تكريم عيسي بروى يكشف الجمال الطبيعى للمرأة المنصورية !!

كل القنوات تدخل مذيعاتها وضيوفها غرف خاصة من أجل المكياج ولكن المرأة المنصورية ظهرت فى هذا الاحتفال بدون هذه الرتوش وكانت قمة فى الأناقة والجمال والأدب .
فتحت هذا البوست لأننى أدرى أن أستاذنا الكبير صديق عبدالله يوافقنى هذا الرأى وسيكتب ما يجيش بخاطره .وسأعود للتعليق بعد عطلة هذا الاسبوع فغدا مسافر الى مدينة بيرمنجام بانجلترا .

لك التحية ود الأخت نور الهادي الجمال دائما في الحشمة فالمنصورية دائما محتشمة والمرأة كلما احتشمت زادها احتشامها جمالا. فهنيئا لبنات منصور.

الخال مصباح تحياتى لك وللأسرة الكريمة ونحن نفتخر بأى بوست تعلق عليه ولذلك نتأخر فى الرد حتى يشاهد الجميع مرورك الكريم .

نور الهادي سفيرنا الموقر
 ههههههههه
 أنا شفتا البوست دا من زمان! لكن خفتا.. يا زول هييي. الحكايي دي فيها عكاكيز!!!!!
 خفتا لامن هسي دي لقيت تعليق مصباح الزول الحكيم. فلقيتو مرق  منها زي ما تمرق الشعرة من العجين ولقا لينا مخرج من سؤالك لنا عن ذلك اليوم..
 وقال( جمال منصورياتنا في الحشمة)
 عشان كدا دكتور مصباح لقا لينا مخرج من  بوستيك دا!
 نحن تداخلنا مع الناس في الفيس بوك والواتساب.. وعرفنا الحاصل بالتفصيل..
 هو في الحقيقة كان مهرجان العمر وليست ليلة واحدة
 بالجد شعرتا بقوة المناصير وكيف هم مميزين على كل الناس في التنظيم  والإخراج
 لذلك لو أتاحت لى الظروف  في المستقبل أن أكون وزيرا.. مثلا.. وزير الصناعة.. سوف أجعل كل الإسطاف بتاعي مناصير ومنصوريات من الوكيل حتى الخفير..

ما فيها حاجة ياهندسة وجمال بناتنا جمال طبيعي ويكفيك اللون الأبيض إذ أن معظم المناصير من أصحاب البشرة البيضاء التي ظلت تبحث عليها في زمننا هذا حتى الجنوبيات بواسطة الكريمات ومرطبات الجسم ولكنها سرعان ماتزول وغايتو المشهور بين الناس كل المناصير بيض خاصة النساء وعموما هو جمال نفتخر به سواء أظهرناه للناس أم لم نظهره والمنصوريات طلقن ضهرنا تب وفعلا كان مهرجان مشرف.

أيوة يا دكتور الشئ الملفت الحمرة.. البي يبحثوا عنها الناس..
 ما زي زرقة الشوايقة
 في ناس بي هناك قالوا للكليس مسؤولين كبار.. قالوا نحن قبل كدا كرمنا فنانيين كبار.. وما حصل شفنا زي حرارة التكريم دا!
 الحقيقة دي حرارة المناصير..
 هم شافوا حاجة؟
دي كبسولة صغيرة بس؟؟
 أدونا فرصة بس في الإعلام وشوفونا نسوى شنو؟
 عاد الطين المسروق الى أهله وأنتهى عهد الفهلوة والشطارة..من القبائل الأخرى

يا أخو صديق ده الطلقة الثانية بعد طلقة الاعتصام المشهور الذي عرف المناصير والناس عرفت من هم المناصير. كما ذكرت لكم في حديث سابق أنني كنت أتدرب كمدرس في إحدى مدارس ام درمان الثانوية الحكومية أثناء دراستي لدبلوم التربية في العام 1982 سألني الطلاب كالعادة من أي منطقة في السودان أنت يا أستاذ قلت لهم خمنوا فصاروا يتخبطون ولا واحد فيهم جاب سيرة المناصير رغم أن لهجتنا قريبة من لهجة الشايقية ووحدين وصلوني همشكوريب وبعضهم شاتني إلى الجنينة . وعندما أعلمتهم بأني من المناصير زاد الاستغراب المناصير ديل وين مكانهم فأخذت طباشيرة وقعدت أرسم لهم خريطة السودان لأوضح لهم أين موطن المناصير. والآن شوف الفرق كثير من السودانيين معجبين بالمناصير ويعرفونهم كويس وناسبوهم من الجانبين وأظن بعد الحفلة سيزيد الإقبال، وربنا يرفع بلدنا ويحفظها لنا ولأولادنا.

نعم يا دكتور ما كنا معروفين كويس حتى لجيراننا
 نحن الدهب المجمر داخل الصدف.. الآن بدا يزال الصدف
.......
 لكن ياخي برضو غير الحمرة الذكرناها.. ما نظلم الخدرااا الناعمة  الدقاقة برضها عندنا نحمد الله.. والحشمة الذكرتها طبعا مغطية كل حاجة.. نحمد الله

والله كان يوم جميييل من كلو

جمال حفل وجمال افراد وجمال تنظيم

والحفل فعلا اظهر جمال المنصوريات

شكرا الاخ الهادى والتحية لكل المعقبين...حقيقة ليلة تاريخية....وفعلا الجمال والاناقة كانت ميزة واضحة...علق عليها الكثيرين...وداعبنى الكثيرين فى موقع عملى بانكم جميلين جدا....ايضا الاناقة التامة والحشمة....وخاصة للنساء وكان لكثرة الحضور ايضا من النساء ان منح القاعة والشكل العام والالوان فخرجت...بهية جدا....حتى الرجال كان زيهم مرتب....طبعا نمتلك ..صور..وفيديوهات تبين ذلك ولكن لايمكن ان نرفعها ولكن ..نحفظها التاريخ..........وكما قال الامام الزبيرى
...يوما من الدهر لم تصنع اشعته شمس الضحى ولكن صنعناه بايدينا....واقول..وكانت نور الليالى من ابهى ليالينا

مالك أب ترفعا يا أرباب... جنيت يو..
 نان التأريخ يشوف ونحن ما بنشوف مالنا يا جنا..!!!
 التأرلايخ البي يشوف دا! ماهن ناس زينا ... يو
 يمكن يكونوا أكعب مننا كمان!
 نحن نعوسا وياكلوها غيرنا يعني!
.......
 والله بعد ما يموتوا الناس الظاهرين في الفلم.. عشان مافي زول يقول سيك ميك.. وما تظهر لينا العكاكيز المضببه
 دحين يا حليمي

ههههههههههه اصلانحن المنصوريات سمحااااات ...
مشكور الزعيم نورالهادي ع هذا الطرح ..وفعلا كان لحضور حواء زينه خاصه ع تلك الليله..والحمدلله انا منصورية^_^