دايرين مقترحات جادة لتشجيع السياحة في البلد

دعوة لكل الاعضاء ولكل اهلنا داخل المنتدي وخارجه وداخل السودان وخارجه لكي نقوم بحملة جادة لاجل الترويج للسياحة بمنطقة المناصير ، لدينا المؤهلات الطبيعية الجميلة البحيرة والجيال والصحراء والهدوء ، دايرين مبادرات من اهالي المنطقة لانشاء مشاريع سياحية صغيرة ، المثقفين والمغتربين عليهم الترويج والاعلان ‘
مثلا فنادق صغيرة علي شواطئ البحيرة انشاء الله من الحصير ، مع كافتيريات تقدم المأكولات اساسها الاسماك مع رحلات نيلية ،
المهم افيدونا وشاركونا بارائكم
ولا كيف ؟؟؟؟؟؟؟؟؟؟؟

اخي الخبير تحياتي لك
هذا موضوع جميل جدا . ولكن وما اقبح الكلام بعد لكن اي سياحة تحتاج الي امرين اساسيين هما
1/ الكهرباء
2/ الشارع يكون نضيف ؟
لك ودي

الاخ عادل شكرا المشاركة والتجاوب
اما بخصوص الكهرباء والطريق يبقالي الخواجات ديل مرات بكونو دايرين مناطق زي دي ، هم ناس زهجوا من حياة المدن والضوضاء كان من زحمة الشوارع او وهج الكهارب ، عشان كدة بستمتعوا بحياة الارياف الشواطئ وضوء القمر علي النيل والاستمتاع بالنجوم مع رمال الصحراء ، يا زول والله نحنا عندنا جنة وما جايبين ليها خبر

شكرا الخبير على المقترح الرايع .كما ذكرت المطلوب الترويج والتعريف .والدليل السياحى يجب ان يكون ملم بتراث وثقافه المنطقه .ومن ثم يجيبوا بعضهم .المهم البدايه .

اخ لو تنفع اراك تركب حصان طروادة الى ثقافة الموساد فنعم المنصورى انت اغرقهم بالسد بدون حقوق حتي يري الخواجات اهلة فى ضيقهم وبؤسهم

شكرا اخي الخبير .فكره ممتازه
لم تختلف طبيعة المناصير في شئ عن طبيعة جنوب سيناء المصري الذي يرتاده اكثر من 8مليون سائح في العام حسب اعصائيات وزارة السياحة المصرية.
الامر محتاج لدعاية فقط والتعريف بطبيعة المنطقة.العملية لن تكون مكلفه.مثلا نقوم بوضع صور للمنطقة علي المواقع العالمية المشهوره ؛تخصيص موقع للمنطقة علي المواقع الاجتماعية المشهوره مثل الفيس بك وغيره .افتكر اذا قمنا بحملة دعائية الكترونية سوف تاتي اكلها وبي اقل التكاليف.

مثلا فنادق صغيرة علي شواطئ البحيرة انشاء الله من الحصير ، مع كافتيريات تقدم المأكولات اساسها الاسماك مع رحلات نيلية ،

شكرا الخبير
سباق الزوارق المحدد ليهو في شندى يوم ٣-٤ اكتوبر
مكانه البحيرة

شكرا لكل الذين مروا من هنا
معا من اجل ما ينفع الاجيال القادمة

اقترح جمعية من أعضاء المنتدي تقوم بمثل هذه الاعمال للادارة وللتنظيم والترويج ... الخ ........... !
الاخ علي هدوري ممكن تشوف اصحابك الاسبان بدل ما تبكي ليهم قدم ليهم اقتراحات لزيارة المنطقة واشرح لهم مزاياها الجميلة ، ويمكن كيزان ماليزيا زاتم يجوا ينفقوا اموالهم علي شواطي البحيرة هاهاهاهاهاها،،،،،،،،،،،،،،،،،،،،،،،
اما حكاية أحمد الخبير الغرق اهله بالسد دي ما تفيد الناس في البلد ولا الاجيال القادمة لاننا لن نخلد في هذه الارض وستبقي اعمالنا اما الزبد فيذهب جفاء واما ماينفع الناس فيمكث في الارض هذا خطاب قراني خالد ، ولا داعي للانحراف بمضمون البوست ،
ودي للجميع ....

شكرا الاخ السرير
انت والله زول رائع
غايتو الله يهدي النفوس ويوفق الجميع لما فيه خير البلد

سوف انشر مصيبة اهلى وان تمادى الناس باقتراحات تصور بان امرهم قد حسم ويجنون ثمرات خلود ساقة اليهم الخالدون العابدون للدينار وسماسرة الزمن الاسود وحتما سينبلج الفجر وان كرة....

انت يا علي هدوري مشيتوا المكابراب والفداء ودايرين ناس الخيار المحلي ديل بس يقعدوا فوق الحجر ويكتفوا ايديهم ؟
نان دي عاد بي تجي

تقصد ناس الهريوب ياود الخبير

غايتو يا حدهدورى انت تعبان فى الفاضى اذا كان موضوعك المناصير وانت زى ما بقولوا الجماعة صرفت ومشيت المكابراب والله خسارة كبيرة نتحدث معك فى قضية المناصير ؟؟؟؟؟
اخ اخ ؟؟؟؟؟؟؟؟؟؟؟؟؟؟؟؟؟؟؟؟

ابنى ابو مصطفى سالتنى ذات مرة عن وترتى فاخبرتك واظنك اتفقت معى فى ذالك ولن ادع هذا الامر وان كنت وحدى وتعلم مجهوداتى بدون ان اخصم من اهلى ولامليم دع عنك تعبى وكن عارفا بحقوقك وشكرا

عليك نور الصحفى الامع الرشيد

التحايا الخالصة لكل الذين مروا من هنا
طبعا انا عندما فتحت هذا الموضوع كان في بالي كلام الباشمهندس هاشم عن حتمية واهمية ان يكون لنا دور في الهجمة الاستثمارية القادمة تجاه المنطقة ، وكما هو معروف فان مؤسسات الدولة الفاعلة قد تم تدجينها والغاء دورها القومي بحيث اصبحت تعمل من اجل تسخير مصالح السودان وخيراته لاجل قبائل معينة واشخاص معينين ، لذ لابد لنا من البحث والاهتمام بالبدائل التي تحقق دخلا لمواطن المنطقة مع تسخير الامكانيات المتاحة ، حتي لانضيع الوقت في الانتظار ، والسياحة دايرة شغل شديد ، مثلا لازم نعلم اطفالنا اساسيات اللغات الاجنبية حتي يكونوا قادرين علي التواصل مع الاخرين عندما يحين توافد السياح ، دا اذا وضعنا خطة لان تكون السياحة هي مصدر الدخل الاساسي في المنطقة بعد عشر سنوات مثلا
خالص الود للجميع

ahmed alkhabir كتب:التحايا الخالصة لكل الذين مروا من هنا
طبعا انا عندما فتحت هذا الموضوع كان في بالي كلام الباشمهندس هاشم عن حتمية واهمية ان يكون لنا دور في الهجمة الاستثمارية القادمة تجاه المنطقة ، وكما هو معروف فان مؤسسات الدولة الفاعلة قد تم تدجينها والغاء دورها القومي بحيث اصبحت تعمل من اجل تسخير مصالح السودان وخيراته لاجل قبائل معينة واشخاص معينين ، لذ لابد لنا من البحث والاهتمام بالبدائل التي تحقق دخلا لمواطن المنطقة مع تسخير الامكانيات المتاحة ، حتي لانضيع الوقت في الانتظار ، والسياحة دايرة شغل شديد ، مثلا لازم نعلم اطفالنا اساسيات اللغات الاجنبية حتي يكونوا قادرين علي التواصل مع الاخرين عندما يحين توافد السياح ، دا اذا وضعنا خطة لان تكون السياحة هي مصدر الدخل الاساسي في المنطقة بعد عشر سنوات مثلا
خالص الود للجميع

كلام زي الفل اييد الفكرة
وهو طبعا لمن الاخ ahmed alkhabir طرح الفكره مش قصدو حا تكون الان ولا بعد شهور ولا سنتين وتلاته هي في المستقبل اي بعد 5سنوان وما فوق حتي ننعم بي بخيراتنا ونستمتع بما اتاه الله لنا
دمت بود لي عوده

شكرا جزيلا الاخ Native Guy
فعلا اعتقد اننا بعد كل الذي مررنا به لابد لنا من الاحتكام والالتزام بالتخطيط الاستراتيجي ، وكفانا تعاملا بردود الافعال
شكرا مرة اخري علي المرور والتضامن .

حتي لا ننسي

طبعا يا جماعة التنمية في اي مجال من المجالات الاقتصادية لابد ان تقوم علي اساس متين من المواردالبشرية الفاعلة، وحتي تكون لنا اليد العليا في تنمية النشاط السياحي في البلد ، علينا ان نهتم الان بالتعليم

الاخ ود الخبير بخصوص هذا الموضوع احس بأنك عاوز تعرف رأي وبصراحه شديده الموضوع ممتاز والفكره صائبه ولكن ومن التجارب اري ان لاتناقش التفاصيل في المنتدي واقترح ان يتم ترشيح واحد منكم واري ان تكون انت مع شخص اخر نشط واقترح ان يكون نادر مهمتهم تنحصر في جمع معلومات من الجهات المختصه ( في السياحه والاثار من المركز والولايه وممكن تتطلع علي الدور المرسوم لهذه المنطقه ) وبعدها سوف يكون الطرح قوي جدا عند امتلاكك للمعلومه وتكون في منطقه تقديم البديل او الشراكه اما التفاصيل فليس هذا مكان نشرها وشكرا