أقبلوها كدا ! يا بنات ويا ولاد! ويا كهول ويا شباب

هو في الحقيقة ناس منتدانا دا!  ممكن تقول عليهم كلهم بنات وولاد مناصير .. لأن الروح هي الشابة..
.........
 أها قلنا ليكم في الشتاء بنكون مشغولين شديد في الشغل.حتى ما قادرين نتنفس من زحمة الشغل..
ليه؟
 عشان الصيف قاتل في الخليج مع الرطوبة
 عشان كدا نكثف العمل في الشتاء في الصيانة
 عشان كدا
مواضيع مطولة مااافي
تعليقات مااافي
 شوية شوية
 هبشة هبشة ممكن
.....
 وين أعضاءنا الغابوا يا ناس.. نعلهم عافي
 وتكريم القامة عيسى وصل وين يا انتصار أمينة سر المغتربين لجمع المساهمات..
 أظن نصر الدين وانتصار ديل المسؤولين من جمع المساهمات..
ديل الأتنين ناس جادين لامن غلط
ما حاريحمونا عاد
 ياخوانا الناس الغابوا وين مشوا يا ناس !
 نحن قبيلة شوييية ما بنقدر من بعض

لا لا يا صديق براك شايف المنتدى الاعضاء قلووو
والكتابات قلت .... والزيارات قلت
نحن عاوزين المنتدى دا يزهر تانى
المفروض تنشط الناس للكتابة مش نوقفا

نحاول نضيف اعضاء جدد كمان علشان يزدهر اكثر

شكرا الاخ صديق وانت لو شغلتك ظروف نجدك دايما تتفقد الاحوال-- شكرا انتصار ماقصرت ومابتقصرى--والله نحنا شغلتنا ظروف العمل والحياة كثيرا--وزى ماقال صديق طلة طلة---ايضا --منهمكين فى برنامج تكريم الاخ عيسى يروى والاجتماعات متواصلة والتكاليف--لانريد الابتعاد كثيرا من المنتدى --ونريد ان يكون الاساس او البيت الكبير وهو الذى له الفضل فى اقامة هذه العلاقات الطيبة--رغم ان الفيس والواتساب كانوا خصما عليه للسهولة والسرعة لكنه ملاذنا والحب الاول والاخير---

شكرا ياهندسة . الكل يقول أنا مشغول والمشغولية أصبحث لدرجة تمنع الاتصالات بالهاتف آه على هذه الدنيا الفانية الواحد جاري لمن يندرش على رأسه مشغوليات كثيرة خاصة في السودان جري وجري والناس جارية والزمن جاري . حليل زمن كنا نقول الإجازة ( الكبيرة ) إجازة الصيف التي كنا نجد بعدها المدارس وقد عشعشت فيها العصافير خاصة ( أبوالرقيع ) الوطواط  حيث نجد فضلاته وقد عمت الفصول. كم الإجازىة الصيفية كنت تسافر فيها كسلا وتسوق الصيف وتسافر باللنش سفرات عدة والإجاز وتحضر كم باشي ومازال فيها بقية،  تذكر تلك الأيام التي كانت فيها بركة وربنا كان مبارك فيها ( سأل رسولنا الكريم صلى الله عليه وسلم أصحابه في يوم من الأيام من منكم زار مريضا ؟ كان الصديق رضي الله عنه يقول نعم أنا يارسول الله ، من منكم شهد جنازة ؟ يكرر الصديق نفس الإجابة ، من منكم من تصدق ؟ من منكم من ساعد محتاجا . من من وتستمر الأسئلة والصديق يجاوب ) من أين له هذا الزمن إنها البركة وتنظيم الوقت واستغلاله فيما يرضي الله ورسوله.
أما الآن اللهف وراء الدنيا وظروف الحياة القاسية وشيل هم الدنيا والأيام تمضي والله نسأله حسن الخاتمة.

آمين يا دكتور مصباح.. يا رب حسن الخاتمة..
 يا حليل زمن الإجازة الكبيرة البي تعمل فيها دا كلو.ولسه يكون فيها باقى..
إنها البركة كانت.. والحياة الطبيعية بلا رتوش
 إنها علامات آخر الزمن الآن  يا دكتور مصباح..
 يا رب حسن الخاتمة