محلية البحيره إبداع متدفق

جيب هسسسسه من مسرح النيل

الاسبوع الثقافي ولاية نهر النيل
برنامج للمحافظات الولايه
اليوم كان برنامج محلية البحيره علي مسرح النيل عطبره
برنامج كان ابداع نال رضا الجميع
واليكم تفاصل البرنامج انشاالله مااكون نسيت حاجه
اولا التقديم كان روعه
بنت زي القمر من قلب المناصير ابدعت في التقديم
مقدمات قويه وبدون ورقه يعني احسن من ناس النيل الازرق
شاركا في التقديم عبد الرؤف الكلال وواحد تاني مابعرفو
بعد القرآن
مديح حلو من فرقة علي حامد
بعدها اشعر الاستاذ المبدع عمري الدمري قصيده جميله
وبعد جا الطرب والطمبور الفنان ابراهيم محمد ابراهيم
الاسم دا مامتأكده منو
المهم طمبور جد والناس وثبت وثب شديد
وبعدو مسرحيه صغيره
موضوعها محلية البحره الفضايئه عملت لقاء مع
مره عندها بنت عيت مننن 2008 وماخلت دكتور
وقعدت بيها في الدامر اربعه شهور
هسي المد لله بدت تتعافى
الفكره واضحه مش
بعدها كمان الشاعر خليفه عيسى قال قصيده حلوه
وتاني طرب فنان اسمو د جيب الله
وتاني عملو فقره تراثيه عن (القعيده) الجرتك
كانت حلوه شديد
السرير مفرش العريش شايل سوط ورابط هلال
وصينيه الجرتك جو النسوان شايلنها ويزغردو
وختو قروش وهلالات فوق العريس زاعوها
حاجه ابداع
وفقره تانيه قعدة رجاله اتكلمو فيها عن ابراهيم الشاعر
وقالو بعض اشعارو ومناسبتا
وتااني جا الطرب
الفنان مهدي وغنى محمد وييييين
والناس وثبت واندغمت وحتى الوالي (الرفاهيه) آخر اندغام
وختم البرنامج بالفنانين التلاته بي اغنية
طله طله علي المناصير
الحضور كان كتير شديد
الوالي والمعتمدين ومسؤلين كتار
والطلاب حضور مميز
برنامج نال الاستحسان
انشا الله اكون وفقت في نقل صوره
بسيطه للاحتفال وابداع اهل البحيره

تمام   أستاذة محاسن
 بس أوع العريس البي يمثل ده!
 يكون صدّق جد جد إنو عرّس.. مع الظروف الصعبة دي؟
 لما يرجع لى واقعو بعد التمثيلية.موش بيكون واقع مرير... والله  شنو يا أستاذة!

شكرا محاسن--وعمل جميل --وان الاوان ان نعكس تراثنا وثقافتنا غى مختلف المحافل والامكنة--والشكر لك من ساهم فى هذا العمل ---

الشكر لكل من ساهم فى هذا العمل الكبير
ووقع فى البحر جو وهو عارف الموية ساقطى
شكرا  الاخت محاسن على نقل الصورة
مزيدا من المشاركات وعدم التردد والصبر على الانتقادات من اجل الانتقاد
لا من اجل التقويم

مشاءلله ربنا يوفقهم اهلنا اكتر واكتر محاسن شكرا كتير لايراد التفاصيل ربنا يحفظك ويسدد خطاك

اضافه
نسيت ان اذكر انو كان في معرض مصاحب للعرض المسرحي
عرض لتراث المناصير بكل تفاصيله
معرض مدهش
ومعرض المناصير من اكثر المعارض ازدحاما واقبالا
فعلا حاجه تشرف وترفع الراس
لكم التحيه اهلي وعزتي اينما كنتم

هكذا نريد أن نكون ، نريد أن يكون للمناصير وتراث المناصير وإبداعاعات أبناء المناصير ،
أن نكون حاضرين بل ومتميزين ، بهذا نقول للجميع نحن هنا ونحن ضلع لاغنى عنه فى
ولاية نهر النيل ، وياليت  تكون لنا فرق جاهزه ومدربه فى هكذا فنون .
ومن هنا أقول إن صفحات هذا المنتدى مليئه بشتى ضروب تراثنا ، عليه يمكن لمن يودون
أن يقيموا أو يشاركوا فى مثل هذه الليالى الفنيه أن يستعينوا بها .
شكرا الأخت محاسن نورتينا وماكنا لنعرف مع تحياتنا لكل المشاركين والقائمين بأمر تلك
الليله ...

لك التحية الابنة محاسن
كاننا حضرنا هذا البرنامج ويا روعة عرضك له
تسلمي

محاسن أحسنت العرض.. بس زي ما قال الباش مهندس الفكي... المنتدى دا مليان بالتراث لى قدام يستعينوا بيهو ان شاء الله

شكرا كتير الأخت محاسن

م بروي كتب:الأخت محاسن
سلام
دقه في النقل، ووصف متسق وجميل
ودليل محبه للأرض والانسان
شكراً للأستاذه الراقيه

وصف متسق وجميل مبلوعة لكن دقه في النقل دي محتاجه اعادة نظر والا تكون كنت حاضر 


شكرا كتيير للاستاذة محاسن علي الوصف الجميل
 يا ريت لو في توثيق مصور لمثل هذه الفعاليات وياريت لو كان في اخطار قبل فترة
 هناك من يستطيع الحضور

الرشيد خلي الاندغام وركز في الموضوع

كان اليوم الختامي لفعاليات اسبوع الثقافه
بمدينة بربر وسلمت فيه الكاسات للمحليات الفائزه
وكان نصيب محلية البحيره 3 كاسات
الكاس الاول للمعرض وكانت الفائز بلا منازع
والكاسين التاني والتالت
واحد في تنظيم المعرض
والتاني في الغناء الشعبي
وكاسين تنظيم المعرض والغناء الشعبي
مشتركه معاهم محلية المتمه
طبعا دي بتكون عشان تكافي العين
وللعلم زمن اخطار محلية البحيره للمشاركه في البرنامج
كان ضيق جدا
يعني كان في تحدي ومجهودات جباره
فلهم منا التحيه والتقدير

تنويه

كامرا الشروق كانت حضور
وسوف تقوم ببث البرنامج
انشاالله نعرف زمن البث ونوريكم

شكرا الاستاذه محاسن لهذا النقل الدقيق الرائع ولقد وضعتينا فى قلب الحدث تسلم يا رائعة .

الإبنه محاسن أكثر الله خيرك وبارك فيك . نورتينا بهذا المجهود الكبير الراقي الذي قام به الأهل في محلية البحيره وحسب وصفك الدقيق رغم أنف الرشيد فعلاً كان جهد مقدر منهم في إصال صوره الواقع في محلية البحيره وكيف إن الناس قد تخطت زمن المحن والإحن وصارت تستشرف المستقبل القادم بإذن الله بكل ما فيه من خير بفضل الله عز وجل أولاً  ثم بفضل أبنائها الأكارم الأفاضل أهل القبيله  حفظهم الله من كل سوء . شكراً لك بهذه الإنارات الوهاجه .

محاسن كتب:الرشيد خلي الاندغام وركز في الموضوع

ههههههههههه

حاضر

لكن وجعتني دقة في النقل دي الزول التقول كان حاضر

الإندغام دي شنو يا محاسن؟
 الزول دا ود فقرا.. يرييب الموية ! ويسخت الزول! جدودو كانوا بيطيروا زي جدود شرف الدين غلام..
 بس برضو أحسن نقول ليهو ركّز في الموضوع ، وأبعد من لسان ومهاترة محاسن الما ساااهلة.. خليك مع اللجنة وناس علي الكليس..

عبد الحفيظ النافعابي كتب:الإبنه محاسن أكثر الله خيرك وبارك فيك . نورتينا بهذا المجهود الكبير الراقي الذي قام به الأهل في محلية البحيره وحسب وصفك الدقيق رغم أنف الرشيد فعلاً كان جهد مقدر منهم في إصال صوره الواقع في محلية البحيره وكيف إن الناس قد تخطت زمن المحن والإحن وصارت تستشرف المستقبل القادم بإذن الله بكل ما فيه من خير بفضل الله عز وجل أولاً  ثم بفضل أبنائها الأكارم الأفاضل أهل القبيله  حفظهم الله من كل سوء . شكراً لك بهذه الإنارات الوهاجه .

باشمهندس ان شاء الله تكون بلغت الصحة 
يا هندسة متفق معك ان الوصف جميل وشامل ومجهود مقدر من محاسن
لكن كون ود بروي يقول دقة في النقل دي انا ما بفوتا سااي لاننا نحب الدقة والزول البقول كلام ما دقيق ما بنخليهو ومنو كمان ود بروي لا لا لا والله
باشمهندس كنت اود الاندغام لكن منعونا  
التحية باشمهندس عبد الحفيظ
التحية للاستاذة محاسن 
ولا نامت اعين الجبناء

شكرآ الاستاذه محاسن علي النقل الحي ونشكر كل من شارك وساهم في نشر تراثنا
ومزيدآ من الابداعات عيال منصور

شكراااااااا للاستاذة محاسن علي هذاء الوصف الحي والشيق 
للحضور والمساهمة في مثل هذه البرامج تسلمي ويسلمو المتداخلين
وتسلم محلية البحيرة ويسلم كل منصووووووووووري غيور علي بلدي المناصير

شكرا بت العمة علي الوصف الدقيق
مزيدا من التوثيق والتوفيق لتراث المناصير
ابداع وفن وشهامة
تسلمي

المرور الكريم
أأسف جدا لتأخري في الرد علي مداخلاتكم الجميله
فلكم جميعا العتبى

الباشمهندي صديق
الاستاذ سلمان
السيد عباس
شكرا لروعة مروركم

السيد ابو احمد
مروركم شرفنا فلكم التحيه
الباشمهندس الفكي تسلم كتير
العقيد سامي تعظيم سلام

علي الحمود مشكور علي المرور
عازه فيك الخير
الا مافي بت جات بي جاي

فنانا الجميل
شكرا للوصف الدقيق كيتا علي الرشيد

الباشمهندس عبد الحفيظ كيفتني
كييييتا علي الرشيد ههههههه حلوه

السفير نور الهادي انتم الروعه

الرشيد كتر خيرك  

الاستاذ علي عبد الله شكرا علي المرور
عبد الدافع يسلموووو
عادل شريري قريبي لك كتير السلام

الأستاذة محاسن كحيل .... لك اتحية والتقدير  ... والله أعجبت كثيرا كغيري على سردكم المتواضع الجميل والتقل الحي لأهلنا ناس البحيرة وهم يقدموا شيء جميل ورائع على الملأ ونجاح باهر. شكرا على القائمين على هذا العمل وشكراً للطلاب والطالبات والتحية للجميع.

السيد عبد الغني
شكرا كتير علي المرور الانيق
لك التحيه بلا حدود
وامنياتنا دوما للاهل بداوم التقدم والنجاح
والي الامام

شكرا كتيييييير استاذه محاسن الكاس الرابع ليك تعجبني فيك الاصاله والغيره ع اللبلد الاخوان ف المنتدي ماقصرو وماخلو لينا حاجه نقولا تشكري

مشكووووووووووووووووره الأخت محاسن علي النقل إن شاء الله دائماً محلية البحيرة في المقدمه

عطاالله منور بي جاي
وشكرا علي المرور
وشكرا علي الكاس

فوزيه
يسلمووووووو علي ها الطله الحلوه
يعطيك العافيه
نورتي البوست

الاهل الافاضل الكرام
لكم التحيه

اليوم سوف يبث البرنامج الثقافي
الخاص بالمهرجان الثقافي لولاية نهر النيل
علي قناة النيل الازرق
الساعه التاسعه مساء
مشاهده ممتعه