أها الصورة دي كيف ياجـَـنـَا

قلنا مرة مرة نغيـّر.. الصورة حسب المتطلبات
 أول المنصوري أصلو  محل ما يمشى... يعرف الخدمي.. ويعرف طوريتو
............
  الفكي أحمد
 ذكر في المعمرين بت بربر.. جدة الطيب خليفة عبادي من أبوه..   ماسكاها ( بلد النبي ) أم الطيب لابتكل لابتمل منها.. وآمنى بت بربر في النهاية طلقت..  بيتهم فاتح على مشرع المدارس في شري.. بت بربر دي قالت لى ( بلد النبي ) كانوا سنة ستي. أيام النجعة بتاعة البقارة.. هربوا ومعاهم  والد ناس عثمان ود عبادي لامن وصلوا المقرن في الخرتوم وعملوا نباري تحت الكبري بتاع الخرطوم أم درمان.. لو كان صبروا كان الأراضي دي بقت حقهم بي وضع اليد..
 لما المجاعة انتهت. المامور البريطاني قال ليهم أسجلا ليكم؟
 قالوا لا نحن ماشين شري.. طولنا ما عارفين الناس هناك البقارة كتلوهم والله خلوهم..
 أها بت بربر دي أنا شفتها ربنا يرحما
 طلقت لكن تصلى
 وعندها دعاء بعد كل صلاة ترددوا.. ولاتمل منو ولاتعرف غيرة تقول هي
 ( يا ربي لاتقلب وَسـَرْنا... ولاتـَـمـَـحـّـِن كـَـشـَـرْ نـَا... ومع الرسول أحشرنا ) أها هسه أنا بقول  يا ربي لاتقلب وسرنا..
دعا ء بسيط لكنو نافذ
 دعاء نابع من لسان الحال قبل لسان المقال
.... هذا هو الصدق
 الرب رب قلوب..
 عايز قلبك فيهو شنو؟
 موش التنطّع والحذلقة والفزلكة.. والسجع والجناس والطباق في الدعاء.. من غير خشوع ولا وقار في القلب..

عارف يا صديق يا اخوى
الصورة دي مصنوعة, لابس ليك جلابية وساعة وطاقية ونعلات وماسك الطورية من طرفها والطورية ماها غاطسي في الواطة وما في عجاج قايم وانت تلمع
متصنَع

ههههههههههههههه
مافي عجاج قايم... وأنت تلمع
 ههههههههه
 دي طورية مغتربة يا أبو أحمد