الشاعر بابكور ود الطرشان

1
عمري من ستين ماشي لاف
وابتليت بالشي الرهاف
الكفل مضمورة في الهاف
ان مشت وان عملت وقاف
انا لا اجن من فرقك واخاف
يا عيينة الشافني وجفل
فوق عنادات غادي وقل
تومتي شافا كبيدة الجمل
نتعبق بي طيب وصندل
ونبقى بين اتنين والزقاف
الاسم ما بين سين وكاف
والوضوع في الرشا والحمل
يا لبيب انك مقفل
ما اتلقت لي ناسا ضعاف
الا زول بالجيبين قدل
وكل جيبا فيو آلاف
وبرضو قسمة واكان اصل
والنفس عايزالا اصناف


2
الله يا رطبة وطرية
فواكه وتفتحي النية
الضهيبي الصافي مجلية
القصيبة الداجي مروية
شرابا التالتي رسمية
عليكي النبي يا بنية
حني احلامك عليا
غرامك ما انستر فيا
دوام مزيكتو حربية
من خلا الدنيا مهدية
اسوقك قوة جبرية
ودرقة وسيف وبندقية
قفرك كان يبقى مية
اموت جمبك شاة ضحية
بعدين يجو ناس ابسبيب ليا
يسعلو عن ناس طرية
ويشوفوا اسباب القضية

شكراً علي هذا الكلام الجميل
استوقفتني كلمة وقل
فوق عنادات غادي وقل
بفتح الاول وتشديد الثاني مع الفتح
كلمة كادت تختفي من لهجة المناصير

والله مشـــــــــــكور عبد الحليم
وسف انزل بعض القصائد لجدنا ود الطرشان

شكرا عبد الحليم ومزيدا من الاشعار

الف شكر....

لم يظهر عبدالحليم مرة اخرى
ولم ياتى ودالطرشان بما وعد

ياترى لماذا؟

فى إنتظار ودالطرشان

مازلنا في إنتظار التوثيق لود الطرشان