هل اترك الأزرق الدفاق لهذا السبب

يوم الجمعة الماضي الوافق 03/09/2010 شاهدت برنامج عالم الرياضة الذي يقدمه الرجل الصادق الصدوق (رضي) وتحصلت علي معلومة تفيد بأن مجلس الهلال قد تغير وقلت في نفسي دي احسن حاجة إنو صلاح ادريس ترك الهلال بعد ماأذل الاعيبين والجماهير ولكنني عندما بداء سرد الأسماء كنت متفائل جدا برئيس مجلس الإدارة والاخ النائب (قاقرين) وعندما وصل السرد لأعضاء مجلس الإدارة وجدت هذا الأسم الذي كدت استفرغ امعائي مع إني صائم وهو أشبه بالسرطان اذا دخل في مكان علي الدنيا السلام إلاء إذا تم بتره من هو هذا الرجل ارجو ان ترجعو إلي قائمة الأسماء فلان عضو وفلان عضو سوف تجدوا السبب وسوف تعذرونني

صحتك بالدنيا يافارس الحوبة... حبابك جاى

يامنتاري الزول المقصود في عضوية مجلس إدارة الهلال الجديد عرفتو منو

ياخوى الهلال كلو بمرض.... تعال لى ناس مجلس بلة قريبك

خال ابرار تعليقك شنو علي عضو مجلس إدارة الهلال الجديد ده إنشاءالله تكون عرفتو واذا ماعرفتو بديك تلميحات عنو

who

لو ما اخاف الكذب يا فارس اقول ده معتز كبير لانه لم يختم مشواره الكروى فى الهلال وسمعت كمان تحت تحت انو البرنس سيدا غاضب من هذا التعين .
يا مونتارى اطلع منها

كل سنة وانتو طيبين وحباب الفارس الزين فى المنتدى الرياضى لا لا اسف ع التاخير انا فى البلد والشبكة زى ما عارفين الزول دحين ماهو ؟؟؟؟؟؟؟؟ يافارس بس باقى لى تشابه اسماء الناس دى كانت ناوية تجيب اسامة عديييييييييل بس كان الهلال فقد نص جماهيرو ولا الراى شنو؟

كل سنة وانتو طيبين وحباب الفارس الزين فى المنتدى الرياضى اسف ع التاخير انا فى البلد والشبكة زى ما عارفين الزول دحين ماهو ؟؟؟؟؟؟؟؟ يافارس بس باقى لى تشابه اسماء الناس دى كانت ناوية تجيب اسامة عديييييييييل بس كان الهلال فقد نص جماهيرو ولا الراى شنو؟

أولا اهني كل عشاق الهلال بالفوز علي الفريق المالي .
علي حسب الشي السمعنا من الأخبار أنه تم ضم عضوية (احمد الكاروري) وإذا هذا الكلام صحيح سوف أكون أسفا أول واحد يعلن إنسلاخه من رابطة مشجعي الأزرق الوهاج وذلك إحتراما لنفسي ولي قبيلتي التي لاشي في الددنيا يعز علي أكثر منها ولارأيك شنو يالرشيد

فارس الفارس كل عام وانت بخير
نعم تذكرت ان الكارورى فى مجلس الهلال الجديد (المؤقت)وكمان معاهو اخو الرئيس فارس يا اخوى من هو الكارورى حتى تترك له الازرق الوهاج عندما تترك ابو الهل عشان هذا النكرة تكون قيمتو.
الكارورى ده شخص لا فى العير ولا النفير وكانت لنا معه صولات وجولات لا اعتقد انه ينساها

تحية المتداخلين: اها ياالرشيد انا طلعته منها امسكوفارس الزين لايطلع:

يافارس: انا ماقولتليك بلة قريبك وغالى عليك........

مونتارى كتب:تحية المتداخلين: اها ياالرشيد انا طلعته منها امسكوفارس الزين لايطلع:

يافارس: انا ماقولتليك بلة قريبك وغالى عليك........

كويس انك طلعت منها !!!!
ده يا مونتارى اخوى شأن داخلى ما عندكم بيهو دخل وفارس الفارس وكل من جرى فى جسمه الدم الازرق لا يمكن يطلع عشان نكرة زى ده معقول واحد من الجنة يمشى النار بعدين بله قريبك وقريبنا ولد اخوه لزم ما مشى معاهو !!!!!!!!!!!!

سلام لكاتب البوست فارس
والتحيات لك المتداخلين
يافارس هلالك اليومين ديل سمو فائر وشايفوا قادل تمام في الكونفدراليه
ربنا يحقق الامنيات
لكن نحن نرحب بيك في الاحمر الوهاج في اي وقت
واذا كان لاتريد مفارقه الازرق فأترك المجال للحجوج واسامه للاحمر الوهاج
وذي ناس البلد الواحد يمسك بالشباطين واحد يصرف والتاني يرفض
لك ودي
حازم

والله وهمتني يازول انته ياحازم شكلك ده لميت في (ابراهيم النجومي) لانو مافي زول بيعرف وليداتي غيرو هو وطبعا هو ماعندو خبر البنية الجديدة (استبرق) وهسع كبرت وبقت عروس وهي البنية المعاي في الصورة دي عليك الله ياحازم لو عندك رقم موبايل ابراهيم النجومي ده اكتبو لي

سلامات فارس الزين وين الغيبة يارجل...
انا عرفتو الكارورى بس لسه ما متاكد من انو هو ولا تشابه اسامى وزى ما قال الرشيد دا نكرة لا يؤثر كثيرا...
حازم اعلن مريخيته الصارخة هنيالك مونتارى الوحدة الكاتلاك دى...
فارس العروسة استبرق خطبناها من هسى بس ما تلقى المغتربين ديل وتبيعنا...

تحية طيبة لكل المتداخلين
ياخال ابرار البنت حجزناه ليك شد حيلك والمهر علي ابوها قصرنا معاك
طبعا سوف يغادر فريق الهلال اليوم الاربعاء 27/10/2010 الي تونس لمبارته مع فريق الصفاقصي التونسي ولقد علمت ان سرطان البروستاتا (احمد الكاروري) سوف يكون ضمن البعثة اسأل الله سبحانه وتعالي أن لا يصاب الهلال بنحس هذا الرجل وان يوصلوا ويعودو بالسلامة بغض النظر عن نتيجة المبارة

سلام فارس حتي لاتترك الازرق الدفاق وحتي لاتصيبك الرجفه فأن التوانسه تجهزوا الالعاب الناريه والهروات والواح التي ان تي والنجيل الصناعي بقالك ناس كاريكا بيقدروا علي الارهاب دا
وخوفي من الوليدات الصغار ناس بشه وخليفه يتوهموا ؟
التوانسه صعبيييين في بلدهم وعموما نحن عندنا عقده من كوره شمال افريقيا ؟ غايتو ربنا يستر يافارس اذا طلعتوا مغلوبين بي واحد مافي مشكله بيتعوضوا وامبقيتوا طلعتوا بي اتنين فيها قولان وامبيقيتوا طلعتوا بالثلاثه يبقي لي هني حلو والضحك شرطكم وكاس الكونفودراليه وطار ؟ قلوبنا معاااكم بس حتي صافره نهاية المباراه
علي اي قناه من قنوات الجزيره منقوله مباراتكم يافارس ؟

والله وهمتني يازول انته ياحازم شكلك ده لميت في (ابراهيم النجومي) لانو مافي زول بيعرف وليداتي غيرو هو وطبعا هو ماعندو خبر البنية الجديدة (استبرق) وهسع كبرت وبقت عروس وهي البنية المعاي في الصورة دي عليك الله ياحازم لو عندك رقم موبايل ابراهيم النجومي ده اكتبو لي
ياحازم الكورة غالبا ماتكون قناة الجزيرة +9 او +10 لكن حتي الأن لم يتم التحديد بالضبط ممكن تراجع هذا الرابط واضغط علي تفاصيل مباراة الصفاقصي والهلال [ندعوك للتسجيل في المنتدى أو التعريف بنفسك لمعاينة هذا الرابط]

انت ماشي بعيد مااالك يافارس
كما اردرت سوف ارسل لك التلفون