قامة بعلو الجبال -دكتور النافعابى

فعلا اخي محمد....
الدكتور حسين وزوجته امنه ......
معادن نادره في زمن ضاعت فيه الاصاله   وضاعت المبادي وحلت محلها المصالح ....

ربنا يحفظك لى مناصيرك يا حسين ولأي زول..
 لازلت أذكر إتصالك بي من القاهرة.. وأنتم في منزل عبد الرحمن محمد الخير وقتها أنت وشقيقي المرحوم عمر.. وأنت  يومها أفرحتني بان قلت لي عمر رجعت ليهو صحتو وقوتو ديك الزمان، والدكاترة قالوا ليهو ما عندك عوجي تب) رحمه الله الأقدار لاتؤجل.. لازالت هذه الكلمات ترن في مسامعي..
 وأنت قلت لى جاينكم زيارة أنا والأولاد في أبوظبي! هل ما شين السودان هذا الصيف؟.. قلت ليك لا ما ماشين.. وكان ماشين نؤجلها عشانكم؟ يا لها من فرحة لم تنفذ.. طالبنك زيارة يازول ياراقي..)
 شكرا ابننا الباشق على هذا البوست الراقي

الباشق كتب:

جسلة اليوم فى الافطار بمنزل السيد هاشم الحسن نصر الدين
وبدعوة من الاخ اسامة هاشم
شرفنا الدكتور حسين النافعابى

تقبل ودى
ابنكم دوما
محمد هاشم الحسن

الله      اتمقلبنا يا سلمان
ياخسارة ظهرى ونظافى
دكتور بقامة حسين النافعابى يذهب الى الكلاكله بدون مراسم  وبدون وفد مرافق
ونحن نتلفت جاى انشاء الله خير ونتلفت جاى انشاء الله خير
يبدوا ان عنبر جوده مسكوه اولياء العهد
اين الملك

ابن أخي الباشق..... محمد بن هاشم نصر الدين الحسين... ابو زياد... سعادتو ... والعائلة الكريمة سعادة الفريق حفظه الله ..... الإبن ساري الليل .. ابو المعز.... اسامه
السلام عليكم ورحمة الله وبركاته،،،
والله رفعتوا راسنا كثير .. وانا مبسوط جداً لأن  الدكتور حسين وجد الوقت والفرصة الطيبة عشان يزور بيتنا في الكلاكلة والله فرحة ما بعدها فرحة.. والشكر لك اسامه عشان قدرت قبضته قبل سفره.
الحديث عن بروفسور حسين وحرمه المصون وعن كرمه وبشاشته لا احد يقدر يكتب عنه اطلاقا ً... واتذكر قبل اكثر من عشر سنوات قال الكلام الأخ هاشم .. والحديث يطول. نسأل الله أن يمد في ايامه ويعود مرة أخرى لمدينة الرسول (صلى الله عليه وسلم). واتمنا من الله أن تتاح له الفرصة لكي يكمل أجره ويذهب كريمة ويكون في حضرة العم بشير والشيخ اسحاق.
كلمة أخيرة.. التحية والتقدير والعرفان لهؤلاء الأعضاء المتميزين .. والله . انهم اعمدة رئيسية في هذا المنتدى هم: الأستاذة ام وضاح..... والمهنس صديق... وابن خالي الحاج شرف الدين غلام... ربنا يزيدكم من رزقه ويوفقكم وشكرا على مروركم.
وياريت كنا ضمن الحاضرين... كلما يتمناه المرء يدركه...... تأتي الرياح بما تتشتهي السفن.
شكراً الباشق وشكرا سعادة الفريق / هاشم الحسن نصرالدين.. حفظكمك الله ورعاكم والتحية للأسرة الكريمة.

والله ما شاء الله
دكتور حسين يستاهل كل خير .. جعل الله ما يقوم به فى ميزان حسناته
اما اسرة هاشم الحسن نصر الدين فاصل الكرم والحفاوة
وعنبر جودة خير شاهد
سلامنا وتحايانا للملك هاشم الحسن ولاسرتك اخى الباشق ولاسرة اسامه
وجعل الله دوما منزلكم عامرا بالكرم والحفاوة

اخي عبد الغني ما غريبة علي الاخ اسامة فمنزل الفريق هاشم الحسن 
ملتقي ومضيفة لكل الاهل والاخ حسين يستحق هذا الكرم والضيافة 
الاخ الباشق ما قصرتوا وربنا يزيدكم من فضله

دكتور حسين يستحق  الكثير واندهاشك اخى الباشق طبيعى فهو شخصيه حباها الله بالكثير ربنا يحفظو وىراعاهو وهو والغاليه امونه
 
التحيه لاسره الفريق  هاشم الحسن نصر الدين  فهى   اسره مشهوره بالكرم  والترحاب  واصحاب واجب  شكر  خاص لهذه الاسره الكريمه ربنا يزيدكم من نعيمو

معادن اصيلة ونادرة  القامة الدكتور حسين النافعابى
تسلم الباشق
من لايشكر الناس لايشكر الله