واخيرا اكتملت فرحة العيد بعودة ود المناصير

اخيرا اكتملت فرحة العيد برجوع ود المناصير –بعد المناشدات والكلمات والعبارات المعبرة من اخوانه –

ومن جديد يزدان المنتدى –هذه كلماته بعد العودة (قبل ساعات ): الحمد لله على كل حال

كل سنة والجميع بخير

وكل سنة والمناصير أكثر ترابطا وروعة وجمالا

ثم ...

ثم ...

استميحك عذرا الباشمهندس ود ابو حنة

وأتكيء على عنوانك القديم

وأقول

آه آه

وهذه ابياتى من قبل: اسأل الله الحى القدير

تانى يرجع ود المناصير

ويرجع للمنتدى قمرو المنير

والمناقرو اخير اليطير

دا للقبيلى كايس الخير

قلبو حار بس صافى الضمير
مبروك للمنتدى عودة ود المناصير

والله سلمان ما قصرت.. يا زول ياضو القبيلي..
فرحتنا ياسلمان..
بس إنت جبتا الكلام ده من وين؟
ياريت يكون رجع..

أيواااا
فهمت الحاصل
سلمان نقل رد ود المناصير هنا من ذلك البوست.. هنيئاً بالعودة

سررنا غاية السرور بعودتك ودالمناصير

علنا نعي الدرس

أعضاء

وأدارة

الأرباب سلمان .... كل سنة وانت طيب يا راجل يا طيب

ساعات عجاف وثقيلة تلك التي قضيناها بعيدا عنكم

ولكن كان لا بد منها

المراجعة الذاتية مطلوبة

والجلوس مع النفس مطلوب

وانتم أعلام وعقول كبيرة كبيرة ومن يريد أن يكون بينكم لا بد أن يتجرد من كل النتوءات والزوائد

لك ودي وشكري واعتذاري الخاص

الباشمهندس الأصيل ود المناصير الحقيقي والجد ود ابو حنة سلام يا رائع ...وكل سنة وانت طيب

واعذرني .. فقد دخلت المنتدى واحترت ما ذا أكتب وما ذا اقول ؟

فوجدت عنوانا لك وكان اقصر موضوع تكتبه في حياتك وكان معبرا

آه

ولك العتبى حتى ترضى

لك شكري وتقديري وانت تعلمنا معنى التواصل ومعنى الحياة في قمة اليأس

وسنظل جلوسا في دوحتكم نكربش ونحبو ونجثو أملا في ان نستوعب كل تلك المحاضرات المجانية

لك الشكر والتقدير

ساري الليل كتب:سررنا غاية السرور بعودتك ودالمناصير

علنا نعي الدرس

أعضاء

وأدارة

كم كنت متشوقا لأطالع سحر كتاباتك ؟

تخيلتك ... ماذا كتبت بعد الذي كان ؟

وصدقتني وصدق حدسي فالقلوب شواهد

والحياة أخي ساري الليل مدرسة

أفشل تلميذ فيها ذلك الذي لا يستوعب دروسها

وما الفلاح والنجاح في الآخرة إلا عبر تلك الدروس

كل سنة وانت طيب والأسرة الكريمة طيبة

كل سنة والجميع بخير وبلادنا بخير

لك ودي يا غالي

سلام ودالمناصير

وكل سنه وانت طيب

ولو ما رجعت صدقنى ما بتكون ود المناصير

لاننا ماعرفنا ود المناصير الا من خلال التسامح والمحبه

للمناصير ولمنتدى المناصير ويكفيك فخرا القامات التى ترجتك

وانت كبير والكبير دايما يظل كبير

كثيرا ماكنت اتخيل صورة ودالمناصير في خاطري

لايهمني من هو كما يهم البعض!!!!ولكن

كما انها سر جمال كتاباته في عدم معرفته

اتوقع ان تنتهي مرحلة حرجه من مراحل قضية المناصير بمعرفته

من تكون انت ياودالمناصير؟؟؟؟

كل سنة والجميع بخير

ولك الشكر سلمان وانت تبشر بعودة حبيب الكل ود المناصير

وكل سنة والجميع تامين ولامين

الحمد لله

وعودا حميدا

وكدا دا ود المناصير الذي عرفناه

ما خذلتنا .. الله يعطيك العافية

ود المناصير كتب:
المراجعة الذاتية مطلوبة
والجلوس مع النفس مطلوب

ومن قال انك تحتاج لمرااجعه

لم يصدر منك الا كل خير

انسان واااضح وصريح ولا يخاف فى قول الحق لومة لائم



يعنى لست بحاجة لمراجعات ولا شئ

يكفيك مطالبة كل من بالمنتدى بعودتك

مشكور الزعيم سلمان والحمد لله إكتملت فرحتنا بعودة فارس الكلمة وصاحب الهمة ود المناصير عز القبيلة وفخرها _ إدناه كلمات نظمتها فى بوست مناصير ماذا ..دهاكم للرائع المتفرد ود المناصير أناشده فيها بالعودة لمنتداه :-

ود المناصير ... ماذا دهاك ؟
كيف تغيب وتترك منتداك
نحن فى فد يوم فقدناك
أظلم المنتدى بيى وراك
عاد كيفن بنقدر نقعد بلاك
لا تغيب مازلنا.. نرجاك
وفى إنتظار إطلالة بهاك
والكل يمنى النفس بلقياك
إنت يا الشامخ فى علاك
والخلوق تصطف لمحياك
والجميع حباك وإصطفاك
والمنتدى سيظل منتداك
ودعك من دا وداك وداك
وإحتسب للمولى الهداك
وإنطلق لا تنظر وراك
والبلد حارساك وراجاك

أميرة الأمراء بت الحومري ... كل عام وانتم بخير والعيد مبارك عليكم

واشكرك جدا على هذا الكلام الطيب

ولا خوف أبدا على المناصير ما دام أميراتها تتقدمهن بت الحومري أصلا ثباتا وقيمة

وما حدث كان عثرات توقفنا عندها لنعدل السرج ونهيء الراحلة ثم نولي وجهنا شطر المناصير

وحتما هناك سنجدكم ظلالا وارفة نتكئ فيها لحظة نهارنا الغائظ

لك الشكر والتقدير

والتحية لك ولأسرتك الكريمة

ولك ودي وتقديري

ساري الليل كتب:كثيرا ماكنت اتخيل صورة ودالمناصير في خاطري

لايهمني من هو كما يهم البعض!!!!ولكن

كما انها سر جمال كتاباته في عدم معرفته

اتوقع ان تنتهي مرحلة حرجه من مراحل قضية المناصير بمعرفته

من تكون انت ياودالمناصير؟؟؟؟

صديقي ورفيقي إحساسا وواقعا ساري الليل ... كل سنة وانت طيب واسرتك الكريمة بخير

صورتي : قسمات اهلي حيث لسعات السموم ... ثم أنين البيوت تحت وطأة برد غريب .. واطراف ترجف ترتعد تتشقق تدمي

ويلفها صبر جميل

صورتي : كل أولئك

وليتني كنتهم جميعا

أما أنا فكل صورة في خيالك عن زول هناك يقرع يكادن يحرت يمسك بالاربل والواسوق

يتوطا العقارب والدباي ولا يكاد يحس أو يخاف

وحتما ستعرفني حين تستقر الأزمة

وترسى على الجودي

لك شكري وتقديري

الأخ ابو هشام .. سلام وكل سنة وانت طيب

تابعتك ... وتحسست قلمي .. لا خوفا ولكن ليأتي بسحر يوازي سحرك وألقك الدافق

شكرا لك وانت تدخل لقلوب الناس مباشرة

وفقك الله وننتظرك

لك شكري وتقديري

الأستاذة إنتصار ... سلام أيتها المعطونة حبا وعشقا بأهلك الأفاضل وكل سنة وانت طيبة وكل الأسرة بخير

شكرا لك على تلك الكلمات الضافيات في حقي فهي لم تخرج من إنسان عادي

فأنت سليلة الكرم الخرافي .. الحمرا سكينو سنيني

وشهرة آل حجازي لا تضاهيها شهرة

ومحمد حجازي قدوة للناس في المناصير والرباطاب وكل الجوار

وأنت هنا تنفحينا بفن فلاشات راقي ـ لماذا توقفت ؟

ومشاركات حية تتدفق ألقا وتحوي الجميع

لك من الشكر والتقدير ما تنوء به جبال الدنيا كلها

لك كل الود كل الحب كل التقدير

الشيخ النفر ... سلام يا رائع ... وكل سنة وانت طيب

كنت اريد الأرباب سلمان ان يتولى الرد عليك

فأنت أكبر من كل كلماتي ..

وقبل ان تنهي لغة الإستلاب وإستجداء اللغات أقول لك

كيف لي ان احويك كلاما وانت فارس الكلمة الصداح

وكيف لي ان احويك نظما وانت ترسي قيم السماح

وكيف لي أن اوفيك حقك وانت بحر بل محيط طماح

تقذف الناس باللآلي والدرر مساء صباح

الأخ النفر ... نفسك ...في هذا المنتدى يعالج كل التقرحات

وطرحك فيه كل علاج الأزمات

أنت احد الذين باعد بيننا وبينه سوء الحظ

فكنت هناك ولا زلنا عند الحجرة نكورك يا النفر نحتاجك ... وحكام بلادي يعصروا الناس في مأكلهم ومعاشهم ويختاروا البعد والأغتراب ـ طوعا ـ رغم مرارته

نسأل الله أن يرد غربتك

وتأتي إلينا وفي يديك مشاعل النور لتنير طريق انت خبيره ودليله

لك شكري وتقديري

الشكر كل الشكر اخى سليمان بالبشارة السمحة الجبتها
فعلا كلنا ثقة فى عودة ودالمناصير فعهدناهو منصوريا اصيلا
يغمرة الشوق والحنين لكل الاهل
فود المناصير دخل قلوب كل الاعضاء من اول يوم فكل ماغاب تجدد الشوق له
الحمد لك يارب وانت تستجيب دعوانا وفرحة مثلثة : افطار بعد صوم وعيد وعودة روح المنتدى بى ودالمناصير

كل عام وانتم بخير من جديد

الروعة والجمال في مناصير الأصول والثوابت تبدأ منكم الباشمهندس ود ابو حنة

والأرباب سلمان

واخوكم قلبو رهيف ما بيقدر على مثل هذا الكلام

شكرا جزيلا ومتعكم الله بالصحة والعافية

مونتارى كتب:الشكر كل الشكر اخى سليمان بالبشارة السمحة الجبتها
فعلا كلنا ثقة فى عودة ودالمناصير فعهدناهو منصوريا اصيلا
يغمرة الشوق والحنين لكل الاهل
فود المناصير دخل قلوب كل الاعضاء من اول يوم فكل ماغاب تجدد الشوق له
الحمد لك يارب وانت تستجيب دعوانا وفرحة مثلثة : افطار بعد صوم وعيد وعودة روح المنتدى بى ودالمناصير

كل عام وانتم بخير من جديد

العزيز مونتاري... رمز صفوة المنتدى وكل الأحمر الوهاج

لو لم تكن بهذه المثالية لشككنا في إنتمائك

والصفوة هم صفوة في كل شيء

خوة ونبل وصداقة وقيم تسع الجميع

شكرا يا زعيم ويا بخت الزعيم بالزعيم

لك شكري وتقديري يا رائع

الأخ ود المناصير كل عام وأنتم بخير والمناصير عامة والسودان بخير غبت يومي العيد عن المنتدى لأسباب فنية في البيت حرمتني من المشاركة في المنتدى التحية لك وبعودتك يكتمل العقد يا والمناصير والجماعة شعراء المنتدى سلمان والنفر وأبوحنة ما قصروا ونحن في الشعر عودنا عود إمراة مثل ما يقول أهلنا المناصير ولك التحية ودائما خليك أكبر من الهنيهات فدرب المناضلين ملئ بالمطبات ولك شكري وتقديري.

مصباح محمد مصباح كتب:الأخ ود المناصير كل عام وأنتم بخير والمناصير عامة والسودان بخير غبت يومي العيد عن المنتدى لأسباب فنية في البيت حرمتني من المشاركة في المنتدى التحية لك وبعودتك يكتمل العقد يا والمناصير والجماعة شعراء المنتدى سلمان والنفر وأبوحنة ما قصروا ونحن في الشعر عودنا عود إمراة مثل ما يقول أهلنا المناصير ولك التحية ودائما خليك أكبر من الهنيهات فدرب المناضلين ملئ بالمطبات ولك شكري وتقديري.

الدكتور والرجل الكبير ...مصباح ... يكفيك أنك مصباح وسراج منير ... وانت اسم على مسمى فكيف لود المناصير أن يرحل عنك لأن في رحيله فقدان النور والبصر والرؤى ... عهدناك دوما ... تزرع المنتدى غرسا طيبا .. يؤتي أكله في حينه حلالا حلو المذاق ـ رهوفي باللبن ـ وافخر موائد رمضان ... غيابنا عنكم خطأ وغضبة ليست في محلها

وكفارتها التواصل المستمر معكم

منكم نستفيد .. نأخذ منكم الخير والبشر والسعد وكل ما ينفع الناس ... ولنا أجر النشر والمناولة

كل سنة وإنت طيب والجميع بخير

وربنا يحفظك ـ فخر بلادي ـ دكتور مصباح

حمد لله علي السلامة اخي ود المناصير .
حالك حال اهلك كالنيل يعكر ويصفي .
شكرا اخي سلمان

جبريل عبدالرحمن كتب:حمد لله علي السلامة اخي ود المناصير .
حالك حال اهلك كالنيل يعكر ويصفي .
شكرا اخي سلمان

الزعيم جبريل ... صاحب القلم الجريء والكلمة النافذة ...سلام وكل سنة وانت طيب وكل الاسرة بخير

في معيتكم سيكون الصفاء ديدننا وقيم نتوشحها نستمدها منكم ونبشر بها

فقط اعينوننا في هناتنا بالشورى والتعديل والتوجيه

فالمرء قليل بنفسه كثير بإخوانه

وانتم والله نعم الإخوة

لك شكري وتقديري

ومن على الباقدان ألفين سلام

حللت اهلا ونزلت سهلا ود المناصير ملبياً للنداء جابرا بخاطر اعضاء المنتدي نحي فيك روح السماحة روح التضحية روح الفداء

الزعيم عز الدين .. عزاك الله .. وكل سنة وانت طيب والمناصير بخير

ومن ذاك الذي يسمع نداكم ولا يستجيب ؟ اللهم إلا أن يكون غير خالص الجينات المنصورية وفيه حشو من بقاع أخرى

لك اتحية وأنت تسأل عن الناس وتحث الجميع من أجل المناصير

لك شكري وتقديري الخاص وأنت تطوق عنقي بكلام سمح جميل

وفقك الله وسدد على طريق الخير خطاك

وتراهو نحن ي الآخر سوا .. سايقنا هم المناصير إلى الأمام

ونسأل الله التوفيق

وجزاك الله خيرا

خال ابرار كتب:ياجماعة كل سنة وانتو طيبين ...

وصلت قبل شوية وعيدت عيد سمح خلاص واول ماجيت لقيت تانى هنا الدنيا معيده....

عودا حميدا ود المناصير...

الدكتور ... ومكمن الروعة وباعث الفرح الجميل ... خال أبرار ... سلام يا رائع وكل سنة وإنت طيب وكل الناس بخير

حسبتها ربحا وخسارة ووجدت نفسي قد خسرت كثيرا .. خسرت أناسا عرفتهم على السجية .. لم ارهم ولكن منحوني حياة ونفسا متجددا .. وإحساسا يتدفق إخاءا وتواصلا حقا وصدقا

ومنحوني فوق ذلك كله نفسي التي تقاذفتها أمواج ــ يأس ــ ظل قابع في قعر دار منذ أمد بعيد .. ولما زالت بفعل الظلم والقهر وطواغيت العصر الجديد .. زاد الغمر ذلك اليأس وتفتح مجددا ... وفي غمرة ذلك وجدتكم تمدون قوارب نجاة ومبعث حياة جديدة لي ولكل من على شاكلتي

فكيف ي أن اخسر ذلك الكسب الرهيب ؟

شكرا يا رائع

وربنا يعينك ويديك الفي مرادك

وكل سنة وانت طيب

ناس الروعة ... أهل الروعة ... أصل الروعة ... منبع الطيبة والإحساس الرهيف .. آل بابكوري سلام سرمدي يغشاكم جميعا ..

وكل سنة وانت طيب أخونا عمر بابكر ... كل الأسرة بخير .. وكل المناصير بخير

والخاطرة المذكورة لم ترد عن طريق الخطأ أخي عمر فهي تطرق القلوب قبل الآذان وقبل البصر وقبل ان تخط كتابة في كل المنابر

لم ترد خطأ ونحن ننتظرها ومثلها بأسماع وابصار عطشى تكاد تهاتفكم هل إلى سقيا من ذلك الفيض الدافق ؟

خاطرتك لا حدود لها ... لا قسم لها ... فهي تطرق كل باب قلب وتدخل بلا استئذان

ونتلهفها نتذوقها ثم نقول هل من مزيد

نحتاجك وخواطرك وكل ما كتب الشهيد

نحتاجك وخواطرك وكل ما نثره الحبيب

مع خالص الشكر والتقدير

الاخ ود المناصير عودا حميدا

لم تخيب ظني حينما قلت احساسي يقول ودالمناصير راجع لي اهلو وصحابوا

شكرا للاخوة الذين نثروا الدرر لعودة الزعيم

اتصل علي بعض الاخوة داخل المنتدي وقالوا لي :

ياعادل من هو ود المناصير ؟؟؟؟؟

قلت لهم ماعرفوا لكنه منصوري حر ...خياره محلي ...من سكان الجزائر ..شغال في شرق السودان ....

هذا علي ماظن فهل انا صادق ؟؟؟؟

لكم ودي وكل عام وانتم بخير

عادل شرري كتب:الاخ ود المناصير عودا حميدا

لم تخيب ظني حينما قلت احساسي يقول ودالمناصير راجع لي اهلو وصحابوا

شكرا للاخوة الذين نثروا الدرر لعودة الزعيم

اتصل علي بعض الاخوة داخل المنتدي وقالوا لي :

ياعادل من هو ود المناصير ؟؟؟؟؟

قلت لهم ماعرفوا لكنه منصوري حر ...خياره محلي ...من سكان الجزائر ..شغال في شرق السودان ....

هذا علي ماظن فهل انا صادق ؟؟؟؟

لكم ودي وكل عام وانتم بخير

الرائع ... عادل شرري ... ألفين سلام ... وانت دائما حاضر بين الناس ... كل سنة وانت طيب وعيدك مبارك والقادم أحلى إن شاء الله

الأسئلة كتيرة ... ويبقى كلام الباشمهندس ود ابو حنة هو الإجابة المنطقية والضرورية ... حينما قال احكموا عليه من قلمه أو اعرفوه من قلمه

ولا أدري ما ذا يفيد الإسم فنحن بينكم نكتب ونقول ما نراه فإن رأيتمونا نقول خيرا فأعينونا فالزيادة في الخير خير .. وإن رأيتم إعوجاجا فقومونا

وإجابتك صحيحة إلا في جزئها الأخير بالرغم من اننا لا زلنا هناك قلبا وإلفة ... اصو ادروب ولوف

لك شكري وتقديري

سلام كاتب المقال وكل عام والجميع بخير

قالوا ان مالك قال في الخمر مام يقله اخر ؟ قلت في نفسي ياربي العلامه مالك صاحب المذهب المعتدل ماذا قال " بحثت وبحثت واخيرا عرفت ان مالك قال الاتي"

لو ان نقطه من خمر سقطت علي الارض وبني علي هذه الارض مسجدا , لأصدرت فتوي ببطلان تلك الصلاة : فالذي اعجبني ماقاله الشاعر النفر في ود المناصير شعرا يوقف الشعره مترين فهنيئا لك اخي ودالمناصير بهذا الحب الاخوي وشكرا لك الشاعر النفر فقد قلت الذي بأنفسنا



ود المناصير ... ماذا دهاك ؟
كيف تغيب وتترك منتداك
نحن فى فد يوم فقدناك
أظلم المنتدى بيى وراك
عاد كيفن بنقدر نقعد بلاك
لا تغيب مازلنا.. نرجاك
وفى إنتظار إطلالة بهاك
والكل يمنى النفس بلقياك
إنت يا الشامخ فى علاك
والخلوق تصطف لمحياك
والجميع حباك وإصطفاك
والمنتدى سيظل منتداك
ودعك من دا وداك وداك
وإحتسب للمولى الهداك
وإنطلق لا تنظر وراك
والبلد حارساك وراجاك

أخونا ... وكبيرنا ..درقنا ... سيفنا ..حازم الحاسم ... سلام أيها الرائع المعتق ... صاحب اللغة السلسة والسحر البديع ... كل سنة وانت طيب

قلتها سابقا إني اتهيبك ... لأن الرد على مساهماتك ـ يقوم النفس ـ ويحتاج لزول كتاب ومن طراز فريد يعرف الحديث

أولا اشكرك واشكر الأخ النفر فأنتم قدوتنا وفألنا الحسن ..

ولما نجدكم هنا نحس بل ونتأكد تماما أننا على الطريق الصحيح ..

فبالله عليكم لا تتركونا لأنفسنا حتى لا نتوه ونفقد البوصلة ويسيل حبر النفس الأمارة لتترك العام وتنتصر لنفسها

لك الشكر الاخ حازم ووفقك الله

مع تأهل السودان لامم افريقيا

افتقدنا وجودك ودالمناصير مره أخري

مابالك ودالمناصير وقد اكتملت الفرحه سابقا