احباط اهلنا الرباطاب

بعد حضور وفد موقر من اهلنا الرباطاب لمقابلة السيد رئيس الجمهورية بصدد توصيل الكهرباء الى المنطقة
حيث تفاجؤا بكلام السد الرئس بعدم مقدرتهم لتوصيل الكهرباء
حيث ان تكلفة التوصيل 160مليار
حيث قال لهم سوف نوصل الكرباء واعطاءهم وابورات
وسوف نقوم بتوصيل الكهرباء بعد قيام سد الشريق
متى يقوم سد الشريق
واعتقد ان هذا المخطط يتبع لاسامة عبد الله
ولكن صلاح كرار نصح اهله بعدم استلام الوابورات
الكرباء وصلت اقصى الشمال واقصى الجنوب فنحن على بعد 30الى 150كيلو من سد مروى هل وصلتنا

دى الحاجة المتوقعة من حاكومة القدر يعنى اهلنا الرباطاب مفتكرين انو الريس حا يقوم ينادى اسامة ويقول لية يا ولد وصل الكهرباء للرباطاب ما فى اى حل للحكومة دى الان عمل زى الناس عملت فى الغرب والجنوب ونتفق مع الرباطاب مع عدم تحبيذي لذلك ونقيف ضد الحكومة لمدة 24 ساعة نقفل التحدى ونكسر الولاية ونخلى الريس يجى للمناصير والرباطاب فى محلاتهم مش هم يجو لية وبعدين ممكن سقف الطلبات يرتفع الى اكبر من موضوع التنمية بس ممكن الواحد يحلم على كيفة منصب نائب رئيس يكون رباطابى مرة ومنصورى مرة ذى ما كان فى الجزور وممكن نطالب بالعائد من السد وممكن نطالب بمطار دولى فى المنطقة وخلونا نحلم ما دا حال البلد ما تكورك وتشيل السلاح كهرباء وتنمية شنو بركة اصلا الخلونا عايشيبن

ا

كتب عبد الحفيظ عمر
بعد حضور وفد موقر من اهلنا الرباطاب لمقابلة السيد رئيس الجمهورية بصدد توصيل الكهرباء الى المنطقة
حيث تفاجؤا بكلام السد الرئس بعدم مقدرتهم لتوصيل الكهرباء
حيث ان تكلفة التوصيل 160مليار
حيث قال لهم سوف نوصل الكرباء واعطاءهم وابورات
وسوف نقوم بتوصيل الكهرباء بعد قيام سد الشريق
متى يقوم سد الشريق
واعتقد ان هذا المخطط يتبع لاسامة عبد الله
ولكن صلاح كرار نصح اهله بعدم استلام الوابورات
الكرباء وصلت اقصى الشمال واقصى الجنوب فنحن على بعد 30الى 150كيلو من سد مروى هل وصلتنا

انا اعتبر هذا الاجتماع من انجح الاجتماعات لانه الحكومه كانت واضحه جدا معاهم وجابت اخرها بعد هذا الامر بيد اخوانا الرباطاب ماذا هم فاعلون. الرباطاب والمناصير كانت كروت الضغط بيدهم قبل الانتخابات وكان بامكانهم ان يحققوا كل مطالبهم لانه ناس الحكومه كانوا محتاجين ليهم جدا بل محتاجين لكل صوت لكن المؤسف ان معظم هذه الاصوات اشتروها بقروشهم .دعونا ان لا نبكي علي اللبن المسكوب ومادام الهم واحد حقوا يكون في تحالف مع اخوانا الرباطاب من اجل تشكيل جبهة ضغط قويه لتحقيق كل المطالب
اسامه عبد الله نتفق معه اونختلف الرجل علي درجه عاليه من الوضوح يسهل علي الطرف الاخر اتخاذ قراره وهو ر جل الانقاذ القوي ومخططه بالنسبه لينا واضح وهو تفريغ منطقة المناصير وقيام خزان الشريك .بس نحنا قاعدين نلف وندور مره الولايه واخري ابراهيم احمد عمر وثالثه الرئيس .الحل الوحيد يايموت اسامه وله نموت نحن وله القيامه تقوم تريحنا كلنا

من طرف **yousif** الأربعاء 05 أكتوبر 2011, 11:54 pm

بعد التحيه اهلي : كلام زي الترتيب القامه الكليس ,,,بس نحن دايرين الحياه نسوي شنو في الحاله دي ....

من طرف **ابو هشام** الخميس 06 أكتوبر 2011, 1:11 am

اصبروا هانت

الإنهيار دا

ما مر عليكم

خلو السد ينفعهم عاد

ويا عمنا الكليس

وضوح شنو عند إبليس التعيس ؟

والله مصائب السودان دا كلو من تحت راس عجوبة دي الاسمها اسامة

من طرف **علي الكليس** الخميس 06 أكتوبر 2011, 7:08 pm

كتب ابوهشام
وضوح شنو عند إبليس التعيس ؟
والله مصائب السودان دا كلو من تحت راس عجوبة دي الاسمها اسامة

والله ياابوهشام قصة وضوح الرجل حقيقه اقول هذا لاني اعرفه والتقيته وتناقشت معه والكلام القالوا لينا من اول يوم وحتي الان لم يغيره بالرغم من الضغوط الكثيره ولكن يظهر ان هنالك سر ما يجعل كبار القيادات يهابونه وينزلون عند رايه ونفس السر هذا هو الذي جعل المناصير يصوتون لمرشحه بالرغم من علمهم التام بذالك وكل الحاجات الوزعوها خلال الانتخابات كان هو الممول الرئيسي لها .والمعروف انه هو الذي روض قيادتنا حتي تنازلوا كثيرا
اخي ابو هشام الم اقل لك ان هنالك سر ما او شيخ ما

بالمناسبة يا الكليس ده ما وضوح ده خبث سياسي، ربطو توصيل الكهربا بسد الشريك لانهم يعلمو ان هنالك رفض لهذا المشروع،بالواضح كده لو ما قام سد الشريك كهرباء بتجيكم مافي،عايزين يكسبو ود الرباطاب علي الاقل وتايدهم للسد

الاسبوع الماضي وجه السيد الرئيس بتوصيل الكهرباء الي المناصير وابوحمد، والان بيقول للرباطاب مافي كهرباء،طيب ده يحلوها كيف ؟؟!

من طرف **علي الكليس** الجمعة 07 أكتوبر 2011, 12:20 am

كتب جبريل عبد الرحمن
بالمناسبة يا الكليس ده ما وضوح ده خبث سياسي، ربطو توصيل الكهربا بسد
الشريك لانهم يعلمو ان هنالك رفض لهذا المشروع،بالواضح كده لو ما قام سد
الشريك كهرباء بتجيكم مافي،عايزين يكسبو ود الرباطاب علي الاقل وتايدهم
للسد
الاسبوع الماضي وجه السيد الرئيس بتوصيل الكهرباء الي المناصير وابوحمد، والان بيقول للرباطاب مافي كهرباء،طيب ده يحلوها كيف ؟

الوضوح بيختصرالطريق ونحن لو اخذنا كلامو الزمان ماخذ الجد ماكان دا حالنا
الرئيس ياجبريل ماوجه بتوصيل الكهرباء والذي نقل الخبر لم يكن امينا
بعد دا اكربوا سراتكم ياجبريل والمساله بقت واضحه زي الشمس ..ماذا نحن فاعلون !

من طرف **عادل شرري** الجمعة 07 أكتوبر 2011, 12:44 am

شكرا فاتح البوست عبد الحفيظ عمر صالح

وشكرا للمتداخلين

طبعا اخوانا الرباطاب اول مرة حايشوفوا كذب الحكومة وخوفي حتي الوابورات لايرسلوها لهم

الا بعد ان يبصموا بالعشرة علي سد الشريك

وبعد ذلك يوافقوا علي ترحيلهم للقرية 6 بالمكابراب ؟؟؟؟؟؟؟؟؟؟

القضية ليست الى اين يرحلوا او يقوم السد او لا يقوم القضية انه نفس العقلية التى تقود قضية الرباطاب هى نفس القضية التى قادة قضية المناصير انه الحكومة دى ما تفعل حاجة الا بعد مقابلة رئيس الجمهورية وهذا يعنى انة لا خير فى المحلية ولاخير فى الولاية تذكروا ايام الانتخابات لما قلنا تقفوا مع صلاح كرار رغم اختلافنا معة الا اننا كنا نرى المرحلة التى فيها نحن البرجوب لا يصلح لانه ليس رجل المرحلة قلتو لا دا ولدنا ونقف معاهو اها خمو واشربوا؟ هذا يعنى ان الكهرباء لا تصل الى محلية البحيرة الا بعد قيام سد الشريك ؟ فهل يتصدى البرجوب فى البرلمان ؟ ام يظهر فى التلفزيون فقط فى برنامج الرياضة مع ابو عائشة؟ ولا شنو ياعادل