تكوين اتحاد كره يتبع للبحيره

الاخوان فى المنتدى خاصه الذين يفهمو فى الكوره .كيفيه تكوين اتحاد كوره يتبع للبحيره كأتحادات مثلا شندى ابوحمد يكون عندنا فرق تمثل وتنافس خاصه فى كاس السودان وغبرها من المنافسات ومن خلالها نصدر مواهبنا فى الكوره الضاع منها كثير بسبب اعتبار الكوره لعب ساكت .وهى بقت اكل عيش ودبلوماسيه شعبيه .

الاخ نادر تحياتي
مبسوط منك والله _دا كلام مية مية وانا فكرت ف الموضوع دا قبل كدا بس ماعارف يبدو من وين؟
لازم من فرق ولو فريق واحد يحمل اسم المنطقة

جمعه مباركه .نادر يقترح والدكتور يثنى .بالجد الافكار العظيمه لاتاتى الا من العظماء .وانتم كذلك .اتمنى ان تتابعا هذه الموضوع ويتم الاتصال بالولايه للتصديق ومن ثم انشاء الهياكل المحليه .وده حق من الحقوق الضائعه علينا يجب متابعته .وسوف تجدونا داعمين لكم .دمتم .

فكرة كويسة انا بقترح الدكتور/شداد/اقصد الدكتور خال ابرار ريئسا للاتحاد
تاج السر سكرتيرا هيثم الدسوقى امينا للمال

شكرا يادكتور على المرور والاستاذ محمد عمر ويا منتارى النسوى بعدين الرئيس هين ورونا نبدأوين واظن يتبع هيئه الشباب والرياضه بالولايه ويادكتور انت عارف مداخل الولاية كويس . عموما بتلاحق الاراء الناس بى تخرج بالمطلوب والمفروض يتعمل شنو عشان يمشوا فيهو.تحياتى

شكرا جزيلا محمد عمر ومونتاري لكلماتكم الداعمة ويانادر ما اظن في حاجة تمنع من تكوين الاتحاد دايرين اي زول عندو علاقة بالموضوع دا يسأل لينا عن انو بحتاج لي شنو عشان نلقي راس الخيط

أخي نادر
سلامات
مشكور لهذا الطرح القيم
أحب أن أضيف بأناتحاد الكره يتم بشروط أولها تكون المنطقة فيها فريق رياضي مسجل في الهيئات الرياضية ولازم يكون عدد الفرق تكون ثلاثة درجات مصنفه ومعتمدة في السجل الرياضي بالولاية وبعد ذلك يضاف كاتحاد فرع للمنطقة الأقرب .
وعليه يمكن تكوين رابطة من عدة فرق من غير تصنيف أما الاتحاد فلا.
ولك تقديري واحترامي

شكر للاخوه وشكرا لكاتب المقال نادر نور الهادي
شدني حماس الاخوه وحقيقه الكره اصبحت دبلوماسيه شعبيه
وبها يتم التعرف علي المنطقه وانسانها ونتائجها تعكس مدي التطور والرقي الذي وصلت له تلك البلده
والموضوع يحتاج لتضافر جهود وحركه رياضيه يقودها من يؤمنون ان بالرياضه تتحقق المكاسب وتزيد الاواصر
ولدينا من الكوادر الرياضيه التي لها بصمتها الواضحه في خارطه الرياضه في السودان وممكن نستفيد من خبراتهم السابقه في تكوين روابط بالمنطقه وخاصه ان وزير الرياضه منصوري ممكن يساهم في دفع عجله هذا المشروع
اذكر في العام 2002 زار فريق المريخ احدي ولايات السودا ن وكان حينها اللاعب الدولي حاتم محمد احمد (ود الحيبه ياابوسفيان) من ضمن الكوكبه وكان المرحوم اللواء فيصل هو رئس النادي وبحكم علاقتنا مع المرحوم قلنا ليه نحن عندنا ولدنا حاتم عاوزين نكرمه نحن اولاد المناصير رحب بالفكره ايما ترحيب وعملنا حفل تكريم في قلب المدينه للاعب حاتم والوشاحات والهدايا وعند مدخل قاعه التكريم الذي حضره كل اعضاء حكومه الولايه وحضره ممثل الوالي ( ابناء المناصير يكرمون ابنهم اللاعب الدولي حاتم محمد احمد)
اذكر الاعب ابراهيم حسين ( ابراهومه ) قال لي والله العز اهل وعرفني انه من كريمه وان علاقته بولدنا حاتم اسريه ونيابه عن اللاعبين شكر رابطه ابناء المناصير علي هذا التكريم والحفاوه
لأيماني القاطع بأن الرياضه تجد النشر الاعلامي أكثر من غيرها وبعد التكريم مباشرة جبدت الللاعب حاتم من ايدو وقلت له نحن زعلانين منك ؟ قال ليه في شنو ؟ طبعا المقام والمكان يعج بالفرح والضحكات وحاتم في غاية الفخر والاعزاز بهذا التكريم ) قلت له ياحاتم انت حصل كان سألت كذا مره في الجرائد وقلت انا من بربر ؟؟؟ ولم تذكر المناصير ؟ولم تدعوا يوما زملائك لزيارتها ونحن ندري مدي مغزي مثل تلك الزيارات ؟ فيا اخي نحن اهلك المناصير والله نسدها ونقدها فالجبال والصحراء ياحاتم لاتنبت الكلاء فقط وانما تنبت القيم السماوية السمحه
وجدت في عيونه الرد والقصور وادخلنا في نفسه سرورا وعزة لو فاتحناه في موضوع نادر لتولي امره وهال عليكم من معارفه في هذا المجال
فارجو ان تتصل عليه الاخ نادر وتلفونه اظنه مع خال ابرار ( ود عم البراء )
والله هذا الموضوع مهم جدا وخاصه خامة ابناؤنا مؤهله للرياده
والسلام حازم

والله يا جماعة فكرة جميلة
ذكر الاخ حازم ( خاصة وان وزير الرياضة منصوري ) ، من هو وزير الرياضة المنصوري يا حازم ؟

الخبير
معقول لاتدري وزير الشباب والرياضه المنصوري يالخبير الخبير


ياراااااجل اهه عبدربووووووووووو ياراجل اهههههها

خال ابرار كسب المنتدى الرياضى هرمين من كبار الاهراااام بالمنتدى حازم واحمدالخبير قمة التسجيلات رحب معاااى بهم......
لكن ياحازم ماتورينا الوزيرمنو/ نحنا زاتنا دايرين نعرفو منو

سلام ابن غانا الاسمر مونتاري
المره الفاتت غايتو اقنعتني رجاله لانو مونتاري دا بيبقالي هو الذي رفع العلم الصهيوني لكن انت الظاهر عليك متمكن في المجال دا
المهم موضوع نادر جميل وداير منكم الهمه وكلنا مع بعضنا بأذن الله نسمع صوتنا ان لم يكن عبر مؤسساتنا السياسيه فاليكن عبر الرياضيه
ومشكور كتير علي الاطراء
حازم

ahmed alkhabir كتب:
من هو وزير الرياضة المنصوري يا حازم ؟

مونتارى كتب
ياحازم ماتورينا الوزيرمنو/ نحنا زاتنا دايرين نعرفو منو
سؤال مطروح الجميع ينتظر اجابته .

كلامك صاح يالرشيد حازم لفه الكلام ذى لفة طمبل مش... بتزكرها... ياحازم نخليهو ونمسك خشمنا علينا

هههه هههه فهمتها طايرة

التحية للجميع واظن ان الرؤيه بقت واضحه للسير فى هذا الموضوع .
اما الوزير فهو رئيس المجلس الاعلى للشباب والرياضه بدرجة وزير بولاية نهر النيل جودااااااااااااابى يالخبير

شكرا للمعلومة نادر حقيقة يالرشيد انا كنت قايل جودابى معتمد شندى
طيب سوال تانى انت معتد البحيرة منو ومن وين

حازم قال كدى ...........لكن انا ما متأكد منصورى والله لا انا خلنى يالرشيد انت باقيلك شنو

يامونتاري تذكر قصيده يوسف السماتي صاحب الرياضيه اف ام 104
نحن في الوسط الرياضي لابنخاصم لابنعادي
وأظن مونتاري وخال ابرار اصلا لم يدخلوا معنا في مغالطات اللجان
واحسن نخليهم للرياصه فهي تسع الجميع وهم حلوين كدي
ولا انا غلطان ياجماعه
وزير الرياضه هو الباشمهندس مجمد سليمان وزي ماقال كثير من الاخوه وخاصة مديرنا الهمام حيث قال لو حقنا عند الكلب تقولو ياسيدي

انا مافاهم حاجة ممكن توضح اكتر

المافاهمو شنو يامونتاري

[quote="مونتارى"][quote="حازم"]يامونتاري تذكر قصيده يوسف السماتي صاحب الرياضيه اف ام 104
نحن في الوسط الرياضي لابنخاصم لابنعادي
وأظن مونتاري وخال ابرار اصلا لم يدخلوا معنا في مغالطات اللجان
واحسن نخليهم للرياصه فهي تسع الجميع وهم حلوين كدي
ولا انا غلطان ياجماعه

نخاصم ونعادى شنو يالرشيد

والله حيرتني يامونتاري
هذه القصيده كتبها الاستاذ يوسف السماني باعتباره صاحب اول اذاعه تهتم بالرياضه في السودان
وللقصيده مدلول ومعان تحمل دعواة التوحد والتنافس الشريف وزرع القيم السماويه السمحه
بعدين انا لسع ماجيتك ياالرشيد ومنونتاري في لفه سااادومبا ولفه النمر الضالع طمبل ؟؟؟ حتما سنلتقي وسنحرز اهدافا معلقلا عليها الرشيد بدوي عبيد وليس الرشيد طه الافندي لتستمتع بالهوبا بتاعت فيصل القيصر
ولكم تحياتي حازم

الله عليك ياحازم شكلو كداء ناس الرشيد ديل وقعو معاك ... نحن فى انتظارك
لكن مافهمت كلام الرشيد يقصد شنو بى جودابى والتسماح والمعادة/حقيقة كدة
لكن مامهم مشى..لك الود والتقدير

شكرا المداخلين الموضوع مهم جدا
ارجوا من الجميع اتخاذ خطوات عملية بالتنسيق مع المحليه وغيرها خاصه اقتراح اقامة كاس رمزية بأسم المنتدى من خالد .

عوووووك

nader nor elhadi ali كتب:التحية للجميع واظن ان الرؤيه بقت واضحه للسير فى هذا الموضوع .
اما الوزير فهو رئيس المجلس الاعلى للشباب والرياضه بدرجة وزير بولاية نهر النيل جودااااااااااااابى يالخبير

معلوماتك قديمه يانادر بعد التحية:
جودابى ومنذ شهور خلت هو وزير للتخطيط العمرانى بولاية النيل الازرق ونائبا للوالى الفريق مالك عقار

الموضوع ذاتو قديم يا تاج السر قبل ذهابه الى النيل الازرق