كشفت النقاب عن وجهها .....فكانت المفاجأه

الزعيم علي الكليس؟
 يازول
 أنت الأيامات دي مالك يا خوي؟
 الحاصل عليك شنو؟
 شايفك نزلت ليك موضوعين عن البنات؟ لحظة واحدة؟
...
 خلاص خليت قضية المناصير، وسد مروي.. وخط الكنتور.. ومن الذي منع الحصر.. والتهجير، وهل هو  مشروع إعاشة.. والله تهجير؟
 وناس أم سفاية؟
 والناس الهدموا البيوت؟
 وحرقوا التمر؟
 والثالوث
 وضبحوا حمارة من الوريد الى الوريد؟
 عليك الله يا كليس آخر مرة شفت ليك وريد حمارة متين؟
 والله أنا  لى يوم الليلة ما عارف الحمارة وريدا بي وين؟
 هي الحمارة عندها وريدين؟
 أنت قلت في بوست سابق ضبحوها من الويد للوريد؟
........
 ههههه نونس أنا والكليس؟
 أوعك يجي زول من الجماعة القاصدنك يخرب الموضوع ، ويخرجوا عن نطاق الونسي؟
.....
 غايتو كونك تغيير الوترة برضو كويس الى حديث عن البنات والزواج الحلال
......
 يعني نضيفك على صاحبك بتاع موضوع ( فك التسجيلات ) والله شنو؟
 ياخي نحن عايزنك بس تدافع لينا عن القضية؟
 حتى اسمك انصبغ في قلوبنا حيث ما وجد الكليس إلا  وجدت قضية المناصير حااارة
 مالك الليلي جبت ليك خبر بنوت وجيت؟!!!

الخال سلام..
سؤالك للكليس فى محلو!!ما مشيت بعيد جابلو حريم وبيع دين وجا!!
لأنو الأيام دى عندنا فى السودان مظاهرات وبى تحت تحت كده قالو ناس المؤتمر الوطنى بقو يتاجرو بالدين.
عشان كده الكليس بقى يبحث عن المبررات بتاعة فساد حكومة عمر البشير وسرقتها لى أموال الشعب
ومن ضمنها قروش المناصير وحقوقهم.
يا خال على الكليس ما مشا بعيد من الموضوع!!

ههههههههه
تسلم ود اللخت
........
  تصحيح
 أنا قلتا إعاشة وتهجير
 والصحيح إعاشة  والله توطين
.......
 الله يهديهم ناس إدارة المنبر حذفوا خاصية التصحيح

والله ظريف يا شيخ علي الكليس.. وقصة أبوك برضو.. ولكن حيرتني.. شئ الغابة. شئ السليمانية ، شئ الكحيلة ، شئ القضارف.. شئ العاصمة ، شئ السعودية ، عشان كدة بقيت مسبوك بثقافات كثيرة..
مناصيرنا ديل ما عايزين يستفيدوا من خبراتك دي..
 اما الأجازة قريبة ان شاء الله.. وسوف تكون طويلة هذه المرة بحول الله..وسوف نقضى معكم وكت أكثر.. وراح يكون فيها مجهود أكثر دفعة بخصوص المحلي..

تسلم استاذ الكليس...
الاسلام قول وفعل وعمل...وما نراه اليوم في بلاد المسلمين لايمت بالاسلام بصله...فعلا كما قالت بعت اسلامكم ونحن اشتريناه..
تخريمه.....
ناس لابترحم لابتخلي رحنه ربنا تنزل......اسع يا ابن عمي ماااالك الزول ماشي في البوست ميه ميه داير تخربو مالك؟؟؟؟لك تحياتي...

ههههههههه ما بخربوا يا بت العم! بس قلت الكليس ده مالو قلب الموية في اللوبا.. وخلى البوغة الكان شغال فيها وهي القضية؟

أعجبتنى(مسبوك) بتاعة الخال جدا!!!
على الكليس وصفت الخال وصفا دقيقا بذوبانه سريعا
دى كلها عمايل الغربه تخلى الزول يذوب سريع..
الخال صديق فعلا سريع الذوبان فهو إنسان شاعر وينضح بالمشاعر من هنا جاء الذوبان..
لا يفوتنى أن أرسل التحية للدفعه نجلاء التى تجتهد كثيرا لصناعة الألق والجمال عبر هذا المنتدى لها ألف تحية

لا يفوتنى أن أرسل التحية للدفعه نجلاء التى تجتهد كثيرا لصناعة الألق والجمال عبر هذا المنتدى لها ألف تحية

 بالله أنت تشكر فيها كدي يا ود أختى.. وهي مزازاك الدفعة التائب .الدفعة التائب!!! هههههههه

صديق عبدالله علي أبوحنة كتب:

لا يفوتنى أن أرسل التحية للدفعه نجلاء التى تجتهد كثيرا لصناعة الألق والجمال عبر هذا المنتدى لها ألف تحية

 بالله أنت تشكر فيها كدي يا ود أختى.. وهي مزازاك الدفعة التائب .الدفعة التائب!!! هههههههه

غايتو جنس حسادي ....علي قول ابومصطفي..

علي الحممود لك الف تحيه وتقدير...انتم من علمتمونا ونحن علي دربكم سائرون..
تسلم ابن عمي الصديق...

صديق عبدالله علي أبوحنة كتب:

لا يفوتنى أن أرسل التحية للدفعه نجلاء التى تجتهد كثيرا لصناعة الألق والجمال عبر هذا المنتدى لها ألف تحية

 بالله أنت تشكر فيها كدي يا ود أختى.. وهي مزازاك الدفعة التائب .الدفعة التائب!!! هههههههه

غايتو جنس حسادي ....علي قول ابومصطفي..

علي الحممود لك الف تحيه وتقدير...انتم من علمتمونا ونحن علي دربكم سائرون..
تسلم ابن عمي الصديق...

تعيش بت شيوخ الربع العاصي ذخراً لى مناصيرا..

تعرف يا شيخ علي الكليس.. الزمن ده مافي نواعم وخواشن.. وخشونة.. كل الناس خشونة.. الناس داعكة.. الكتوف اتلاحقت..
 الزمن هو إحدي العوامل الرئيسة..
 التقييم أصبح ( الراس دا فيهو شنو؟!) كان راجل كان مرة !
 دي ثقافة العصر البي يتنافسوا فيها الرجل والمرأة.. الفكر.. العلم..
 كل الناس في السهلة برة من أجل الحياة. مرة وراجل وبنت وولد.. ما عادت في نواعم.. صارت الفضيلة للعقل..
 مجال الفكر والعلم أصبحت الحكاية.. ودي المرأة تجيد المنافسة فيها مثل الرجل تماماً.. بل وتبتز الرجل أحياناً.. وكم مرة أولي الشهادة السودانية جات بنت..
 ياخي يا الكليس أنا سمعت حاجات غريبة في التعليم في السودان الآن.
 زمنا نحن لو ما جايب شهادة سودانية لايمكن يسمح ليك التعليم العالي  بدخول أي كلية أو معهد على الإطلاق.. هسي دي شفتا خريجين من جامعات أردنية وكليات في السودان بتاعات كمبيوتر.. قالوا ما ضروري تكون عندك شهادة سودانية . بس يعملوا ليك إمتحان في الكلية ذاتها عن مبادئ الكمبيوتر كان نجحت فيهو طوالي تدخل الكلية.. حاجة تانية كمان. يجوا ناس عندهم تجويد مثلا في القرآن.. أو حفظ أو تلاوة.. يعقدوا ليهو إمتحان عن التجويد ينجح فيهو. طوالي يدخل كلية معينة.. بدون ما تكون عندو شهادة سودانية ثانوية.. لاقوني خريجين زي ديل.تصدق..