عيديتنا بافتتاح واحة المغتربين

طبعا الشكر اجزلة لقائد ربان سفينتنا خالد عابدين لافتتاحه لواحة المغتربين
وامنياتى ان تكون واحه ظليلة تجمع كل اطياف المغتربين المناصير من كل اصقاع الدنيا

واردت ان اعايد اخوتى بالمنتدى من خلال واحتنا
منها فرحه بافتتاح الواحه
ومنها تهنئة ومعايدة لكل اعضاء وعضوات المناصير بلدى

وكل عام وكل اهلى المناصير بخير وسلام

وكل عام ومنتدانا بالف خير
وربي يجعل المنتدى واحة ظليلة تجمعنا فى الخير

مع تمنياتى بان تكون الواحه مساحة عامرة نسرد فيها كل هموم واشجان الغربة

كل سنة والجميع بالف خير
 
 
 
 
 
خلاص فصلنا عيشتنا

جينا للواحة
 زمان في حصة الجغرافيا في الإبتدائي، يقول ليك في الإمتحان
 عرف الواحة:؟
 الإجابة
 الواحة (ماء ونبات وسط الصحراء.. )حافظنها لسه..

شرفتو الواحه
اخى عبد الواحد واخي صديق

بس فى ملاحظة مالو الردود مقلوبة فى البوست دا .. الرد الجديد بالاعلى ليه رغم انو المفروض بالاسفل

عبد الواحد جبريل كتب:خلاص فصلنا عيشتنا

لا لا ان شاء الله مافى اى انفصال بين المغتربين وبقية الاعضاء
هو فقط بحث عن مساحات لعرض قضايانا
كمان عندنا قضايا محتاجين نناقشا

وان شاء الله سنكون كلنا متواجدين كمان ببقية الاقسام الاخرى

وضحت النقطة دى لانو اتذكر سهام الله يديها العافية كانت قالت لى ناوين تفرزوا عيشتكم
فهسة انا بوضح تااااااانى مافى فرز ان شاء الله
وليكم علينا تلقونا متواجدين كتييير بالاقسام التانية كمان

كل عام وأنت بخير أختى انتصار وكل عام وكل إخوتى وأخواتى بمنتدانا العامر بأهله بخير وكل عام ومنتدانا متألق وسامق ... مشكورة على الطرح الرائع والشكر للريس خالد بتخصيص بوست واحة المغتربيين ... تكون ساحة للتعارف ... فيها يجدون مساحة لطرح تجاربهم وخبراتهم ومناقشة همومهم وقضاياهم _

تقبلوا تحياتى وودى ،،،

انشاء الله تكون واحه ظليله نلجا لها ...نحن غير المغتربين... حين يشتد الوطيس وتدور المعارك في واحاتنا...حبينا نمزح...تسلمي انتصار ويسلم كل الاخوه المغتربين..

تخريمه.....
فرز عيشه باسلوب حضاري؟؟؟؟؟؟؟؟؟!!!!!!!لكن وراكم وراكم...

اولا الشكر اولا واخيرا لله سبحانه وتعالي الذي انعمنا وكرمنا  بنعمة الاسلام وامة نبينا وحبيبنا محمد صلي الله علية وسلم
والشكر للاخوان الذين يقومون علي امر هذاء المنتدي واخص الاستاذ خالد والاخت صاحبت الفكرة الاستاذ الفاضالة او كما يسميها الباشمهندس بنت اسد ابو سباع الاخت انتصار حجازي الذي جمعتنا بهم الغربة  ونتمني من الله ان يجمعنا بهم دوما علي خير هي  والاخ الفاضل  الدكتور حسن عون الله  
ونتمني ان يكون هذاء البوستي اضافة حقيقية للمنتدي وللاخوة المغتريبن بصفة خاصة وان يخفف عليهم مؤلات الغربة وان يجمعهم بي اهلهم دوما علي خير انشاء الله 

طبعا الواحة دي ي باشمهندس صديق ابوحنة  كافتريا  في طريق عطبرة الخرطوم كنا لمن نسافر باللاوري يبيتو فيها قبل البنطون

نعم نتمنى ان تكون واحة ظليله يستريح فيها  كل من اصطلى بنار الغربة ومن نوى ان يتغرب ومن يريد ان يعرف عن الغربة ومن يات غاشيا  يجد الجديد المفيد
من  الذين صقلو بتجارب الغربة وفوائد التسفار
وربنا يوفق  اختنا انتصار وادارتنا ومغتربينا وحتى المقيمين بين احضان وطننا الغالي  المكلوم

يعني ياانتصار نحن أختفينا
وجيتوا ورانا
اعلنتوها بكل صراحة
انفصال انفصال
من زمان شايف المغتربين يلمحوا للانفصال
يبغي كده ياتضمونا معاكم لحدي ما الجواز يتاشر للاغتراب قريبا
عشان نبعد من الكع والكف
ونلبد بجاي

ايوة يا سارى الليل
نبقى زى انفصال الجنوب

لا لا ان شاء الله ما ح يكون انفصال ولكن واحه تجمعنا كلنا
مغتربين وغير مغتربين

بوست المغتربين مقلوب
نرجو معاودة الاتصال مرة اخري
او الرجوع الينا

ساري الليل كتب:بوست المغتربين مقلوب
نرجو معاودة الاتصال مرة اخري
او الرجوع الينا

عووووووك
افتش وين اكوس !!!!!
ماتلقي اي زول .... حتي اسياد البيوت مشوا وخلو بيتهم براه خلا !!!!!!