قصيدة الخزان

نظمها المقدم (قادرى) على طه ابو حريبة فى عام 1948 بجزيرة شيرى
(من وثائق عمنا عثمان المقدوم)
شيلوا الفاتحة يا اهل الشأن قولوا الله يبطل الخزان
يا خلوة شيرى ام قران ديمة تقرى فى الحيران
فيكى التركة لينا زمان ولينا تبطلى الخزان
يا يابا الخليفة الفوق يا اب نيرانا مع الماروق
قولوا الله يبطل الخزان
يا ود عيسى يا تاتيب يا ركاب خيول الغيب
قولوا الله يبطل الخزان
يا عبد الله راجل الواحة والتسعين معاك صلاح
قولوا الله يبطل الخزان
لى عنداب رميلة مشيت يقطعوا ضمه راس الخيت
جيت لى ود حجازى التور يا الكسرت لبابور استيورت
ناده ما مفضل زول وكل الفيهو سر مدخور
جيتكم يا غرب بربر شيخى الجعلى واللشقر
جيتكم يا رجال كدباس يا اهل الحاضرة يا اهل الساس
يا سيد احمد الولوك واهل الله جملة رضوك
بالنور والمحبة كسوك وتسمع صيحة الندهوك
يا السيد على اب هيبات سيد المكتب اب حضرات
قولوا الله يبطل الخزان
يا ود حاج صهيب الروم يا ود النقر فى اب دوم
ود الكرسنى المنهوم هدمو خلو يصبح روم
يتنسى فى البلد معدوم
حاج الماحى مو نايم ويمدح فى الرسول دايم
الخزان عليك حايم هدمو خلو متلاين
اهل الله ناديتن سفلى صعيد لميتن
وبى اسنانى سنيتن يقطعو ضم راس خيتن
الصلوات على المختار وراويكم على الاشعار
توصلو حضرة الكمال

الاخ الرشيد هذه قصيده قيلت في عام 48 وسبحان الله كما ان هذا الشاعر يقرا من المستقبل وكانه كان يعلم با سوف يحدث ان هذا الخزان سوف يكون المناصير هم القرابين التي تذبح لاجل الساده المبجلين الذين لاهم لهم غير سرقه ثروات الغلابه المساكين نذبح كما ذبحت القرابين الادميه في العهد القديم واعني القرابين البشريه كانوا يقدموا الاطفال للمذبح وفعلوها هولاء دفع المناصير الثمن والان وبعد ان جلسنا في الخيار المحلي لانزال المحاولات جاريه لجعل المناصير فراجه ولايستفيدوا ان تجيير الاراضي للاجانب تحت يافطه المستثمرين وان نكون عماله رخيصه للساده الجدد هذا الشخص وكانه تنبا بما سوف يحدث في حاله قيام الخزان ولقد صدقت توقعاته هذا يذكرني بذلك الشخص المجهول الذي ذكرت قصته من قبل المنصوري الذي كان يعمل في جيش الخليفه عبدالله وعندما عثر علي الفارين باالقرب من ابو حمد وهم امراتين قسيسات ومعهم الخواجه الهارب من سجن الخليفه عندما اشترط عليهم ان يتركهم وشانهم علي ان لاينتقم الانجليز من اهله المناصير لقتلهم لاستيورات مثل هذه الومضات تجعلك تفكر وتتأمل في الاحداث ماضيها وحاضرها ومستقبلها وكيف ان اناس بسطاء كان همهم اهلهم وعشيرتهم بينما هناك اخرين ضد هذا التوجه نماما وسبحان الله

يا هندسة اهل الله ديل يفهموها طايرة ولاحظ سنة 48 ونحن فى سنة 2010 سبحان الله
استاذ سلمان ياما فى الجراب حكاوى وانت وين صاحبك خالد شايفو اليومين ديل ما براهو
يتاوق كدى ويرجع نظام شوفونى .

هذا هو والد العوض وداب حريبة فى شرى وهو مقدم للشيخ الجعلى هناك
وهذا يدل على ان اجدادنا لهم استقراء لما يحدث
فى المستقبل وكانهم بيننا الان
وهى قصيدة على طريقة مدحة التمساح لاولاد حاج الماحى