الدكتور محمد عثمان علي حجازي استاذا بجامعة الأمير سلمان واليوم بالرياض

بمشيئة الله سيصل الدكتور محمد عثمان حجازي اليوم بالطائرة السعودية إلى الرياض وسينضم كعضو هيئة تدريس إلى جامعة الأمير سلمان بمدينة الخرج والتي تبعد عن الرياض 87 كيلو فأهلا بالدكتور محمد عثمان فالرياض ترحب به وسوف نكون إن شاء الله في استبقاله وربنا يزيد ويبارك في أبناء المناصير بالسعودية وأخص الرياض. فالدكتور يحمل شهادة الدكتوراه في علوم الحاسوب وسبق أن درس بكلية المعلمين بمدينة حائل كما درس أبضا بإحدى الجامعات بسلطنة عمان وأخيرا عميدا لكلية علوم الحاسوب بجامعة الزعيم الأزهري بالسودان. فالدكتور من أصحاب الخبرة في مجاله، ونتمنى له إقامة طيبة بين أهله بالرياض والخرج وأهلا به في جمعية أبناء المناصير بالرياض.

يصل بالسلامة انشاء الله 
زي ماقال ابو مصطفي فقد السودان كل شي 
واذكان امثال هذه القامات تهاجر اكيد التعليم سوف يضيع في السودان 
الله يكون في عونك سودان الحبيب الجماعة ديل ملصوة تب عدم منفاخ النار

ما شاء الله.. لله في أمره شئون.. الدكتور محمد عثمان علي حجازي يغترب للسعودية في أقل من 15 سنة 3 مرات؟؟؟ عميد كلية الحاسب الآلي بجامعة الامام الأزهري.. يترك البلد ويجيء السعودية.....نتمنى له اقامة طيبة وحياة موفقة انشاء الله... والدكتور بصراحة يحب السعودية...لأنه عمل علاقة طيبة وحلوة مع الشيخ ود البروي والدكتور حسين النفعابي بحكم عمل سابقاً في ابها . وله معنا ذكريات جميلة بالرياض. وبصراحة الدكتور محمد من شباب المناصير الموفقين والمناضلين والمجتهدين في حياتهم وربنا يوفقه في هذا الموقع.. وله ولد وبنت يدرسون الطب. ولله الحمد.
بالمناسبة هو محظوظ لتعاقده في جامعة الأمير سلمان بالخرج.. والخرج تبعد ساعة من الرياض .. والسودانيين في الخرج يذكرونني بأهلنا العماسيب وغيرهم في ام عشر عندهم ترابط غير طبيعي ليس تجد هنالك اطلاقاً  فرق بين الدكتور والمهندس والمحاسب والعامل ...وو...وليس بينهم هذا جعلي وهذا شايقي وهذا رباطابي وهذا منصوري وكلهم يتعارفون حق المعرفة.. ولنا اخوان كمثال /الشيخ الفاضل التيجاني والدكتور مامون عبد الحليم  وغيرهم. وأي سوداني اغترب في السعودية وكان مقيم فيها لم يتركها.. مثال لذلك أخونا خليفه ادريس الذي ما زال يمشي ويجيء السودان.
نتمنى للأخ محمد عثمان اقامة طيبة ومرحب به في الرياض وفي السعودية.. وشكرا ..الشيخ مصباح حضور سرك ود حجازي ... وما شاء الله العائلة كبرت .. يا ود عون الله .
تقبلوا خالص تحياتي ومروري.

ربنا يوصله بالسلامة ويوفقه في عمله ونتمي له اقامة طيبة 
اخواني واخواتي الفرصة متاحة بصورة كبيرة جدا لك الذين  
لديهم شهادات فوق الجامعية تعيينهم فوري ويتنقلون من جامعة 
الي اخري وبعقود افضل فشدوا حيلكم ولا تضيعوا فرص التحضير
ومبروك عليكم ياناس الرياض

أووووووووه
ديل ناس عظماء.. العظمة لله.. عجبنا ليهم.. دكتور حجازي.. وزوجه أختنا الغالية.. مبروك ليهم..
 الحقيقة المنصوري محل ما يمشى علم في رأسه نار.. ومحبوب اي منصوري من جيرانه لشهامته..
 واحدي .. زمان تربطنا بها علاقة أخوه.. وهى إ لاتفرط في إسلاميتها..كان في الجامعة  كنا في معهد الكليات ( جامعة السودان الآن) وهي إقتصاد في جامعة الخرطوم.. نراجع مع بعض بعض الدروس.. الآن هي مديرة مصلحة كبيرة جدا في السودان.. صارت تحب المناصير لدرجة الذهول.. لأنها تعرف المنصوري، شهم.. مقدام.. يحافظ على الجار على الزمالة..
  وهي تأتي مأموريات أبوظبي ولا تحب تنزل في فندق. تنزل معنا في دارنا..وكل ما نجي السودان تعزمنا. وتصر تدينا سيارتا.. ومرات توصلنا مشاوير بعيدة..
 أها أول ما قالوا ليها في مناصير سكنوا جنبك في حي كافوري؟
 محبة في المناصير مشت زارتهم؟( إلهام عبد الله محمد الفحل) زولة جعلية من الدامر.. أبوها زول علم هناك.. وحافظ قرآن..
 لقتهم الأخ الدكتور محمد عثمان حجازي وحرمه المصون.. سألتهم عني؟ قالوا ليها بالحيل؟ ده زولنا تماما.. وتربطنا معه علاقات وأخوة..
 اتخلعت؟ وراحت متصلة بي؟ واندهشت  هي من الفرحة
 قلت ليها بالحيل ديل أهلنا.. الدكتور  من جهة أمنا وأبونا تربطنا بيهو لحمة مناصير نحن ابونا وأمنا من قريتهم كبنة. جدودهم.. بعدين أهل مرة الدكتور جيرانا وتربطنا بهم علاقة  قرابة مع ناس ( بهيي) وناس ( أم لقاديب) وأنا إسمى  صديق.. اي صديق مكي. الرجل المسمني عليهو . خال أبو زوجة الدكتور..
 المهم جات السيرة وفرحنا شديد للدكتور
شكرا دكتور مصباح وربنا يجعل ما كتبته عن دكتور حجازي في ميزان حسناتك

عزالدين محمد ضقولي كتب:ربنا يوصله بالسلامة ويوفقه في عمله ونتمي له اقامة طيبة 
اخواني واخواتي الفرصة متاحة بصورة كبيرة جدا لك الذين  
لديهم شهادات فوق الجامعية تعيينهم فوري ويتنقلون من جامعة 
الي اخري وبعقود افضل فشدوا حيلكم ولا تضيعوا فرص التحضير
ومبروك عليكم ياناس الرياض

شكر يا خال مصباح لهذه الأخبار المفرحة والسودان مقبرة بالنسبة لتخصص الدكتور محمد عثمان حجازى فعلم الحاسوب يتجدد كل يوم .فنسأل الله أن يوفقه فى عمله ونتمنى له اقامة طيبة فى السعودية .

عملت اقتباس لمداخلة الأخ عزالدين : يا عزالدين ما تشوف لصاحبك سلمان طريقة قالوا تدرس دروس خصوصية فى أولاد الشيوخ يعنى ايدك بقت لاحقة فى السعودية وتمر الهبوب بخنقك .

عز الدين اوعك من تمر الهبوب القالوا  نور الهادي؟ شوف لينا حاجة لى سلمان.. تمر الهبوب بي يخنقك..

نورالهادى كتب:

عزالدين محمد ضقولي كتب:ربنا يوصله بالسلامة ويوفقه في عمله ونتمي له اقامة طيبة 
اخواني واخواتي الفرصة متاحة بصورة كبيرة جدا لك الذين  
لديهم شهادات فوق الجامعية تعيينهم فوري ويتنقلون من جامعة 
الي اخري وبعقود افضل فشدوا حيلكم ولا تضيعوا فرص التحضير
ومبروك عليكم ياناس الرياض

شكر يا خال مصباح لهذه الأخبار المفرحة والسودان مقبرة بالنسبة لتخصص الدكتور محمد عثمان حجازى فعلم الحاسوب يتجدد كل يوم .فنسأل الله أن يوفقه فى عمله ونتمنى له اقامة طيبة فى السعودية .

عملت اقتباس لمداخلة الأخ عزالدين : يا عزالدين ما تشوف لصاحبك سلمان طريقة قالوا تدرس دروس خصوصية فى أولاد الشيوخ يعنى ايدك بقت لاحقة فى السعودية وتمر الهبوب بخنقك .

والله حق وحقيقة... الشيخ سلمان يستاهل كل خير... بس معليش ما داير اتحشر لكني أقول الشيخ مصباح يقوم في البحث عن الإقامة وكما عمل لكثير من الأهل... وبعدين اخونا فتح الرحمن محمد الحسن يشغله في مدارسهم.. كفيله عنده 9 مدارس خاصة وعالمية.. وما التوفيق إلا من عند الله... وبعدين العيادات تجي جاري وراك... نحن في مكة المكرمة في بداية التسعيانات كلنا ندرس والتدريس مبروك وقروشه مبروكه.
التحية لك نور الهادي والتحية للمهندس صديق والأستاذ عز الدين... والآن آخر الليل .. انتو عاوزين الشيخ مصباح يزعل مننا وله شنو؟؟
تقبلوا تحياتي ومروري.

ماشاء الله اللهم زد وبارك وإلى الأمام عيال منصور
ربنا يوفقه ويعليهو مايدليهو ...

عبد الغني نصر الدين كتب:
والله حق وحقيقة... الشيخ سلمان يستاهل كل خير... بس معليش ما داير اتحشر لكني أقول الشيخ مصباح يقوم في البحث عن الإقامة وكما عمل لكثير من الأهل... وبعدين اخونا فتح الرحمن محمد الحسن يشغله في مدارسهم.. كفيله عنده 9 مدارس خاصة وعالمية.. وما التوفيق إلا من عند الله... وبعدين العيادات تجي جاري وراك... نحن في مكة المكرمة في بداية التسعيانات كلنا ندرس والتدريس مبروك وقروشه مبروكه.
التحية لك نور الهادي والتحية للمهندس صديق والأستاذ عز الدين... والآن آخر الليل .. انتو عاوزين الشيخ مصباح يزعل مننا وله شنو؟؟
تقبلوا تحياتي ومروري.

والله يا عبد الغنى أنا عارفك أنت راجل ما ساهل وحرام زول زيك يكون خارج السودان ولكن السودان بقى طارد للشرفاء أمثالك ولكن صدقنى سيعود أمثالك لقيادة البلد ولكن ركز لى على الدراسات العليا وانت يا عبدالغنى زول قراية ومن الله ما خلقك تحب القراية .وأنت عارف الراجل الطيب صديق عبدالله نفسو ومنى عينه يشوف ناس الحلال الجنبو خارج السودان وشهادة للتاريخ هو ثانى زول اتصل بى فى هولندا وطبعا أول زول اتصل بى البرجوب وأذكر حينها كنت شغال فى مزعة طماطم فى ضواحى روتر دام وكان الشغل تمر هبوب وفى هولندا يعرف هذا العمل بالشغل الأسود يعنى خالى ضرائب .فيا عبد الغنى اذا كان خالى مصباح وصديقى وشيخى فتحى ممكن يساعدون فى هجرة سلمان الى السعودية فأنا سأعتبر هذا الموضوع منتهى وأنا وأبو عزام مستعدين لدفع قيمة الاقامة مهما تكلف .ويلا على بركة الله . ونعم لهجرة الكفاآت فى عهد فساد الكيزان . والقومة ليك يا شيخ عبدالغنى .

خبر حلو
ومرحب حباب الخال دكتور حجازي
نورت السعودية ... ونتمنى لك طيب الاقامة ببلاد الحرمين
بس كدا الواحد يتحسر على وضع السودان كل الكفاءات هاجرت خارج الوطن

مرحب حباب دكتور محمد عثمان حجازى بالسعودية ... نسأل الله أن يحفظه فى حله وترحاله ونتمنى له  التوفيق فى عمله وطيب الإقامة  _

حباب الخال ويا بختكم يا ناس الرياض
الخال الدكتور محمد عثمان شخص راقى ومهذب لأبعد الحدود

اخي نور الهادي والله الاخ سلمان يستحق كل خير ولو الموضوع جادي 
نبحث  له عن فرصة عمل تناسبه ان شاء الله سلمان يكون استفاد من وجوده
بالسودان وعمل ليهو شهادات فوق الجامعية وزي ما ذكرت الفرص الان 
متاحه لهم وبكثره 
اما تمر الهبوب يا اخواني صديق ونورالهادي ما زي زمان ونحن في مدينة
صغيرة فالتمر قليل والبيلقطو كتار قتايتك ما بتقدر تملاها بس التمر الحقيفي 
عند ناس الرياض محل الامراء والشيوخ

الدكتور محمد عثمان وصل بالسلامة وحط رحاله بمدينة الخرج واليوم يبدأ عمله بالجامعة ورقم جواله 0502273308 نتمنى له إقامة طيبة وعمل موفق . بخصوص ابن اختنا سلملن أظنه سوف يوفق للعمل بالسعودية خاصة وأنه يحمل شهادة الماجستير في التربية البدنية وهو تخصص نادر فقط عليه ماتبعة مواقع الجامعات السعودية ونتمنى له التوفيق والسداد.

حمدا لله على سلامة وصوله ونتمنى له التوفيق فى عمله الجديد , والى الامام عيال منصور .

الف حمدلله على سلامه الوصول دكتور حجازى وهنيئا لاهلنا بالسعوديه بانضمامه اليكم
وبرغم حزننا على مفارقته ارض الوطن
الا اننا سوف نحظى بمشاركاته فى المنتدى بعد ان يجد الوقت الكافى المتسع هناك لقله الحوامه عندكم
هنا الدكتور وقته ملئ بالعمل والحوامه الاجتماعيه
اما يا دكتور مصباح واخونا الهادى طلبكم بخصوص الاخ سلمان مرفوض لانه مرتبط  وما ح نقدر نديه خلو طرف
شوفو ليه طريقه تانيه لو عاوزين تساعدوه (انشاء كليه جامعيه ويكون هو المدير مثلا على الاقل يغير النوبيرا السوداء دى )
ونحن ندخل اولادنا مجان

سلامة الوصول  الدكتور حجازى
انه من كفاءات نادرة فى هذه البلد
وهجرته للسعودية مره اخرى
حاجة فى نفس يعقوب حتى ينصلح الحال هنا

نتمنى له التوفيق والسداد

سلامة الوصول  الدكتور حجازى
انه من كفاءات نادرة فى هذه البلد
وهجرته للسعودية مره اخرى
حاجة فى نفس يعقوب حتى ينصلح الحال هنا

نتمنى له التوفيق والسداد

الاخوه الكرام والابناء الطيبين
جميعا من غير فرز اشكركم كثيرا كثيرا 
الدكتور مصباح
ابو مصطفى
عبدالدافع
عبد الغني
ابو مصطفى
عز الدين الضقولي
صديق ابو حنة
نور الهادي
الفكي احمد
بت الاخت انتصار حجازي
ابن الاخت ابراهيم حجازي
النفر
نصر الدين ابوزيد
الحاج شرف الدين
عباس محمد
وجميع ناس المنتدي الناس الرائعين المابقصروا في زول  اتشرف ان اعود إليكم والله ما حبسني عنكم إلا مشاغل وزحمة الشغل والاجتماعيات
ويبدو كلام ود شيخنا شرف الدين (الحاج) في محله الواحد اخيرا سوف يعود ان شاء الله ليكون مع هؤلاء الرايعين
ناس الرياض يشرفني جدا ان اكون معاهم والله من الاشياء التي شجعتني أن اختار العمل في الخرج قربها من هؤلاء الرائعين رغم انني كان لي خيار ان اتعاقد في مدينة اخرى 
الزعيم عبد الغني نصر الدين قضاي الحوائج ورجل الحوبات
الدكتور الخال مصباح  (طبعا خال لكن دفعة)
الدكتور عبد الواحد
واخونا جعفر 
واخونا عبدالكريم
رغم معرفتي بهم سابقا وما يربطني بهم من علاقات ممتدة بإمتداد عمر  الواحد .. إلا انني وجدت منهم موقف ذاد من حبي لهم فقد اتيت للرياض قبل عامين في مؤتمر بجامعة الامير نائف الامنية فدعوني بدار المناصير في جلسة تمنيت ان لا تنتهيء ابدا وعزمت في نفسي ان اكون مع هؤلاء الرجال وقد حقق الله رغبتي وانشاء الله نقدر نكون قدرهم
اخوانا وابنانا في السودان ارجو ان تعزروني لو قصرت في واحد منكم .. كنت اتمنى ان اخدم كل منصوري ما استطعت .. وان اشارك كل منصوري افراحه واحزانه ولكن يشهد الله الواحد قدر ما جرى ما قدر يحوق .. وكلكم عارفين الحال في السودان.. الما قابناها في فرح ارجو ان يتقبل مني التهاني والتبريكات .. والما عزيناهو في جلل ارجو ان يتقبل منا التعازي ويعذرنا... 

اخواني في المنتدى ارجو معذرتكم وانشاء عائدين ما اقول بقوة لكن بقدر المستتطاع