برنامجي الانتخابي للمرحلة القادمة يا أبا أحمد

الحقيقة كان هو رد بي هناك في قسم التراث.. كان رد على أبو أحمد.. وأنا قلت من الخير أن يكون برضو بي جاي.. عشان ننور الناس الذين يحبون أن يعملوا لخير المناصير.. ما ضروري أنا شخصياً أفوز في مستقبل الأيام بحول الله..
 أبو أحمد راجل حصيف.. وراجل ذكي.. أرجو أن لانقصم ظهره.. ذكي سؤاء اختلف معه البعض أم لا.. سواء خدم وأنجز أو خدم وفي بعضها إخفاق.هي حركة من يعمل..
  في قسم التراث في موضوع( دهين بارود) تجد المداخلة التى تفرع منها هذ الكلام.. وسوف أنقل مقتطفات منه..
 أنا شعرت بأن سؤال أبو أحمد أكبر من مداخلة فقط.. ولذلك أعدته هنا ونشرته هنا للمصلحة العامة

دِهـَـــــيــن بـَـارُوُد
 كلمة منصورية خالصة لايستعملها غيرنا نحن المناصير
 ماذا يقصد المناصير بهذه الكلمة؟؟؟!!!!
( دهين باروود.. عمّك موروود )

وما علاقة الإسم المعنى
بـالدهن
 وما علاقته بالبارود؟؟
 وانجمعت الكلمة فصارت ( دهين بارود )

[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة] من طرف سلمان عقيد النعوفابى اليوم في 12:24 am

=4e7ea165bd7e501b4a9ca1502006226d&cvf[1]=d9485e51abab8e9ca9417fb3a36ede9d&eval=plus&p_vote=99122]+
----
=e2d6ee50c5f1c7a236355a855ef8f6ec&cvf[1]=412bf33792b7e52f50dc3e28831a17b4&eval=minus&p_vote=99122]-

والله ياهندسة قاعد تجيب حاجات---يمكن نكون سنين --ماشفناهااو حتى ذكرناها-دهين بارود عمك مورود فى جزاير الدود--والدهين دا حاجة سودا كدا توجدغالبا فى شكل مجموعات على تحت سطح الماء --واحيانا يغرف مع الموية فى الصفيحى ويتكب فى الزير---ولعله عندما يقال له عمك مورود--يتفخ ويزيد حجمه--نحاول نجد العلاقة بين الاسم--البارود والدهن--وهنالك مقولات تقال للاشياء --فيتغير شكلها مثال شدرة الفاس --الفاس جاتك---ففى ثوانى تذبل اوراقها او اوراق وصفق الغصن الممسك به--وايضا القريفى عندما تلمسها تقعد كانها ميته والكدندداية عندما ننفخ عليها برضو تقطع الحركة ويقال لنا تقل (نفس ود اب نادم عفن-)وهذا الحركات والسلوك غالبا مايكون وسيلة دفاع عن النفس او شئ من هذا القبيل --لكن بعضها للتحدى او الحث على الايتيان بحركة جديدة  او اداءعمل--عندما كنا نشاهد (بدير) يرفرف بجناحيه فى الهواء متابعا سمكة كنا نقول له --بدير كضاب --بدير كضاب ونكرر العبارة كذا مرة --يقوم بالانقضاض على السمكة --ويأتى بها ونشعر باننا حرشناهو--

• [ندعوك للتسجيل في المنتدى أو التعريف بنفسك لمعاينة هذه الصورة]
  
• [ندعوك للتسجيل في المنتدى أو التعريف بنفسك لمعاينة هذا الرابط]
  
  
  
  
  

[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة] من طرف صديق عبدالله علي أبوحنة اليوم في 12:34 am


يا سلام عليك يا أرباب ما خليت لى شئ ممكن أقولو.. شرح وافي جداً..
تسلم سلمان لى مناصيرك..
 نعم كنا نقول ليهو : ( دهين  بارود.. عمك مورود.. أو عمك موجود في جزاير الدود) وفعلا كان يتنفخ.. ويقال أنها شرنقة الضفدعة.. كانت توجد في الترع المقطوعة من البحر..

ولاعلاقة  للإسم بالدهن ولا بالبارود.. بس إسم منصوري ( دهين بارود) جات كدا..

[ندعوك للتسجيل في المنتدى أو التعريف بنفسك لمعاينة هذا الرابط]
[*][ندعوك للتسجيل في المنتدى أو التعريف بنفسك لمعاينة هذه الصورة]
[*][ندعوك للتسجيل في المنتدى أو التعريف بنفسك لمعاينة هذا الرابط]



[*]
[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة] من طرف abuahmed اليوم في 9:43 am

=b1ec5fec251ddfaa988fb4009adf26c5&cvf[1]=691889f17a6bfecdb158dfd6c1c47643&eval=plus&p_vote=99132]+
----
=45e17847a99ff7c916d207e222d5f1be&cvf[1]=112c7e15a8fe652fb4d27e5c24048358&eval=minus&p_vote=99132]-

طبعا كلامكم دا يا صديق وسلمان زول حا يفهموا ليكم مافي الا العواجيز الزيّكم
اه يا مخرفين
لكن بيني وبينكم توثيق ممتاز وذكريات ممتعة
تسلموا يا رايعين

هههههههههههه
تسلم يا أبو أحمد؟
 أول نحن قصدنا شنو؟
عارفنوا ما بيفهموه إلا الزينا!
القصد هو تفهيم الجيل الجديد ما فقده بالإعاشة، الى ما يفهمه بالتعليم والتعلم.
هذا هو القصد..
والقصد فهم ثقافة الماضي، كيف كان آباءهم وجدودهم يمتطون صهوة هذه الثقافة البكر. والتى أفضت بهم الى واقع ندر أن تجد مثله في قبائل السودان الأخرى.
 والماعندو قديم قالوا ما عندو جديد.. عشان تجعل ثقافة الماضي وسيلة للإنطلاق، والإنعتاق.. والماعندو كبير، قالوا يشوف ليهو كبير..
.........
 تخريمة :-
 أبو أحمد أيه رايك أنا عايز أكون والي نهر النيل.. رايك شنو؟

عارف يا صديق
خليفة خوجلي دايما كان بيقول انا عاوز بس اكون والي نهر النيل لمدة شهرين عشان  اجيه المناصير
انت عاوز تكون والي نهر النيل لي شنو؟؟؟!!!!
طبعا نحن عنصرية ساكت حا نصوت ليك
لكن عاوزنك تنجح في الانتخابات وتنجح كوالي ولذلك عاوزين برنامجك يبقي واضح وكمان حزبك يكون من الاحزاب الكويسة ،او تعمل حزب براك عشان زول يقول انت حزبك فعل ولا ترك مافي!!!
تخيل يا صديق واحد من المرشحين كان برنامجه الانتخابي الذى طرحه علي الناس فيه جملة واحدة( اريد ان ابني مستقبلي)
الناس قالوا ده برنامج واضح وعملي وصاحبه رجل صادق ونظيف ولذلك صوتوا له واكتسح الجماعة
علي العموم ماتتردد وعين ود بروي وكيلك للانتخابات

طبعا كما ذكرت يا أبو أحمد
 شاعر القبيلة  محمد بروي جاهز.. لتوليد الشعر الفحل.. إذا بدأت حملة الانتخابات..
 بعدين أنا زول ليس ضيق الأفق.. ليس محصور في قفص معين..
عايز أقدم للناس.. ما عايز من الناس حاجة..
حتي مخصصات الوالي ما عايزا.. راتب والي ما عايزو.. بس يساعدوني باالآيات والمعدات بس.. .. مجموعة( شااوال ) و ( قريدار ) ( تركترات ) و( حفـّارت ) و ( كسـّارات ) وطلمبات ري.. وآليات أخري بحددها بعدين

الباشمهندس صديق اليوم مزاجك رايق ساعة بقيت تتكلم فى السياسة ولكن صدقنى سيقف مناصير فى طريقك من أجل تعمير المناصير ووالله لا اسامة عبدالله ولا عمر البشير سيقف فى طريقك من أجل تعمير المناصير فأنت متابع للأحداث عندما تحدث اسامة عبد الله وقال بيت العمدة نعمان لا يساوى ثلاثين دولار وعندما تحدث البشير وقال الله ليكم من جوافة المناصير هولائى تأتيهم المعلومات من مناصير حاقدين على المناصير عندهم عقدة نفسية .ستنجح فى التعمير اذا حاولت اولا توحيد المناصير , ولن يتحد المناصير فى عهد هذا النظام الفاسد .

صديق اخوي
برنامجك ما بطال زي ما قلنا في بوست اخر
لكن انا المحيرني صاحبنا نور الهادي, محل ما يدخل بدل يقول بسم الله يقول الكيزان وكان صلحا شوية يقول هذا النظام الفاسد
في السبعينات وايام المصالحة الوطنية كان طلاب الاخوان محتجين علي المصالحة مع نميري وما قدروا يبلعوها لانهم كانوا معارضة قوية ضد نميري, شي مظاهرات, شئ قتال----الخ
قام المسئولون من الطلاب بعمل اجتماع لطلاب الجامعات في شكل رحلة بمنطقة ابودوم بالخرطوم وكان المتحدث الرئيس هو د. الترابي, حدث الناس عن المصالحة اهدافها وفوائدها المرجوة ثم قال لهم نحن خايفين مايكون عندكم تجربة وفهم غير المعارضة وعندما تجي حكومتكم تقوموا تعارضوها.
انا خايف صاحبي نور الهادي اذا جات حكومة مكونة من جماعتو حا يعارضها ويقول ليهم انتو متعاونين مع الكيزان
السياسيين الان يبحثون عن نقطة تلاقي بين الجميع من اجل الوطن!!!!!!؟؟؟؟
نامل ان تحدثنا عن برنامجك نحو الوفاق الوطني علي الاقل داخل ولايتك!!!!!!

ماجمل ان تطرح الافكار والبرامج وذلك للنقاش حولها والوصول الي حلول تنقذ هذا البلد الطيب المبارك والمصاب بالعين عيننا حارة نزلت عليهو جهجهتو وقسمتو وافلست اهله وشردتهم الباشمهندس صديف برنامج جميل وطموح وبالجد امل وحلم يارب يتحقق اليوم قبل باكر وعلي يدك انت ماشاءلله عليك بتتوفر فيك كل المواصفات التي نرغب في قائد ركب التنميه ولكن ذي ماقال نور الهادي ستواجهك مصاعب
1- الوضع الاقتصادي للبلد منهار تماما كيف نخرج من هذه الازمه بالجد محتاجه كميه من الافكار 
2- هناك صراعات داخل النظام وفي المعارضه 
3- هناك فئات تحمل السلاح تحتاج الي معالجة ودمج 
4- هناك مناطق في الاطراف علي وشك الانفجار بسبب التهميش
5-القبليه والعصبيه وصلت الذروه مما يهدد بنسف النسيج الاجتماعي 
6- الفساد قول كبير حتي الموارد البسيطه التي تسخر للتنميه يبتلعها ذلك القول
والقائمه تطول كل هذه المشاكل وتلك تؤثر علي التنميه حتي في ولاية نهر النيل رغم انها من الولايات التي تتمتع باستقرار كامل يمكن ان تحدث بها طفره تنمويه لكن عدم استقرار السياسات في المركز وحوجة المركز للقروش لسد مشاكل اخري في السودان يجعل الامور شبه مستحيله تحتاج الي معجزه او برنامج يطرح يكون ضاغط مافيهو مجال لملائكه او ثغره تمكن المفسدين من استغلالها ليس علي مستوي الولايه فقط وانما علي مستوي السودان نحتاج الي وطنيين لا اقصد تابعين لحزب وانما ولائهم لهذه الدوله السودانيه يتم تنظيم شكلية الحكم والاشراف علي صياغة دستور جامع والاشراف علي انتخابات نزيهه وان يكون هناك فصل بين السلطات الثلاث وقومية الجيش والشرطه واعادة هيكله للخدمه المدنيه وتفعيل دور المراجعه الداخليه لكبح الفساد وان يتساوي الجميع امام القانون الان في السودان اذا سرق الضعيف اقامو عليه الحد وان سرق الغني قوت شعب كامل لايجد العقاب . نظام حكم شفاف ومعارضه بنائه وبتمني في غمرة هذا الجو الجميل ان تكون يالخال انت والي نهر النيل ولكن الان الوضع لايسمح نهائي الا زولا يفتقد للحكمه حتي يدخل فيها كان عندو ضمير الا يجهز حبوب الضغط والسكري وكان منعدم الضمير ياهو القليله دي يسخره لي نفسو ويقول الله كريم علي التاس اصلها مامكفيه بدل نتعب كلنا احسن يرتاح جزو ههههههههههههه

صديق عبدالله علي أبوحنة كتب:برنامجي الانتخابي
..........


 أها أنا عندي خطة قريبة من خطة  خليفة خوجلي دي.. بس أنا زول بفهم في الألاعيب كويس جدا.. والألاعيب لمصلحة المناصير.. أول حاجة ما حا أترشح تحت لواء حزب.. لكن بشوف عين الموية ماشي على وين من الناس الكبار وبمشى عليها لامن أصل الى هدفي وهو تعمير المناصير.. ما بقول من أهدافي تعمير المناصير.. لأنو في ناس قد يكون هدفهم الأساسي عدم تعمير المناصير.. ممكن يسقطوك.. لا.. أنا حمدو في بطنو لامن أصل المنصب.. أنا عصايي نايمي وعصايي قايمي لامن أصل المنصب.. أنا ( أدق لهم على كراعن ).. أول شئ اتحدر مع العرق تب..  أمشي على مويتن.. بعدين أجي مشاقق زي التمساح في خدمة التعمير.. أنا راح يكون عندي شعار وهو ( البرهان بالعمل) ( الأنتاج فوق راسنا تاج) يعني حكاية  خيارنا محلي وحقنا كاش.. دي بخليها شوية.. نعمل شعارات تسكت العدو قبل الصديق..  راح أكون والي التخصصات.. أو معتمد التخصصات.. أتخصص قمح بس.. موسم شتوي.. بعدين بجيب فسائل نخيل  أحسن من التى كانت في المنطقة. وموش أجيبا شتل صغار، بجيبا تمر  مقلوع طولو مترين عشان يشيل في سنة واحدة.. موش صغير ننتظروا أربعة سنوات.. وأبدا أزرع ليك المنطقة على شط النيل حول أطراف البحيرة من أم سرح لغاية الشمخية والعال شرق غرب.. من نتاج المحصول من القمح والتمر.. بشتري لكل بيت منصوري في المحلي ثلاجة وتلفزيون مسطح.. على الحائط.. وبتو جاز كبير  بي فرن ودش هوائي فضائي. ومكيف. وأ شجع الشباب والشابات على الزواج.. بعد دراسة الثانوي طوالي.. تمشى الجامعة وأنت متزوج.. ونبني لكل عريس جديد بيت جاهز في المحلي.. بس يجي يولع اللمبة ويدخل على غرفة النوم طوالي.. أشجع الزواج من الثانوي قبل دخول الجامعة..  لأسباب كثيرة ممكن أجي لى طرحها فيما بعد.. عشان يكون المنصوريات عمود العفةّ الغايبة للوطن كلو ، وليس للمناصير فقط.. نهدي الناس التايهة قيم..
 أستجدي المنظمات العالمية وكل صاحب ضمير حي أن يساعد في تسكيننا حول بحيرتنا..
 المراكب بتاعة الفايبر دي والمراكب بتاعة الحديد دي  فيها خطورة لما يكون في هواء.. وقبل كدا في شنكوكة اتقلبت غرقت ناس... بجيب .. يخت كبير.. قريب لى بتاع البشير.. بجيب منو أثنين ثلاثة يجوبوا البحيرة عرضاً طولا..
 عشان نشجع المسؤولين الكبار يجوا يزورونا.. على أنفاس نسيم مياه البحيرة تكون الرحلة.. أغريهم بي فطور السمك الطري الطازج الحي كل ما يشتهوهو.. العرسان البي يتزوجوا من الثانوي. بندي بعد تصديق المعتمد بتاعي كل عريس تلاتة أيام في غرف اليخت على نسايم البحيرة مدفوعة الأكل والشرب ومدفوعة شبكة النت.. والواتساب..
 حزبي لو عندي حزب دا بيكون خاص بي أنا فقط.. العامة يعرفوني من خلال انجازي وليس من خلال حزبي..  دا إذا اقتنعت أصلاً بي مبادي أي حزب..
 بعدين بفتح قرى التهجير على المحلي.. وبفتح المحلى على قرى التهجير.. لأنو أصلو الحصل حصل ما بيتصلح.. بل فيهو تطور وانشرار للقبيلة.. أفتح المحلى على قرى التهجير.. يعني انتاجنا في المحلى لهم قبل غيرهم.. وافتح قرى التهجير على المحلى ، يعني إنتاجهم لنا في المحلى قبل غيرنا..
 بي كدا يتطور المحلي وتتطور قرى التهجير..
يتطور المحلي الأصلنا معروفين بتطويرو.. وتتطور مناطق التهجير( نحن من نفر عمرو الأرض حيثما قطنوا) تتطور قري التهجير.. حتى عمليا ترتفع هذه القرى في الفداء وفي المكابراب تكون آية من الجمال في أي شى.. ترتفع ارتفاع نهضة عمليا تكون أحسن بما لايقاس من المناطق القديمة الحولها.. ويشهد خيرها المتدفق جيرانهم لامن يحسد حاسدهم ويموت بي مغستو ولامن يفرح عاقلهم ويقول الحمد لله الجوا المناصير هنا.. أكلوا وأكلونا معاهم من خير أرض قبيل ما قدرنا نعمرا.. ديل ناس كسروا الحجر في موطنهم وزرعوا فيهو برسيم وتمر؟
 بكون أهدافي سامية وبعيييدة
حتى لما أجي أنوم بالليل بكون تفكيري كيف أبني خطط جديدة كل ما تنجح خطة أفكر في البعدها. وإذا فشلت خطة ما بيأس.. أكررها أو أشوف غيرها
 بحاول اقلل عدد الناس الحاسيدن على المناصير ما بزيدهم. بأي سبيل بحاول اقلل عددهم ..  وبالبرهان وأن أكسبهم.. حتى يكون ليس لنا حساّد.. حتى العايز يحسد ما يقدر يحسد.. لأنو الناس كلهم ساعتها بالبرهان راح يقولوا ليهو يا زول هيييي ديل مناصير  مصلحتهم مع مصلحة الوطن الكبير
 يا زول هييي ديل مناصير ما بيخلطوا الأوراق
 يا زول هييي الوظيفة براها ومساعدة أهلهم براها.. الشغل شغل.. التعمير تعمير.. الوظيفة وأسراراها براها..
 يازول هييي دي قبيلة عرفناها بالبرهان العملي..
 هذا هو برنامجي يا استاذ أبو أحمد

غايتو ياخالي بري من حسادة بنت اختك كاتب برنامج بالجمال دا وانا اقول الحرب والمشاكل والاقتصاد المنهار بجد انا متشائمه لكن من اليوم ورايح مافي تشائم انشاءلله بس نحلم بي برنامجك دا ياريت لو يتحقق سير وعين الله ترعاكم

أهم حاجة في البرنامج الجميل دا! داسيها يا عريس! وتراهم الأذكياء الزيك بي يفهموها ضمنياً.. خايف عليها أهم حاجة في البرنامج الجميل دا! ما ذكرتها ، وما كنت قايل بي تتفهم بسهولة!
 أهم حاجة جاية ما تخاف..

ههههههههههه هو اتذكره بس لانو موجعه راس الدكتور انا اقترح ماتقل من عشره للمناصير المتزوجين منصوريات وخمسه للمناصير االمتزوجين غير منصوريات ولا رايك شنو ياباشمهندس

شهر للمناصير المتزوجين منصوريات يا عازة
 وشهر  وخمسة أيام للمناصير المتزوجين غير منصوريات..
 أها قلنا نوريهو كرم البرامكة..  عاجبني الأحيا سنن البرامكة.. عاجبني الأيدو سامكة ... النعيم ود حمد
......
 بعدين الغير منصوريات ديل زدناهن أيام.. عشان بناتن غريبات علينا.. حريم صعيد.ونحن نعجبك المناصير في إكرام الضيف.. 47 خلوة إكرام ضيف في المناصير من مغربا لى مشرقا... العروسات ديل  نسوي ليهن موية السـُّ كر عشان يحبن المناصير ونجدد الدماء ونجمع القبائل.. وما تنسى كمان المنصورية المتزوجة غير منصوري نفس الكرم لى راجلا.. وإكراماً لى بتنا

ههههههههههههه انا قاصده الشنط الكتار وجوالات السكر والدقيق والبصل

عازه كتب:ههههههههههههه انا قاصده الشنط الكتار وجوالات السكر والدقيق والبصل

عشره عشره للمنصوريات وخمسه وخمسه خمسه لغير المنصوريات عشان الواحد يتمها برهو اليودي للاغراب شنو يستاهل هههههههههه انا بهظر كل حاجه قسمه ونصيب وجعلناكم شعوبا وقبائل لتعارفو والدهب ماتنساهو سته غوايش كبار كان الواحده ذات من 12 جرام تكون رهيبه

جوالات السكر والشنط الكبار والدقيق والبصل جاي ما تخافي يا بت اللخت...
 أول هو قاعد يسوى شنو؟ زمنو دا كلو.. دكتور دكتور في الفاضي.. وأبوه تاجر.. ما قادر على الدقيق والبصل؟
 يداوي في العجين المهرود  أو

هههههههههههه انا بقول تدخله في البرنامج الانتخابي الزووووووول دا دكتور قدر الدنيا وخطيبتو كذلك لكن اكان دخلت الشط والدهب اي مره  منصوريه حاتصوت ليك بالعشره ولاحظ النسوان نص الانتخابات