بالجد سوداني ون بمحليه البحيره

شبكه سوداني.zip - 2.5 Mb
[ندعوك للتسجيل في المنتدى أو التعريف بنفسك لمعاينة هذا الرابط]

ياسين اخوى فى يات كتاب دين يات حديث النضم اولى من القوت.مع الاعتذار لحميد

اخى يس رمضان كريم .تحياتى لك وللعم محمد بروى .اشد مااعجبنى انفعالكم الايجابى مع كل مايسعد ويقدم البلد

مشكور شاعرنا بروي والسايقي واصلي .ومشكور محمد وكلامك في محلو القوت اولي من النضم لكن البجيبوه كلو مقبول.بس ياجماعه عايز اعرف الصور فتحت معاكم ول لا؟

الاخ يس سلام والف سلام فدخول شركة اتصالات بحجم شركه سودانى هذا يعنى ان بدات الغمه تنفرج لان قيام شبكات التقويه يكلف الشركات التى تعمل فى المجال كثيرا فبالتالى يعنى ان هذه المنطقه موعوده ونتمنى ان تكون هذه اول قطره

الاخ يس الصور فتحت ومشكور عليها شايف محمد عمر قالك القوت اهم من الكلام وانا بقول لمحمد عمر الكلام ذاتو معذبنا فى البلد نسبة للشبكه الضفيفه اذا عملوا تقويه للشبكه وبقى الزول فى اى لحظه يتكلم يريح ناس البلد ويريح المتصل والمسقبل فى الكلام الواضح وانا بقول البحر مابابا الزياده

مشكورين محمد عثمان وحسن عمر ونعم كل حاجه مكسب

الاخ يس
بالجد سودانى ون بالمناصير انا يوم الاحد الماضى كنت مبيت مع العمدة فنان فى الطوينة وحضرت اليات سودانى قالوا انتهوا من حفر منطقة الكحيلة والان فى الطوينة ومنها الى ابو حراز والسهيب وسانى ذكروا انهم مكلفين بالحفر وهناك اخرين مسئولين من صب الاعمدة وغيرهم من التركيب وعندما ينتهوا من الحفر يخطروا ناس الصب وكل تيم ينتهى من مرحلته وهذا العمل على حسب قولهم لا يتعدى الشهرين قمت بتصوير عملهم فى الطوينة واليكم الصور المرفقة[ندعوك للتسجيل في المنتدى أو التعريف بنفسك لمعاينة هذه الصورة]

مشكورين اخوتى .
انشاء الله كلو يتم بسلام . وربنا يسهل .
دائما سباقين بالبشائر ...

سودانى تحفر فى الطوينة[ندعوك للتسجيل في المنتدى أو التعريف بنفسك لمعاينة هذه الصورة]

مبروووك لذلك الشخص الاتعمل العمود فى ارضه
وانشاء الله يكون قبض التقيله !!!!
مشكور الرشيد على التوثيق .

شنو يييينه شبكتك يا يس ؟ ون ولا تو بس ( بس هو يجى)

الخبر ياخالد سودانى مازال فوق راس الجبل ولسع مانزل البيوت
لو عندكم مساعده وفرو للناس ازيار مويه وظل فى محلات الشبكه

ياجماعه انا قابلت اخونا يوسف ابوسدرين وقال لي البدايه التشغيليه تبدا قبل العيد انشاء الله .وكدا ياخونا الحاج تكون اتخلصت من طلوع الجبال

سرسار

عاجبني
ياسوداني
إحباطاتك الجاياني

عذرا المبدع عيسى بروي

باالتزامن مع شبكه الاتصالات لنربط الاحداث مع بعض والتي سبق وتحدثنا عنها
جريده الصحافه عدد اليوم الاثنين 8 نوفمبر ( المعادن ) توقع 10 اتفاقيات للتنقيب عن الذهب بأريع ولايات وهي الشماليه نهر النيل البحر الاحمر وشمال كردفان شركه مهوقني للاستثمار للتنقيب عن الذهب بمربع أ باالشماليه في مساحه 230 كيلو متر مربع شركه فرو الصينيه في مساحه 330 كيلو وثالثه شركه ارقين دنقلا بمربع 50 في مساحه 5918 كيلو وفي نهر النيل تم توقيع اتفاقيتين شركه سودا في مربع 8 مساحه 1200 كيلو وشركه بيوضه الكبري مربع 126 مساحه 442 كيلو
طبعا الاستثمار والتعدين شيء طيب وممتاز لكن نأمل ان يكون العائد ينعكس في صالح المواطن خاصه مواطن منطقه المناصير الذي طلعت روحه في طلوع الكهرباء وهو منها محروم ولاخطوه واحده محسوسه في توصيل الكهرباء للمنطقه تمت والان نأمل ان لاتكون هذه الاتصالات فقط لخدمه استثمار استخراج المعادن وتسهيل العمل في مدينه ام الطيور الصناعيه ونكون نحن كما نحن وهناك خبر اخر وهو وصول ثلاجات كبيره الي منطقه كريمه طول الثلاجه في حدود 10 قدم بغرض تصدير الاسماك للخارج وتحديدا لمنطقه الخليج فبعد تعمد قتل المشاريع الزراعيه هو طماعنين في الثروه السمكيه ومستكثرنها علي المناصير وعلي الظالم تدور الدوائر في هذه الايام الحرم

ااه قتلي دايرننا نصطاد السمك ويخلفو كراعن ويقولوا الكيو بي الفين جنيه ونحن نسوي الصفقه دنقير والله حنزرع حنزرع حنزرع ونصلح مشاريعنا رغم الكائدين والقابضين

الاخوة المتداخلين والذين مروا من هنا ؟؟؟ سلام عليكم ؟؟ رؤوس الاموال جبانة ؟؟؟ دوما تبحث عن الزيادة ؟؟؟؟ فعملية الاستثمار نرحب بها فى بلدنا ؟؟؟ لكن لابد من ان يكون هنالك عائد يرجع الى المواطن ؟؟؟؟ لانو المحلية خزنتها فارغة ؟؟؟ وعاوزة قروش وعاوزة تمويل لكل المشروعات ؟؟؟ نحن لاندع الدجاج يبيض عندنا ويفرخ عن غيرنا لابد ان نلقى لينا عضم او بيضة من الدجاج الاستثمارى ؟؟؟ الذى سوف يدخل الى البلد بس بكل اسف انسان المنطقة غير عارف ؟؟؟ وعلينا ان ننشر الوعى فى هذا الجانب ؟؟؟؟ حتى نجد حقنا ؟؟؟؟


تحياتى
ابو مصطفى

مازال اهلنا يعانون من الاتصالات وبعد تركيب الابراج في المناصير وقالوا سوف يتم الافتتاح قبل عيد الاضحي المبارك وحتي الان لم يتم التوصيل ؟؟؟؟؟؟؟؟؟؟؟؟؟؟؟؟؟؟؟؟؟؟
يكون عايزين يوصلوا تلفونات لناس المقابر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الاستهداف واضح حتي شركات الاستثمار تماطل ؟؟؟؟؟؟؟؟؟؟؟؟
الله عالم

الاخ عادل شررى لك التحيه والاحترام:
لقد قيض الله لى ان ادخل احد محطات سودانى ون وشاهدت المهندسين يقومون بالتوصيلات والبرمجه للابراج من ابوحمد حتى اخر برج بالمناصير والربط سوف يكون من محطة ابوحمد .
فالامر ليس بالشئ الهين كما نعتقد نحن فهنالك ضبط اشارات للابراج من برج لاخر واحد الاسباب الرئيسية فى التاخير كان السريال نمبر للبرمجه لاحد الابراج اختلط مع ارقام ابراج اخرى يجرى لها توصيلات ببقية انحاء البلاد فقام المهندسين بعدة محاولات تجريبية للارقام ولم ينجح الامر فأضروا للعمل بضبط الاشاره من برج لآخر وصولا لنهاية الابراج بالمناصير ثم معاودة الكره مره اخرى من ابوحمد للمناصير ..هنالك تركيب اطباق هوائية شبيهه باطباق الديجتال وبرمجه للاتصال الهاتفى ثم الراديو ثم الانترنت فالعمل ليس بالشئ الهين كما يتصور الجميع.

شكرا الاخ الفاضل تاج السر جبريل عثمان
اللهم زدنا علما انا قلت يكون بقت زي الحقوق والخيار المحلي ...................؟
لاني اتصلت بي اخي في البلد لامر مهم وكانت الشبكة كعبة جدا فقمت بكتابة هذا البوست .
لك ودي

ساعات وسوداني ون تعم البدو والحضر في محليه البحيره مع كل خطوه بركه

خالدعابدين كتب: عند الناس الاخرين الخدمات دي تمشي زي الباسطة وعندنا دايما تحرن
دي ماعندنا دي عند المستثمرين وشارع الاسفلت برضو نحن دايما من جهه الملوك نلوك اولادنا عبُ علينا دائما شركات تجي وشركات تفوت مافيش زول يحاسب مافيش زول يتابع من المسول اْليس هناك تغطيه ؟

مشكور ابو مصطفي
ماذكرت من اسئله هذه اجابات من وجه نظري الخاصه اولا المستثمرين ياتوا دائما بالتنميه في البلد المعنيه .الابراج هي برج السهيب والطوينه والكاب وكحيله وابحراز وساني والان الجماعه في المراحل الاخيره من عمليه التشغيل بعد ان انجزت كل الاعمال من تركيب وصب خرصاني وغيرها وصاحبنا خالد يكون طلق هوشاف بي عينو الابراج

من يوسف ابو سدرين الان الطويني بابورا مدور والسهيب وابورا مدور

بكره يقولو الجاز كمل الايجيبوه من الخرطوم وضربنا لى المهندس وتلفونو مابرد

ليه ما يشغلوها بي طاقة شمسية ما ارخص واسهل

السيد لريس خالد قال وهو القول الذي استشهد بيه ياسين ( عند ناس واحدين الشغل يمشي زي الباسطه ؟؟)
وانا اقول عند السيد الريس الباسطه خشم بيوت مره سمحي لمن يضربوا بيها المثل ومره ؟؟؟؟؟؟؟
والذكري تنفع المؤمن وكل شيء في الحياه ممكن أذكر يوم الرحله علي وزن يوم البحيره وأذكر شاي هناء الشاي البنجقلي وياريس براك شفت

ماهو ياهندسة الباسطة دي سمعنابا في التشبيه ده - وزي سمن على عسل وهكذا

مقارنة البانجقلي والباسطة ؟ دي زي -السألوهو حلو السكر وللا جراي الكلب ؟ قال أبعد القضارف
***********
نقول لي سوداني ٌتو
فضل فد تو
فضل فد تو
ولسع الشبكة كرو

مرحبتين حباب سوداني ون وعقبال لشركةزين تخش لنبني وطن

الانباء تقول تمت عمليه التجربه العمليه لبرج الحويله
واليوم موعد انطلاق الشبكه عند الساعه الثانبه صباح
مصدرى لم يجاوبنى عن سر انطلاقها فى هذا الوقت
المهم تشرق الشمس ونشوف

الشي شنو يا دابي اللخ عاد قول أأأخ نحيا ونشوف .
حسب كلام الحاج تاني فسبكة من داخل العوناب وبالتحديد حجرت البحر .

الإخوة الأعضاء
كل سنة وانتم بخير وأهلكم المناصير بالف خير
بعد إذن الحكووووووووووووووووومه (يس)عاى لشان أجيب على أسئلة أبو مصطفى

اول برج تم تركيبه واخر برج من وين لى وين فى المناصير ؟؟؟
الكاب وآآآآآآآآآآآآآآآآخر برج تم تشيدو أبو حراز.
من القائم على امر هذا الاستثمار ؟؟؟
إدارة السدود.
وعلاقة المحلية بتاعتنا بى هذا النوع من الاستثمار ؟؟؟؟
جزء من النظام (إدارة السدود)
ومتى بالضبط سوف نتحل من الو الو ما سامع حاجة ؟؟؟؟
بعد ما يجيهم مصران عصبي وضغط وسكرى وتتفقع مرارتم ويورمو..الخ (وده طبعاً الدايراهو سروره (إدارة السد)).. لكن نقوليهم ده ما بحصل!!
الابراج دى تشتغل كيف وهى محتاجة لى جاز ووابور؟؟
الأبراج تشتغل كيف دى دايره ليها قرايه وشرح كتير.
أما حكاية محتاجه جاز وبابور؟
طبعاً ما محتاجه لأنو الكهرباء سوف يتم إدخالها للمنطقة، لأنو ما في استثمار بدون كهرباءأعفي لي إذا كان فقعت مرارتك

شكراً أبو مصطفي
شكراً ع السؤال وأشكر كل الأعضاء
والله غيابي كان بي اسبابو، وشكراً ع الكرت الأصفر

التحكيم فاشل ؟ مافي ناس الان مختفين؟