صورة مطعم من مناصير هنا، ناس الإمارات.. بأبوظبي،

<script src='http://img813.imageshack.us/shareable/?i=004gxc.jpg&p=tl' type='text/javascript'></script><noscript></noscript>



[img][/img]

لقطات موبايل

ياااا رب

يكون عندى مطعم فى السودان واسمية مطعم المنصورية

ياااا رب



قول معاى يا رب يا ابو حنه

يااارب
راح تكوني إنت قاعدة عند الحصالة والله كيف؟
أبوكي عمرو ما فكر في عمل مطعم في تجارتو زمان
ليه!
قال لى لا أبيع الأكل!
شفتي الكرم ده كيف!
كان ممكن وقتها يعمل كمية من المطاعم في بحري وفي أم درمان وفي الخرطوم
وقد أعطيته الخطة.. بل في الحقيقة أعطيته خطة لعمل( باستري) مكان حلويات وكيك على نمط راقي.. ونفس إسطاف الهلتون يشتغل في المحل.. إسطاف الهلتون المدرب البي يعمل حلويات على مستوى عالمي ومدربين في كورسات في لندن وأمريكا.. وهم بطبيعة عملهم شغالين ورديات.. ينفع معاهم..
رفض تصدقي
قال لو يغنيني ما بيع الأكل!
شوفي التربية المنصورية القديمة دي كيف؟
مع إنو عادي كان ممكن يعملو
خطة مربحة بشكل رهيب
طرحت خطة الباستري هذه على الراسمالي بشير النفيدي
وكان عندي معه عمل
وافق على الفور.. وعرفته على رئيس الحلوانية في الهلتون.. وقد كان وقتها ( كيني) من كينيا.. ويسكن مع إسطاف الهلتون الأجنبي في عمارة في الرياض..
في تلك اللحظات الحاسمة.. نقلوني من هلتون الخرطوم الى هلتون العين في الإمارات..
بشير النفيدي رجل ذكي ذكاء خارق، ويعرف من أين تؤكل الكتف، برضو بالرغم من إنو رحمه الله متدين نسيباً، لكن لايبالي بخططه في التجارة ، المهم حاجة تجيب قرش؟ مهما كان.. أبوكي عندو قيم كبيرة في التجارة، ده الخلاهو يخسر لأنو السوق ما عاد فيهو أخلاق، ولو اتوزنت الأخلاق في السوق، لكان المنى.. ولهذه الأسباب قال النبي صلى الله عليه وسلم( لاتكونوا أول الداخلين للأسواق، ولا تكونوا آخر الخارجين منه، فإن الشيطان يعشعش فيه).. والمقصود طبعاً تهذيب وتشذيب طمع المسلم.. الذي يفترض أن يأخذ من دنياه الكفاف.. وقد قال صلى الله عليه وسلم( نحن آل محمد أول من يجوع، وآخر من يشبع) وقد قالك( التاجر الصدوق مع الأنبياء والشهداء) ليه لصعوبة المسألة..
ابوكي قال ما ببيع الأكل..
والمناصير في الخلاوي في المناصير لايبيعون الأكل..
أول ما انفتح الجعليين بلواريهم في المناصير، نزلوا خلوة معينة، صاحب الخلوة كأغراب ضبح ليهم ، شية مشاوي ناشف ، فطير.. بعد أن أكلوا وشربوا الشاي
صاحب اللوري وسائقه طلع جزلانو قال لصاحب الخلوة الحساب كم!!!
هذه القولة بعض المناصير ممكن يفلقوك فيها..
لكن الرجل شعر بأن هؤلاء الأغراب، في ناس أكيد معلمنهم مثل هذا الكلام في مناطقهم.. يكلوهم بعدين يحاسبوهم..
وهذا الشخص هو يوسف الجعلي صاحب أول لوري غير منصوري يشق المناصير . والراجل شرقان لغاية هسي دي بكرم المناصير..
عشان كدة أبوكي قال أتاجر في اي حاجة، لكن ما ببيع الأكل)
شفتي قوة راس المناصير دي كيف؟

بعدين وبعد ما أنا سافرت.. أتاريهو بشير النفيدي، الموضوع ركب ليهو في راسو تمام؟ خاصة بعد هاجس إني أنا كنت عايز الربع معاه في الشراكة لإدارة المحل.. ربح جديد جاهو راجع..
عرفت إنو إتصل بالكيني كان إسمو( جون كولي) وقال ليهو نستمر في المشروع
جون كولي قال ليهو موش المشكلة المحل... المشكلة الإدارة؟
صديق راح، وأنا لا أعرف السودانيين ولا أثق في اي أحد بعده؟ آسف سووري!
راح إتصل بي نايبو إسمو مجدي في الهلتون من ناس الحلفاية من بحري
برضو قال ليهو.. يازول هي ما عاوز.. إنتو الرأسمالية منكم خوف تاكلوا عرق الناس.. الإقتراح ده حق المنصوري والمنصوري سافر... آسف
بعدها اتفرتك إسطاف قسم التحلية في الهلتون والرؤو سالكبيرة نقلوهم
جون كولي نقلوه الى هلتون أبوجا.. والآن في هلتون نيروبي مدير أغذية ومشروبات
ومجدي نقلوه الى هلتون آخر لا أذكره
ونائب مجدي إسمو النور نقلوه الى هلتون ابو ظبي
ويوسف الراجل الذي كان يشتغل زي الماكينة نقلوه هلتون الدوحة.. واتفرتكت المنظومة..
وابوكي قال ما ببيع الأكل للناس..

بعد التحيه أهلي :المطعم دا وين بالضبط في ابو ظبي يا أبوحنه ,,,ولكم من ي التحايا والسلام

يوسف في حي الخالدية.. جوار الخياط السوداني.. جوار سوبرماركت بلد الخيرات السودانية.. جوار بناية كان يدير شئونها واحد منصوري من ناس برتي من العقدة إسمو عباس كرار الحسن العقيد.هسه ترك الأمارات وراح فتح مكتب بيع اراضي في الخرطوم ومتزوج شايقية من البركل أخو المنصوري محمد كرار الذي توفي قبل أعوام وكان مدير مشروع الفاو الزراعي.. واخو بابكر صاحب لوري ينقل من كريمة لغاية برتي. لازلنا ناكل في هذا المطعم مرات كثيرة بس على حس إنو منصوري وهو مطعم راقي. وأكلو مناسب.. يا ما كانت فيه لمة مناصير من مناصير السودان..

حصالة شنو



مالكة المطعم نفسة .. انت بس قول ياااارب



على فكرة يا ابوحنه توجد مطاعم البيك هنا فى السعودية

فى زيها فى الامارات ولا لا



لانها مطاعم رهيييبة احلى من ماكدونالدز



وبعدين كمان فى هنا مطاعم سودانية بحته .. يعنى اكل سودانى

كمان فى الامارات موجودة ولا لا

موجودة..هنا المطاعم دي؟
حصالة شنو؟ الحصالة يعني مكان الزول يحاسب في المطعم.. ويدخل في الدرج.. الخلاصة يعني.
محل لا والله ما تدفع ..على الطلاق ما تدفع.. وكل واحد يقبض في جيب التاني يحميهو يدفع
دي الحصالة بتشديد الصاء..
كان ما مسكتي الحصالة في السودان حا ياكلوكي
إنت قلت عايزة تعملى المطعم في السودان؟ بعيدن عنو تؤكلى ضحى.ز
في المملكة المنافسة قوية والحكاية صعبة ما بتقدري عليهو..
في جدة ممكن بس بعيد عنك، وحا تؤكلى فيهو لو فتحتيهو بعيد منك

فولي..مطعم سوداني
بلد الخيرات: ملحمة سودانية لحم سوداني مذبوح في الإمارت.ز وشية وكباب وسجق وكوارع وفتة وكسرة
مخبز بلد الخيرات.. متخصص كسرة وخبيز وىبري وعرديب وقنقليس.. أول من عمل ماكينة كسرة كبيرة في العالم ومسجل بإسمه الصنع.تطلع طرقة الكسرة قدر البرش الكبير يوزع لجميع أنحاء الإمارات
مطعم النيلين
مطعم المقرن
مطعم حلفا.. تركين ملوحة. ساردين
خضروات بركات: خضار سوداني طازج جاي اليوم
أبو الفداء... فرع أم درمان هنا..فول
أم عماد: الأسماك السودانية المشوية.. وسمك بحيرة المناصير... يوجد حي.. يسبح.. تختار منو
مطعم أم درمان.. عشاء غداء
مطعم الخرطوم
مطعم الجرتق.. غداء عشاء
مطعم عروس الرمال
مطعم بت جضيم
مطعم الكمال
مخابز الكمال
أم أحمد للمأكولات السودانية
أم سمر للخبايز السودانية
ده في ابوظبي بس غير الإمارات الأخرى وغير المطاعم المصرية.. جاد وأبو شقرة

مالكة المطعم صاح لكن لابد أن تقبضى حصالتك براك وإلا ياكلوك

تحياتي ابو حتة وضيوفو الكرام

بس داير انوه لي انو معظم المطاعم هنا الكاشير بقي شغال بي سيستم حسابات وكمبيوتر وحسابات دقيقة يتخيل لي بقت مضبوطة

ما عارف ناس الحاسوب رايم شنو

هل يستطيع بتاع الكاشير اضافة اي تغيير في سيستم الحسابات

أيوة يا أحمد فعلاً.. عن طريق الكمبيوتر..
بس مطعم صعب.. عشان ممكن يقبص من الأكلات ويوفر جزو يدخلو في جيبو
لكن كمكتبة عن طريق الكمبيوتر.. أو دكان.. تبرجمها على الكمبيوتر وتحصي الآيتيمز.. وعددها وسعرها.. لايقدر ينقصك سعر ولا يقدر يزوغ واحدة.. وتجرد حسابك كل شهر أو نص سنة.. هنا الكمبيوتر ممكن ونجح في ذلك.. لكن كمطعم ولحم وخضار وطلبات متجددة..يصعب شوية.ز لكن فكرة الكمبيوتر في إدارة معظم الأعمال نجحت يا الخبير..