لولي الحرف

لوليهو قوم
لولي الحرف
خليها ترتاح الحروف
تصحى وتجيد سمح الوصف
يابنيه يا ست البنات
عطر الجمال المابيجف
يا غاليه يا أجمل نغم
طربان يناديهو العزف
يابنيه ياقمر الرسوم
الفي سماء الفن منتصف
ياسمحه نسام الجروف
مشتاق يهاتيبك جرف
يا بنيه يا صفقة صفوف
والفن مع الشوق منجرف
يا بنيه يا وهج الحروف
إشعاع حرف ما منحرف
بالله يا قمر السماح
مين اللي علمك الخسف
زولاً عرف طعم الألق
ياريتو لو ما كان عرف
زولاً مع الروعه اتسق
ياريتو ما عرف الولف
يابنيه ليك مليار أسف
وهواده كم مليون ألف
أنا لسه في مضمار عفوك
هايم هناك لي هسه ألف
ارجع نشيلك فوق رموش
نخجل نختك فوق كتف

من طرف **عباس محمد** الأحد 22 سبتمبر 2013, 3:11 am

شكرا ود محمود على هذه الاضافة الجيدة
ولاول مره نقرا هذه القصيدة لنسيبنا ودبروى

قصيدة من شاعر مرهف حساس

لولي الحرف

لولي الحرف

رد: لولي الحرف