كان صحت التجاره المره والحماره وكان خسرت التجاره كفايه الحماره

صديق عبدالله علي أبوحنة كتب:

عازة كتبت خريمه هاهاها ابحنا والكليس حقيقه كتاباتكم السمحي دي ماحقت جيل الزمن دا

معقول يا عازة تقارني خالك في العمر بعلي الكليس!
على الكليس أقل حاجة اكبر منى بعشرة سنوات. بالرغم من أن نجلاء زمراوي قالت.ز تهتم بعقل الزول فيهو شنو! وليس عمره
هل تعلمي يا عازة والله جد
أن اقل حاجة 30 عضو هنا اكبر منى!
وهم ذاتهم معترفين
وان هنالك حوالي خمسين عضو هنا قدري ودفعتي!
والله جد
لكن أنا بقيت زول مرجع
عشان الوالد الله يرحمو كان بحجم القبيلة
وخلوتنا في مفرق طرق يمر عليها جميع الوان الطيف المنصوري!
غنت ما شفتي المعز عبد الرحمن خليفة عضو المنتدى وود اخت الصحفى الكبير عضو المنتدى الرشيد الافندى والناطق بإسم اللجنة
ما شفتي لما مشى السودان بعد ما قيل وامسى معاي هنا في البيت
الناس سألوه

قالوا ليهو اب حنة زول التراث ده عمرة كم1

وصورتو كيف!
قال ليهم زي صورتو الفي الصالون الناشرا دي واحد
وسلمان عقيد قبل ثلاثة سنوات شافني وغيرو وغيرو
خليك مع منجوهة الطرى دي( ح) بتاعة على الكليس المقلب بيها الناس

اصلو علي ده كدة!

يديك العافيه ياهندسه
بنت اختك بتشهد ليك ماهو الخال والد
اذاكان كبر الكليس بيصغرك انا موافق مااصلو الكليس جمل شيل البلاوي الشايله شوي .ولكن نحن نتابع ماتكتب ولنا ذاكره انا غيتو زمن المراكب البيجروها وتوكر في الشيمه دي ماحضرتها نحن فتحنا عينا علي لنش الوالد عبدالله الحنوني ولنش عمنا حموده ربنا يرحمهم .شوف اللنش جاء متي وشوف زول كان يقدر يجر المركب من برتي للكاب يكون عمره كم الزمن داك .انا ماقلت ليك اكتفي بالنظريه الجديده في حساب العمركان ريحتنا وريحت نفسك
صورتي القدامك دي اخذتها شهر سته الفات لاشيب ولا صلعه الحمدلله ومستمتع جدا بحياتي .ياصديق هوي خلي الهبيش
لك التحيه اخي صديق وقد اثريت البوست بمداخلاتك وابعدتنا شوي عن جو مقطوعة الطاري

سليمان محجوب كتب:

كان صحت التجاره المره والحماره وكان خسرت التجاره كفايه الحماره

"تفاءلوا بالخير تجدوه"

شكرا اخي سليمان محجوب علي مرورك ولك التحيه
نحن نتفاءل فعلا بالمستقبل بوجود الشباب امثالك لاننا راينا فيهم قوه وفراسه وشهامه وصدق . اما جلينا الحالي ..اخ .اكنسوهم من علي الكليس حتي اخر زول فيهم ينصلح حالكم وحال البلد

اميره على كتب:

الاخ الاستاذ الكليس لامجال للزعل هنا من استاذ طيب القلب

و لو لم اكن متاكدة من انك لم ولن تقصد المراة بالاساءة لما كتبت وعبرت براي

وقتها فقط فهمت من عنوان البوست ان المراه مجرد شئ يباع ويشرى كسلعة حسب الربح والخسارة

وفعلا استفدنا من مقطوعة الطاري هههههههه لانا اخرجت من قريحة اب حنة وشاعرنا سلمان

وطبعا علي الكليس مدخرات ثقافية وتراثية وووو يستفيد منها الجيل الجديد والقديم ايضا

فلا مجال لقفل البوست بالضبة و المفتاح اخ الكليس فدعنا نستفيد مما تخطه يدك

شكرا لكل من ناصر المراة واعطاها حقها المستحق

شكرا اختي اميره وردك يدل علي لطفك وذوقك
امس في خطبة الجمعه الامام قال سيدنا عمر رضي الله عنه وارضاه ذكر انه يعرف عظم ذنبه من اخلاق زوجته ودابته كان ما في الجمعه قربت اخذ لي ضحكه .قلت اسع دي لو نقلتها المنتدي الجماعه يقولوا لي العلاقه بينهم شنو
ربنا يحقظك واسرتك ويديم عليكم نعمة الصحه والعافيه ويردكم سالمين غانمين

صديق عبدالله علي أبوحنة كتب:اشوف لى جـِـنـَـىْ بي حمارتو شادها كارب الصريمي
لابس عراقي بلدي مـَـكـَـرِّبْ ولافّـى العميمي
يـَـلـَـكـّدْ فيها ويـدفّـر يـَـقـَـشـِطْ فيها بى نيمي
برضو كمان مابي تمشي هىْ جـَكـْـجاَكة ومي هميمي
..............
هسي دي منصوريات العاصمة والله ناس عازة بت اختى بيعرفو ماهي الصريمي!
وماهي العصاه!
وماهي التميمي
والله ماهي ( الوُشـَرِي)
..............
والله الحمارة الجكجاكة معناها شنو!

للحمير عدة صفات عند المناصير!
1 حمارة جكجاكة

2 حمارة دغلي
3 حمارة عزّاله
4 حمارة هوّابه
5 حمارة فاردي
6 حمارة لفّاخة
7 حمارة رَبـِـيـبي
8 حمارة تـَـقـَـرْدب.. أو تــقـرّب
9 حمارة جـَـفـّاله
10 حمارة شـَـعـَـطـُوطـَه
11 حمارة حـَرّانه

12 حمارة رَبـْعـَهْ

تعرف ياهندسه انت والله موسوعه في تاريخ وتراث المناصير ماشاء الله عيني بارده .كنت اتمني من احد ابناءنا الشباب في الجامعات ان يقوم بجمع هذا التراث ودي رسالة ماجستير جاهزه لان كل مكوناتها موجوده
لكن الغريب ياصديق انا ماعارف الحمير في البلد مشت وين بعد الغراق والله مشيت البلد ماشفت اي حاجه الحاصل شنو

انتصار حجازي كتب:

سلمان عقيد النعوفابى كتب:
وحسب راى ان هذا الرجل غير متزوج اصلا فأراد ان ربحت تجارته ان يتزوج ويشترى حماره وان خسرت يكتفى بالحماره ويجتهد فى عمله مستخما الحمارة حتى يجلب المال مجددا ليتزوج-

اعجبني جدا هذا التفسير المنطقي
بمعنى انه فى حالة الخسارة اكتفى بالحمارة ليس لانه فاضل بينها وبين المراة ... ولكن لأن المرأة فى حالة الخسارة حلم بعيد المنال ولن يتحقق الا بعد الربح

عموما نتمنى ان تربح تجارتنا المنصورية
ونظفر بكل ما نريد ... وليس ذلك على ربنا ببعيد

امين.. امين ..وربنا يستجيب دعوتك يا انتصار خاصه وانتي في ارض الحرمين

انتصار حجازي كتب:

سلمان عقيد النعوفابى كتب:
وحسب راى ان هذا الرجل غير متزوج اصلا فأراد ان ربحت تجارته ان يتزوج ويشترى حماره وان خسرت يكتفى بالحماره ويجتهد فى عمله مستخما الحمارة حتى يجلب المال مجددا ليتزوج-

اعجبني جدا هذا التفسير المنطقي
بمعنى انه فى حالة الخسارة اكتفى بالحمارة ليس لانه فاضل بينها وبين المراة ... ولكن لأن المرأة فى حالة الخسارة حلم بعيد المنال ولن يتحقق الا بعد الربح
عموما نتمنى ان تربح تجارتنا المنصورية
ونظفر بكل ما نريد ... وليس ذلك على ربنا ببعيد

مبروك ياانتصار فقد كسبنا المراه ايضا وهي الاستاذه الجامعيه عائشه عثمان عمر ما اروعها وهي توقع بالنيابه عن المعتصمين في الدامر ...هذه وحدها تكفي وتغور الحماره