المناصير بعيون الآخرين

هنا في الإمارات قبيلة المناصير من أكبر القبائل.. وأعظمها.. وهم ناس ثراء ومجد..
من حبي للمناصير سكنت حوالي7 سنوات في حي المناصير في ابوظبي.. وتصورت جنب اللافتة محبة في مجرد إسم المناصير وتأكيده في عالم الحس. خوفي عليه أن يزول من رقعته الأساسية في سوداننا الحبيب
هم هنا يعرفون أن هنالك مناصير في السودان ويحترمونهم ويقدرونهم..
[IMG=https://2img.net/r/ihimizer/img521/5427/manaseersudan.th.jpg][/IMG]

Uploaded with ImageShack.us

باشمهندس صديق كل عام وانت بالف خير
المناصير بعيون الاخرين انت عارف يا صديق اجمل حاجة ان تشوف نفسك فى عيون الاخرين لانو زى ما بيقولو الجمل ما بشوف عوجة رقبتو ونظرة الاخرين توريك حقيقة نفسك وحاجات انت ما كنت عارفها وما جايب ليها خبر عشان كده نظرة الاخرين مهمة اما اهلنا المناصير ولله الحمد لهم سمعة جيدة ونظيفة فى عيون الاخرين يكفى فقط ان تقول انا منصورى لتجد الاحترام والتقدير من الجميع خاصة بعد مشاكل السد التى اظهرت المناصير على حقيقتهم من الرجالة والفراسة ومحل ما تمشى تقول انا منصورى يقولو ليك والله انتو ارجل ناس وانتو الوحيدين الذين خوفو الحكومة ونسال الله ان يديم هذه السمعة الطيبة التى تجعلك تيقف فى نص البلد مرفوع الراس تهتف بكل فخر وتقول للدنيا كل الدنيا انا منصورى .

الاخ الرشيد كل عام وانت بخير هذه السمعه الجيده التي ذكرت لم تأتي من فراغ لذا وجب الحفاظ عليها
ومن مقومات اليه الحفاظ علي هذه السمعه الصدع بقول الحقبقه والذود عن الحمي وتبصير اهلنا بما يدور من اعمال تستهدف مواردهم لصالح فئه فاسده ومفسده والاجتهاد لكشف الطرق التي سوف يبتكرونها لتنفيذ مخططهم تحت يافطه الاستثمار كما سبق وتم تحت يافطه التنميه والخدمات المصاحبه لسد مروي والتي اختصرت علي مناطق الجماعه وما البدايه في الطرق وتوصيل شبكه الاتصال الا وهي ملامح لبدايه البنيه التحتيه التي هي اساس اي استثمار ولقد كان هذا العمل مؤجل لحين مغادره المناصير الا وبعد ان اصبح المناصير واقع الان هم يحاولوا ان يكون المناصير خارج معادله الاستثمار وهذا هو التحدي الحقيقي الذي يواجهه المناصير اما حكايه السد واسامه هو ايضا كان عمل مرتب بعلم الحكومه والان يتم تبادل الادوار والغايه واحده والهدف واحد بس كل شيخ وليه طريقته شيخ اسامه طريقته اتت بنتائج عكسيه الان يتم تعديل الطريقه والخوف كل الخوف ان تكون تنفيذ الطريقه بأيدي .........

هاشم والرشيد العيد يتبارك عليكم وشكرا على المرور بي جاي

[size=24][size=24]هم محس..
قالت أنا ما شفت أروع من المناصير في الجامعة.. شلتنا وشلة البوش والفطور.. وتظبيط صحن البوش يقوم به سليمان الماهل( من شري) درسنا في جامعة واحدة.. ماكان في نية أي واحد فينا حب للتاني على الإطلاق كنا زي الأخوان.. عجبت من أخلاق سليمان الماهل وبعض المناصير الذين معه ومعنا في الجامعة.. من خلالهم عرفت المناصير عن قرب.. وبقيت أعشق هذه القبيلة. حتى ما عندي مانع أمشي أزور المناصير...إسمها أميرة.. تزوجها ضابط كان بالشرطة رتبة مقدم.. وعملت سكرتيرة تنفيذية لمكتب وكيل وزارة.. ثم استقالت وهاجرت مع زوجها الى الأمارات.. عرفناها عن طريق جماعة أصحابنا.. خلتهم وصارت علاقتها معنا هي وزوجها وتحب تسمع كل ماهو منصوري.. ونسة .. أغاني منصورية.. كتب وتراث مناصير.. وكل السبب سليمان الماهل..سليمان الماهل تزوج عام2003 في الجزيرة شري..[
قالت: ارجو أن تبلغ تحياتي لسليمان الماهل.. وهو بدوره سيبلغ الشلة الكانت معنا في الجامعة.. لحظات جميلة صافية بدون سخايم الدنيا.. بدون غرض.. والغرض مرض..[

الاخ الرائع صديق
لك كل الود وعاطر التحايا
المناصير حقيقة مميزين جدا في كل شئ
لكن كثير من الناس يسالك قبيلتك شنو تقول منصوري
يقولك يعني شايقي
وبدا هذا الفهم يتصحح بعد قضية المناصير
مثلا الشيخ الشايقي في الغرب منصوري من ام بلجي
وكذلك الطيانه كانو يعرفون بانهم شايقيه
وللحديث بقيه ان شاء الله

محل ما يمشوا يعجبوك المناصير

الاخ صديق عبدالله علي محمد خير لك التحية بالفعل من الاخرين تعرف قدر نفسك وتقيمها .حدث معي موقف مع شرطي قال انو من رجال محاربة التهريب لانو كانت معي عربية افراج مؤقت وكانت في الصناعية وعندما اردت ان استلمها قال لي صاحب الورشة هناك عسكري يسأل عنك فاذا جاء اعطيه الفي النصيب وانا قلت في نفسي والله ما اعطيه اي شئ وبالفعل جاء وعمل معاي مشكلة لانو اوراق العربية كانت في البيت ومشينا الي اقرب مركز شرطة سألني الضابط من وين انت وايش الحكاية ووريتو الحاصل وطبعا كنت زعلان شديد و كان واحد قاعد جنبو ما عارفو يطلع شنو بس قال لي انت ليش يا زول بتتكلم بالطريقة دي رده عليهو الضابط قالو المناصير كلهم كده موقدين نار وما عارف هل هذه محمده نتصف بها ام مذمة احيانا تضيع حقوقنا .وباقي القصة قال لي الضابط خلاص امش جيب الاوراق وعندما وصلنا محل العربية نادي العسكري وقال خالص ان بركب معاك ونزلني الشارع الجاي صحت فيهو وقلت ليهو ما تبارني من محلك دا والاوراق بجيبها ليك وبالفعل رجعت جبت الاوراق لكن يومي كلو راح .