز.
e]

ود الطرشان بدا يطربق.. والعجيبة في ناس لسه مصدقين مفتكرنوا إنو فيلسوف تجريد النصوص من معانيها..( النثر التجريدي)والسبب في الطربقة انا عارفو
[/quote]
الستر واجب

والطربقة علاجا ساهل

واذا عرف السبب بطل العجب

انا شخصيا ما داير اعرف لاني عارف وود الطرشان عارف انو انا عارف

يا باشمهندي : صاحبك تجميعو بقى صعب حبتين

والشبكات عندو فيها تداخل

قريبي انت عارف وماكه شفقان
بشوف الكف والمستقبل به سمعان
والميدان كان مفروض يكون من زمان
قلنها قبل تلاتة سنين واضيف عامان
الحقوق ضاعت والكل صبح غرقان
والدامر تعجبني فيها وقفة البطان
والدليل شعارتنا قاعدة في ارض الميدان

الفانوس داير خيط

ود الطرشان كتب: قريبي انت عارف وماكه شفقان
بشوف الكف والمستقبل به سمعان
والميدان كان مفروض يكون من زمان
قلنها قبل تلاتة سنين واضيف عامان
الحقوق ضاعت والكل صبح غرقان
والدامر تعجبني فيها وقفة البطان
والدليل شعارتنا قاعدة في ارض الميدان

الفانوس داير خيط

ود الطرشان ... انت داير شلوقة

ود المناصير عايزين إبداع تاني هنا
يبرا ود الطرشان اي ود السمعان من الشلوقة لسه دابو فريخ يعوم..