حكايات من الزمن الجميل

تذكير بمساهمة فاتح الموضوع :

اهلنا الغالين .. الزينين ..السمحين
كيفنكن عل ابوجعكن شي الله يقطع الواتساب والفيس الحرمننا من البيت الكبير .. غبنا كتير منكم لكن زي مابيقولوا كبارنا العرجي لي مراحا ... عدنا والعود احمد
عدنا لكي نعيش معكم الحاضر والمستقبل والماضي الجميل بكل زكرياته الجميلة وطيبة ناس البلد والجد والحبوبة ولعب الطاب وكركعت (بكسر الكافين) والشد وكبوت كبوت وشليل وين راح اكلو التمساح والرمي الحراسا والعوم والزلوقية و القرو  وبنيت الكاك حيكا حيكا والجروف والبينضوره الشمام والبتق والشريك(بكسر الشين والراء)..
ورود المويه بالجوز والعجب العجيب ان بقى البابور عطلان والحبس فاضي والبحر حدر وعود الجوز فيهو كعكي تسويلك دبره في فقهتك مليون في المية
ياسلاااااااأام على الزمن الجميل برغم القساوة وجميع هذه الاشياء التي زكرتها تصلح لكي تكون عنوان لقصة او حكاية جميلة او طرفة ..ولي عودة..

هكذا أبناء بلادي رائعون دوما وانتم تتحفونا بهذا القبس من ذلك العهد الجميل الذي ماذال يعبث في دواخلنا وشكرا كتير لصاحب البوست الرائع دوما ابراهيم محمد سليمان والأخوه الداخلين علي البوست حقا نريد اتحافات صديق ابو حنه ف هو رقم لايمكن تجاوذه

تسلم يا دقيسابي.. تسجيلك في المنتدى زاده ألقاً ورونق.. جيد لينا بيك..

بي مناسبة القيمات دي اذكر اني في الابتدائية وفي احد ايام امشير والدنيا عصر والهواء قايم شميت لي ريحة لقيمات جاي من لاتحت واليوم داك كان نضافة الفوانبس علي انا وللناس الما نضفو الفوانيسنضافة الفانوس زمان شغله معلومه وهي ان تقوم بمسح ألزجاجه اما بقطعه او بالرماد اولا ان كانت الزجاجه مكربنه شديد ومن بعد ذلك تقوم بتفويط الزجاجه والشكل الخارجي للفانوس ويكون ذلك بعد مراجعة الشريط واتمام الجاز المهم هذه المهمه كنا نقوم بها ونحن في عمر 7سنوات واصعب ما في الامر تجي المغرب وتلقى الجاز كمل في الفانوس وتاني مافي جاز الا عند البابور والدنيا ليل والضلام والهواء قايم وامشير وامك تدقك وتقول من النهار ماحضرتو مالك الليلي عقابا ليك تمش تجيبو اسع من البابور ...ولي عوده لي اللقيمات

ود اللخت سويتا لينا نضافة فانوس؟
 ونحن دايرين اللقيمات ومنتظرنها كانت في خس مني؟
 أوع يكون دخلت عليها توووووش في الخس؟
 كدا بقدر أقول بطنك مغلّباك يا ود اللخت؟ من زمان
 ما أصلو حلة البرجوب كلها أهل .. مافي عوجي..