تكريم برف حسين النافعابى على هامش دعوة غداء فى منزل احمد عبد الفتاح

من طرف **ابو مصطفى** الإثنين 16 سبتمبر 2013, 3:50 am

الزمان ........................... ليس الزمان ..........................؟؟
المكان .......................ليس المكان ...............................؟؟
حاجة كده كانت على الطبيعة بدون رتوش بدون كلف ................. كانت لحظات ؟؟؟
بدعوة كريمة من بت زمراوى لتناول وجبة الغداء على شرف حضور بروف حسين وزوجته الميمونة كان اللقاء ................ لقاء حضره نفر كريم ؟؟؟؟؟
مجموعة من الوان الطيف ............................ واجمل مافى الغداء واول مرة فى حياتى اقابل السيد البرجوب ................... حمدانى ......؟؟؟؟ هذا الراجل لسانو حلو ...................؟؟؟؟
سعادة اللواء عثمان صحن .................. اللواء عباس على خليفة ............. المعتمد عبد الرحمن محمد خير ......................؟؟؟؟؟؟ وكمية من الرجالة ................ بالجد اللقاء كان طيب ؟؟؟؟
اولاد عمك احمد واقفين الفا احمر فوق الضيوف .... نعم التربية ...................................................................؟؟؟
الغداء زاتو غداء بمعنى كلمة غداء ...........................................................................................................................................................؟؟؟
كان الحديث طيب مع السيد البروف ............... والله لم نشبع فى الونسة مع البروف ..................... ولم نشبع فى الونسة مع حمدانى ................... غير ان حمدانى حمل على المنتدى كثير جدا (حيث لمح الى انتماء المنتدى الى جهة معينة )؟؟؟؟؟
لكن تم الرد اليه من قبل السيد المدير خالد عابدين ؟؟؟؟؟ يا سعادة النائب اول زيارة قام بها المنتدى كانت لك فى مكتبك وموجود وموثق ؟؟؟؟؟؟؟
على العموم كان لقاء اجتماعى بى حسب تقديرات ابو مصطفى ناجح بنسبة 95% ..................... وال5% فاقد طبيعى بسبب تاخر الغداء الراجع اصلا الى تاخر ناس المكاتب ؟؟؟ وناس السوق ؟؟؟؟؟
على كل شى اجتماعى طيب .................. وكل شى يلم المناصير طيب لكن صعب ........................( انا وعلى اخوى ان قطعونا حت حت فى حلة واحدة فوق النار ابنقعد ) عاد شنو عاد ............ من الله خلقنا غير الكجار مابنعرف شى ؟؟؟؟؟؟؟؟؟؟؟؟؟؟؟؟؟؟؟؟؟؟

تحياتى الى اسرة البروف وتحياتى الى اسرة احمد ولكل السادة الضيوف داخل السودان وخارج السودان وتشرفنا الطيور المهاجرة دوما ونحن فى انتظارها نبسط لها اكليل السرور على ردهات الزمن
ويازمن وقف شوية ............................. ويازمن وقف شوية
ما كتير الناس بترحل لى ظروف فى الدنيا اجمل
وناس بتمشى سنين طويلة ومابى توصل وناس بدون ماتمشى توصل ..........................؟؟؟ ويالحاق بعيد تلم القريب والبعيد ..................... ويجينا دكتور مصباح ونسهر للصباح
ويجينا العشى ابلبن (خالى محمد ودبروى ) ويجينا نصر الدين حامد كرار ونسوى الجكة من سور وللكرارير ................ ويجينا خالى صديق ابحنة ونجر المحنة ..................ويجينا ويجينا ويجينا العيد الكبير
وماشين البلد .... فرحة عاد مافرحة ونحن عيال منصور ................

ولى عودة
ابو مصطفى

من طرف **يس مصطفي** الإثنين 16 سبتمبر 2013, 4:15 am

انشاء الله دايما علي السمح متلمين ومزيدا من التواصل الاجتماعي بين الاسر التحيه لاسره الشيخ احمد وحرمه عضو المنتدي نجلاء وهم دائما نجدهم اهل للتواضع والكرم والبذل

من طرف **ود حاج** الإثنين 16 سبتمبر 2013, 5:43 am

يا زول الجزائر سلام والبروف حسين ولدنا يستحق وبت زمراوى على بالطلاق بمائة راجل منصورى ووراء كل رجل امرأة عظيمة ومن هنا جاءت مكانة أحمد وسط أهله . ولكن كنت أتمنى أن يفتح بوست بهذا الشأن شخص لم تكن عقدته وأمنيته فى الدنيا أن يرى البرجوب , كنت أتمنى أن يفتح بوست بهذا الشأن شخص يرى أن أحمد دعى حتى الفقراء والمساكين أمثالنا فأحمد لايفرق بين من يمتلك ناطحات سحاب وبين من يمتلك مخلاية وجمل , وأنت يا أبو مصطفى يبدو أنك اندهشت عندما شاهدت البرجوب ولم ترى ولم تعبر حتى على أمثالنا ولعلمك البرجوب لم تقدم له دعوة بل الرجل فرض نفسه وودحاج قدمت له دعوة رسمية وعندى الدليل اذا أردت ذلك , ولكن طلب منى التنسيق مع ود اللفندى وهو كان فى عزاء فى البلد وعاد بالأمس ولذلك تأخرت فى الحضور وأسأل ود اللفندى وقل له ودحاج اتصل بك أم لا والرجل قال لى أنا فى شندى وأسأل الزعيم أبو أحمد أيضا نحن تعبنا حتى نصل وكان نصيبنا الدهميش من قبلك , ولكن الريس خالد لم يقصر فرد على هذا المطموس وهذه رسالة لكل من لا يقدر المساكين والفقراء . يا أبو مصطفى طالما أنت طلعت زينا فلا طريق لك الا أن تسلك الطريقة السلفية قررررر قررررر .........................وكع كرع والسكين فى الضراع وليست سكين جزائر ميتة . عوووووووووووووووووووووك .

من طرف **النفر** الإثنين 16 سبتمبر 2013, 6:34 am

الدكتور حسين وأسرته الكريمة يستحقون التكريم وحسن الضيافة ... دارهم بالمدينة المنورة كانت محط لإستقبال وضيافة أهلنا من الزائرين والمعتمرين والحجاج ... الرجل قدم الكثير وخدماته الجليلة خير شاهد ... هذه الدعوة الكريمة هى من باب رد الجميل لأهله ... التحية للشيخ أحمد ولأسرته الكريمة والتحية موصوله لكل الحضور الكريم .... نسأل الله أن يديم التواصل والود بين الأهل _

شكرا العمدة على هذا البوست -والتحية لود حاج ويس والنفر---والله الكلام القالو ود حاج فى الاخت نجلاء تستحقه تماما --الاخ العمدة كلام الزيارة دا كلامى انا وكنت اتحدث للنائب من خلفك وانت مواجه لسيادته اما الاخ الريس فقد فتح معه موضوع الدار----جاييكم راجع لتفاصيل اللقاء--

ماها غريبة هذه الدعوة من أحمد عبد الفتاح وأسرتو.. الرجل بحجم قبيلة.. يستحق التكريم دكتور حسين..
عجبتني كلامتك يا ود حاج في بت أعمي بت زمراوي ياها بت الشيوخ وياهن المناصير أهلا..
زي ماقال يس مصطفى بشير إن شاء الله دائما في السمح ملمومين..
وزي ماقال سلمان عقيد في الأخت نجلاء. المناصير ياهن أهلا.. والناس دي تحب تعمل السمح والزين في الخفاء.. ربنا يديهم العافية..

من طرف **ابو مصطفى** الإثنين 16 سبتمبر 2013, 12:16 pm

صباح الخير ................... السادة المرور ..................................؟؟؟؟
القصد من كل ماكتبته هو............تكريم القامة بروف حسين ياودحاج ........................................؟؟
وصدقنى يا ودحاج ....انا ماعندى قضية مع اى زول ........................ فتعال نشيل الحكاية براحة ونختها براحة ؟؟؟
حمدانى لم يدهشنى ........................... فهو رجل من رجالات المناصير وهذه مناسبة اجتماعية .................. فطيب جدا
ان تلتقى الناس تحت مظلة تكريم بروف حسين ....................وعدى يا مركبنا عدى ....وياودحاج مركب المناصير عدت وفاتت شلال ودعينا
ومتجه نحو الجزائر ففى حساباتى صعب جدا ان تغرق ................. فتعال نوحد الصف ؟؟؟؟؟؟؟؟؟؟؟؟؟؟؟؟؟؟ انسى كل شى ممكن ؟؟؟؟؟

تحياتى
ابو مصطفى

من طرف **ابو مصطفى** الإثنين 16 سبتمبر 2013, 12:21 pm

[ندعوك للتسجيل في المنتدى أو التعريف بنفسك لمعاينة هذه الصورة]

هى صورة من على البعد لبروف حسين وقد حان اذان العصر ومعه النخلة الحمقاء (اطول زول فى المناصير .... شقيقة المعروف لكل المناصير اللخى ))

تحياتى
ابو مصطفى

من طرف **ابو مصطفى** الإثنين 16 سبتمبر 2013, 12:28 pm

[ندعوك للتسجيل في المنتدى أو التعريف بنفسك لمعاينة هذه الصورة]
هى صورة البروف حسين وشايل هموم ناس البلد والله شايل هموم ناس البلد وفى حديث هام مع معتمد البحيرية العميد عبد الرحمن محمد خير والصورة تحكى ....................وليس من راى كمن سمع ؟؟؟؟؟
جامع القوز يحكى عن الرجل وماكنة اهله عنده يا سلام يا سلام .................... عجبت لك ديار منصور ان تلدى مثل هذه القامات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تحياتى
ابو مصطفى

من طرف **ابو مصطفى** الإثنين 16 سبتمبر 2013, 12:38 pm

[ندعوك للتسجيل في المنتدى أو التعريف بنفسك لمعاينة هذه الصورة]

اسد من الاسود الضاربة الكجاج
زاورت الجزر لفيت حتى دماج وحالا بى وراك سمونا نحن كجاج
افل البدر الكان فى سمانا سراج رحم الله الشاعر اب امنى ....................... الجزيرة دربى ..... الباش مهندي ودجيب الله

حرم العمى محمود قيل .............. يقال ان عمه محمود قيل طولها 6 متر شوف عين فى ملم بروف حسين ؟؟؟؟؟

تحياتى
ابو مصطفى

من طرف **ابو مصطفى** الإثنين 16 سبتمبر 2013, 12:42 pm

[ندعوك للتسجيل في المنتدى أو التعريف بنفسك لمعاينة هذه الصورة]

صورة البروف ومن خلفه شيخ جابر ومعه المعتمد واخر الصورة الريس خالد

ما شاء دكتور حسين يستاهل أكثر الرجل لا نحب أن نقول فيه أكثر مما قيل فيه فهو من صغير نعرفه كويس وتربطني به علاقات خصوصية . أما أهل البيت فهم أهل الكرم والجود والطيبة والسمح والزين. أما اللمة السمحة فما كل إنسان يستطيع أن يلم الناس والحاجة الممتازة اللمة كانت منصورية مئة بالمئة آمل أن نستفيد منها والمناصير في طريقهم إلى ما هو أحسن. شكرا لك أبا مصطفى وإن شاء الله نشوفك في إجازة عيد الأضحى بالمناصير.

من طرف **ابو مصطفى** الإثنين 16 سبتمبر 2013, 12:50 pm

[ندعوك للتسجيل في المنتدى أو التعريف بنفسك لمعاينة هذه الصورة]

الاساذ احمد عبد الفتاح ........................ العجوز الوقور عثمان المقدوم رجل المناصير الاول .......... و عبد العاطى عبد الخير ...............لمه فى زمة
جات كيف وحصل امتى المسافة طالت ....... من قبل ان تغرق المناصير هؤلاء الرجالة يفكروا وشايلين هم البلد وزول البلد حى تحول شيب عمى عثمان المقدوم الى سواد ويا سبحان الله ؟؟؟؟

تحياتى
ابو مصطفى

من طرف **ابو مصطفى** الإثنين 16 سبتمبر 2013, 12:54 pm

[ندعوك للتسجيل في المنتدى أو التعريف بنفسك لمعاينة هذه الصورة]

نادر وعادل شررى ودجيب الله ....يحيى حاج قيلى والريس خالد وكمية من الضيوف فى استقبال بروف حسين

من طرف **ابو مصطفى** الإثنين 16 سبتمبر 2013, 1:02 pm

[ندعوك للتسجيل في المنتدى أو التعريف بنفسك لمعاينة هذه الصورة]

محمد خير حسن خليفة ............................ خيارنا محلى حقنا كاش وبس اقيف لى هنا ؟؟؟؟
الرشيد ود اللفندى الصحفى المعروف ............( ومن حساد العمدة ) ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابراهيم البرجوب ...................( يقال له النائب الجديد .... يعنى بدل حمدانى والله شنو ) ياترى ماذا يقولون ؟؟؟؟؟؟؟

لاتزعلوا من ابو مصطفى فكثيرا ما يطلق الكلام من اجل الدعابة والفرفشة ليس الا ؟؟؟؟؟؟؟؟؟؟؟
تحياتى
ابو مصطفى

تشكر اخي ابومصطفي وكل الذين اشادوا بمواقف اخونا الدكتور حسين فعلا كانت دراه فبلة لكل اهله المناصير وما حج حاج او عمر معتمر الا وكان ضيفا عزيزا عنده فالرجل يستحق كل ذلك
وما يعرف الكرم الا كريما وما يرد معروفا الا وفيا فهذا هو حال اسرة اخونا احمد وحرمه الفاضلة الاخت نجلاء فجزاهم الله خيرا ووسع عليهم في الدنيا والاخرة

تخريمة :
الرجل مازال في الخرطوم واخر عزومات ونحن في انتظاره وكل مره ندق علي الموبايل ويدينا لا يمكن الوصول فيا دكتور متي الوصول

من طرف **ابو مصطفى** الإثنين 16 سبتمبر 2013, 1:11 pm

[ندعوك للتسجيل في المنتدى أو التعريف بنفسك لمعاينة هذه الصورة]

الحاج شرف ماسك التلفون ...................... مشغول شاغلاه الحياة
الى جنبه علم فى راسه نار .............. رفع كلمة المناصير على مستوى الدفعة 43 كلية حربية ؟؟؟؟؟؟؟؟؟؟؟؟؟ يعترى راسه شيب ولكنه فى عز الشباب
وقد يشيب الفتى وليس عجيبا ان ترى النور فوق القضيب الرطيب (اى النوار الابيض فوق الغصن الاخضر ) سعادتو سامى احمد محمد احمد الطنبورى ..... ياسلام ياسلام تعرفه العرب والعجم
تعرفه جميع بقاع السودان ............... كان حضورا وفيه ملامح من بروف حسين ؟؟؟

تحياتى ابو مصطفى

من طرف **ابو مصطفى** الإثنين 16 سبتمبر 2013, 1:49 pm

ود حاج كتب:يا زول الجزائر سلام والبروف حسين ولدنا يستحق وبت زمراوى على بالطلاق بمائة راجل منصورى ووراء كل رجل امرأة عظيمة ومن هنا جاءت مكانة أحمد وسط أهله . ولكن كنت أتمنى أن يفتح بوست بهذا الشأن شخص لم تكن عقدته وأمنيته فى الدنيا أن يرى البرجوب , كنت أتمنى أن يفتح بوست بهذا الشأن شخص يرى أن أحمد دعى حتى الفقراء والمساكين أمثالنا فأحمد لايفرق بين من يمتلك ناطحات سحاب وبين من يمتلك مخلاي ودة وجمل , وأنت يا أبو مصطفى يبدو أنك اندهشت عندما شاهدت البرجوب ولم ترى ولم تعبر حتى على أمثالنا ولعلمك البرجوب لم تقدم له دعوة بل الرجل فرض نفسه وودحاج قدمت له دعوة رسمية وعندى الدليل اذا أردت ذلك , ولكن طلب منى التنسيق مع ود اللفندى وهو كان فى عزاء فى البلد وعاد بالأمس ولذلك تأخرت فى الحضور وأسأل ود اللفندى وقل له ودحاج اتصل بك أم لا والرجل قال لى أنا فى شندى وأسأل الزعيم أبو أحمد أيضا نحن تعبنا حتى نصل وكان نصيبنا الدهميش من قبلك , ولكن الريس خالد لم يقصر فرد على هذا المطموس وهذه رسالة لكل من لا يقدر المساكين والفقراء . يا أبو مصطفى طالما أنت طلعت زينا فلا طريق لك الا أن تسلك الطريقة السلفية قررررر قررررر .........................وكع كرع والسكين فى الضراع وليست سكين جزائر ميتة . عوووووووووووووووووووووك .

ياودحاج انا كنت مشغول شوية ...............لكن وما اقبح القول بعد لكن ............... ياخوى تعال ابو مصطفى ليس صاحب الدعوة ؟؟؟؟؟؟؟؟؟؟؟؟ بل ضيف شرف ؟؟؟
والحاجة الثانية .............. خليك طبيعى وافهم ان ابو مصطفى الدنيا كلها لو اجتمعت لا تتدهشه ..... خليك من زول منصورى زى حمدانى ؟؟؟؟؟؟؟؟؟؟؟؟؟؟؟؟؟؟؟؟؟؟؟
والحاجة الثالثة ........لو قدر الله انك جيت تكريم البروف لاخذت لك اكثر من مائة صورة وعرضتها على جميع المواقع فى العالم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والحاجة الرابعة .............. خليك عادى ..... مع اى زول ..... وما تشيلها تقيلة كده مع حمدانى اوغيره ... لان الدنيا ما تستحق ؟؟كلنا سوف نزول منها ؟؟؟؟؟؟
والحاجة الخامسة ؟؟؟ والمهمة جدا من انت ...................... خليك معاى واضح ....................................من انت ؟؟ من انت ؟؟؟؟؟؟؟
والحاجة السادسة ........ المهم تكون منصورى ومع اهلك اينما حلو .... وتكون قريب منهم ؟؟؟؟؟؟ وتخدم اهلك وتخل الحسادى ؟؟؟ الحسادى كعبة ؟؟؟؟؟؟؟ وما بتقدم زول ( الحسود لايسود ) ولا يجد القبول عند الله ؟؟؟؟
فى الختام لك تحياتى ياشيخ العرب ولا تزعل من ابو مصطفى ......النية صافية لبن ........................................؟؟؟؟؟ بس اظهر خلينا ناخذ منك كم لقطة

تحياتى
ابو مصطفى

شكراً الأخ أبو مصطفى والشكر أجزله للأخ أحمد والسيدة حرمه الأخت نجلاء عضو المنتدى
كانت لحظات طيبة فى حضرة علم من أعلام بلادى الرجل القامة البروف حسين
لا نريد أن نقصم ظهره فهو يستحق التبجيل والتكريم وكلما هو جميل
ولكن نقول : جزاه الله خيرا

ما شاء الله لمه حلوة
وان شاء الله دايما المناصير ملمومين فى الخير
ونجلاء زمراوي ماقصرت الله يديها العافية .. وحسين النافعابي كمان رجل يستاهل ان تقام على شرفه موائد وليست مائدة واحده
رجل قدم لاهله الكثير .. دوما داره بالمدينة المنورة عامرة بالكرم والجود والحفاوة

تخريمة : يا ود حاج ما شايف انك متحامل كثيرا على البرجوب ؟؟؟؟؟؟...
وعن جد ما عجبتنى كلمتك بانو فرض نفسه ... يا خوي شايف البرجوب دا فاضي شغلة علشان يفرض نفسه فى مكان ما
ياخوي البرجوب دا علم من اعلام المناصير ويكفية فخرا انه المنصورى الوحيييد الذى دخل البرلمان وعقبال الوزارة ان شاء الله
نتمنى ان ربنا يزيد ويبارك له فيما رزقه مع امنياتنا ان يبرز الكثيرون ايضا من ابناء المناصير ويدخلو البرلمان والوزارات ايضا

رحم الله شاعر البلد ومد فى أيام الأستاذ إبراهيم أحمد الحسن والدكتور حيدر ، كلهم
مثلوا أهلهم
شكراً الأخت إنتصار

العفو اخى سامى
اها يعنى ديل كانو نواب بالله ... شكلو شبكتى طاشة ههههههههه
بس ما ننكر ان البرجوب اخد صيتا اكثر
المهم دا ما موضوعنا
انا مركزه فى كلمة زول يقول عن زول انه فرض نفسة فى عزومة
كلمة ولا حتى بتشبة اخلاقياتنا كمناصير وكمسلمين

من طرف **نورالهادى** الإثنين 16 سبتمبر 2013, 9:00 pm

الأخ أبو مصطفى التحية لك ولضيوفك وعبرك نحى الأخ أحمد والشيخة نجلاء على هذه الدعوة الكريمة لرجل كريم كالدكتور حسين . والمهم فى الأمر يا أبو مصطفى موقع المناصير بلدى يسير اجتماعيا فى الاتجاه الصحيح ونتمنى من خلال هذا التواصل الاجتماعى أن نحقق بقية أهداف الموقع ان شاء الله .

من طرف **نورالهادى** الإثنين 16 سبتمبر 2013, 9:11 pm

سلمان عقيد النعوفابى كتب:شكرا العمدة على هذا البوست -والتحية لود حاج ويس والنفر---والله الكلام القالو ود حاج فى الاخت نجلاء تستحقه تماما --الاخ العمدة كلام الزيارة دا كلامى انا وكنت اتحدث للنائب من خلفك وانت مواجه لسيادته اما الاخ الريس فقد فتح معه موضوع الدار----جاييكم راجع لتفاصيل اللقاء--

شكرا الأخ سلمان وهذا ما كنت أقصده من خلال التواصل الاجتماعى الناس ممكن تناقش بعض القضايا وأتمنى فى اللقاءات القادمة أن تقدم دعوات للقيادات .

من طرف **عادل شرري** الإثنين 16 سبتمبر 2013, 10:08 pm

شكرا ابومصطفي
والشكر لشيخ احمد عبد الفتاح وحرمة الاخت نجلاءوهي تستحق اكثر مما قاله اخينا ود الحاج في حقها وقضنا وقتا جميلا وبحضرة الدكتور النافعابي الذ يستحق الكثير من المناصير
شكرا لاهلي المناصير والله يزيد المحبة والتعاون بين الاهل

وربنا يوفق الجميع

انتصار حجازي كتب:ما شاء الله لمه حلوة
وان شاء الله دايما المناصير ملمومين فى الخير
ونجلاء زمراوي ماقصرت الله يديها العافية .. وحسين النافعابي كمان رجل يستاهل ان تقام على شرفه موائد وليست مائدة واحده
رجل قدم لاهله الكثير .. دوما داره بالمدينة المنورة عامرة بالكرم والجود والحفاوة

تخريمة : يا ود حاج ما شايف انك متحامل كثيرا على البرجوب ؟؟؟؟؟؟...
وعن جد ما عجبتنى كلمتك بانو فرض نفسه ... يا خوي شايف البرجوب دا فاضي شغلة علشان يفرض نفسه فى مكان ما
ياخوي البرجوب دا علم من اعلام المناصير ويكفية فخرا انه المنصورى الوحيييد الذى دخل البرلمان وعقبال الوزارة ان شاء الله
نتمنى ان ربنا يزيد ويبارك له فيما رزقه مع امنياتنا ان يبرز الكثيرون ايضا من ابناء المناصير ويدخلو البرلمان والوزارات ايضا

لك التحية والتقدير الأستاذ أبو مصطفى في كتابة هذا البوست بطريقة وشرح وكلام زول نظيف ونيته نظيفة ويحب الخير ويحب الناس ويحب كل شيء . شكراً الأستاذ احمد عبد الفتاح وحرمه ام وضاح على الدعوة الكريمة للأخ الكريم البروفسور حسين النافعابي.. وأي منصور في جميع بقاع العالم حضر للعمرة أو الحج زار حسين النافعابي في منزله بالمدينة المنورة . ومفترض كل شخص يقدم له العزومة. والشكر للأخ احمد الذي دعا وجمع هذه الكوكبة النيرة في تكريم الدكتور حسين وأتمنى للجميع كل التوحد والإخاء والمحبة.

لكن عندي سؤال بسيط.. يا أبو مصطفى قريبك دا ود الحاج يا اخي ما هي قصته مع البرجوب شنو؟ ما عارف الحكاية شنو ؟ والبرجوب والله ما فاضي لكلامك دا... وشغال له كثير وحتى عديلنا عبد الرحيم أبو نواس ما خلاه.. قل له يا اخي الدنيا والله لا تسوي هذا الكلام الذي تقول فيه. ويا ريت تتريس شوية.
التحية للجميع وتقبلوا مروري.

شكرا الحبوب زول دماج ولك عاطر التحايا..
شكرا لأسرة أحمد عبد الفتاح التى صنعت هذا المقام الجميل والمناسبة العطرة..
المقامات الرفيعه والمناسبات المهمة يصنعها هذا المنتدى..
الرتق المطلوب والشفافيه وإزالة ما بالدواخل وتطييب الخواطر صناعه برع فيها مؤسسو منتدى المناصير بلدى..
بعض الناس ينجحون جدا فى لململة الناس ونشر الحب والتصافى ..
نسأل الله التوفيق للبروف حسين وأن يعينه الله على أعمال الخير التى يقوم بها تجاه أهله وأن يجعلها فى ميزان الحسنات..
مشتاقين شديد الأخ الطيب وينك إنت يا أخى؟؟

من طرف **ابو مصطفى** الثلاثاء 17 سبتمبر 2013, 2:21 am

ياسلام ....................... والله اى زول يقول مشتاق لى ابو مصطفى ... شعرة جلدى تقيف شوك شوك .............اذا كان شوق على يوزن مقدار غتاى ..... انا شوقى قفه كبيرة مخيتة وواردة من كسلا .... طبعا قفاف ناس القاش وكسلا ووقر كبيرة شوية ؟؟؟؟؟
على الحمود ( ياخى كفارة والله الحرامية ديل الله يقطع خيطهم قالوا لطشو الموبايل ؟؟؟؟؟؟؟؟؟؟؟؟ انت ياعلى حالتك ضابط كبير ؟؟؟)
والله ياعلى انا مشتاق ليك شديد لكن الفاقة البى يطلقوا فيها المره ماها فى ...................؟؟؟؟؟؟؟؟؟

السادة المرور اجيكم راجع من كبيركم ولى صغيركم سلام حروم ورجال ؟؟؟؟؟؟؟؟؟؟؟؟؟؟؟؟نحن ترانا راكزين هنا نسفر ديل ونودع ديل ونستقبل ديل ؟؟؟؟؟
ومرة مرة نديها خفسة للبلد ..... ونطمس ونقلع ونقول يبقى السنى دى تكون اخير من رفيقتها وحكايتنا جارى .؟؟؟؟؟؟ لكن واقع منى .....2014
انشاء الله اغادر السودان ...... انشاء الزول يغترب فى الكنغو .......................................................؟؟؟؟
دايرن العديل والزين ودايرين الوساع .... ودايرين الموبايل البقول سرت سرت ..... زى بتين الجرم ؟؟؟؟ الجرماى الماتلقوها تسوها كداد ؟؟؟؟؟

ودا كلو كوم ؟؟؟؟ الناس تشكر ابو مصطفى ؟؟؟ على شنو ؟؟؟؟ واجب ابو مصطفى السير بين اهله والتواصل بمقدار ما يقدر وبكل ما يجد من وسيلة اتصال وتواصل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ودحاج ؟؟؟؟؟ سلام شايف الجماعة ادوك بالمدقاقة فوق راسك ...................خلى نفسك بارد اترك حمدانى ..هذا ليس مضمارنا
عليك ان تلزم مضمار 50 متر صافى ..... لانو نقسك حايقيف منفاخ حداد ........... الحداد الماتلقاه وعيشك بقى حش وبحرك دميرة
قول امين ؟؟؟؟؟؟؟؟؟؟؟؟؟؟؟؟؟؟؟

تحياتى
ابو مصطفى

أجمل ما اعجبنى فى اللمة الجميلة الروح التى كانت سائدة والمزاح والضحك وسؤال العمدة عن كلمة ظربون--ولم يجد لها معنى --او اخذ الناس يضحكون لبراءة العمدة وقلبه وضميره الابيض--وايضا عرض الاخ اللخى صور ومقاطع فيديو جميلة جدا للبروف حسين وهو يحمل كور غليد من البحر--وايضا حسين فى الفرض يحزم ويحش فى القصب المتشابك والذى يحمل القندول الغلاد---حولنا الصور للاخ الحاج شرف --والفيديو للاخ الريس لانزالها فى المنتدى--

من خلال اللقاء ومخرجاته تأكد لنا ان المنتدى ظل فى كل مرة يثبت انه وعاء جامع واسرة مترابطة ومتماسكة بقوة نمت بين اعضائه علاقات قوية (سوف نترك للاخت عضو المنتدى زوجة البروف لتحكى عن اللقاء وخاصة مع الاسر وانتم موعودون بذلك بعد وصولهم بالسلامة باذن الله-هذه العلاقات والترابط علم بها المجتمع الخارجى

ووجد الاشادة فالحمد لله رب العالمين---التحية مجددا لتك الاسرة الكريمة المضيافة على ذلك الجهد المقدر-جعله الله فى ميزان حسناتهم ---

لحظه

من طرف **ود حاج** الثلاثاء 17 سبتمبر 2013, 4:12 am

[quote"(الحاج شرف)"]لحظه[/quote]
كمان أنا برضو لحظة وجائى أوضح اللبس الذى حصل وبالمناسبة ابن عمى أبو مصطفى عمدة والعمدة ما بشوف اليشوف شيخ الغفر العمدة بس يسمع ويقعد فى الدوار ورتبة العمدة أكبر من النائب الرجاء مراجعة بوست العمودية .
عجبتنى كلمة ودشيخنا لحظة وقلت لازم أدخلها هنا .

من طرف **ود حاج** الثلاثاء 17 سبتمبر 2013, 5:56 am

انتصار حجازي كتب:العفو اخى سامى
اها يعنى ديل كانو نواب بالله ... شكلو شبكتى طاشة ههههههههه
بس ما ننكر ان البرجوب اخد صيتا اكثر
المهم دا ما موضوعنا
انا مركزه فى كلمة زول يقول عن زول انه فرض نفسة فى عزومة
كلمة ولا حتى بتشبة اخلاقياتنا كمناصير وكمسلمين

انت يا بت خالى شبكتك طاشة من يوم 24 ديسمبر 2012 فهذا التاريخ يحفظه كل الحادبين والمحبين للمناصير وان شاء الله أنت تكونى منهم فهذا التاريخ يعنى للمناصير اليوم الأسود وياريت تكونى بقدر المسؤلية ...فلك الرحمة والمغفرة يا من حبيت أهلك وأتمنى أن يسير على الطريق أهل بيتك .ولكن هذه هى ابنتك تعتزر وتطلب العفو من شيخ المناصير سامى ثم تأتى وتقول أنا مركزة فى كلمت فرض وهذه الكلمة ومشتقاتها ورد زكرها فى القرآن الكريم 17 مرة وهذا الرقم يعادل عدد ركعات الصلوات اليومية الفريضة . فأنا يا بت خالى عندما أريد أن أتحدث عن شخصية عامة كالبرجوب أفتح له بوست خاص فهو شخصية عامة ومخازلة لم ينفذ برنامجه الانتخابى فاذا نفذ برنامجه سنمدحه ويا دار ما دخلك شر فركزى يا بت خالى فالمناصير أكبر من البرجوب وأمثاله وأين كنتى عندما نعتوا قادتنا بالثالوث فهذه بتك والموت الأحمر لمن كل من يحاول أن يظلم أهله ...

من طرف **ود حاج** الثلاثاء 17 سبتمبر 2013, 6:00 am

[quote"(الحاج شرف)"]لحظه[/quote]
وكمان برضو لحظة لسع ماخلصت ولكن الجهاز سخن والموت الأحمر لكل من لم يركز .وشكرا يا ود شيخنا لهذه الكلمة الرائعة .

من طرف **محاسن** الثلاثاء 17 سبتمبر 2013, 6:17 am

شكرا العمده ابو مصطفى
وكده انا اكون باركت لمن اجيب حلاوتي واجي بي هناك

والشكر الجزيييييل والتحيه الكبيره اوي اوي للبت نجلاء
دايما سباقه للواجب ورافعه راسنا
وماخده لينا حقنا من ناس كبري المايتسمي
شكراا نجلاء وشكر ا للدكتور حسين وحرمو المصون
شكرا الحضور الكريم
انا كنت معاهم (بالاسكايب) ادوني العضم داك وادوني كراع الجدادي ديك
والشوكه والسكين ديل طيروهن من غادي
كان غدا لطيف

لفه
ودحاج نجلاء دي ماقصرت في حقها شكلها كده كبرت ليك الدفسه
وعروبيتك دي وحرجل ومحريب ابت تلفك معاي تتتتتاب دحين غير بدل

ود حاج كتب:انت يا بت خالى شبكتك طاشة من يوم 24 ديسمبر 2012 فهذا التاريخ يحفظه كل الحادبين والمحبين للمناصير وان شاء الله أنت تكونى منهم فهذا التاريخ يعنى للمناصير اليوم الأسود وياريت تكونى بقدر المسؤلية ...فلك الرحمة والمغفرة يا من حبيت أهلك وأتمنى أن يسير على الطريق أهل بيتك .ولكن هذه هى ابنتك تعتزر وتطلب العفو من شيخ المناصير سامى ثم تأتى وتقول أنا مركزة فى كلمت فرض وهذه الكلمة ومشتقاتها ورد زكرها فى القرآن الكريم 17 مرة وهذا الرقم يعادل عدد ركعات الصلوات اليومية الفريضة . فأنا يا بت خالى عندما أريد أن أتحدث عن شخصية عامة كالبرجوب أفتح له بوست خاص فهو شخصية عامة ومخازلة لم ينفذ برنامجه الانتخابى فاذا نفذ برنامجه سنمدحه ويا دار ما دخلك شر فركزى يا بت خالى فالمناصير أكبر من البرجوب وأمثاله وأين كنتى عندما نعتوا قادتنا بالثالوث فهذه بتك والموت الأحمر لمن كل من يحاول أن يظلم أهله ...

اولا مشكور جدا على طيب الكلام فى حق ابوى
رغم انو مافى داعى تقلب مواجعى بتذكيري باسوا يوم فى حياتى ... ربي يرحمو ويجعل مثواه الجنه ياااا رب

اخي ود حاج شايفاك لفيت كلمة فرض نفسه او حاولت تغير مجراها
يا ود حاج صدقنى الكلمة شينة والله وكمان بتدى معنى ماحلو يعنى اذا فرضنا انك كنت موجود او ضيف ذلك اليوم فمن وييين الضيف بيعرف انو فلان معزوم وفلان فرض نفسو
يا خوى عقولنا دى شغالة كويس

واذا على قولك اين كنت عندما نعتو الثالوث فكنت موجودة ودافعت الى ان سبو لى ابوى زاتو ... فانت كنت وين لمن سبو ابوى زاتو
وانا عااارفة انك موجود معانا بيوزر تانى ...
عموما كل الشخصيات المنصورية العامة بتتعرض للشتم كتير وماعارفة لية .. لاحظ انو احمد عبد الفتاح وزوجتو نفسهم اتعرضو للشتم بالرغم من تفانيهم لخدمة اهلهم ... يعنى اى شخصية عامة منصورية بتتعرض للشتم

اما بالنسبة للكلمة اللى انا لسسسسع مركزة فيها والله غرييبة وما بتشبهنا .. واسال اى زول صدقنى ماحلوة

ود حاج كتب:وكمان برضو لحظة لسع ماخلصت ولكن الجهاز سخن والموت الأحمر لكل من لم يركز

شايفاك يا خوي غيرت من السكين للموت الاحمر ... بس السكين راحت وين ... شكلى لسسع ما مركزة scratch

مع خالص احترامى

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]-البروف حسين والسيد المعتمد--كاميرا الاخ الباشمهندس ود جيب الله

يا استاذ التلفون تلفون الباش مهندس . لكن المصور ماتهضموا حقوقنا ياخ

من طرف **الرشيد طه** الثلاثاء 17 سبتمبر 2013, 5:28 pm

ود حاج كتب: , ولكن طلب منى التنسيق مع ود اللفندى وهو كان فى عزاء فى البلد وعاد بالأمس ولذلك تأخرت فى الحضور وأسأل ود اللفندى وقل له ودحاج اتصل بك أم لا والرجل قال لى أنا فى شندي

يا ود حاج بطل اللخبته وما تلقي ليك طرف معلومة وتفتل فوقا

من طرف **ابو مصطفى** الأربعاء 18 سبتمبر 2013, 1:31 am

اذن ودحاج طلع ....زول بتاع فتل والرشيد اسع قال انا مابعرف الزول دا ........................... ودحاج ؟؟؟؟ خليك زى زمان ؟؟؟؟؟
تدخل بى حساب منو وتكتب بى لسان منو ...................... ياخوى ابقى واضح معانا ختى نصلك وتصلنا فى الكرح والفرح ؟؟؟؟
ودا الغرض من المنتدى ؟؟؟؟؟؟

تحياتى
ابو مصطفى

ود حاج كتب:[quote"(الحاج شرف)"]لحظه
وكمان برضو لحظة لسع ماخلصت ولكن الجهاز سخن والموت الأحمر لكل من لم يركز .وشكرا يا ود شيخنا لهذه الكلمة الرائعة .[/quote

التركيز غير مطلوب لحظتها
لاننا كنا فى حضرة اللحظه
ومازلنا فى روحانيات الاندهاش
يعجبنى جدا ان ارى فرقاء الامس احباب اليوم
لم استطع ان اسطر حرفا حتى لا اظلم ولا اظلم
لقاء حاج احمد واب احمد ومحمد احمد على المباشر وفى حضره شيخ القوم وكل القوم وراء المقدوم والزمن السمح
ساعتها كنا كاطفال نحلم بمستقبل تكون فيه عروس المحلى كشرم الشيخ فى عامنا هذا الذى لم ياتى حينئذ
اختلط علينا الامر ولم نميز من المحتفى به ومن صاحب الدار
وعشنا من تلك اللحظه وكتبناها لحظه
وسافرنا عبر قاموسيات المدح والثناء وكسير التلج ولقيط الحصى ونفخ الجمر وتاهت خطانا وضلينا الطريق ولم نعرف من اين نبدا
لحظه
لحظه واستاذنكم
ان اقول لاستاذنا شيخ احمد والاستاذه ام وضاح
شكرا لكم فقد عرفتم كيف تكرمون شيخا وعالما كرمه الله بان جعله من سكان مدينه المصطفى صلى الله عليه وسلم
وكرمنا بلقائه فى حضره روحانيه تدعوا للتصافى والتصالح فى داركم العامره بكم دوما

الكلام ده عجبني من محاسن وضحكني مووووت
شكرا العمده ابو مصطفى
وكده انا اكون باركت لمن اجيب حلاوتي واجي بي هناك

والشكر الجزيييييل والتحيه الكبيره اوي اوي للبت نجلاء
دايما سباقه للواجب ورافعه راسنا
وماخده لينا حقنا من ناس كبري المايتسمي
شكراا نجلاء وشكر ا للدكتور حسين وحرمو المصون
شكرا الحضور الكريم
انا كنت معاهم (بالاسكايب) ادوني العضم داك وادوني كراع الجدادي ديك
والشوكه والسكين ديل طيروهن من غادي
كان غدا لطيف

لفه
ودحاج نجلاء دي ماقصرت في حقها شكلها كده كبرت ليك الدفسه
وعروبيتك دي وحرجل ومحريب ابت تلفك معاي تتتتتاب دحين غير بدل

التركيز غير مطلوب لحظتها
لاننا كنا فى حضرة اللحظه
ومازلنا فى روحانيات الاندهاش
يعجبنى جدا ان ارى فرقاء الامس احباب اليوم
لم استطع ان اسطر حرفا حتى لا اظلم ولا اظلم
لقاء حاج احمد واب احمد ومحمد احمد على المباشر وفى حضره شيخ القوم وكل القوم وراء المقدوم والزمن السمح
ساعتها كنا كاطفال نحلم بمستقبل تكون فيه عروس المحلى كشرم الشيخ فى عامنا هذا الذى لم ياتى حينئذ
اختلط علينا الامر ولم نميز من المحتفى به ومن صاحب الدار
وعشنا من تلك اللحظه وكتبناها لحظه
وسافرنا عبر قاموسيات المدح والثناء وكسير التلج ولقيط الحصى ونفخ الجمر وتاهت خطانا وضلينا الطريق ولم نعرف من اين نبدا
لحظه
لحظه واستاذنكم
ان اقول لاستاذنا شيخ احمد والاستاذه ام وضاح
شكرا لكم فقد عرفتم كيف تكرمون شيخا وعالما كرمه الله بان جعله من سكان مدينه المصطفى صلى الله عليه وسلم
وكرمنا بلقائه فى حضره روحانيه تدعوا للتصافى والتصالح فى داركم العامره بكم دوما

أول ما قريت الكلام ده؟ قايلو كتبو الرشيدن لأنو زول صحفي.. لكن لقيت كتبو ود شيخنا شرف الدين.. قلت الزول ده أتاريهو مجضم اللغة زي ما مجضم الفقوريي