دعوة للضحك

تذكير بمساهمة فاتح الموضوع :


رباطابي مشى يشترى كيلو لحمة .... الجزار كل مرة يقطع حتة لحمة ويرميها في الميزان والوزن ما داير يعمل كيلو قام الجزار قال الميزان ده ما داير ينزل مالو؟؟ الرباطابي قال ليهو ينزل كيف عاد وانت بترمي ليهو في الدوهات من قبيل

88888888888888888888888888

شايقي جبار جداً إشترى ساعة سألوه الساعة كم؟ قال:أها خلاص دايرين تكملوا الحجر

())))))))))))))))))))))))))))))


رجل قاعد في أمان الله يقرا الجريدة
بعد شويه زوجته ضربتو بالطوه على راسه
الزوج: مالك يا بت الحلال؟
الزوجه: شنو الورقه دى الفى جيبك المكتوب عليها هنادي؟؟؟
الزوج: يا بت الحلال، ده الحصان الرشحتو الاسبوع الفات في سبق الخيل
الزوجه صدقتو وبعد اسبوع اخونا قاعد يقرا الجريده وتجي مرته وتديهو بالطوه على راسه
الزوج: يا ولية مالك جنيتى في شنو؟؟
الزوجه: حصانك في التليفون

*********************************


سألوا الجعلى ليه إتزوجت القبيحة دى فوق مرتك السمحة ؟؟
الجعلى : الشينة دى لى حليفة الطلاق !!


*************************************

مسطول سألوهو : اسباب السخانة الفي البلد دي شنو قال ليهم دا كلو من مشجعين الكورة شابكننا فوق ، فوق .... لمن تكلونا مع الشمس


**************************************************************


شايقى وجعلى ماشين فى الغابة فى الجنوب
ظهر ليهم نمر عاتى وجاء هاجم عليهم
الشايقى ... شال نعلينو فى ايدو واستعد للجرى
الجعلى قال ليهو شلته نعليك فى ايدك داير تسبق ليك نمر
الشايقى قال ليهو ..انا عارف نفسى ما بسبق النمر انا داير اسبقك انت..؛؛؛؛؛؛

مع تحياتى للجميع 00

أخوكم /عثمان النفر

رباطابي عايز يسافر السعوديه مشي سودانير سألوهو قال ليهو ذهاب واياب؟ قال ليهم لا خروج المهزوم

واحده ماشي مع حبيبه في شارع النيل . من شده الغرور قالتلو قول لي كلمة توقف قلبي .
قالها اخوك ماشي ورانا .

........................!!!!!!!!!!

الاخ ساطع ............
لقد تجاوزت حد تماما
هل هذا الحديث صحيح ؟؟ نعم في احاديث كثر تدل علي حقوق الجار
ثانيا : امور الدين دائما ما تدخلها الا تكون متاكد من صحتها
ثالثا :لا تضحك الناس بالكذب زمن الرسول ما كان في شوايقه
(انا منصوري لكن النكته مدهشه)
فيبنغي لنا جميعا ان نكون علي علم اي كلام كتبناه مسؤولين منه ليس عند اصحاب المنتدى بل امام الله لذلك الحذر كل الحذر والتفكر في الموضوع قبل رفعه

تنبيه لكل الذين شاركو
اي زول يتاكد من النكت البيرفعها وهو مسؤول تمام ومحاسب
وبعدين مثلا قول (بلدياتنا , رباطابي ,شايقي ) تقول فيهم نكتة تحاسب عليها سوا كانت صحيح او لا يجو يوم القيامه ياخذا من حسناتك لانه يعتبر غيبه او بهتان .
فقط ناصح
فلكم مني خالص الود (احبكم)  

شكرا الأخ (ناتف قاى) على هذه النصائح القيمة _ويرجى من الاخوة المشاركيين توخى الحذر من رفع نكات تحتوى على أمور دينية فيها نوع من الاخلال بضوابط الشرع من اضافة وحذف وتغيير المعنى والمضمون لأجل انتزاع ضحكة باهتة يأثم عليها صاحبها ومتلقيها_كما نسدى نصيحة أخوية لاخونا (ناتف قاى ) أن يعرّب اسمه للغتنا الأم (لغة القرآن )
تقبلوا تحياتى ،،،

(ناتف قاي ) مش هي الرجل او المواطن المحلي ؟
شكرا لكما والله اسلوب حديثك ونفرنا ينقط عسل . لكم التحية ونرجو من اخونا ساطع انو ما يتقطع (عملا بالوصية) .
أخي ناتف : غيبه المجموعه المبهمه أظن انها جائزه . لان لا يخلو قوم بأكملهم من الخصله التي تذكر .(والله اعلم )

شكرا لكما علي التعقيب .بالنسبه الاسم سجل ما ظن يتغير لكن معناه زي ما قال ود العوناب ابن البلد
ولكم مني الود

up

شافعة رباطابية قاعدة تاكل مع أبوها في الصينية ، قالت ليهو: يابا أديني عيشة، أبوها حب يشاغلها، قال ليها بتدوري بيها شنو؟؟ قالت ليهو بدور أرضعها!!!
--------------------------------------------------------------------

رباطاب عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحو.. جا واحد جعلي قال ليهم: انتو البنطون دا مطلعنوا من البحر ليه؟
رد عليه واحد منهم: والله البحر ما نفع معاهو قلنا نجرب الظلط..
--------------------------------------------------------------------

رباطابي بتاع فرن جاءهو واحد قال ليهو العيش في النار رد ليهولا يااخوي في الجنة ..
--------------------------------------------------------------------

رباطابي راكب القطر بتاع الشمالية ...وعشان مافي نور عفص رجل واحد جنوبي ... الجنوبي بي زهج قال ليو : انت عميان ولا شنو تطلع في كراع بتاع الناس انت ما عارف زاتو ماشي وين...الرباطابي رد عليه : انا ماشي عند اهلي انت ماشى وين ..
--------------------------------------------------------------------

رباطابي لابس جزمة قديمة أصابعينو الخمسة مارقين بره. مشى لبتاع ورنيش مد ليهو كراعو.
بتاع الورنيش قال ليهو: أورنش ليك؟ قال ليه : لا لا.. طقطقم لي!!

--------------------------------------------------------------------

رباطابي ببيع لبن المهم عندو زبون محامي مرتو غالطت الرباطابي في حق يومين بحجة انو كان في مطرة والرباطابي مصر انو اداهم اللبن في اليوم البعدو جا زوجها المحامي وقال ليهو انحنا ماممكن تغالطنا ابدا الرباطابي قال ليه اغالطك كيف وانت الغلاط فاتح ليه مكتب

--------------------------------------------------------------------

رباطابي في عزومة عرس لاحظ انو في زول نائم نومة عميقة جدا ... بس في اللحظة الختو صينية الاكل عمك تترب صحي وابتداء يلقلق ... الرباطابي قال ليهم : انتو زولكم دا كانتو خاتنو في الشاحن ...

--------------------------------------------------------------------

رباطابي مشى لواحد بعمل في لقيمات في المحطة داك كلما يخت الصاج في الكانون الصاج يميل لي جمبه الرباطابي قال ليه بتظبتوا في الدش عايز تجيب ياتوا قناة فضائية؟
صاحبنا لمن رمى العجينة في الصاج والزيت كان سخن العجينة بعد ما نزلت في آخر الصاج عملت صوت (تششش) الرباطابي قال ليه اكيد دي قناة الجزيرة زولنا طوالي طفى الصاج ومشى بيتهم.

--------------------------------------------------------------------

رباطابية بتبيع زلابية وطعمية للركاب في محطة ابوحمد بعدين الايام ديك شغلو القطر الاكسبرس وكان ما بيقيف في اي محطة المهم القطر جا ماشي فيها فووووو وماباعت اي حاجة وقامت رجعت البيت قام راجلها قال ليها انشاء الله بعتي كويس الليلة؟؟
قالت ليهو- ابيع كيف والقطر جا ماشي فيني زي ترجمة الفلم الاجنبي
--------------------------------------------------------------------

الرباطابي عمل ليه محل فول في البلد ومشى معاه كويس قام وسع المحل وعمل قدرة ثانية وزاد عدد الكراسي وبعد فترة جاب ليه ست شاي في المحل جاه صاحبه الرباطابي قال ليه يا دكتور عينت ليك (فحيص) معاك ولا شنو!!
---------------------------------------------------------------------
شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية اتأخرت.. الكمساري قال ليها: نازلة؟ قالت ليه : لا.. لا.. بدور اقدمها للباب!!

--------------------------------------------------------------------

رباطابى نزل ضيف عند جماعة وكان عندهم تيس فى الزريبة جنب الصالون عنده نزلة الليل كله يعطس...الصباح بدرى سيد البيت جا وسال الرباطابى" ان شاء الله نمت كويس؟؟ الرباطابى قال ليه
انوم بى وين لى تيسك ده التقول مكوجى مقابل العيد

--------------------------------------------------------------------

واحدة حنكوشة دخلت مطعم قراصة صاحبو رباطابى .. قالت ليه ياعمو عليك الله ادينى سندوتش
قاليها يابتى عندنا قراصة كان دايرة سندوتش جيبى ابرة وخيط

--------------------------------------------------------------------

رباطابي شاف عتود اسود واضنينو بيض قال مالو دا عامل زي البنطلون القالبين جيوبو

--------------------------------------------------------------------

الحاجة جات للدكتور الرباطابي في المركز الصحي وقالت ليهو
دايراك تحولني المستشفى عشان هناك بكشفو علي بالسماعة .
قال ليها نان الشايفاها مدروعة في رقبتي دي قايلاها نبلة؟؟
--------------------------------------------------------------------

رباطابي جارو عندو غنماية عايز يبيعا
بعدين في السوق الغنماية قربت تزوووغ قام رفع ليها ولدا عشان تشوفو جات راجعه
والرباطابي مصور الموقف كلة قام قال ليه
اسمع ياصحبي جبتها بالريمووووووت

--------------------------------------------------------------------

شايقي جاء لرباطابي قال ليه انا بقيت شاعر وقام قرأ ليه
ما بين الشتاء والفواصل حبك سكن المفاصل الرباطابي قال ليه
انت ما شاعر انت عندك رطوبة امشى اكشف
--------------------------------------------------------------------

رباطابي مره بي جماعه من اهلنا الهدندوة بشربو في قهوة
وكانوا لابسين لبستم المعروفة الواحد يكون لابس سروال طويل
وباقي جسمو عريان ورابط العمه خلف خلاف
الرباطابي قاليهم يا اخوانا داير لي فنجان جبنة
نط واحد من الهدندوة قاليهو ياخي انتو سحارين ما بنديك
الرباطابي قاليهو عليك الله انت هسي يسحرو ليك شنو زي الفانوس القزازتو مكسرة

--------------------------------------------------------------------

في واحد رباطابي جننو شراب ..وجارو أنصار سنة ... مشى ليهو ينصحوا وشبكو ليك: الخمرة دي بتودر العقل .. الخمرة دي بتعمل ليك تليف في الكبد يعني بالعربي كدا الخمر دي يعني ( موت بطيييييء ) ..
الرباطابي اتلفت وقال ليهو: ( أنا زاتي ما مستعجل ) !!!!!

نكتة 2011

حسني مبارك جمع شيخ الأزهر وبابا الكنيسة المصرية وقال لهم: أنا جمعتكم النهارده عشان أقول لكم أن ابني جمال هيبقى رئيس مصر سنة 2011م
قام البابا قال: ماشاء الله اللهم صلى ع النبي
شيخ الأزهر قال له: إيه اللي بتقوله ده يا حضرة البابا.. الكلام ده بتاعنا؟
البابا قال له: ماهى حاجة تخلى الواحد يطلع عن دينه!

الاخ عثمان النفر وكل الضيوف شكرا لكم على هذه النكات الجميلة ولازم ندلوا بدلونا .
مسطول عنده ببغاء .مرة كبسوا عليهم ضيوف وما عندوا التكدح .
قال للمرأ . تعرفى ما عندنا حل غير نضبح الببغاء القاعد بلاشغلة دا .
نعمل منو شية جمر وشية صاج وشية كباب والرأس نخليهوا لى بكرة .
الببغاء قال ليهو عليك الله قبال ما تنسى تعال احلبنى وأعمل ليهم رز بلبن .


واحد ماشى صلاة الجمعة لقى الناس طالعين من الجامع للتعترو سأل ليهو رباطابى الصلاة انتهت ؟ الرباطابى قال ليهو لا رجعونا نجيب السبح .
وبجيكم رائع يا رائعين

الشكر للأخوان / مصطفى عمر الحسن / صديق عبدالله / نورالهادى على هذه المساهمات الرائعة ونتطلع الى مزيد من المشاركات لإثراء هذا البوســـــــــت _

مسطول سايق حافلة الكمساري قاليوه اللستك نزل السواق قاليوه ماتشيل منوه

واحد رباطابى عندو غنماية خايف
عليها من العين عشان كدة داسيها
من الناس اقصد الجيران لكن بالرغم
من كدة فى واحد من الجيران شاف
الغنماية لكن ما اتكلم بعد فترة
الرباطابى قام اشترى ليهو بقرة
فرزيان
وطبعا كان خايف شديد وجا ماشى
براحة جنب الحيطة عشان الجيران
قام جارو الكان شاف الغنماية طلع
ليهو براحة وقال ليهو اسمع بعد جبت
الهيئة القومية دى ما تدينا
الجنليتر الجوة داك