الميرغني يتدخل لحل أزمة المناصير عبر رئاسة الجمهورية ,,,,,

ا
12-01-2011 04:05 PM
كشف الحزب الاتحادي - الأصل بولاية نهر النيل عن موافقة رئيس الحزب مولانا محمد عثمان الميرغني، على مبادرة تقدم بها له الحزب بالولاية لحل أزمة المناصير بنهر النيل عبر رئاسة الجمهورية.
وقال رئيس لجنة المتأثرين من مناصير الخيار المحلي اللواء مهندس عثمان خليفة حسين لـ (الأهرام اليوم) إن رئيس الاتحادي - الأصل بالولاية محمد عبد الله عشرة أطلعهم خلال زيارته لهم في ساحة الاعتصام بالولاية على مبادرة الحل المقترحة لفض الاعتصام والتي وافق عليها الميرغني.

الأخ عادل
عجائز الأحراب لايعول عليهم كثيرا فلنتركهم يتهنوا باقتسام الكيكة مع المؤتمر الوطنى بعد طول غياب دام لأكثر من عشرون عاما.
المشكلة فينا نحن المودرين الدرب ونفتح فى خشم البقرة فى الدامر .
الاخ عادل أقرب الينا نائب الدائرة ذو العلاقات مع رئاسة الجمهورية ولا الأحزاب التى تريد أن تتاجر بقضيتنا ؟

الصمغ فى الشجر الكبار والماعندو كبير يشتريلو كبير

( الشدر الكبار فيهو الصمغ)

الشدر الكبار ده اصبح يابس حا يجيب الصمغ من وين

الأيامات دي مولانا الميرغني أسهمو مرتفعة.. وماأظن بيرفضوا ليهو طلب..
مالو يمكن ربنا يجعل على إيدو البركة.. نحن ناس حق.. وانى وجدنا حقنا مافي مشكلة. لاعندنا غرض في سياسة ولاحكومة. بل نشيد بالبشير عشان اثبت لنا حقنا. مشكلتنا كلها في التنفيذ.
المناصير مالو فيهم ناس ختيمة قبل ما يعرفوا الناس الختمية ذاتها. لو ساعدنا فيها شنو؟
كم عدد خلفاء الختمية في المناصير. حاجة لاتحصى
.....
كشكول المناصير ، طبق تمر فيه أحلى الأنواع..
محل ما تقبلنا ( نركب عشق معشوق)

عـَشـِقْ... مـَـعـَشـُوقْ دي بنات العاصمة بيعرفوها يا ربي
حاجة ما عندها اي علاقة بي عشق ولاحب. مع ان الكلمات عشق معشوق
يعني طه لقاها
يعني زي التروس الشابكة في بعض
يعني زي ( سدنقيق الحلقة بتاعة الساقي)
يعني نحن المناصير محل ما تقبلنا تلقى عندنا( شقدومي) تنفع مع ناس في جميع الإتجاهات نشتغل.. عشان كدة أبو هاشم لو ساعدنا مالو! زيتنا في بيتنا..
شقدومي
وسدنقيق دي برضو دايري شرح والله شنوكمان!

يعني شراع مركبنا ده محل ما يجيهو الهوااا نقلبوا عليهو.. المهم مركبنا تمشي لامن تصل مرساها.. شراعنا مصمم، محل ما تلقى الهواء تقلبو عليهو..
ريح جنوب تمشى
هوااا خماسين تمشي
سموم تمشى
هواء( كُبْتة) تمشى
حتى التلقيحي هواها نمشي بيهو مركبنا
وحتى كمان ( الكجواره) تنفع مع شراع مركبنا ده!
مافي شى بضر إلا الكلام المر

كل حركة معاها بركة
اللهم بارك له فى مسعاه ونحن ما دايرين الصمغ دايرين الشدر عشان الدفأ فى البرد دا

ها هاها أبراهيم
اصلك إنت في الخلاء في قهوة محوماااد ود علي لامن تتدفى بالشدر..
المهم زي ماقلت انت كل حركة معاها بركة

كل الخيارات مطروحة وتبقي الحيطة والحذر ديدنا

المودر يفتش خشم البقرة
كما يقول المثل
ولاتبخسوا الناس اشيائهم
وكل حركة معاها بركة
وقضيتنا بفضل الاعتصام راوحت مكانا وتقدما
مشكلتا وضحت عراقيلها
واصبحت فى التنفيذ والتنفيذ يحتاج نضال كبير قديطول امده
فالقضية قضية قبيلة تكون اولاتكون

شكرا عادل شررى