رحبوا معي بضيفي الكريم ... ود عون الله

من طرف **انتصار حجازي** الخميس 01 مارس 2012, 2:21 am

سلام اهلي الكرام
اريدكم ان ترحبوا معى بضيفي الكريم
ود عون الله
هو رئيس جمهوريتي الخاصة
والقائد العام لقوات اسرتي الصغيرة
ود عون الله
هو
v
v
v
v
انتظروا شوية
v
v
v
سلام مربع يا جدع
v
v
v
شفتو كسير الثلج دا كيف
v
v
v

هو زوجي الدكتور حسن
اخيرا اصبح بيننا

طبعا للمعلومية هو عضو قدييييم
دوووم فاتح المنتدى ويقرأ
وهسة قال ما بدهاش لازم اسجل

يعنى هو قديم ... جديد

من طرف **انتصار حجازي** الخميس 01 مارس 2012, 2:29 am

اتفضل يا ابو الشباب احلللى كاس شاي

[ندعوك للتسجيل في المنتدى أو التعريف بنفسك لمعاينة هذه الصورة]

ونتمنى نرى مساهماتك بيننا
قلما يرضي الله ورسوله اولا ... ويرضي ذائقة اهلنا المناصير
وحبابك الف

من طرف **خالد عابدين** الخميس 01 مارس 2012, 3:10 am

مرحب مرحب بالقامة وفخر دار منصور الدكتور حسن عثمان
نزلت أهلا ووحللت سهلا
ونجدد لك التهاني والتبريكات بالترقية المستحقة وعقبال وزير

لما قريت العنوان قلت انتصار حولت برنامج نجم في ضيافتي للاجتماعي وللا شنو ؟
بعدين شربات للناس البيرحبو ويباركو مافي ؟
مرحب بيك الاخ حسن وننتظر مشاركاتك

من طرف **اميره الحومرى** الخميس 01 مارس 2012, 4:04 am

الف مرحب دكتورنا العزيز اضافه جديده قديمه للمنتدى
طبعا الزوج الثانى فى منتدانا الكبير..... دايما الدخول فردى ؟؟؟

وفى انتظار مساهماتك ولازم تكون منافس قوى لانتصار

من طرف **نجلاء زمراوي** الخميس 01 مارس 2012, 4:12 am

الف مرحب بالدكتور حسن بين اهلك واخوانك

مبروك المنصب وربنا يقدرك علي المسؤليه

والف حمد الله علي سلامه محمد واسرته

يا انتصار ما كان تخلي الدكتور يسجل حضور بيننا بعد انتهاء الكع والكف..لكي نبيض وجهنا قدامو!!!!؟؟؟؟

من طرف **نورالهادى** الخميس 01 مارس 2012, 4:30 am

أهلا وسهلا وألف تحية ومرحب بأخى ودفعتى دكتور حسن فأنت اضافة حقيقية للمنتدى .

يا دكتور نحنا كنا جالسين جوار بعض فى اى امتحان بتاع الابتدائى للمتوسطة أم المتوسطة للعالى أخوك بقت ذاكرته تعبانة كدى انت تعال داخل لاجوة والكلام كتير .

من طرف **نورالهادى** الخميس 01 مارس 2012, 4:52 am

[ندعوك للتسجيل في المنتدى أو التعريف بنفسك لمعاينة هذه الصورة]قلنا نكسر التلج عشان عندى مشكلة فى الاسنان

من طرف **النفر** الخميس 01 مارس 2012, 7:54 am

ألف مرحب بك يا دكتور حسن وحبابك ألف ... الدار دارك والمنتدى يتشرف بأمثالك ونتطلع لمساهماتك والتى حتما ً ستثرى منتدانا الرائع بأهله _

حباب ودالعمة
الأخ الأكبر أبوالحُسن حبابك مليون,حسن عثمان شخص ذكى ومتّطلع دائماً للأمام وأخو أخوان وفخر لنا نحن المناصير.
ويا إنتصار إنقلاب عسكرى ولاشنو هههه
مرة تانية حبابك يا أبوالحُسن.

من طرف **نجلاء زمراوي** الخميس 01 مارس 2012, 1:48 pm

إبراهيم حجازى كتب:حباب ودالعمة
الأخ الأكبر أبوالحُسن حبابك مليون,حسن عثمان شخص ذكى ومتّطلع دائماً للأمام وأخو أخوان وفخر لنا نحن المناصير.
ويا إنتصار إنقلاب عسكرى ولاشنو هههه
مرة تانية حبابك يا أبوالحُسن.

هههه

الظاهر كده يا ابراهيم اخوي

المره الجايه ساريه

ماشاء الله تبارك الله ..موقدين نار تب...

من طرف **amira ali** الخميس 01 مارس 2012, 2:11 pm

اهلا بالاخ و الزميل (الاسبق) والدكتور الخلوق والبشوش
حسن عثمان
عاصرناه وهو في اخر سنة بجامعة الخرطوم
وكان نعم الزميل والاخ
يزداد المنتدى فخرا بك
نرحب برفيق دربك اخت انتصار
يلا انضم لاخوتك واخواتك بالمنتدى ومنتظرين مشاركاتك
يا ربي ده كسير تلج واللا شنو ؟

من طرف **هويدا ابوشعر** الخميس 01 مارس 2012, 2:32 pm

الف مرحب دكتور حسن .

من طرف **اقبال** الخميس 01 مارس 2012, 3:16 pm

الف مرحب بالدكتور حسن عثمان

اخونا دكتور حسن ازبك يا اخى منشهينك يا اخى تعال حل سيكك

مراحب مراحب للدكتور حسن عثمان

من طرف **ودالبلد** الخميس 01 مارس 2012, 11:08 pm

ألف مرحب بالدكتور حسن فى داره

من طرف **ود عون الله** الجمعة 02 مارس 2012, 1:17 am

شكراً رفيقة الدرب والمشوار

لكن ما حرام عليك ياشيخه بعد العشره الطويله دي اكون ضيف

وبعدين الكباية الحلوة دي جبتيها من وين مانى شايفها

وشكرا على هذا التقديم الجميل

من طرف **ود عون الله** الجمعة 02 مارس 2012, 1:19 am

هلا وغلا بالريس القدير الأنيق خالد خلد الله اسمك ورفع ذكرك

واعانك الله على قيادة السفينة أيها الربان الماهر

من طرف **ود عون الله** الجمعة 02 مارس 2012, 1:23 am

الملكه بت الحومري قريبتي

طبعا امي عائشة بت حجازي امها شايه بت عبادي من المهوة

قابلت ابوك رحمة الله عليه وكنت اقول له يا خال

قريبتي اتمنى ان كل ازواج وزوجات وابناء الاعضاء يكونوا مشاركين بمنتدى بلدنا المناصير ..... باشي يعني

من طرف **ود عون الله** الجمعة 02 مارس 2012, 1:25 am

نجلاء القامه الشهمه الكريمة بنت الاكرمين

قلتي لي المنتدى كله كع وكف

يعنى ما تخافي عضلات تبش

من طرف **ود عون الله** الجمعة 02 مارس 2012, 1:34 am

اخي ودفعتي نور الهادي

نسأل عنك سؤال الضهبان

طبعا يا اخوانا واخواتنا اول مرة اقابل فيها هذا الحبيب كانت ونحن ممتحنين للمرحلة المتوسطة بشيري

وفجأة جاءني شخص

أأأأأنت حسن

نعم

مالك تقرأ ما قالوا كابيها

المشكلة شنو

انا عندى سؤال

اتفضل ( قلت عندو اشكالية فى مسألة ما ولا شئ )ز

تعرف عدد شعر دقنة عثمان دقنه كم

ضحكت فى نفسي وقلت الحكاية حرب اعصاب ولا شنو ... قلت له نعم اعرفها اذا انت عرفت عدد شعر راسه وشنبه

ضحكنا سويا وتعانقنا وهاك الصحبه دي

ولقد تنبأت من زمنها بان هذا الفتى لن يقنع من هذه الدنيا دون ان يضع بصمه واضحه .. كان ذلك زمن جميل المنافسة فى الدراسة على ودنها

من طرف **ود عون الله** الجمعة 02 مارس 2012, 1:36 am

الرجل الرائع عثمان النفر

اكثر انسان وددت دوماً ان التقيه .. حاولت مرات ومرات وفشلت

كم كان محبباً الى نفسي صوتك عند اول هاتف

ارجو ان نلتقي

من طرف **ود عون الله** الجمعة 02 مارس 2012, 1:43 am

ابراهومة الجميل والصديق الصدوق الودود

ورجل الزمان والمكان والمواقف الصادقه القويه

شنو لقيت اهلك بالمنتدى دا ونسيتنا

شوقنا زاد الحد

وفال الله ولا فالك من الانقلابات العسكرية

وانت فى دا ولا بنت اختك الصغيرونه دى شايلة عكازا وحالفا تتسجل بالمنتدى

من طرف **ود عون الله** الجمعة 02 مارس 2012, 1:45 am

الملكة الاستاذه اميرة علي

شكراً على الثناء الزايد

اخجلتي تواضعنا

متابع اخبارك ونقدم لك الدعوة لزيارتنا واسرتك الكريمة

من طرف **ود عون الله** الجمعة 02 مارس 2012, 1:46 am

هويدا ابو شعر

مرحباً سلالة الأكرمين

تحياتي لدفعتي النجومي

من طرف **ود عون الله** الجمعة 02 مارس 2012, 1:47 am

مرحبتين ثلاثة والف بالاخت اقبال

من طرف **ود عون الله** الجمعة 02 مارس 2012, 1:50 am

الله الله ايها الرجل الوسيم والصديق الصدوق محمد الحسن طيفور

والله شوق ماليهو حد

بعدين ياخي للسيك وما سيك انت حسن مستواك وذاكر كويس وخليك جاهز

جمعنا الله في القريب العاجل باذنه تعالى

من طرف **ود عون الله** الجمعة 02 مارس 2012, 1:52 am

الاخ حاتم الأفندي قريبي

يشرفني ترحيبك بشخصي الضعيف

من طرف **ود عون الله** الجمعة 02 مارس 2012, 1:53 am

الاخ ود البلد

اشكرك على الترحيب بي

مرحب.. مرحب.. مراحب. بالأخ الرائع روعة بلادي .والقريب الذي نسمع به من زمااااان ولم نراه، ولكن يكفي أنه كانت لنا صولات وجولات مع والده عثمان وجده حاج الحسن عليه الرحمة. بالرغم من قرابتنا بي عاشة بت حجازي. وبالرغم من حديثي عن ذكريات عمنا حاج الحسن عون الله وذكريات الزعيم أحمد الحسن وذكرت فيها حكاية شاية بت عبادي..وإنو أمي كانت تقول هي قريبتنا.ولكنى بالرغم من ذلك إحس بإحساس زايد تجاهك على أنك رجلاً يجب أن ألتقيه، طال الزمن أم قصر. فرحة ما بعدها فرحة بإنضمامك للمنتدى، ولكنى منذ زمن أعرف أنك قارئ جيد جداً للمنتدى رغم مشغولياتك الكثيرة.. نسأل الله أن نكون دائماً عند حسن ظنك.وأن يوفقنا الله الى ما يحبه ويرضاه. إنه سميع قريب مجيب.تحياتي وإخلاصي وودي وتقديري

من طرف **منوفلى** الجمعة 02 مارس 2012, 4:31 am

الف الف مرحب بالعضو الجديد الدكتور ود عون اللهبين اهلك

من طرف **ود عون الله** السبت 03 مارس 2012, 5:16 am

سلام هندسه

من زمان انا محشود وما عارف اقتحم دنيتك كيف ، وكت جات الفرصة تململ اليراع وضاعت الكلمات .

وجاءتني رفيقة الدرب : المناصير فتحوا منتدى جديد

الله يستر ما يكون مصيره زي القبلو ... الله يستر

ظللنا نتابعه بنهم شديد وشفقة

فيهو واحد مسجل اسمو صديق ابو حنه .. تعرفو ( طبعا انا شغال ليها مترجم ومعرف .. اتعبتونا يا الصدوق بكلماتكم المنصورية القحه .. التنقير .. الفريدي .. السبلوقه .. دى بالله هي تعرفا ليك من فين )1

دا اكييد ود الحنوني مافي غيرو لكن اصبري شويه .. ايوه يا هوو ذاتو دا من اسرة سيرتها وسمعتها مشرفه ملء السمع والبصر انا بعرفهم من زمن لنش الحنوني .. دا اخو عمر ابو حنه صديقي ، الله يرحمه كانت لنا معه صولات وجولات يأتي من البلد بلوريه ويفضي الشحن وطوالي على امدرمان .. كنت وقتها طبيب صغير اشق طريقي وسط عمالقة الطب وأساطينه وكانت عيادتي في سوق الشهداء بامدرمان

يا حسن عمر جاء من البلد نتكركر ونمشي امبده السبيل في منزل الخال احمد اللحيمر والصديق عبد الرحيم اب نواس ومعنا ود الحسن وعمر اللحيمر وخضر البرجوب وود السيد واستاذ عبد الوهاب احتفالاً بعمر اب حنه

يا اخوانا مع السلامه انا ماشي اشوف اكل عيشي

هي يعنى العيادة بتاعتك دي ح تجيب لك كم علي الطلاق ندفعها لك ، خلها اليوم يا خي اقعد ما تخرب الرصه مسئوليتك شنو انت ما مطلوق برقبتك ومايزالون بي حتي يلين راسي

كانت تلك ايام جميله في زمن جميل مع رجال من معدن ٍ آخر

زرفنا عليه الدمعات الله يرحمه ويسكنه فسيح جناته ما اصلوا الرجل الزين مكانه هناك

والله يا صديق انت كتااااب كتابه خرافيه كتابه تنم عن رجل ٍ خبر الدنيا تماماً وعاشر اقواماً شتى تعامل مع الكل من القمه الى اخمص البداوة لم تنسيه قمة الحضارة القاعده ولم تسلبه القاعده ما اكسبته القمه لك التجلة والمحبة والاحترام

في الاجازة الماضيه بات معي خالي احمد حجازي الذي صار عالماً بالانساب اسهرني يومها ، بداها من برتي وحتى العال وعرفني بصلة الدم والرحم وسالته عنكم افاض واجاد

قلت لها صديق دا باين انه صاحب مقدرات عالية جداً كتابة غذيرة رصينه ممتعه بأفكار متسلسله غير ممله فبشرى لمنتدى انت احد اعمدته

بمشيئة الله سنلتقي ان كان فى العمر بقيه

مخلصك

من طرف **ود عون الله** السبت 03 مارس 2012, 5:17 am

الاخ الكريم منوفلي اشكرك على الترحيب بشخصي

الله ود عون ألجم ألسننا من أن نقول شئ.. بااااين عليه أقوى من قريبتي، بس هو ماهو فايق من الرزق وأكل العيش، وكان فايق زولتكم دي يا أميرة علي مابتقدر تجاريو.. ولكن الجري وراء أكل العش جهاد وشرف..تحياتي

من طرف **يس مصطفي** السبت 03 مارس 2012, 6:04 am

اووووووووووووه اتاريني اقول شوافيه دي عرقه بقي حامي كدي مالو
مرحب مرحب دكتره
في ديارك العامره
بي وجودك متنوره

الدكتور حسن عثمان لك التحية وللأسرة والشكر لام العيال الختتك معنا في القران . وطبعا أنت كسبا للمنتدى وللمناصير عامة نرحب بك وقطعا سيستفيد الجميع منك . وليس مدحا في عينك فأنت من قامات المناصير بتواضعك وأخلاقك وحبك لكل منصوري وفقك الله وزجتك لحياة كريمة وتقل تحياتي والأسرة ويسلموا عليكم كثير.

من طرف **انتصار حجازي** السبت 03 مارس 2012, 7:34 pm

خالد عابدين كتب:
مرحب مرحب بالقامة وفخر دار منصور الدكتور حسن عثمان
نزلت أهلا ووحللت سهلا
ونجدد لك التهاني والتبريكات بالترقية المستحقة وعقبال وزير

لما قريت العنوان قلت انتصار حولت برنامج نجم في ضيافتي للاجتماعي وللا شنو ؟
بعدين شربات للناس البيرحبو ويباركو مافي ؟
مرحب بيك الاخ حسن وننتظر مشاركاتك

هلا والله بالاخ الكريم خالد

شربات وحلويات كمان

تستاهلوا .. ضيفي كريم .. والمستضفين كرماء

[ندعوك للتسجيل في المنتدى أو التعريف بنفسك لمعاينة هذه الصورة]

اميرتنا بت الحومري طبعا حسن عرفنى بصله قرابتنا .. يعنى صرنا يا بتى قرايب وحبايب

ملكتنا بت زمراوي .. والله يا بت امى الكع والكف ماااا بقيف ..اتعودنا عليهو بالمنتدى .. على فكرة رسالتك رهيييييبة

إبراهيم حجازى كتب:
الأخ الأكبر أبوالحُسن حبابك مليون,حسن عثمان شخص ذكى ومتّطلع دائماً للأمام وأخو أخوان وفخر لنا نحن المناصير.
ويا إنتصار إنقلاب عسكرى ولاشنو هههه

هههه شكلوا كدا يا ابراهومة .. العيلة عملوا على هجوووووم

وبنتى من يوم شافت صورة ساريا فى الموقع مصرة لية ما نحط صورتها هي .. شفت المحن دى كيف

اميره على كتب:

اهلا بالاخ و الزميل (الاسبق) والدكتور الخلوق والبشوش
حسن عثمان
عاصرناه وهو في اخر سنة بجامعة الخرطوم
وكان نعم الزميل والاخ
يزداد المنتدى فخرا بك
نرحب برفيق دربك اخت انتصار
يلا انضم لاخوتك واخواتك بالمنتدى ومنتظرين مشاركاتك
يا ربي ده كسير تلج واللا شنو ؟

مشكووورة يا اميرة .. وايام جامعة الخرطوم ايام جميلة

ضحكتينى فى كسير التلج اكون عديتك

والشكر اجزله لكل من رحب بضيفي الكريم

من طرف **ساري الليل** السبت 03 مارس 2012, 7:49 pm

الف الف مرحب د حسن .... نرحب بك في منتداك ونتمني ان ينال رضاك بما فيه ولك العتبي ان وجدت مالايرضيك فلقد اعجبتني كلماتك عضلات تبش نتمني ان لا نلجأ الي عضلاتنا فاملنا كبير بفضل ادارة هذا المنتدي العملاق لمافيها من وعي ورجاحه عقل وحسن السريره وفوق كل ذلك تحمل غيره وحبا لبني لديار بني منصور , نتمني ان تصبر وتحتسب ريثما تبحر سفينتنا .

من طرف **yousif** السبت 03 مارس 2012, 8:17 pm

بعد التحيه أهلي :حبابك ألف دكتور حسن ,,ماإنت فينا ومننا ,,,,,

من طرف **بلسم** السبت 03 مارس 2012, 8:40 pm

الف مرحب بيك دكتور حسن عثمان

من طرف **ود المناصير** الأحد 04 مارس 2012, 5:19 am

يقال إن حسنة الدنيا ... المرأة الصالحة للرجل الصالح ...

لله دركم دكتور حسن واستاذتنا إنتصار ...

نسأل الله ان يوفقكم .. ويبارك فيكم ... وان يحفظكم ..ويحفظ ساريا واخوانه . ويجعل لكم في كل خطوة سلامة ...

وألف مرحب بالدكتور الراقي بين اهله واحبابه ... وأكيد تنتظرنا مساهمات من نوع آخر وطعم آخر ...

لكم شكري وتقديري

من طرف **منوفلى** الأحد 04 مارس 2012, 5:49 am

يا اهل البيت عوافى .

يا انتصار انا غايتو لقيت العصيرمختوت شربت الكباية المن لا غادى الطويلى وغسلتها ليكى بى صابون تيرى

الموجود فى الكباية الصغيرة .

الف مرحب د/حسن عثمان في دارك
مبروك المنصب وعقبال الترقي كمان وكمان
ونحن سعداء بانضمامك للمنتدي
نسال الله ان يوفقك ويحفظ اسرتك من كل مكروه

طبعاياد/ حسن انت قريبي
جدك الحسن ود عون الله وجدي الدكيمي عليهما الرحمة اولاد خالات لزم ،وانا والدتي الدكيمي خالها ،ياحبذا لو دخل عليناقاموس الانساب المنصوري المتمكن م/صديق ابو حنه

من طرف **يس مصطفي** الأحد 04 مارس 2012, 11:43 pm

يا انتصار انا غايتو لقيت العصيرمختوت شربت الكباية المن لا غادى الطويلى وغسلتها ليكى بى صابون تيرى

الموجود فى الكباية الصغيرة .

دا ما صابون يامنوفلي الشي نوع من انواع العصير انت ماتخلي واحد من السعوديه يشيل قدامك بعدين تشرب الضيق اليلحقك انا تاني مابباريك تب

من طرف **ود عون الله** الإثنين 05 مارس 2012, 12:15 am

سلام نائب المدير

يس

انا جيت داخل وكوركت عووووووك يا ناس الدار وين المدير ونائب المدير مالقيت زول قعدت فى طرف البرش وشربت كباية الشاي دييييييك وبارك الله فيها وفي صاحبي نور الهادي اكرمونى اكل وشاى .. يا كافي البلا موية تقدموها ابل بيها ريقي مافي . انا في شوافيه وطلعت فوق ودار انط قرو لكن خايف اضرب لي زول من الناس الغاطسين تحت الموية فوق دومة راسو

من طرف **ود عون الله** الإثنين 05 مارس 2012, 12:18 am

سلام عمدتنا مصباح الليل وضو الصباح

الدخول في القران هين الكلام النوريق

من طرف **ود عون الله** الإثنين 05 مارس 2012, 12:22 am

الاخ ساري الليل

رجل بعشرة رجال . لا انسى لك مواقفك معنا ايام بنك امدرمان الوطني والله رجل والرجال قليل وان شاء الله دايما في العلالي . وعطبرة سايلي دموعها بوراك

من طرف **ود عون الله** الإثنين 05 مارس 2012, 12:23 am

الاخ يوسف ايها الصديق

جزاك الله عني كل خير

من طرف **ود عون الله** الإثنين 05 مارس 2012, 12:24 am

الاخت بلسم

جعلك الله بلسم لكل جرح اشكرك اختي