رحبوا معي بضيفي الكريم ... ود عون الله

الاخ ود المناصير

تحكي عنك كتاباتك والله اسم ود المناصير دا عاجبني بلحيل وسبقتني عليهو لكنك تستاهلوا بقامتك السامقة والاسم يقولوا مرسوم على سيدو



واقولك انا مشيت اطلع الجواز

سالنى انت من وين

من المناصير

المصارين دي وين

الله يهرد مصارينك تبقى غربال ما تمسك المويه ... المناصييييييييييييييييييير ياخي

بتاعت الجزيرة

ياخي الجزيرة التضهب فيها وما تلقالك جغمة موية .. الجزيرة الياقبلك فيها تمساح ياكلك

قلت ياريت لو قلت له انا من الكراع كان يسالني

انت من وين

الكراع

الكراع دي وين

كنت طوالي ارفع كراعي اقول له من هنا

بلحيل يا عمر سلمان على الشاعر

نحن اقرباء وازيدك من الشعر بيت امى عائشة بت حجازي

نسيبك حسن بشير الله يرحمه ابن خالتها وكنت احبه حبا شديدا

الرجل الحنين يعنى كدا انا كمان خال اولادك الله يخليهم لك

تسلم يا اصيل

مرحب بالدكتور حسن عثمان

خيرة عيال منصور وعامة السودان

بيك فرح الجميع وهللوا الحبان

نور منتدانا وبيك كم ازدان

وعشان انت مامحسوب مع الضيفان

دحين ادخل واتوهط عديل داخل الديوان

ويادوب بى نقول زمن الابداع قد حان

--تأخرنا فى الترحاب فالسماح --فمشاغل الدنيا وهمومها --وربنا يديم البسط والرزق والفاقة--

معزره الاخت انتصارفي التقصيربالترحيب بضيفنا الكريم
لانشغالي بمرض والدتي ست الحبايب حاكومه بت ابوخير
وهي ترقد طريحه الفرا ش الابيض بمستشفي الكاب
ياالف مرحبا بالضيف القادم من الشمال نزلت اهلا وحللت سهلا
الاخ الدكتور الحسن عتمان الرجل النابغه
اول الدفعه طيله ايام دراسته الي الجامعه
ودخول طب الاسنان جامعه الخرطوم من اول مرة
فانضمامك الي المنتدي جاء متاخر
وانا أكد واجزم بانك سوف تكون اضافه حقيقه
نحن في انتظار اسهاماتك
اما بالنسبه الاخت انتصار دا موش كتير تلج
تقول قاعده في الفطب الشمالي عديل

سلامات سلام ياخوي يا سلمان

ومن يومين تمام هرب اللعين الجان

لا نظم الشعر لاتمت الأوزان

يالبحر الغزير الجاه مع السلطان

خدام الضيوف بالليل تقوم حفيان

نفخر بيك دوام تسلم أخوي سلمان

أتعبتني جدا ـــ كان تقول كلمتين كانن يرضني والرد كان يكون ساهل ــــ ترحيبك الحار ألجمني .لك الشكر أجزله والحب كله.

ناسف
الاخت انتصار للتأخير
طفشنا في وسط عفشنا
ومخيخنا طار ورك رك
الف مرحب بزوجك الدكتور حسن

الأخ الرشيد الرجل ألأديب صاحب القلم الجريء والرأي السديد ــ وزير اعلامنا ــ سيروا وعين الله ترعاكم .

أرجوا ان تنفحنا دوما بالجديد وهو قطعا مفيد .

كانت أيام جميلة عندما كنا نلتقي .

الاخ الرشيد لمن لم يعايشه رجل كريما جوده جود اروش .

آمل اخي ان توثق لوالدكم عليه رحمة الله فقط كان رجلا فريدا ذا تجربة ثرة فقد جلست معه جلسات ممتعة جدا لا تزال عالقة في الذاكرة

الأخ ود الطرشان : ــ يامن طوعت المداد والريشة .

الرجل الفنان المبدع صاحب الانامل الذهبية والذهن الوقاد .

دخلت قلوبنا قبل ان نراك .

آمل ان نلتقي .