قلنا ارحل ...الاستاذة بت بلول

حريات



ﻧﺤﻨﺎ ﻟﻤﻦ ﻗﻠﻨﺎ ﺃﺭﺣﻞ .. ﻛﺎﻥ ﻗﺼِﺪﻧﺎ … ﺍﻧﻮ ﺗﺮﺣﻞ ..
ﻣﺶ ﺗﺒﺪﻝ ﻓﻲ ﺍﻟﻜﺮﺍﺳﻲ … ﻭﺍﻟﻄﺮﺍﺑﻴﺰ ﺍﻟﺪﻭﺍﻳﺮ ..
ﻭﺍﻟﺘﺮﻻﺕ ﺍﻟﺒﺘﺎﻛﻞ … ﻓﻲ ﺿﻬﺮﻧﺎ ﻭﻻ ﺑﺘﺨﺠﻞ ..
ﺃﺭﺣﻞ .. ﺃﺭﺣﻞ ..
ﻳﻌﻨﻲ ﺷﺘﺖ .. ﻳﻌﻨﻲ ﻓﺎﺭﻕ .. ﻏﻮﻭﺭ ﻓﻲ ﺳﺘﻴﻦ ﺍﻟﻒ ﺟﺮﺩﻝ ..
ﻣﺎ ﺑﻴﻔﺮﻕ ﻟﻮ ﺗﻐﻴﻴﺮ ﺍﻧﺖ ﻧﺎﻓﻊ .. ﺍﻭ ﺗﺨﺖ ﻓﻲ ﺑﺪﻟﻮ ﺷﺎﻓﻊ ..
ﻭﻻ ﻣﺠﻨﻮﻥ ﻻﻓﻲ ﺣﺎﻳﻢ ﻓﻲ ﺍﻟﺸﻮﺍﺭﻉ .. ﺍﻭ ﻣُﺴﻄًﻞ ..
ﻧﺤﻨﺎ ﺩﺍﻳﺮﻳﻦ .. ﺯﻭﻝ ﺯﺭﺍﻋﺔ .. ﻳﻌﺮﻑ ﺍﻟﻮﺍﻃﺔ ﺍﻟﺒﺘﻨﺘﺞ ..
ﻳﻌﺮﻑ ﺍﻟﻤﺤﺼﻮﻝ ﻭﻧﻮﻋﻮ .. ﻭﺍﻟﺒﺬﻭﺭ ﺍﻟﻤﺎ ﺑﺘﻔﺸﻞ ..
ﻧﺤﻨﺎ ﺩﺍﻳﺮﻳﻦ … ﺯﻭﻝ ﺗﻤﺮﺟﻲ .. ﻳﻌﺮﻑ ﺍﻟﻤﺮﺽ ﺍﻟﻤُﻮﻃًﻦ ..
ﻟﻴﻨﺎ ﻳﻜﺸﻒ ﻛﻞ ﻋﻠﺔ .. ﻣﺎﻫﻮ ﺑﺲ ﺩﻛﺘﻮﺭ ﻭﻳﺼﻬﻞ ..
ﻧﺤﻨﺎ ﺩﺍﻳﺮﻳﻦ .. ﺯﻭﻝ ﻣﺪﺭﺱ .. ﻳﻤﺴﻚ ﺍﻟﻄﺒﺸﻴﺮﺓ ﻳﺸﺮﺡ ..
ﺗﻤﺮﻕ ﺍﻟﻤﻌﻠﻮﻣﺔ ﻣﻨﻮ … ﻟﻲ ﺍﻗﺎﺻﻲ ﺑﻼﺩﻧﺎ ﺗﻮﺻﻞ ..
ﻧﺤﻨﺎ ﺩﺍﻳﺮﻳﻦ … ﺯﻭﻝ ﻣﻬﻨﺪﺱ …. ﻳﻔﻬﻢ ﺍﻟﻤﻜﻦ ﺍﻟﻤﻌﺼﻠﺞ ..
ﻳﺮﻛﺐ ﺍﻟﺘﺮﺣﻴﻞ ﺟﻤﺎﻋﻲ .. ﻳﻠﺒﺲ ﺍﻻﺑﺮﻭﻝ ﻭﻳﺴﻬﺮ …
ﻳﻠﺤﻖ ﺍﻟﻔﻲ ﺍﻟﺮﻳﻒ ﻣُﻌﻄًﻞ ..
ﻧﺤﻦ ﺩﺍﻳﺮﻳﻦ .. ﺯﻭﻝ ﺣﻘﻮﻗﻲ … ﻗﺎﺿﻲ ﻳﺤﻜﻢ ﺑﺎﻟﺘﺴﺎﻭﻱ ..
ﻳﺴﺘﻤﺪ ﻣﻨﻬﺞ ﻗﻀﺎﻫﻮ … ﻣﻦ ﺷﺮﻳﻌﺔ ﺭﺏ ﺃﻋﺪﻝ
ﻧﺤﻦ ﻣﺎﺍﺍﺍﺍﺍ ﺩﺍﻳﺮﻳﻦ ﻛﺮﺍﺳﻲ … ﻻ ﻻ ﻣﺎ ﺩﺍﻳﺮﻳﻦ ﻣﻨﺎﺻﺐ …
ﻧﺤﻨﺎ ﺩﺍﻳﺮﻳﻦ ﺑﺲ ﺑﻠﺪﻧﺎ …. ﺗﺒﻘﻲ ﻟﻴﻨﺎ .. ﻭﻧﺒﻘﻲ ﻓﻴﻬﺎ …
ﻭﻧﺒﻘﻲ ﻟﻴﻬﺎ … ﻭﻫﻞ ﺗﺼﺪﻕ .. ﺷﺎﻥ ﺩﺍ ﻳﺤﺼﻞ .. ﻻﺯﻡ ﺍﺑﺪﺍ …. ﻛﻠﻮ ﻛﻠﻮ … ﺍﻧﺖ ﺗﺮﺣﻞ .. ؟