مساء الخير ضار علي ضار

الرجال مواقف والمواقف تصنع الرجال .والمناصير رجال والرجاله تب ........يازول حكومتكم دي ماقدمت تنازلات كتيييييييييييييييييييييييييييييييييييييييييييييييييييييييييييييييييييييييييييره شوف كتيره دي زي الصرفه الفي الصنط الله لا تريحا .في الغرب وفي الشرق وكمان في الجنوب كملتوها تب .ولايزال اهل تلكم الديار يحتفظون بالكتير من الغبن لاهل الشمال ونحن منهم .ولازلتم تتنازلون .
اما نحن المناصير مازلنا نعاني . ونصوم رمضان بلا ماوي .ولا ظل ترقد تحته ولا مروحه تهبهب ولا مكيف يبرد ويلطف .
اما ان سالت عن جيراننا وانت منهم .لان النافعاب ينتمون الي ..............كهربتهم من ضحي ونحن الذين تاثرنا من قيام السد.ياخي اقول ليك حاجه اي حاجه في راْسك عندهم ودا من الاخر كدي .بقالك يستاهلوا قدموا شنو للسودان او قدمتوا شنوا.نحن السبب في قتل غردون مو كدي ونحن الذين عطلنا الباخره عباس . ونحن الذين قسمنا ظهر الجيش الانجليزي موكدي فمعركه الكربكان اعني .والحكمه تقول لسانك لاتذكر به عوره امريٍ فكلك عورات وللناس السن . يمكن يقولوا علينا بنايين جالوص وكدي يعني .
والغريب في الامر انكم دمكم بارد تجونا وتوعدوا .وعود بلا تنفيذ طبعا .وفي جنوب كردفان الصفقه دنقير. والعمم طايره
ياخي انا فترت من الكلام انبقي الامر دا وراه الخواجات والانجليز اعني لاننا قتلناهم واهناهم قولوا عوك خلونا نستعد للجايين
عشان نفتح صفحه بيضاء وصاحب العقل يميز ياجماعه لامتين نحن في الدرادر دي والسودان دا حق ابونا ياخي
انا من اعز ديار انا *****منصوري موقد نار انا
اهلي الكبار وصغار **** ومن برتي حدي العال
انشاء الله حانظل فيها ونسلمها لي الخالقنا يوم القيامه
بس انتوا الجهويه خلوها عشان السودان وعشان الاوطان ودا مابيكون الا بالعداله
في التنميه اعني انزال نيفاشا علي ارض الشمال وفي حاجه في ولايه النيل ذكرتها قبل كدا
ولي عوده
لو ما فاطر ما تخاطر يعني اقروا بعد المويات

الاخ ياسين هذه سياسه حزب وعمل ممنهج ومرسوم ومدروس بمعني هذه سياسه المؤتمر الوطني والافراد كل حسب موقعه عليه ان ينفذ ما يطلب منه

الحكاية تبادل ادوار خلوا ياخد حقو فينا .....

صباح الخير يس.(ان غلبك سده وسع .....)

مشكورين هاشم نادر جبريل خالد .البارح عرفت بالتلفون انو الناس صايمه وتقع ارضا من العطش لانعدام الضل.والرسول ص زاتو يوم بدر فطر وامر الصحابه بالفطور.الله يسهل
اسدُعليً**وفي الحروب نعام

بعد التحيه الإخوه الأعزاء والله كلامكم سمح وزين لكن ليس بالكلام وحده يحيا الإنسان

ان الحرب اولها كلام اخي يوسف.

الغريب في الأمر إنو كل المناصير وكل الموجودين في المنتدى يؤمنون على أن الحكومة تراوغ وتلعب بيهم
لكن الحل شنو ؟ قلنا أقفلوا المنطقة وارموا العربات والخواجات وحتى أتيام وزارة اللا عدل في البحيرة قلتو ما دايرين تمرد وخروج على السلطة !! حيرتونا !!! يعني نشيل القرعة ونشحد عشان نلقى حقنا ؟
الحل عندي قفل و فلللللووووووووججججججججة لكل داخل !!!

احيك يا ود المناصير .يبدو ان من أخذ بالقوه لايسترد إلا بالقوه.لست من دعات العنف ولكن الاحساس بالظلم هو الذي يولد العنف.هل هنالك باب اعلي من باب الرئيس حتي نطرقه؟

ياود المناصير وجبريل والاخوه ياخي تعالوا نعتصم امام القصر او المجلس الجهوي وذلك اضعف الايمان .

الاخ يس
وكل الأخوة المتداخلون
لكم التحية
قال تعالى (لا يحب الله الجهر بالسؤ إلا لمن ظلم) صدق الله العظيم
نعم نحن من حقنا حلى حسب الفهم الظاهري للآية الكريمة أن نجاهر بالسؤ لهذه الحكومة
ولهذا الحزب الذي يتولى مقاليد السلطة في البلد ويضع سياسات الدولة من إغراق للمناصير
وسياسات تجويع وذل وإضطهاد وعزلهم من بقية السودان بحرمانهم من الكهرباء والخدمات الأساسية
والأ كبر من ذلك المماطلة في دفع الحقوقهم
كل هذا لأنهم لم ينفذوا سياسة الحزب أو بالأحرى لم يطيعوا السيد....

و ياالأخ يس هذا بوست جميل ومفتوح يفش الغبينة

كان من الأحرى أن نرجع بذاكرتنا إلى الوراء قليلاً يالأخ يس
أليس ذلك الرجل موضوع البوست هو من حضر إحتفال السيد النائب في الطوينة؟؟؟
أليس ذلك الرجل موضوع البوست هو من وعد بالحقوق في أقرب وقت في الطوينة؟؟؟
أليس ذلك الرجل موضوع البوست هو من إلتزم بجزء من الخدمات في الطوينة؟؟؟
أليس ذلك الرجل موضوع البوست هو قال له الشاعر شنبك عقرب الهورب... وحلل المحن... وإلخ من الإطارء؟؟؟

لذايجب أن نأتي البيوت من أبوابها في مثل هذه الرسالات وفي كل ما يخص المنطقة
إن للمنطقة نائب برلماني منتخب من نفس الحزب الذي يمارس علينا السياسات أعلاه والرجل موضوع البوست قد حضر إحتفاله لذا من السهل على نائبنا الموقر الوصول إليه وإلى أعلى هرم في الدولة الحزب..........
ومن هذا المدخل يجب أن يتحمل السيد النائب مشاكل منطقته وأناس ألقوا بصوتهم لصالحة كي يأخذ بناصيتهم إلى المعيشة الرخية والحياة الكريمة
ودفع مستحقاتهم والخدمات أليس هذا جزء من برنامجه الإنتخابي الذي على أساسة فوزه المناصير ...
وسوف نواصل

هو دحين فيو شنب بره ودفضل مسخوت
(قال يحل قال ) اى زول ياخد حقو فى الكضب كأنهم يتنافسو فيو .

بعد التحيه الإخوه المتداخلين والله إني أراها مسؤوليه جماعيه ونقوم بدورنا نحن أمة المناصير ولانرهن مستقبل أهلنا في نائب برلماني من نفس الطينه وما أراه إن لم نقفل المنطقه أضعف الإيمان فإن إقتراح يس ممكن يحرك المياه الراكده ولكن أن نكثر ال:لام بدون عمل فتلك موارد الهلاك والله المستعان

سلام لكل المتداخلين
نائب برلمان شنو البجيب ليكم حقكم، وبعدين متين اي زول يقول كلام قاعد ينفذوا ده ما جديد علينا... انتو الظاهر عليكم تنسو سريع.. رئيس الجمهورية جى في الطوينه وطلع قرار منو النفذوا.. تقولى ضار على ضار ينفذ كلامو..أنسونا بالله
نائب البرلمان أكيد بكون مهموم بي حق أهلو المناصير لكن برضو الجماعه بضغطوه في مصالحو الخاصه.. وبعدين أصلو الراجل ما كان عندو فكرت يترشح للبرلمان - الفكره جاتو وره من مخططه من الجماعه.. وصاحبك ما صدق قام لبسوه الجلابيه، وطبعاً أهلنا المناصير خيرو عليهم كتير وعارف ما بقولو ا لا ح يدوه يدوه. دى الجماعه لعبوها صاح
وبعدين معاكم أصلاً شعر الجماعه ديل اعلام بس ما في تنفيذ ياقول حبوبتنا عنده مقوله تقول ليك لمن الحديث ما يعجبها وتحثبيه كذب تقوليك (أنفخ يا ولد)
ودحين بقوليكم شوفوا لينا طريقاً غير كده.. والله اقوليكم كلام نكتر من الدعاء في العشرة الأواخر من رمضان عسى الله أن يفرج همنا ويجعل لنا مخرجاً

اخونا صالح السلام عليكم
ياخي النائب دا ماحقنا برانا معانا الرباطاب .نحن دورنا شنو ؟ افتكر النائب يعكس المشاكل الفي المنطقه ؟ نان وينه المشاكل ؟ ياخوي نحن ماشجعان واطين الجمره وساكتين

الاخ يس كلام منطقي كون الناس تعتصم أمام القصر الجمهوري او مجلس الوزرا.وزي ماقالت اختنا مهيره المنصوريه (زوبا) ان الناس ديل اعلام ساكت فلازم نحاربن بنفس السلاح.

اهالى الجنوب ودارفور يقولوا مظومين ماشافوا الظلم عندنا فى المناصير هلك الحرث والنخل والمسكن والبهائم وكل شى حتى الاموات دمرت مقابرهم *دمرت الحياة تماما هذا كلة من اجل السودان لكى يعيشواالاخرين فى رفاهية لم ناخذ المقابل غير مواعيد عرقوب ولذلك اذا تصومل السودان بعد الاسنفتاء فلا اسفا علية لاننا اعطيناة كل شى ولم نجد منه اى شى * طبيب عمومى واحد ل2 مستشفى مدارس فى البروش* لاول مرة نعرف لبن العلب لاول مرة نتلقى الاغاثات* المواصلات المراكب والارجل / عندقيام اى مشروع يعوض المتضررين قبل قيام المشروع الا فى المناصير لم ىعطوا حقوقهم حتى بعد ان اصبح السد ياتى اكله / السد يورد للخزينة العامة 1200فى 1000 فى200 جنيه هذه المبالغ فى ساعة واحدة والله حقارة او كما يقول وزير الخارجية لادارة الامريكية قلة ادب