دار الكلاب ترقع

دار الكلاب ترقع: أي خالية

الأخ صديق لك التحية والمثل من الأمثال الشائعة في السودان ووجدت ناس الجزيرة بعرفوه ونحن كزملاء هنا نستخدمه كثيرا ومالك فاكيه كذا بدون ... والله عاوز تمتحن به الجماعة لله درك صديق ومزيد من العبقريات في أهلنا المناصير.

الاعزاء الباشمهندس صديق
الدكتور مصباح لكم التحيه والاحترام
والله يا دكتور مصباح صديق بيمتحن فينا ....ودايرنا ندخل المثل في جمله ويقوم يعلق علينا....كدي نقوم بضربه البدايه

الخرطوم يوم الخميس والجمعه دار الكلاب ترقع<من المناصير>ايه رائك!!!!!!!!!

صدقتي اميرتي المنتدي دار الكلاب ترقع
ولكنها غشاوه وستزول باذن الله
والبركه فيكم انتم المغتربين
ما تخلو المنتدي دار الكلاب ترقع

ايوة ناس الجزيرة اثروا فيهم المناصير المنتشرة يا دكتور مصباح.. ومن الأماكن التى هاجر اليها المناصير الجزيرة..لاننكر أن البعض القليل يستخدمه، بالطبع.ز لكن ميلاده وكثرة استخدامه في المناصير. تسلم على المرور مصباح

الخرطوم يوم الخميس والجمعه دار الكلاب ترقع<من المناصير>ايه رائك!!!!!!!!!.

نجحت نجلاء. وحا نديها شهادة انها منصورية اباً واماً.. تختها في عين اي واحد.. وكمان نديها شهادة الجنوب بالميلاد.. على أساس أنها مولودة في الجنوب. كمان دي تحتفظ بيها لى بعدين..

المنتدى ذااتو يا اب حنة اصبح دار الكلاب ترقع

ها ها ها.. والله منصورياتنا ما راجات الهبشة.. أميرة على أدخلت الجملة المفيدة..

كدي يا نجلاء أسالي الحاجة من دار الكلاب ترقع دي..
تعالي داخلة عندها وبدون مقدمات قولي ليها( دخلت على جيرانكم ديل لقيت دار الكلام ترقع) شوفيها تقول ليك شنو؟

يا ابحنة بمناسبة الكلاب في مثل بقول : فلان سوى راحة الكلب

نشرح ولا تشرح

احسن تشرح انت

أشرح يا حاتم..

للامانة سبب معرفتي للمثل هو سؤالي عن دار الكلاب ترقع

عندنا الوالدة ربنا يديها العافية موسوعة في التراث والانساب

فلان سوى راحة الكلب ؟ اي يرتاح وهو جعان

صديق عبدالله علي أبوحنة كتب:كدي يا نجلاء أسالي الحاجة من دار الكلاب ترقع دي..
تعالي داخلة عندها وبدون مقدمات قولي ليها( دخلت على جيرانكم ديل لقيت دار الكلام ترقع) شوفيها تقول ليك شنو؟

والله سألتها وضحكت وقالت الحكايه شنو!مره نجم يسألني عن الحبال ومره انتي ....انتو قاعدين تمتحنو ولاشنو!

ها ها ها. كشفتي سر المسكين ابو الكراري من السؤال السألوا ليهو صاحبو أبراهيم عن الحبال. أتاريهو ما قدر يجاوبو؟ راح سأل المستشار الثقافي بتاعو؟؟؟