ولا الضالــمـــــــين ..ومتفرقات

من طرف **م بروي** السبت 18 يناير 2014, 2:44 am

تذكير بمساهمة فاتح الموضوع :

الكلة هي حلة لحم كاربه (شيرنق) من مجموعة
من الأصحاب وغالباً ما تكون يوم السوق
و التحية لزعيم دولة الكلات حسن سكينة
عندنا شلة كلة في البلد البمسكوهو الكلة قبال تنجض
يحتل اللحم السمح ... والعضم الكارب يكدو ويرمي في الرماد
أخيراً الشلة زهجت من فعايل أعضائها واتفرتكت..
أها ديل ناس الواتس ترسل ليهم في اليوم عشرين مقطع فيديو
يتفرجو ويضحكو ويقفلو التلفون... هم الضالــمين.
لذلك قررت أفارقن وأجي راجع عرجي.
لمت فينا السنة دي مشغولية من النوع البحمي السوق والكلة
ود الفكي الرباطابي مرسل لي عشرة مقاطع والله العظيم
عشرة يوم ما فتحتهم..
قبل أيام رسلت ليهو 24 مقطع دفعه واحدة اللئيم قال لي(شيطة)
قرقرقرقر

من طرف **م بروي** السبت 25 يناير 2014, 4:27 pm

انتصار حجازي كتب:
م بروي كتب:
بت الأسد جات
أحسن من ولد
بت اللسد جات
حاكومة البلد
بت اللسد جات
أم ساريا الأسد
بت اللسد جات
ستها لي اب حمد
بت اللسد جات
المطر اب رعد
بت اللسد جات
بت فقراء ومدد
بت تاللسد جات
مابتعرف حسد
بت اللسد جات
وود عون الصمد
بت اللسد جات
صفاتو بلا عدد
بت اللسد جات
طيب وراقي جد
بت اللسد جات
حياتو بدون عقد
بت اللسد جات
نيل ساقي البلد
بت اللسد جات
طامح ماشرد
بت اللسد جات

يا الله كلام قمة فى الرووعه
وغايتو راسي كبر كبر مااافى كلام
يتكتب عننا شعر ومن نظم شاعر القبيلة
اى فخر هذا

لا لا انا تانى زوووول يتفاهم معاى مافى

وانت يا ود بروى يوم شكرك ان شاء الله مايجي ... وربي يخليك ضو قبيلة
ونحن من نعجز على ان نرد جمايلكم علينا آل بروي

دمتم آل بروي اهل الكرم الخرافي ونظم القوافي ....
ولى الفخر ان اكون فى قبيلة بها اناس مثلكم مناصير موقدين نار فعلا قبل قولا

طبعا صاحبك ود عون الله نادانى قال لى تعالى شوفى مكتوب شنو
وانا لما شفت القصيدة نططت عيونى من الفرحه فصاحبك لقانى راسى كبر قعد يهدى فى الوضع ويقلب فى المعنى ههههه

فشكرا محمد بروي
وشكرا ايضا لهذا البوست الممتع والذي جذب الجميع

(وهل جزاء الإحسان إلا الإحسان)صدق الله العظيم
ظلت أسرة أسد أب سباع تسدي الجمائل للقبيلة
دون منٍ أو أذى عبر كل حياة المرحومين محمد والنذير
يشهد بذلك القاصي والداني وحتى أبناء القبائل المجاوره
والذي أثار إعجابنا تواصل هذا الإسداء حتى بعد رحيلهما
عبر أولاد وبنات أحسنو تربيتهم فكان الشبل من ذاك الأسد
لذا لم نستغرب حماس أختنا انتصار لتكريم فنان المناصير
فمن أحسن تربيته شخص بمثل الأسد يزعجه التقصير
ويؤرقه الاصطفاف خلف الصفوف (لنا الصدر)
لذا اخجل من نفسي وأنا اهمهم بكلمات ضئيله تترنع
أمام صنيعها المزهل حيث أبت أنفسنا إلا أن نظل أقزاماً
تحوم بين أقدام العظام..
فعشت يا ابنة الأسد فأنت يصعب أن يرد لك جميل.
_____________

من طرف **محاسن** السبت 25 يناير 2014, 6:43 pm

واحده مشت تطلع الرقم الوطني
المتحري بيملا ليها في البيانات
لما وصل الحاله الاجتماعيه
سألها : آنسه؟
قالت :لا
متزوجه ؟: قالت لا
مطلقه ؟: لا
ارمله؟ : قالت ل
قاليها اكتب شنو طيب؟

خجلت ودنقرت وقالت هيهي متكلمين فيني

من طرف **م بروي** الأحد 26 يناير 2014, 2:50 am

محاسن كتب:واحده مشت تطلع الرقم الوطني
المتحري بيملا ليها في البيانات
لما وصل الحاله الاجتماعيه
سألها : آنسه؟
قالت :لا
متزوجه ؟: قالت لا
مطلقه ؟: لا
ارمله؟ : قالت ل
قاليها اكتب شنو طيب؟

خجلت ودنقرت وقالت هيهي متكلمين فيني

قرقرقرقر متكلمين فيها هي مكرفون؟
محنك يا محاسن
ياخواني اقطع دراعي لو الزوله طلعت ساهله
بي هناك في بوست حبيبنا نور المناصيرعن الادوية
قريت كلام كتير كاتباه محاس ..قلت الزولة دي كما
اعتقدت وزي ما قال الرشيد ختيييرة.. وقلت في
نفسي تاني ما نهزر معاها في النهايه
لقيت الكلام كاتبوالطاهر ساتي ...يافرحه ما تمت
لكن مع ده اجزم بان لها قدرات كبيرة

من طرف **م بروي** الأحد 26 يناير 2014, 3:18 am

متفرقات
عجايبك تمحن يادنيا
زول راقي ومثقف شدييييد لكن الدنيا ملطشاهو
الاجازة الفاتت دي لقيت حالو اتغير للاحسن
قلت ليهو انت غيرت شغلك ولا مشيت الدهب واللا بقيت كوز
واللا مشيت سيد شباب المصارف واللا صادقت الحاج؟
واللا مشيست الضهب...قال لا ده لاده كل الحكايه أنو مرة
جيت ماشي على البيت بعد الشغل ونعالي مقطوعه وشايلي جريدة
شفت جماعتك بي عربيتن الما خمج دوبن وقفوا قدام بيتي
(جماعتك قاصد بيها نسابتو الغنيانين للطيش ومن زمن طويل
فاتحلهم وفاتحين لو ... سلم عليهم واتفضلوا اتفضلو
قال لي شربوا المويه سريع وقالوا مستعجلين
عند الباب برا قالوا ليهو انت مقصر ونحنا مقصرين
وان شاء الله بعد ده ما يحصل تقصير.. على العموم
ياخي اقبل زيارتنا واقبل مننا الهديه دي وادوني ظرف فيهو
90 مليون قالوا لي اعمل بيها اي مشروع ونحنا بي نتمك ان نقصت
قال الشيء ده حصل وانا من الصباح راسي موجعني في دين
100 الف زانقني فيهو زنقه صاحبنا تحت النيمه
قال قلت مشروع شنو اول حاجه امشي اشوف لي مشروع جدادتين مشويات
_________
اها القصة دي سببها اليوم ضرب واحد موظف سعودي في المكتب الجنبنا
قال لي محمد انت في البيت اجيك..قلت ليهو لا...وانا (آعد)زي مابقولوا المصريين
لأني مشغول شديد وفي نفسي جزمت بانو دايرني في شغل (وملح) قام قال لي ترجع بتين؟
قلت ليهو ما عارف بالضبط كده.. قام قال لي اي وكت ترجع اديني تلفون.
قلت مصيبة شنو الوقعت فيها دي..داير شنو ده..وماعندي معاهو أي
صداقه غير شويه هزار وكده..باختصار الزول جاء وقدم لي جلكسي
نوت ثري..يازول الحاصل شنو؟ قعد يقول الرسول صلى الله عليه وسلم
قال تهادوا تحابوا وكلام من هذا القبيل ..حلف ما يتفضل ساق عربيتو
وكسح ..انا واقف اعاين لو ..قسما بالله هذا ماحدث اليوم.
عشان كده لحدي بكره اي واحد من الضالمين ماعاوزو يجي هنا يعكر مزاجي
بعد ظبطو لي الزول الغريب ده.

قلت لى متكلمين فيها---نحنا نقول ناضمين فيها---وكمان فى فتحت خشم---وفى ناس عندهم موية رمضان --تقوم تخطب واحدة ويجى رمضان فلازم موية رمضان--دا شنو دا --لكن برضو محاسن ختيييرة زى ماقال صاحب بتاع اللابرى---(البقرفو)--فى ناس هنا بكتبوا --بالرموز ويرسلوا رسايل غميسة زى ود شيخنا الفقير --بالمناسبة وين زعيم الضالمين وللجدول مقددين ومن العرس شاردين---

من طرف **م بروي** الأحد 26 يناير 2014, 3:32 am

اها الكتابي ليني جانا زعيم الضالمين
قول لصاحبك انا رامي لي حلف
مايجي هنا الا نفتح لو بيت بكاء
بوست نعل بس..عشان تاني يقدد

اها انت قوم شوف ليك مشروع جدادتين مشويات اقصد قصيدتين كاربات كدى ---
اى واحد يعكر دمى يمشى يفوت
ومايسمعبو زعيم الضالمين باقى داك مسخوت
جلكسى جديد ماركة نوت
شاشة انيقة مزينة بالزهور والحوت
وما بقشربو للبنوت
دحين خلونى اقويلو الكفر وليواطبق الكوت

من طرف **(الحاج شرف)** الأحد 26 يناير 2014, 4:01 am

م بروي كتب:متفرقات
عجايبك تمحن يادنيا وادوني ظرف فيهو
90 مليون قالوا لي اعمل بيها اي مشروع ونحنا بي نتمك ان نقصت
قال الشيء ده حصل وانا من الصباح راسي موجعني في دين
100 الف زانقني فيهو زنقه صاحبنا تحت النيمه
قال قلت مشروع شنو اول حاجه امشي اشوف لي مشروع جدادتين مشويات
_________
.حلف ما يتفضل ساق عربيتو
وكسح ..انا واقف اعاين لو ..قسما بالله هذا ماحدث اليوم.
عشان كده لحدي بكره اي واحد من الضالمين ماعاوزو يجي هنا يعكر مزاجي
بعد ظبطو لي الزول الغريب ده.

بيع الجلكسى ورسل حق الباب والنجار لود عون الله

واحد مننا دهابى اشترى عماره ثلاثه طوابق مشطبه بدون اثاث
مشى السوق اشترى عنقريب وسبت لزوم السفه وسكن فى البلكونه يعاين لخلق الله وماعارف يعمل شنو

تعال بى تاشيره بدون عوده نمشى الدهب سوا

من طرف **م بروي** الأحد 26 يناير 2014, 5:30 am

سلمان عقيد النعوفابى كتب:اها انت قوم شوف ليك مشروع جدادتين مشويات اقصد قصيدتين كاربات كدى ---
اى واحد يعكر دمى يمشى يفوت
ومايسمعبو زعيم الضالمين باقى داك مسخوت
جلكسى جديد ماركة نوت
شاشة انيقة مزينة بالزهور والحوت
وما بقشربو للبنوت
دحين خلونى اقويلو الكفر وليواطبق الكوت

يا لضالمين ويا الزربوط

ويا أرباب أخيلك فوت

مزاجنا زي قزاز ماريوت

لا تسونا فيهو شخوت

الدنيا المعذبه يوت

كتير مداهو بالشلوت

وكت جابت فرح مختوت

ليش ضلامه جايه تصوت

من طرف **م بروي** الأحد 26 يناير 2014, 5:34 am

[quote"(الحاج شرف)"]

م بروي كتب:متفرقات
عجايبك تمحن يادنيا وادوني ظرف فيهو
90 مليون قالوا لي اعمل بيها اي مشروع ونحنا بي نتمك ان نقصت
قال الشيء ده حصل وانا من الصباح راسي موجعني في دين
100 الف زانقني فيهو زنقه صاحبنا تحت النيمه
قال قلت مشروع شنو اول حاجه امشي اشوف لي مشروع جدادتين مشويات
_________
.حلف ما يتفضل ساق عربيتو
وكسح ..انا واقف اعاين لو ..قسما بالله هذا ماحدث اليوم.
عشان كده لحدي بكره اي واحد من الضالمين ماعاوزو يجي هنا يعكر مزاجي
بعد ظبطو لي الزول الغريب ده.

بيع الجلكسى ورسل حق الباب والنجار لود عون الله

واحد مننا دهابى اشترى عماره ثلاثه طوابق مشطبه بدون اثاث
مشى السوق اشترى عنقريب وسبت لزوم السفه وسكن فى البلكونه يعاين لخلق الله وماعارف يعمل شنو

تعال بى تاشيره بدون عوده نمشى الدهب سوا
[/quote]

أها شفتو غتاته كبير الضالمين؟
في زول في قبقبه بيرتكب حماقه ويديني تلفون؟
عالم غتيته وبتاعة مقالب

من طرف **ود عون الله** الأحد 26 يناير 2014, 6:54 am

يا اخوانا الحاج دا حج في بارا ولا في بربر--يحلف طلاق علي ود بروي ما يدفع وتاني يقول يبيع الجلاكسي ويسدد حق الباب والنجار . ياخي انت يالحاج عارف ود بروي مابخرب البيت . انا من البارح قابض في التلفون وراجي إتصالك عشان امشي اقبض . حق الباب والنجار منو العوض وعليهو العوض خلاص قنعنا . لكن انا شايل حليفي لازم اخلص حقي . اجيب الجماعة واصلوا الليلي كمان الراس اصبح كبران زيادي. نجيك بعد المغرب تكسر الباب وندخل . نخسرك الموية الببسي الشاي نقعد نصلي العشاء وبعد العشاء نخسرك القهوة والسجائر والتمباك ووحاتك ماب نمشي ناكل العشاء إن شاء الله بي سخيني وإن شاء الله نطرشوا ونقعد تاني نتونس وإنت تقول الناس ديل بايتين والله ماشين . نقعد للساعة واحدي . النجارين يكوناوا ناموا . نمشي ونخلي الحرامي يتم الباقي .

يا النبي نوح... يكفينا شر الضلمة والضالمين....
ومتفرقات.. ياربي لاتفرق مرة من زوجها.. وتعدل ليهن زوجاتهم .. وتعدل ليهن حريمن... وتعدل ليهن رجالن... مشت للفكي قالت ليهو الراجل دا.. دايراك تسوى ليهو عمل تخلو نعجي تب..؟ الراجل بي يجعّر طوالي.. بدل يجي داخل البيت يسلم ..بقا يجي داخل البيت يجعّر.. رجعت للفكي قالت ليهو يا شيخنا ( بلا تنعجن بالحيل ) فصارت مثلا..(وَأَصْلَحْنَا لَهُ زَوْجَهُ ۚ إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا ۖ وَكَانُوا لَنَا خَاشِعِينَ)عجبتنا طلة ود بروي شديد.. اللهم أدمها نعمة..

من طرف **الرشيد طه** الأحد 26 يناير 2014, 3:55 pm

م بروي كتب:باختصار الزول جاء وقدم لي جلكسي
نوت ثري..يازول الحاصل شنو؟ قعد يقول الرسول صلى الله عليه وسلم
قال تهادوا تحابوا وكلام من هذا القبيل ..حلف ما يتفضل ساق عربيتو
وكسح ..انا واقف اعاين لو ..قسما بالله هذا ماحدث اليوم.
عشان كده لحدي بكره اي واحد من الضالمين ماعاوزو يجي هنا يعكر مزاجي
بعد ظبطو لي الزول الغريب ده.

باختصار بالله
نحن يا اخوي بلا عكير المزاج ما عندنا خدمي
دحين ما تقول تهادوا تحابوا وانا ما بعرفوا ما بحلك
واحد من اتنين تورينا الحاصل بالضبط
او نبعث محقق خاص خصوصيا للمملكة
يا ود شيخنا جدد الجواز

من طرف **الرشيد طه** الأحد 26 يناير 2014, 4:06 pm

ود عون الله كتب:يا اخوانا الحاج دا حج في بارا ولا في بربر--يحلف طلاق علي ود بروي ما يدفع وتاني يقول يبيع الجلاكسي ويسدد حق الباب والنجار . ياخي انت يالحاج عارف ود بروي مابخرب البيت . انا من البارح قابض في التلفون وراجي إتصالك عشان امشي اقبض . حق الباب والنجار منو العوض وعليهو العوض خلاص قنعنا . لكن انا شايل حليفي لازم اخلص حقي . اجيب الجماعة واصلوا الليلي كمان الراس اصبح كبران زيادي. نجيك بعد المغرب تكسر الباب وندخل . نخسرك الموية الببسي الشاي نقعد نصلي العشاء وبعد العشاء نخسرك القهوة والسجائر والتمباك ووحاتك ماب نمشي ناكل العشاء إن شاء الله بي سخيني وإن شاء الله نطرشوا ونقعد تاني نتونس وإنت تقول الناس ديل بايتين والله ماشين . نقعد للساعة واحدي . النجارين يكوناوا ناموا . نمشي ونخلي الحرامي يتم الباقي .

اريتو كان حج في بارا ولا بربر
ود شيخنا يوديك البحر ويجيبك عطشان
ده يا اخوي قلب السكر رملة
القصة دي عارفا براي وما بقولا
خايف صاحبي المخرف داك يجيني في الخاص
لكن قولو ماتتعب روحك سااي
ما بقولا ما بقولا

من طرف **م بروي** الأحد 26 يناير 2014, 7:04 pm

ود عون الله كتب:يا اخوانا الحاج دا حج في بارا ولا في بربر--يحلف طلاق علي ود بروي ما يدفع وتاني يقول يبيع الجلاكسي ويسدد حق الباب والنجار . ياخي انت يالحاج عارف ود بروي مابخرب البيت . انا من البارح قابض في التلفون وراجي إتصالك عشان امشي اقبض . حق الباب والنجار منو العوض وعليهو العوض خلاص قنعنا . لكن انا شايل حليفي لازم اخلص حقي . اجيب الجماعة واصلوا الليلي كمان الراس اصبح كبران زيادي. نجيك بعد المغرب تكسر الباب وندخل . نخسرك الموية الببسي الشاي نقعد نصلي العشاء وبعد العشاء نخسرك القهوة والسجائر والتمباك ووحاتك ماب نمشي ناكل العشاء إن شاء الله بي سخيني وإن شاء الله نطرشوا ونقعد تاني نتونس وإنت تقول الناس ديل بايتين والله ماشين . نقعد للساعة واحدي . النجارين يكوناوا ناموا . نمشي ونخلي الحرامي يتم الباقي .

دكتورنا الغالي شديييييد
الدمكي الله يرحمه ويغفر له كان من ظرفاء مناصيرنا العزيزة
قال مشى بورتسودان وطوالي اتميس صاحبو عمنا علي الشاعر
قال الليله ضيافه معتبره واكيد الشاعر الكريم حا يرقد ليهو السمك والسلات والقزازي كمان
راح مالقى الشاعر..العذابه قالوا ليهو اوضتو يهديك ارتاح لامن يجيك
قال قعدت لامن نعست الشاعر ما جاء...رقدت فوق سريرو الوحيد
قال القطن بتاع المرتبه مكرضم و كل مرة اقعد ادق بي يدي في الحتات المكرضمه
وارقد.... تاني القى كرضمايايه تطعن في صفحتي أقوم تاني واديها ضغطات وعصرات
وارقد راجع..قال أها انا في الحالة دي لامن شرقت تر ..انجد في مرتبة الشاعر لامن شرقت
الواطه لا نوم لا عشاء ومرقت اكوس ست الشاي بي وين.
اها ياصاحبي تنزل ليك في ضيافه وونسه مخرفة زي دي يكون اخير ليك منها نجيد المراتب

من طرف **م بروي** الأحد 26 يناير 2014, 7:42 pm

صديق عبدالله علي أبوحنة كتب:يا النبي نوح... يكفينا شر الضلمة والضالمين....
ومتفرقات.. ياربي لاتفرق مرة من زوجها.. وتعدل ليهن زوجاتهم .. وتعدل ليهن حريمن... وتعدل ليهن رجالن... مشت للفكي قالت ليهو الراجل دا.. دايراك تسوى ليهو عمل تخلو نعجي تب..؟ الراجل بي يجعّر طوالي.. بدل يجي داخل البيت يسلم ..بقا يجي داخل البيت يجعّر.. رجعت للفكي قالت ليهو يا شيخنا ( بلا تنعجن بالحيل ) فصارت مثلا..(وَأَصْلَحْنَا لَهُ زَوْجَهُ ۚ إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا ۖ وَكَانُوا لَنَا خَاشِعِينَ)عجبتنا طلة ود بروي شديد.. اللهم أدمها نعمة..

أدام الله نعمك يا هندسه
ويعجبوك وليداتك يارجل يازين
زمان الديك المهزوم الولاد يقولوا رفع الكاكايه
هسه الرجال بقوا عاقلين رافعين الرايه واللا الكاكايه ماعارف
وبالطريقه دي لا شكل لافراق..

من طرف **م بروي** الأحد 26 يناير 2014, 7:45 pm

الرشيد طه كتب:
م بروي كتب:باختصار الزول جاء وقدم لي جلكسي
نوت ثري..يازول الحاصل شنو؟ قعد يقول الرسول صلى الله عليه وسلم
قال تهادوا تحابوا وكلام من هذا القبيل ..حلف ما يتفضل ساق عربيتو
وكسح ..انا واقف اعاين لو ..قسما بالله هذا ماحدث اليوم.
عشان كده لحدي بكره اي واحد من الضالمين ماعاوزو يجي هنا يعكر مزاجي
بعد ظبطو لي الزول الغريب ده.
باختصار بالله
نحن يا اخوي بلا عكير المزاج ما عندنا خدمي
دحين ما تقول تهادوا تحابوا وانا ما بعرفوا ما بحلك
واحد من اتنين تورينا الحاصل بالضبط
او نبعث محقق خاص خصوصيا للمملكة
يا ود شيخنا جدد الجواز

هههههه
لو بقى مندوبك ده انا اضحك سنين سنين
حسن كروم قال تور نقده قبضو ساهل
نديهو جهاز كشف الدهب من هني
وبعد شهرين تلقاهو كوع مع زولو
القال اشترى العمارة

من طرف **(الحاج شرف)** الإثنين 27 يناير 2014, 2:34 am

ود عون الله كتب:يا اخوانا الحاج دا حج في بارا ولا في بربر--يحلف طلاق علي ود بروي ما يدفع وتاني يقول يبيع الجلاكسي ويسدد حق الباب والنجار . ياخي انت يالحاج عارف ود بروي مابخرب البيت . انا من البارح قابض في التلفون وراجي إتصالك عشان امشي اقبض . حق الباب والنجار منو العوض وعليهو العوض خلاص قنعنا . لكن انا شايل حليفي لازم اخلص حقي . اجيب الجماعة واصلوا الليلي كمان الراس اصبح كبران زيادي. نجيك بعد المغرب تكسر الباب وندخل . نخسرك الموية الببسي الشاي نقعد نصلي العشاء وبعد العشاء نخسرك القهوة والسجائر والتمباك ووحاتك ماب نمشي ناكل العشاء إن شاء الله بي سخيني وإن شاء الله نطرشوا ونقعد تاني نتونس وإنت تقول الناس ديل بايتين والله ماشين . نقعد للساعة واحدي . النجارين يكوناوا ناموا . نمشي ونخلي الحرامي يتم الباقي .

يادكتورنا
اردنا ببيع الجلاكسى رفع الضرر من اخونا ودبروى حتى لا يصاقر شاشتو طول الليل ويخالف تعليمات طبيبو ومديرو العام
ونسمع بيه فكو تسجيلوا وتانى هلال فقاعه مابقبلبو
انا عند وعدى فى دفع اتعاب النجار والباب الجديد وعندى زبون جاهز لشراء الجلاكسى
وصاحبى شغال فى الدى اتش ال والعنوان بطرفو
الشيخ بروى مايسمع بالصفقه دى
اتفقنا مش

9

من طرف **(الحاج شرف)** الإثنين 27 يناير 2014, 2:39 am

الرشيد طه كتب:
ود عون الله كتب:يا اخوانا الحاج دا حج في بارا ولا في بربر--يحلف طلاق علي ود بروي ما يدفع وتاني يقول يبيع الجلاكسي ويسدد حق الباب والنجار . ياخي انت يالحاج عارف ود بروي مابخرب البيت . انا من البارح قابض في التلفون وراجي إتصالك عشان امشي اقبض . حق الباب والنجار منو العوض وعليهو العوض خلاص قنعنا . لكن انا شايل حليفي لازم اخلص حقي . اجيب الجماعة واصلوا الليلي كمان الراس اصبح كبران زيادي. نجيك بعد المغرب تكسر الباب وندخل . نخسرك الموية الببسي الشاي نقعد نصلي العشاء وبعد العشاء نخسرك القهوة والسجائر والتمباك ووحاتك ماب نمشي ناكل العشاء إن شاء الله بي سخيني وإن شاء الله نطرشوا ونقعد تاني نتونس وإنت تقول الناس ديل بايتين والله ماشين . نقعد للساعة واحدي . النجارين يكوناوا ناموا . نمشي ونخلي الحرامي يتم الباقي .
اريتو كان حج في بارا ولا بربر
ود شيخنا يوديك البحر ويجيبك عطشان
ده يا اخوي قلب السكر رملة
القصة دي عارفا براي وما بقولا
خايف صاحبي المخرف داك يجيني في الخاص
لكن قولو ماتتعب روحك سااي
ما بقولا ما بقولا

احم احم
معزومين عشاء معانا فى بسوى بشرط ماتجونا من المغرب وماتبيتو معانا وكلو واحد يجى قاطع العقبه براه ويرجع براه

يا الضالمين احسن تنسترو
يا الضالمين احسن تتعتقو
تخلو الجبر الكان ماسكم
اطلقو ييدكم
خلو التقتير الصايدكم
تشيلو وتقرو
تلبدو وتجرو
لا تجاملو الزول التعبان
ولا بى خاطرو تجبرو
يا الضالمين احسن تنسترو

من طرف **عباس محمد** الإثنين 27 يناير 2014, 1:36 pm

بى هنا القعدة فى ضل التمر الغزير
تتبسط والضحكــــــــه قرقــــــــير
فى حضرة شاعرالقبيلة الكبيــــــــــير
وجنابو سامى اب نظما مستنـــــــير
وودعقيد سلــــــمان القديـــــــــــر
وود عون الله باجمل تعابــــــــــير
وكل متداخل يلقى المثــــــــــير
كان عضو اوزائر او مديــــــــــر
بوست طاعم منقطع النظيـــــــــــر
ودبروى ولدة وصباح خيـــــــــــر
ونخبة فى اولاد المناصــــــــــــير
نسال الله المولى القديـــــــــــــر
ما يغيب من هنا بى كتـــــــــير
عافية تغشاه مايشوف شريــــــــر
وفى ولادوا يشوف المديــــــــر
وفى ولادو يشوف الوزيــــــــر
ويفضى بى جاى ليكم كتيــــــر

تخريمة :ـــ
مشاركة بسيطة علها تجيب مريسة تامزينى

من طرف **م بروي** الإثنين 27 يناير 2014, 7:42 pm

الرشيد طه كتب:
م بروي كتب:باختصار الزول جاء وقدم لي جلكسي
نوت ثري..يازول الحاصل شنو؟ قعد يقول الرسول صلى الله عليه وسلم
قال تهادوا تحابوا وكلام من هذا القبيل ..حلف ما يتفضل ساق عربيتو
وكسح ..انا واقف اعاين لو ..قسما بالله هذا ماحدث اليوم.
عشان كده لحدي بكره اي واحد من الضالمين ماعاوزو يجي هنا يعكر مزاجي
بعد ظبطو لي الزول الغريب ده.
باختصار بالله
نحن يا اخوي بلا عكير المزاج ما عندنا خدمي
دحين ما تقول تهادوا تحابوا وانا ما بعرفوا ما بحلك
واحد من اتنين تورينا الحاصل بالضبط
او نبعث محقق خاص خصوصيا للمملكة
يا ود شيخنا جدد الجواز

راح دده يدد الدواز (راح جده يجدد الجواز)
قالوا حسن الشايقي الالجن مره قال كده
يا رشيدنا اسمعها مني
يجدد جواز يزوج جديد...ما بهمني
انا بعد ما بقيت استلم هدايا من هذا النوع
إنت وكل شلتكم دي شطبتها من قائمة الأصدقاء(delete)
يلا بلا مفلسين بلا مسلفين..

من طرف **م بروي** الإثنين 27 يناير 2014, 7:46 pm

[quote"(الحاج شرف)"]

ود عون الله كتب:يا اخوانا الحاج دا حج في بارا ولا في بربر--يحلف طلاق علي ود بروي ما يدفع وتاني يقول يبيع الجلاكسي ويسدد حق الباب والنجار . ياخي انت يالحاج عارف ود بروي مابخرب البيت . انا من البارح قابض في التلفون وراجي إتصالك عشان امشي اقبض . حق الباب والنجار منو العوض وعليهو العوض خلاص قنعنا . لكن انا شايل حليفي لازم اخلص حقي . اجيب الجماعة واصلوا الليلي كمان الراس اصبح كبران زيادي. نجيك بعد المغرب تكسر الباب وندخل . نخسرك الموية الببسي الشاي نقعد نصلي العشاء وبعد العشاء نخسرك القهوة والسجائر والتمباك ووحاتك ماب نمشي ناكل العشاء إن شاء الله بي سخيني وإن شاء الله نطرشوا ونقعد تاني نتونس وإنت تقول الناس ديل بايتين والله ماشين . نقعد للساعة واحدي . النجارين يكوناوا ناموا . نمشي ونخلي الحرامي يتم الباقي .

يادكتورنا
اردنا ببيع الجلاكسى رفع الضرر من اخونا ودبروى حتى لا يصاقر شاشتو طول الليل ويخالف تعليمات طبيبو ومديرو العام
ونسمع بيه فكو تسجيلوا وتانى هلال فقاعه مابقبلبو
انا عند وعدى فى دفع اتعاب النجار والباب الجديد وعندى زبون جاهز لشراء الجلاكسى
وصاحبى شغال فى الدى اتش ال والعنوان بطرفو
الشيخ بروى مايسمع بالصفقه دى
اتفقنا مش

9[/quote]
دي أظنها صفقة قناجره
الا مشاتري ومكاجره
مابتقبض شركه هابره
ويشاورو كمان في الدكاتره

من طرف **م بروي** الإثنين 27 يناير 2014, 7:53 pm

سامى احمد محمد كتب:يا الضالمين احسن تنسترو
يا الضالمين احسن تتعتقو
تخلو الجبر الكان ماسكم
اطلقو ييدكم
خلو التقتير الصايدكم
تشيلو وتقرو
تلبدو وتجرو
لا تجاملو الزول التعبان
ولا بى خاطرو تجبرو
يا الضالمين احسن تنسترو

قول للضالمين أصبرو
صاحبك ناوين نكًبرو
ورفيقو الحراش نخبرو
نجيبو الحفره وندفرو

من طرف **م بروي** الإثنين 27 يناير 2014, 8:11 pm

عباس محمد كتب:بى هنا القعدة فى ضل التمر الغزير
تتبسط والضحكــــــــه قرقــــــــير
فى حضرة شاعرالقبيلة الكبيــــــــــير
وجنابو سامى اب نظما مستنـــــــير
وودعقيد سلــــــمان القديـــــــــــر
وود عون الله باجمل تعابــــــــــير
وكل متداخل يلقى المثــــــــــير
كان عضو اوزائر او مديــــــــــر
بوست طاعم منقطع النظيـــــــــــر
ودبروى ولدة وصباح خيـــــــــــر
ونخبة فى اولاد المناصــــــــــــير
نسال الله المولى القديـــــــــــــر
ما يغيب من هنا بى كتـــــــــير
عافية تغشاه مايشوف شريــــــــر
وفى ولادوا يشوف المديــــــــر
وفى ولادو يشوف الوزيــــــــر
ويفضى بى جاى ليكم كتيــــــر

تخريمة :ـــ
مشاركة بسيطة علها تجيب مريسة تامزينى

بلا مريسي سكرانين
________________
إنت ياعباس صباح خير
انت نيلنا الحاضن الكير
فوق فضاهو يحلق بدير
إلا عاوز ليك تنوير
في جماعه من المناصير
سر في نيمه وسر في البعير
والجمال دبوكات تسير
اوعه من خالدنا المدير
وأوعه من سلمان والفقير
وأوعه من الطرشان خبير
والرشيد الصحفي القدير
ديل يودوك نيلاً كبير
وبالعطش تجي جاري للزير

ودبروى قال:
ديل يودوك نيلاً كبير
وبالعطش تجي جاري للزير
-------------------------
انت بس يالشاعر الكبير
ماتحرش عباس الفقير
اصلو معروف صافى الضمير
عمرو ما قال كلمة فوق غير
شوف جلكسيك وعافر كتير
واوعه من يقع لو فى بير
بعدين بى نسوى الصفقة دنقير

من طرف **م بروي** الثلاثاء 28 يناير 2014, 7:39 pm

سلمان عقيد النعوفابى كتب:ودبروى قال:
ديل يودوك نيلاً كبير
وبالعطش تجي جاري للزير
-------------------------
انت بس يالشاعر الكبير
ماتحرش عباس الفقير
اصلو معروف صافى الضمير
عمرو ما قال كلمة فوق غير
شوف جلكسيك وعافر كتير
واوعه من يقع لو فى بير
بعدين بى نسوى الصفقة دنقير

اريتو يلقى المويه في الزير

وفوقو متحبكي الزرازير

شارفي فوق خشمو المواسير

ومن سعف كباتا كبير

وقرعه تلمع صلعة مدير

ما يكون نشفان مكيسير

وكوزو مقدود بالمسامير

من طرف **عازه** الأربعاء 29 يناير 2014, 1:55 am

بوست رائع يسلم كل المتداخلين ويسلم راعي البوست ود بروي نقرأ باندهاش ربي يوفقكم اكتر واكتر ويسدد خطاكم ماشاءلله كميه من الشعراء

عباس صاحبنا كان تلقاهو مباري القيفة ويجري لا ورا ولا قدام ---الجنا داك عوام خلاص --ياجنا اوعك تغرق ---لاحولا ياجنا لاتنط قرو من السنطة لا يلاقيك حجر يكسر راسك ---ومرة مرة يخوض في الباجاب لامن يبل النديب لكن ما شاء الله فد مرة نط في البحر ---جنبلق (ود جيب الله ماتجي تقول داير حق كليمتي دي ) ---الزول ماشاء الله عوام عوامة تمساح بس مشاقق العرق لامن مسوي شلال وقديح جور ---
جنب ياعبس اكسح وخلنا النمشي في كانديقتك
جاييكم راجع

اخاف عز الهجير مايلقي فد زير
اخاف مايلقي دربا يبقي تنقير
اخاف ضهب الرجال وسط العتامير
اخاف جحر الصبار مليان دبابير
اخاف اكل القبور بدل العصافير
منو القطع الحدق زازاهو نخير
منو الجاب التلج زازاهو كسير
منو الشال الجلكسي رماهو في البير

من طرف **عباس محمد** الأربعاء 29 يناير 2014, 1:25 pm

ديل بعرفهم يازعيم
ما بجيبولن فى نضيم
زى ما قال سلمان الهميم
قصدى ادى الساقية ترنيم
خضرة يانعة لوبا برسيم
موكناش شمار الهديم
ونسى كاربى تجم العضيم
وتبعد الضالمين من النيم

تخريمة
اها جابتلها ونسى ماعندها حد
ولكن اقول
انتو يا مسحانى ام قرب
البعومكم يمشى الترب
ومن هنا وجاى تانى انسحب

ياعباس ممنوع الانسحاب
انت المحمر بحر التساب
مرة بالحلال ومرة العقاب
ومرق الحوت فى الكريماب
اسمع الحرشى ومنها لاتهاب
حرشى بى فيس بوك ومرة واتساب
ومرة بى ايفون ومرة نوت تاب
كسرو الجدول وراحت الموية كذا السراب
ما قالو عباس قاعد فى العقاب
وقاعد القمر النجم غاب
الا مرة يكون تحت السحاب
ونحنا منتظرين الاياب
والدارة تعكل ويعلا التراب
ونبقى مبسوطين واخر قرقراب

من طرف **عباس محمد** الأربعاء 29 يناير 2014, 5:15 pm

انامانى معاكم فى التساب
قلت ادى الدارة دراب
لزيادة الونسة والقرقراب
ولتقليل حركة الواتساب
وتبعدالضالمين من الضهاب

من طرف **م بروي** الأربعاء 29 يناير 2014, 7:39 pm

عازه كتب:بوست رائع يسلم كل المتداخلين ويسلم راعي البوست ود بروي نقرأ باندهاش ربي يوفقكم اكتر واكتر ويسدد خطاكم ماشاءلله كميه من الشعراء

دكتورتنا سلام
نحن لاخيل نهديها ولا مال
فليسعد القول إن لم يسعد الحالَ
وكمان سعد القول دي ذاتها غالبانا لكنها قطوف علها
تحرك مبدعينا ليأتوا ما به الأنفس تهوي وتنتشق

من طرف **م بروي** الأربعاء 29 يناير 2014, 7:48 pm

ود عون الله كتب:اخاف عز الهجير مايلقي فد زير
اخاف مايلقي دربا يبقي تنقير
اخاف ضهب الرجال وسط العتامير
اخاف جحر الصبار مليان دبابير
اخاف اكل القبور بدل العصافير
منو القطع الحدق زازاهو نخير
منو الجاب التلج زازاهو كسير
منو الشال الجلكسي رماهو في البير

أخافيرمي الشبك يطلع ملان صير
أخاف نط الدبس من شبكي في الكير
أخاف طول يومو ما يتهز بنقير
وأخاف يرمي الشرك مايلقى حِمير
أخاف يقبض صليعي وتعبو دردير
أخاف كل ما ينالق ماسكو جنزير
أخاف مايلقى فيها الدانقه قرقير
أخاف ما يلقى ناصر في المناصير
وأخاف يجي ماشي يتواتاهو مكرير

من طرف **م بروي** الأربعاء 29 يناير 2014, 7:56 pm

عباس محمد كتب:ديل بعرفهم يازعيم
ما بجيبولن فى نضيم
زى ما قال سلمان الهميم
قصدى ادى الساقية ترنيم
خضرة يانعة لوبا برسيم
موكناش شمار الهديم
ونسى كاربى تجم العضيم
وتبعد الضالمين من النيم

تخريمة
اها جابتلها ونسى ماعندها حد
ولكن اقول
انتو يا مسحانى ام قرب
البعومكم يمشى الترب
ومن هنا وجاى تانى انسحب

عبس ولد الراجل الكريم
إنت أتاريك شاعر فهيم
يرتب الكلمات في الصميم
بس مسوي الخطوة تنظيم
وجيتنا مسرع فارساً هميم
دا تفوت شعراء التصاميم
ودا تفوت شاعر المقاديم
يحفظك مولاي الرحيم
مان حسد ومن شيطان رجيم

من طرف **م بروي** الأربعاء 29 يناير 2014, 8:07 pm

سلمان عقيد النعوفابى كتب:ياعباس ممنوع الانسحاب
انت المحمر بحر التساب
مرة بالحلال ومرة العقاب
ومرق الحوت فى الكريماب
اسمع الحرشى ومنها لاتهاب
حرشى بى فيس بوك ومرة واتساب
ومرة بى ايفون ومرة نوت تاب
كسرو الجدول وراحت الموية كذا السراب
ما قالو عباس قاعد فى العقاب
وقاعد القمر النجم غاب
الا مرة يكون تحت السحاب
ونحنا منتظرين الاياب
والدارة تعكل ويعلا التراب
ونبقى مبسوطين واخر قرقراب

يا سلومي تعال من الباب
لايجيك من تالنا دَراب
لما كسروا المويه الشباب
ليه مسكت قرعت السراب
والسماد نزلتو في الكاب
والطواري مسننه حَراب
والقرب مليانات قَراب
ومويه شو زي بحر التساب
منتداك حالتو ملان صحاب
جوه فصل العام في طلاب
واجتماعي يخربو الغياب
امشي اقعد وامسك كتاب
منتظم ما قاري انتساب
وما تهرجل وتبقى خراب
كون سمح زي ولد ام ضباب

من طرف **عباس محمد** الأربعاء 29 يناير 2014, 8:48 pm

دحين دى الوكرة الوقع فيها المقبول

شكرا شاعرنا ونسيبنا ودبروى
شكرا اديبنا ودكتورنا ودعون الله
شكرا الارباب سلمان ود عقيد

مساحات واسعه من المرح والبوح الشفيف
كونت ذكريات جميلة لكم فى قادم الايام
والحمد لله نجحنا فيما نصبو اليه
نسال الله لكم التوفيق فى جعل المنتدى
روضة غناء تسحر الجميع

من طرف **abuahmed** الجمعة 31 يناير 2014, 2:11 pm

ود بروي
سلام
القيامي قاامت في البوست
ماهو محتاج لي حراشى ولا ----- الديك
نحن مستمتعين

م بروي كتب:
ود عون الله كتب:اخاف عز الهجير مايلقي فد زير
اخاف مايلقي دربا يبقي تنقير
اخاف ضهب الرجال وسط العتامير
اخاف جحر الصبار مليان دبابير
اخاف اكل القبور بدل العصافير
منو القطع الحدق زازاهو نخير
منو الجاب التلج زازاهو كسير
منو الشال الجلكسي رماهو في البير

أخافيرمي الشبك يطلع ملان صير
أخاف نط الدبس من شبكي في الكير
أخاف طول يومو ما يتهز بنقير
وأخاف يرمي الشرك مايلقى حِمير
أخاف يقبض صليعي وتعبو دردير
أخاف كل ما ينالق ماسكو جنزير
أخاف مايلقى فيها الدانقه قرقير
أخاف ما يلقى ناصر في المناصير
وأخاف يجي ماشي يتواتاهو مكرير
ـــــــــــــــــــــ

نخاف بعد الضليل تحرقنا الهجير
بعد يمضى النهار تحرقنا العصير
ونخاف بعد الكبر يغلبنا المسير
ونخاف يخرب سمحنا المعدوم ضمير

معروف زول كجار مابدورلنا الخير

يضحك فى العلن ومن جووه تكشير
بعد ظهر العمار يتواتا كسير
بعد نجض الخضار نهديهو للغير

اخير نحزم امرنا صغيرنا وكبير

وكل زول بى قدرتو نواصل المسير

والغل والحسد نرميهو فى الكير

ومانخلى الزرع لبواغث الطير
[b]بعد نردم خلافنا تزازى حفير
[/b]

من طرف **(الحاج شرف)** السبت 01 فبراير 2014, 5:52 am

ود عون الله كتب:
1منو القطع الحدق زازاهو نخير
2منو الجاب التلج زازاهو كسير
3منو الشال الجلكسي رماهو في البير

الاجابات
1 Evil or Very Mad

2

3 الرشيد الافندى

من طرف **عباس محمد** الأحد 02 فبراير 2014, 1:35 pm

يا سامى الكلام خليهو موزون
زول كجار اصيلا ماهوظربون
يدور الونسى تعكل وتلقى الزبون
فى شان منتداكم يكون مصون
يكون قبله حتى الجايى من سراليون
تعم الفرحة بيكم وتنسر العيون

تخريمة :ــ
شوف الوكرة الوقع فيها المقبول

من طرف **م بروي** الأحد 02 فبراير 2014, 2:50 pm

عباس محمد كتب:دحين دى الوكرة الوقع فيها المقبول

شكرا شاعرنا ونسيبنا ودبروى
شكرا اديبنا ودكتورنا ودعون الله
شكرا الارباب سلمان ود عقيد

مساحات واسعه من المرح والبوح الشفيف
كونت ذكريات جميلة لكم فى قادم الايام
والحمد لله نجحنا فيما نصبو اليه
نسال الله لكم التوفيق فى جعل المنتدى
روضة غناء تسحر الجميع

ابو النسب
السلام عليكم ورحمة الله
والله يا عبس لو لا المشغوليات اللامة في الناس
كان منتداك ده يكون روضة غناء بالفعل لأن الناس هنا كلهم أهل
وكلهم محبين للأهل ومجموعة كلها طيبة وراقية شديد

من طرف **م بروي** الأحد 02 فبراير 2014, 5:12 pm

abuahmed كتب:ود بروي
سلام
القيامي قاامت في البوست
ماهو محتاج لي حراشى ولا ----- الديك
نحن مستمتعين

أب احمد يمين جا
طيب أخو وكريم
أب حمد يمين جا
صديق ووفي وحميم
أب حمد يمين جا
قيادي ومستقيم
أب احمد يمين جا
متدين وهميم
أب حمد يمين جا
ما جرى فوق حريم
أب احمد يمين جا
ينضم في الصميم
أب حمد يمين جا
زول حاره وعظيم
أب حمد يمين جا
والخلق القويم
أب حمد يمين جا
والفرح المقيم
أب حمد يمين جا
مع صاحبو الزعيم
أب حمد يمين جا
شكل لينا تيم
أب حمد يمين جا
وقلنا ده احلى تيم
أب حمد يمين جا
و ضاع حقي قديم
أب حمد يمين جا
(أظني أكلت نيم)
أب حمد يمين جا

من طرف **(الحاج شرف)** الأحد 02 فبراير 2014, 10:01 pm

م بروي كتب:
abuahmed كتب:ود بروي
سلام
القيامي قاامت في البوست
ماهو محتاج لي حراشى ولا ----- الديك
نحن مستمتعين

أب احمد يمين جا
(أظني أكلت نيم)
أب حمد يمين جا

ارجو تغير الكلمه باللون الاحمر اعلاه

اختر الاجابة الصحيحة مما يأتى-
-منو الجاب التلج زازاهو كسير
أ-الحاج
ب-ود بروى
ج-الرشيد

م بروي كتب:
abuahmed كتب:ود بروي
سلام
القيامي قاامت في البوست
ماهو محتاج لي حراشى ولا ----- الديك
نحن مستمتعين

أب احمد يمين جا
طيب أخو وكريم
أب حمد يمين جا
صديق ووفي وحميم
أب حمد يمين جا
قيادي ومستقيم
أب احمد يمين جا
متدين وهميم
أب حمد يمين جا
ما جرى فوق حريم
أب احمد يمين جا
ينضم في الصميم
أب حمد يمين جا
زول حاره وعظيم
أب حمد يمين جا
والخلق القويم
أب حمد يمين جا
والفرح المقيم
أب حمد يمين جا
مع صاحبو الزعيم
أب حمد يمين جا
شكل لينا تيم
أب حمد يمين جا
وقلنا ده احلى تيم
أب حمد يمين جا
و ضاع حقي قديم
أب حمد يمين جا
(أظني أكلت نيم)
أب حمد يمين جا

اب احمد يمين جا
نديه سلام عظيم
اب احمد يمين جا
طبعو رزين حكيم
اب احمد يمين جا
سامى خلق كريم
اب احمد يمين جا
يحب اهلو ويهيم
اب احمد يمين جا
وما بيرضالو ضيم
اب احمد يمين جا
صافى نفس سليم
اب احمد يمين جا
ان قال فى الصميم
اب احمد يمين جا
قاسى مراس هميم
اب احمد يمين جا
زكيا زول فهيم
اب احمد يمين جا
فيك اوصاف زعيم
اب احمد يمين جا
ساءلك يا كريم
اب احمد يمين جا
وبى حق الكليم
اب احمد يمين جا
ورسول الله العظيم
اب احمد يمين جا
ما يكون يوم سقيم
اب احمد يمين جا
واكتبو فى الاديم
اب احمد يمين جا
والعلم القديم
اب احمد يمين جا
ناجى من الجحيم
اب احمد يمين جا
وسكنو فى النعيم

من طرف **م بروي** الثلاثاء 04 فبراير 2014, 7:11 pm

سامى احمد محمد كتب:
م بروي كتب:
ود عون الله كتب:اخاف عز الهجير مايلقي فد زير
اخاف مايلقي دربا يبقي تنقير
اخاف ضهب الرجال وسط العتامير
اخاف جحر الصبار مليان دبابير
اخاف اكل القبور بدل العصافير
منو القطع الحدق زازاهو نخير
منو الجاب التلج زازاهو كسير
منو الشال الجلكسي رماهو في البير

أخافيرمي الشبك يطلع ملان صير
أخاف نط الدبس من شبكي في الكير
أخاف طول يومو ما يتهز بنقير
وأخاف يرمي الشرك مايلقى حِمير
أخاف يقبض صليعي وتعبو دردير
أخاف كل ما ينالق ماسكو جنزير
أخاف مايلقى فيها الدانقه قرقير
أخاف ما يلقى ناصر في المناصير
وأخاف يجي ماشي يتواتاهو مكرير
ـــــــــــــــــــــ

نخاف بعد الضليل تحرقنا الهجير
بعد يمضى النهار تحرقنا العصير
ونخاف بعد الكبر يغلبنا المسير
ونخاف يخرب سمحنا المعدوم ضمير

معروف زول كجار مابدورلنا الخير

يضحك فى العلن ومن جووه تكشير
بعد ظهر العمار يتواتا كسير
بعد نجض الخضار نهديهو للغير

اخير نحزم امرنا صغيرنا وكبير

وكل زول بى قدرتو نواصل المسير

والغل والحسد نرميهو فى الكير

ومانخلى الزرع لبواغث الطير
[b]بعد نردم خلافنا تزازى حفير
[/b]

أخاف قافلة ظلم حاديها العوير

وأخاف درباً يقودنا على المكارير

أخاف أسمع نواح حس البوابير

وأخاف اسمع عويل حس العصافير

أخاف قندول فرحنا يحصلوا الطير

وأخاف تمراتنا تعول ودين وزرزير

وأخاف دبس البحيره ينكمش صير

وأخاف ما نلقى في النقعه المواسير

وأخاف جرفاُ سمح هسه صبح كير

وأخاف باقي الحِقيِق داك يلهطو وزير

وأخاف من عيشه بس سخميت ودردير

وأخاف من موته وما نلقاهو الشِبير

من طرف **م بروي** الثلاثاء 04 فبراير 2014, 7:43 pm

[quote"(الحاج شرف)"]

م بروي كتب:
abuahmed كتب:ود بروي
سلام
القيامي قاامت في البوست
ماهو محتاج لي حراشى ولا ----- الديك
نحن مستمتعين

أب احمد يمين جا
(أظني أكلت نيم)
أب حمد يمين جا

ارجو تغير الكلمه باللون الاحمر اعلاه[/quote]

أنت ما من الرطبو
اشطب الداير تشطبو
وطبطب الحابي تطبطبو
وعطب الناوي تعطبو

من طرف **م بروي** الثلاثاء 04 فبراير 2014, 7:47 pm

سلمان عقيد النعوفابى كتب:اختر الاجابة الصحيحة مما يأتى-
-منو الجاب التلج زازاهو كسير
أ-الحاج
ب-ود بروى
ج-الرشيد

اختر الإجابة الصحيحة:
منو الرمى لينا حوتن عفني في الزير:
1: الحاج
2:سلمان
3:طرشان

مالو العمدة ماجا
راسى وسيم وقور
مالو العمدة ماجا
يشاقق بحر المسور
مالوالعمدة ماجا
ما بنحدر زى الطرور
مالوالعمدة ماجا
اب كلاما ماهو زور
مالوالعمدة ماجا
وخالى من القشور
مالوالعمدة ماجا
مابيلف ويدور
مالوالعمدة ماجا
ودا عمدة السرور
مالوالعمدة ماجا