نكات رباطاب مرة ثانية ويا أحلى نكات الرباطاب - عشان تعمل ليكم فلترة للمشاكل والزهج اللي حاصل في العالم هذه الأيام

(1)

مرة قاعدين شباب رباطاب زى الساعة 12 بالليل الناس نعسانة دايرة تنوم واحد شايل طنبور كل مرة يقول ادق ليكم شنو ادق ليكم شنو واحد زهج منو قالو دق الدلجة وابقى نايم

[/size]2)
قصة حصلت لى مرة كنت فى واجب عزاء بتاع صديقى شايقى فى الثورة كالعادة جابو موية ومعاهو شاي مرشديد الجابو منو شافع صغير لف وجاء يشيل الكبابى طبعا ماشربت الشاى لانو مر قلت ليهو خلاص شيلهم قال لى طيب اشرب الشاى قلت ليهو ماداير قال لى وقت ماداير تشربو مدخل فيهو قديديمك دة لى شنو قلت ليهو انت ياولد جنسك شنو قال لى رباطابى

3)
[size=25]رباطابى شنبو كبير ومسطح فى القطر قبضو العسكرى قالو بي شنبك دة ومسطح قالو نان اشحنو لك

4)
حاجة كبيرة مشت المركز الصحي وقابلت الدكتور والدكتور رباطابي قالت ليه حوّلني المستشفى قال ليها ليه؟؟ قالت ليه عشان هناك بكشفو عليّ بالسماعة قال ليها و الدارعا انا في رقبتي دي باقي لك نبلة؟؟

5)
رباطابية صائمة شافعها قالها شيلينى قالت ليهو ياولد انا صائمة قال ليها انا قلت ليك دوقينى والله شيلينى

6) جماعة قالو عايزين ابيخ نكته فقال احدهم انا اقولها لكم ( كانت فى نملة وبدأت تتسلق الجبل ووصلت الى اعلى قمة الجبل فوقعت من ذلك الارتفاع على الارض وكسرت رجلها - فقالو له هذه النكتة ما بايخة فقال لهم ساقول لكم اخرى ( كانت فى نملة وتسلقت الجبل وعندما وصلت الى قمته وقعت على الارض وكسرت رجلها - فقالوا له هذه نفس النكته فقال لهم لا - دي نملة تانية )

[/size]

من طرف **حازم** الأربعاء 11 مايو 2011, 8:00 pm

شكرا اخونا عبد الغني نحن متاااابعين
واصل للفواصل بي نلحقك قدام

لكن النكته بتاعت النمله لو كررتها تاااني تبقي بايخي بيوخي بشهاده
لك شكري يااخي

والله يا دكتور حازم انك حقيقة تستاهل لقب VIP بابداعاتك. انت عارف يا قريبي انا في تقديري اهم شي الواحد لما يمر على اي نوع من المقالات يرد - ما يقعد ساكت - لا اذن سمعت ولا عين رأت
طيب يا اخي ما تشوف لينا اي نكتة أو طرفة مرت في طريقك
طيب خد هذه الطرفة - واحد شايقي صاحبنا شغال في مدينة الملك عبد العزيز للعلوم والتقنية وطبعا مديره سعودي والظاهر انه لغته مش ولا بد وطبيعة العمل ما تتطلب انجليزي - وجاءته دورة لأمريكا وما أكثر الدورات للسعوديين على مستوى القطاع الحكومي أو القطاع الخاص. والرجال هذا وفي طريقه للمطار ارسل له رسالة بالإنجليزي يقول له This is my new No. Thanks>.
يعني حياته كلها ما ارسل له رسالة بالإنجليزي الإ هذه.
وللحديث بقية.

نكات رباطاب مرة ثانية ويا أحلى نكات الرباطاب - عشان تعمل ليكم فلترة للمشاكل والزهج اللي حاصل في العالم هذه الأيام

نكات رباطاب مرة ثانية ويا أحلى نكات الرباطاب - عشان تعمل ليكم فلترة للمشاكل والزهج اللي حاصل في العالم هذه الأيام

رد: نكات رباطاب مرة ثانية ويا أحلى نكات الرباطاب - عشان تعمل ليكم فلترة للمشاكل والزهج اللي حاصل في العالم هذه الأيام

رد: نكات رباطاب مرة ثانية ويا أحلى نكات الرباطاب - عشان تعمل ليكم فلترة للمشاكل والزهج اللي حاصل في العالم هذه الأيام