دخل القش ما قال كش كش

تذكير بمساهمة فاتح الموضوع :

دخل القش... ما قال كش.. كش..
ده شنو ده!!!
وفي ناس نفس الحجوة يقولوها ( دخل العيش بلا كشكيش)

هههههههههههههه
والله سوالو حمارين يا سلمان...
هل يا سلمان الزول إذا حاول يطبق الأحاجي دي في بيتو هسي دي. ممكنة؟؟
يعني اطفالك في الحاج يوسف.. مرة مرة تديهم هبشة صغيرة في التراث كدة.
إنت شوف حبوبة ناس علي الكليس راحت القضارف وبرضو مصرة تعرفهم تراث بلدهم.
ياخي يا علي الكليس زمان القضارف دي عشان الزراعة كانت جاذبة لناس الشمال. عشان عقليتهم تجارية..
أنا احب القضارف جدا.. وكنت قاعد ازورا كتير.. وفيها مناصير طبعا
جنبكم برضو في ود الحوري زول من كبنة وقريبنا. احمد الدقير محمد احمد حجازي. كان تاجر هناك.. ابوهم بعد ماتت امهم مرة كبنة تزوج عمتنا خلييفة بت حومااد تومي. وسكن بها حلة كوينة. حتى هسي دي اولادها ناس فكي الدقير عندهم حقيق هناك في حتة قريبي من كبنة وقريبة برضو للحيبة تمسى ( دار خيرين)
برضو في القضارف عندي صاحبي مهندس كبير هسي دي في ابوظبي.. هم شوايقة وتجار عيش وعندهم كمية كبييييرة من الحواشات وهم ختمية وشايقية
يقولوا ليهم. ابوبكر بشير الخليفة ابوه عندو دكان في سوق القضارف.. عندو ولدو صغير كان مسميهو نميري. مرة قلت ليهو يا خليفة الخلفاء.انا عارفك بتكره نميري. ولدك ده سميتو نميري لي شنو؟
قال لى عشان اناديهو أقول ليهو تعال هنا يا نميري يا كلب.. وزول يقدر يسألني مافي.. لأنو ولدي...
برضو بعرف شيوخ القضارف. محمد الفضل محمد طاهر بكر.. الرشيد الطاهر عمو.. طوالي.. ديم بكر كلو حقهم عشان هم عمد القضارف.. برضو بعرف اب القاسم الياس نائب مدير ماليه القضارف. كانت ساحرة لاتقاوم القضارف في السبعينات والثمانينات. خضرة وجمال وقيزان. طبيعة ساحرة..

بعد التحيه أهلي : لكم التحيه الارباب والصدوق كدي علي دا ما تضيقو علي اديو الساقي يكون الاجابه الساقي ,,