يورجك-يورجغ--يوجوج الطير

يورجك --يوجوج---يورجغ---يرطن --الطير--(العصافير --او الزرازير)--كلها مأخوذة من الصوت الذى تصدره--سواء موسيقته ومخارجه او كثرته وعدم فهمه للانسان--فاعطاه هذه الاسماء --حتى سمى بالرطانة او يرطن --يأتى بكلام غير مفهوم طبعا للانسان--والكل يتذكر مثل حجة طير-(وهنا يقصد ان الكلام كثير والكل يتحدذ فى لحظة واحدة -او كلام الطير فى الباقير--او بلدا طيرا عجمى ---
والراحل حبيب قال --
عصمة ضوابا وعساسير
فوق نخيلا يورجك الطير --وتقرا ايضا يوجوج-
والراحل الفكى ود الباهى قال:
شتلى فوق الوادى اتردم وفوق حس الكرجات رطن--
جميلة هى لغتنا كما يقول الباشمهندس ابحنة

ما خليت حاجة في الشرح يا أرباب؟
أنت مسعول من الخير صور العيد كملت جيت بي جاي وألا ّ شنو؟

صديق عبدالله علي أبوحنة كتب:ما خليت حاجة في الشرح يا أرباب؟
أنت مسعول من الخير صور العيد كملت جيت بي جاي وألا ّ شنو؟

الصدوق
صاحبك مقرن الموية

الصدوق وابو احمد --سلام --لازم نقرن الموية---كدى ارجعوا لصور العيد ---بس مالاقين الفاقا

ههههههههه مقرن الموية يا أبو أحمد أوعك تتبعّج عليهو

عارف يا الصدوق ود عقيد شكلو (سمد) ساقية قديييييم!!!!!!