معقولة بس!!!

صديق عبدالله علي أبوحنة كتب:دي ما قادر أزيدا.. ولا كلمة.. كان زدتها كلمة تتعرف.. ويتعرف المقصود..لكن بأمانة أنا مندهش! ومستغرب ومحتار في الناس دي! محنة في قلبا مافي!!!

الحنانين ... الحنوني ... اب حنة ـ

جهجهتنا ... خوفتنا

قليبي رهيف ... وما بقدر على الهبباي عز الصيف

والله ما شاء الله
ده بوست بى( خيرو.. وخريرو)
ده سؤال استيحائي..
يوحي بالآتي
1 لاتزال الناس المرهفة موجودة في منتدانا
2 ود حاج
3 ود المناصير
4 عوووك. رسائل داخلية مالها حصر
..............................
البوست سؤال استيحائي ليس له وجود على أرض الواقع، يقيس الناس بمدى تفاعلهم..
ويوضح أن المنتدى بسم الله ماشاء الله فيهو الناس البي تقرا والمتابعة.. موش جايز يردوا.. لكن تحت تحت سكرانين بقيمة المنتدى لهم والقيمة المعرفية وقيمة إدارتنا في ديمقراطيتها..
يعني ناسنا هنا في المنتدى عندهم عيب صغيروني كدة.. كسل من الردود
لكن تفاعل على أرض الواقع.. شئ ماليهو حدود يا ود المناصير..
موش ضروري الذي يتكتب في المنتدى من تعليقات الناس.. ضروري ما يخلده الكلام في ذاكرة الإنسان على الواقع العملي..
عشان كدة ما تخاف يا ود المناصير.. نحن نقدر كتابات العضو الفاعل محمد محمود..ود محمود كما في منتدى آخر.. وخلي غيرنا يقدرو برضو زيادة خير
...............
يعني السؤال( خج ترعة) على قول دكتور مصباح..
برضو لايخلو السؤال من استيحاءات طرفيةقد تكون مقصوده.
......................
يعني منبرنا ومنتدانا يؤسس للمعرفة لتتجسد لتغير الواقع خارج المنتدى.. محصلة نهائية لأهلنا جميعهم..

الناس موجودة يا أستاذة أميرة علي

هندسة سلام وسلام تربيع وتكعيب
الناس جهجهتها بي خريفك الرعدو يكركر وشكشاكتو بدت زي ماقالك ود عون الله
انا غايتو عندي مشر فوق راس البيت شغال انقل فيهو خايفين المطر تهجكو ويفوت بالدروه وعيييييييييك مع السيل

غايتو يا ابوحنه

جيت من السودان ماااا مفهوم

جيت من السودان بروح معنوية جديدة كبيرة مغموسة في المشاعر الفياضة.. معطونة في العافية، مبلولة في موية السعادة، منقوعة في موية المشاعر الخلابة، مسبوكة بدكوة الصفاء،على نار الجوى والنوى، مصقولة بمحبة الخلق، مجبولة على الفطرة يا إنتصار.

معقول كده يا باشمهندس!!!!!!!!ة

أيوة يا أبو أحمد

صديق عبدالله علي أبوحنة كتب:أيوة يا أبو أحمد

تتخيل يا ضديق --- معقول كده !!!!!!دي طفشتني من ناس كانو عزيزين علي

لك التحية يا هندسة يقول المتنبيء ابن جني أعلم بأشعاري مني وأهلنا يقولون المغني يغني وكل يفسر على حسب هواهو أنت رميت جبادتك دي في البحر والناس دي تسانق فيها ما معروف يجيبوا دقشوق سحيلي ولأ كلد ولأ تور نقدا ده طبعا بعض الناس يسموهو خشم البنات المهم نحن منتظرين ما تأتي به هذه الجبادة

الجبادة جبدت وعشت البيت.. يا ود عبد السيد
لما نرمي الصريمي زمان نقول
يا قطعت الخيت. يا عشت البيت..
........

أبو احمد
طفشتك والله طشفتن منك!

صديق عبدالله علي أبوحنة كتب:أبو احمد
طفشتك والله طشفتن منك!

تسلم يا ابوحنة

لا هذا ولا ذاك

مكانكم في القلب له اكثرمن اربعين عاما يصعب تطفيشو

تسلم يا دفعة يا ابو احمد!
40 عام دي حكاية الكاشف وعاشة الفلاتية والله شنو يا ابو احمد؟

صديق عبدالله علي أبوحنة كتب:تسلم يا دفعة يا ابو احمد!
40 عام دي حكاية الكاشف وعاشة الفلاتية والله شنو يا ابو احمد؟

بس ياهو زي ما قلت!!! الله يحضر ضراعك

معقوله بس !!!!!!!!!!!!

أيوة يا استاذة اميرة الحومري..

الأخ صديق لك تحية كلمة بس معنون بها بوست عن مناداة الحيوان و التفاهم معه وحسبت أن صديق دخل بثقله على هذا البوست ولكن لقيته بتاريخ 3 مايو وفن الكتابه دائما تزين به كتاباتك ياصديق فالكلمة من غير تشكيل تعني الكثير ولها معان عدة عشان كده حيرت الجماعة وخليتن يحسبوا ويضربوا وفيهم من لايجد لغة الحساب . تقبل مرورنا ياهندسة.

لك الشكر ياهندسة ومثل هذه الدرر لاتخرج إلا من هو منصوري أصيل وأكرر شكري وتقديري

اينما نزلتم نزلتم اهلا
واينما حللتم حللتم سهلا
تسلموا يا كبارنا
بكم نستشف الكلام ونستانس بالونسة
وندهش الاخرين بكتاباتكم

كل الناس كدة
معقولة بس!!! في زول كدة
.....................
سمية حسن عندها أغنية تقول( حبيبي عسل والناس مساخ)
واحمد المصطفى قال( دي اول غادة تضوي الكون)
وعيسى بروي قال( تقول من نور هي مخلوقة.. ربنا شال من احلى صفات ردم فوقا)
انا ما عارف الحبيبو شين منو!
وصديق احمد قال( سماحتا قايلو فايتي الحد... محاسنا ذاتا ما بتتعد)
وعبد المنعم عبد الحي قال( طـُـهـْرِ مريم في المثال.. شوفوا في المشي توبو شال.ريقو احلى من الزُلال)
معقولة بس!!!

معقوله بس في ناس زي ديل!!!!!!!!!!!!!!!؟؟؟؟؟؟؟؟؟؟؟؟؟؟؟