أدعو لي يا جماعة، الايامات دي لامة فيا جنس نزلة

أنا معظم أمراضي نزلات.. سخيفة النزلة غايتو تهرمس الزول جنس هرمسة
........
 تذكرني هرمسة النزلة هنا ، هرمسة الملاريا في السودان
 والله  ما مخوفني من السودان غير الملاريا... بخاف منها موت.. جاتني مرة واحدة في حياتي في السودان.. ولسه بخاف منها شديد.... كلوركوين؟ ما عارف راجامات!
الراجمات دي بالله بدل ما ترجم  الملاريا ! رجمت جسمى.. خلت حيلي ممتول كدا.. زمان لا حولالالالا
 غايتو المؤمن مصاب
 أدعو لينا يا شباب....

انت بالعافى تخصك فى المصارين
وتبقالك هدم ياصديق وسروال ونعلين
ان شاء الله جسمك لايضوق راجمات لاحقن الكلوركين
وطلتك دايما تسعدنا وليها راجين
اصلك انت ما أرقوق تسوق الساقى ونحنا واقفين
سألت الله الكريم  يتعافى صديق ويشم العافى فى الحين
وينطلق الفرح من هنا للحنانين

سلامتك يا هندسة وربنا يشفيك وكما قال الأخ سلمان : سألت الله الكريم يتعافى صديق ويشم العافى فى الحين
وينطلق الفرح من هنا للحنانين .

نسأل الله ياصديق ليشفيك  ، ومن دى النزله ينجيك ويعافيك ،وتبقى لك أجر وكفاره تنجيك ،
وتهرول ليك سريع العافيه وتجيك ، وتملاك من رويسك وحتى كرعيك ...

ألف حمدا لله على السلامة والنزلة علاجها الراحة وعندها أيامها لازم تأخذها أكرر عليك بالراحة وعصير البرتقال والليمون وربنا يشفيك وطهورا إن شاء الله.

الف بعد الشر عليك
وانشاء الله تبري من الالم
وحسنه واجر انشاء الله

تسلم يا أرباب على الكلمات الطيبة والشعر في حقنا.. ياكا زول جماعة
 نبدأ الرد شوية شوية. بدينا نتحسن. لكن القعدة أمام الكمبيوتر حارة..
 بعدين نجي شوية شوية نرد على الشباب ونشكرهم على دعواتهم لنا

الجماعة تموا شعر سلمان ناس الفكي ونور الهادي..
 يسلم الباشمهندس الفكي والقامة  نور الهادي

فعلا يا دكتور مصباح عندها أياما لازم تاخدن النزلة
 لكن وصيتك عملتها ركزت على البرتقال والليمون الليلي من الصباح..
 شوف أول ما تجوع ونيتك تدور اللكل.ز معناهو النزلة بدت تزلحق.. لكن لايزال جريان الأنف غايتو والحلق كدا زي الزول الماصى ليهو قرض أخدر.. عشراقة في الحلق
..........
 برضو يا دكتور مصباح.جاتنى هنا في الخاص وصية من أخ عزيز عملتها طوالي برضو لقيت فيها فايدي
 زيت القرنفل.في معلقة عسل.. وتغرغر بيهم في الحلق.. تصدق ريحتني كتير..
 ننشرها هنا للفايدة برضو..
شفتا كيف؟ حتى كان عدتا مريض تجد فايدة.. دي برضو من فوائد منتدى المناصير بلدي.. ذا الأسرة الواحدة..
 البارح المنصوري القامة نصر الدين حامد أبو زيد.. قال لى شنو؟ قال أنا دائما بردف كلمة أخي لأي منصوري هنا أخاطبو.. أو أرد عليهو..
 وأردف كلمة أختى لأي أخت أخاطبا هنا
 حتى قال لى كلمة الأخ أو الأخت شايفا عامة  لكن أخي.. أختى.. بحق يعنى موش كلام..
.............
 على الكليس شايفو أمن على وصية مصباح.. وزادا... تمام يا باشا ويا زعيم على العين والراس..

صديقنا وولدنا وأخونا أستاذ علي عبد الله الإمامي.. تسلم وتشكر
 عبد الله الإمامي دا دفعة ناس عمر أخوى في المدرسة في شري..
حامد على الإمامي
 وعبد الله من ألطف أولاد الإمامي
 في الإماماب مافي زيهم إلا القدوة والأسوة أستاذنا عبيد موسى..
 بالله قول لى عبيد موسى قال ليك صديق.. كان جيت الخرطوم أرجو أن تتصل عليا.. هنا..

k] قالو متألم شويه ياخى بعد الشر عليك 




وياباشمهندس البرتقال مفييد جد ا وعشان ظروف المرض حانهديك الشجره كللللللللها
[



[ندعوك للتسجيل في المنتدى أو التعريف بنفسك لمعاينة هذه الصورة]

تسلم يا هندسة وبعد الشرعليك
انت يازول تتجرس من النزلة مالك الظاهر عليك قاعد توقف ناس البيت علي فرد كراع--- هاك يا قنتى وتعالي يابت -- امش ياولد -- همزوا لي كرعى--- سووا لي عصير برتكان--- انا بطني طامي-- دا ماني دايرو -- ودوني الدكتور- مسحوني بيزيت سمسم ------- قرقر -- الحرجل كيف؟؟

ميسرة شكرا ليك. شفى الله كل مسلم ن كل ألم

 ياخي صورك ديك الجبتها من كبنة عجبتني جنس عجب..
 خاصة صورة نط القرو.. الزول الصورا دا حريف جدا في التصوير.. وكمان صور بنات الروضة والولاد.. ومكتوب عليهم أسماءهم بصورة ظريفة..

أووووه بت العم رجعنالك تسلمى يا أستاذة.. والله عاد شجرتك دي شايلة جنس شيل.. دي لو لميت فيها بقطعها كلها وبعصرا وبشربا

أبو أحمد.. الزول الظريف
 تصدق فعلا أنا جرسة. جيبوا لى دا.. شيلو منى دا.. همزوا لى كرعي
 لكن بقالك ولاد الزمن دا فيهم محنة!
 الواحد تنضم معاه تلقاهو يغمس في موبايلو شمال يمين..
البركة في المدام الله يديها العافي.. لينا... هي البي تحس بي حالي.... واحد فيلسوف  قال ( الزوج ماهو ، إلا عبارة عن طفل كبير) يعني يحتاج  للتدليل ..
 يا زول صباحات الله بي خيرا..
 بعد الوصفات الذكروها لى دي.بقيت أحسن.. يا زول الله لاوراك نزلات الخليج..
واحد مصري شغال معانا سواق.. قال لى والله يا صيق نزلاتهم دي هنا في الخليج! أنا أحسن يشقوا لى بطني عديل لعملية ولاتجيني نزلتهم دي!
 قلت ليهو يا زول بلاش شق بطن
 الحرجل كل يومين تلاتة بقطع لى منو حرجلايات خدووور بخجهن في موية لامن يرغب.. مع سكر وبشربوا.. الحرجل الأيامات دي مسوى الجربان الخدور وحمور ديك.. يبدو إنو الحرجل بي يشيل في الشتاء..

تشبعنا في الصور.. والله تشبعنا في الحوت!
..............
 ظاهر عليك مصور محترف يا ميسرة..
أنا لغاية الان كل الصور التى وردتنى بعد الإغراق! لم تشفى غليلي..
كان جبتا صور متكاملة عن المناصير كلها.. أخدت الشكرة تب.. وأجرك عند الله عظيم..
ممكن برضو أساعدك في الصور المتكاملة تكون كيف؟

الحبيب صديق حمدا لله على السلامة , وكفارة واجر وربنا يديك الصحة والعافية وماتشوف شر .
وبعدين الاقوى من الملاريا انت براك عارفو ما النزله الاسيويه حمانا وحماكم الله منها .

كفاره ليك الخال اتمني ليك الشفاء العاجل

تسلم بت الأخت عازة..

صديق عبدالله علي أبوحنة كتب:أبو أحمد.. الزول الظريف
 تصدق فعلا أنا جرسة. جيبوا لى دا.. شيلو منى دا.. همزوا لى كرعي
 لكن بقالك ولاد الزمن دا فيهم محنة!
 الواحد تنضم معاه تلقاهو يغمس في موبايلو شمال يمين..
البركة في المدام الله يديها العافي.. لينا... هي البي تحس بي حالي.... واحد فيلسوف  قال ( الزوج ماهو ، إلا عبارة عن طفل كبير) يعني يحتاج  للتدليل ..
 يا زول صباحات الله بي خيرا..
 بعد الوصفات الذكروها لى دي.بقيت أحسن.. يا زول الله لاوراك نزلات الخليج..
واحد مصري شغال معانا سواق.. قال لى والله يا صيق نزلاتهم دي هنا في الخليج! أنا أحسن يشقوا لى بطني عديل لعملية ولاتجيني نزلتهم دي!
 قلت ليهو يا زول بلاش شق بطن
 الحرجل كل يومين تلاتة بقطع لى منو حرجلايات خدووور بخجهن في موية لامن يرغب.. مع سكر وبشربوا.. الحرجل الأيامات دي مسوى الجربان الخدور وحمور ديك.. يبدو إنو الحرجل بي يشيل في الشتاء..

طبعا احسن وصفة ووصية هي وصية الكليس ابقي عليها عشرة لامن تصل بر الامان

سلمان عقيد النعوفابى كتب:انت بالعافى تخصك فى المصارين
وتبقالك هدم ياصديق وسروال ونعلين
ان شاء الله جسمك لايضوق راجمات لاحقن الكلوركين
وطلتك دايما تسعدنا وليها راجين
اصلك انت ما أرقوق تسوق الساقى ونحنا واقفين
سألت الله الكريم  يتعافى صديق ويشم العافى فى الحين
وينطلق الفرح من هنا للحنانين

سلامات ما تشوف شر--- كفارة واجر

تسلم يا هندسة من كل بلاء
وانشاء الله كفارة واجر