حاجات زمان.. توجدصور. أدخل ما حا تندم

شنطة من جلد البقر..
 كورية رمضان كريم
 حلويات ريا
 بابور شاي
 شنطة صفيح ( مـٌجـْـوِزْ  )
.......
 الجماعة البي يسرقوا الصور؟
حقوق الملكية محفوظة
............
IMG][ندعوك للتسجيل في المنتدى أو التعريف بنفسك لمعاينة هذا الرابط]

رائع يا الصدوق
برضو ممكن تعمل مسابقة وتقول  ليهم يضعوا القائمة أ (الاسماء) مع مايناسبها من القائمة ب ( الصور)
كترين حا يصقطوا!!!!

[ندعوك للتسجيل في المنتدى أو التعريف بنفسك لمعاينة هذه الصورة][/img]

ديل كان قلنا ليهم أضعوا القائمة ألف مع ب
راح يسقطوا! يا أب أحمد
 أهو نحن هنا جامعة مفتوحة تأخذ الناس بالتدريج لتصل ليهم المعلومة..
 إذا كان أنا زمان نزلتا هنا صورة ( رَحـَلْ )
 قام اتصل عليا زول قال لى وهو متأكد كمان
 قال لى ( الستيانة ) زمان بيعملوها المناصير من السعف؟
 قلت للسائل يعني    أنت متاكد  أو متأكدة أنها ستيانة؟
 بعدين نجي لى موضوع يعملوها من السعف والله القماش المناصير
 ستيانة منو دي القدر كدا؟
 لالالا قالوا الصورة ما بتورينا الأبعاد؟
 قلت ليهم دي حاجة اسمها الرحل.. تشيل تراب حمولة 500 كيلو تقريبا..
 قالوا: رحل يعني شنو؟
 وهكذا
 يبقى  الجيل الجديد دا يا أبو أحمد نأخذهم بالسيسي.. جيل الإنقاذ.. لامن نوصلهم الى تراثنا  وتراث السودانيين عامة بأمان

روائع
نحمدالله ياصديق ما بقينا من الجيل الجديد
وربنا يخليك لينا تربط الحديث بالقديم

عارف يا صديق اذا كان الرحل قالوا ستيان، ديل مش حا يصقطوا وبس ديل حا يصوطوها صواطة

شكرا أستاذنا ابو حنه لكن المحيرني الشنطه من جلد /البقر/ دي برضو من التراث المنصوري

الأخ صديق أبوحنه لك التحيات العطرات من الله مباركات ... جدول جميل فتحته بي جاي ينساب ماءه سلسبيل عذب فرات ممتع للشاربين قدام وجداد..القدام يجددوا شبابهم فيه وهم منتشين والجداد يضاف لهم شيء في خيالهم وهم مندهشين .. زي بتاع الستيانه ده الطاشي شبكه .. الله يكون في العون ، ما عدمناك ياباشا واصل ونحن في لهفه ... ياصديق هناك لقطه مرسلها الفكي في بوست البصمه المنصوره أيام زواجي سنة 1979 شوف الأشخاص الفيها .. بعدين الدور في سرد حيشان حلة المناصير جاي على حوش علي سليمان أبوحنه بعد حوش شاويش حسب الترتيب الجغرافي  .

دى حاجات سادت ثم بادت كان ليها صوله فى عالم الأمس ياباشمهندس صديق ولكنها عالقة
فى ذاكرة شهود ذلك الزمن ، قبل أيام كنت أحكى لأحدهم عن حلاوة الطحنية التى فى الصفيحة
والتى فى علبة صغيرة من الصفيح فقال أنه لم يسمع ولم يشاهد هذه التى فى العلبة ولكنه شاهد
التى فى الصفيحة ...
حلويات ريا . حلويات سعاد .

IMG][ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذه الصورة]

منططين عيونن مساكين والأفكار تقول ياربي حارة والله باردة الطعنة ومتجهزين قبل ما الدور ما يجيهم.. خوف صامت.. نحن زمان تخاف بي جوة من الشئ لكن ما تظهر الجزع للناس.. والله راح يقولوا ليك أنت ماك منصوري؟

ياخي حتى الطهاري.. جننونا جن... أبشر.. ابشر... أبشر... ارفع راسك يا ولد.. شلّق.. شلّق.. شلّق.. شلّق..
كان بكيت تبقى لعنة ليك لى جنى الجنا... أمك ذاتا من هناك تعاين ليك وعايزاك ما تبكي.. عشان الناس يقولوا فارس..
 ونحن كلنا أربعة سنوات.. خمسة سنوات.ستة
لخمونا لخمة
 حاجاتنا كلها زي حاجات الرجالة كدا.. لا بنج ولا حاجة..
غايتو الله كريم علينا

.........
 هسي دي كلمة ( شـَـلـّق ) دي  في ناس في أولاد الليلي وبنات الليلي بيكون ما فاهمنها؟
 يقول ليك  ,انت تكب ليهو بالأبريق ( أها لوحك طلع وين؟.. أوعك من الطوريي)
تقول ليهو جيت الأول
 يقول ليك ما شاء الله شـلّقت تب؟
يعني قربت تبقى مدرس؟ تصرف من الشباك.. أوعك من البوغة والطين والطوريي  بتاعة أهلك عاد؟

يا سلام يالشيك أب جمل..البلاك ما تم الأمل..............فاوضني بلا زعل ...
الزعيم الخال لك آلاف التحايا وأنت تضفي (العتق)والتعتيق على هذا المنتدى..
بجماليات تنال الإستحسان رغم تباعد الأزمان والأذهان..
لا يسعني إلا وأن أصفك بمطلع مداخلتي هذي:
أنت (الشيك أب جمل)..أنت أيها الرجل المعتق تمتلك حب كبير لهذا التراث وتلك البلدة التي استنارت بكم وسوداننا جميعا يتعلم لو شاف ورأى..
أرسل لك تحاياى وتعتلجتني أحاسيس محبة تجاهك تكاد تكون غراما..
لا غرو فأنت خالي وأنا وأنت من نسل(شولمنة بت حمد تومى وعبد الله الحنّوني صاحب اللنش الأول في مناصير الروعة والجمال)
لكنك تبتعد وتتنفس عبر الأثير وأنت قليل الإجازات والحضور إلى هناك حيث الجمال والروعه..لماذا؟
عازمك (حلة سوق)و(جبنة)و(غمولي ما بعد الغرق)و(عرة منفوشة)الشوك و(خمشة برسيم)ما بعد الغرق و(قييلة)في برندة (برندة بت أب حجاب)
وعودة للزمن الجميل والطنبور معاي..
فهلا تكرمت..
شكرا نبيلا على الإتحاف والجمال..

شكرا ود اللخت ود الحمود على هذه الإبداعات الطيبة.. ونشكر لك مشاعرك.. بالجد دايرين السودان يجمعنا.. وعايزين نشوفو كل مرة ماشي لى قدام.. لكن تقول شنو؟ تأتي الرياح بما لاتشتهي السفن..
 صاح فترات جياتي للسودان قليلة.. وكنت عايزها كل سنة.. لكن هموم الغربة التى طالت فينا. وحصادها مر.. وبسيط..
 ا بالجد مهموم يا ود أختى... والعمر تقدم.. والناس ديل هنا اولادهم إتعلموا خلاص.. وبقوا يمسكوا الوظائف مثل وظائفنا.. حا يخلونا لى متين عاد؟
وما عارفين نمشى وين؟
الهم حاصل..
لكن نعيش على ذكريات بلدنا الجميلة.. وذكريات مناصيرنا..