عقد قران عم موسي الحسيباب

تم عقد قرانه بميدان العداله اليوم _‏

العريس النذير.تم عقد قرانه وين!

يالنذير ياأخوي الخال أبو حنه زول تفاصيل
وأنت دابك تطير أصلو الزمن دا البجيبلو قواله ينجطا
اولا: العريس موسى ودعصمان
ثانيا:العروس من شري أخت سليمان الحنجري
ثالثا:العقد كان في الإعتصام في الدامر
رابعا:وكيل العريس شيخ علي عثمان
خامسا :وكيل العروس عثمان سليمان
سادسا :دي قوالا نجيضي

أووووووو
ابراهيم نجضا تب ما خلا ليها صفحة تتقلب عليها
بالمناسبة يا ابراهيم أنا أحسدك في انك عارف البلد كلها. أصلكم إنتو بوسع القبيلة
ليه سألتا لأنو الراجل خالي موسى خالي ود خال أمي طوالي
يعني ابوه عثمان ود حاج قيلي
وأمي أمها حليمة بت حاج قيلي
ثانياً
المرأة الكان معرسا عليها الرحمة آمنة الحسن حبيب
بت خالي طوالي
لأنو أمي إسمها طيبة بت حبيب وإنت عارفا
ثالثاً نقول مبروك رغم الجرح والزواج سنة
رابعا سليمة بت الحنجري أبوها الحنجري ابوى خالو ود خال أمو طوالي
وبت سالم أم العروس ابوى برضو ابوى عمها ود اعم ابوها طوالي
وبعدين العروس ما شاء الله عليها زولة فاااهمة وخدامة وطيبة ومرة معايش
مبروك.. شفتها في إجازتي الفاتت

من طرف **النفر** الأربعاء 01 فبراير 2012, 6:12 pm

زواج مبارك إن شاء الله وربنا يوفق بينهما ويسعدهما _

من طرف **نورالهادى** الخميس 02 فبراير 2012, 4:25 am

ألف مبروك وربنا يسعدهما ان شاء الله .

الف مليون مبروك ونتمني لهم حياه زوجيه سعيده

الف الف مبروك بيت مال وعيال

انتو دايرلكن شيل حال انا خاشى بالتلفون وما بيكتب غير 40 حرف . ولامن ظبطنى القواله رسلتها مختصرة كدى . لكن الليلى بارك الله فى نادر نور الهادى ادانى اللابتوب بتاعو شدة . . لكن يا خال تانى بجيبو نجيض تب ..