حليل بلدى وحليل بلدى

حليل بلدي

> ﺑﻠﺪ ﻣﻔﺮﻭﺷﺔ ب اﻟﺒﻜﻴﺎﺕ...
>
> ﺑﻠﺪ ﻣﻔﺮﻭﺷﺔ ب اﻟﺒﻜﻴﺎﺕ...
> ﻓﻼﻥ ﻋﻴﺎﻥ .. ﻓﻼﻥ ﺩﺍﻙ ﻣﺎﺕ ..
> ﻓﻼﻥ ﺳﺠﻨﻮﻫﻮ ﻓﻲ ﺷﻴﻜﺎﺕ ..
> ﻓﻼﻥ ﺩﺍﻙ ﺳﺎﺏ ﻭﻻﺩﻭ ﻭ ﻓﺎﺕ ..
> ﺻﺒﺮ ﻛﻢ ﺟﺎﺑﻪ ﺍﻟﺴﻨﻮﺍﺕ ..
> ﺿﺮﺍﺋﺐ ﻭﻛﻬﺮﺑﺎ ﻭﺣﺎﺟﺎﺕ .....
> ... ﺟﻤﺎﺭﻙ ﻭ ﺟﻮﻃﺔ ﺇﺟﺮﺍﺀﺍﺕ ..
> ﻋﻮﺍﺋﺪ ﻭﺟﻮﻗﺔ ﺇﻳﺼﺎﻻﺕ ..
>
> ﻭﺯﻭﻟﻚ ﺃﺻﻠﻮ ﻏﻠﺒﻮ ﺛﺒﺎﺕ ..
> ﺷﺮﺩ .. ﻭ ﻫﻤﻞ ﻭﺭﺍﻫﻮ ﺑﻨﺎﺕ ..
> ﺑﻠﺪ ﺣﺎﻛﻤﺎﻫﺎ ﺷﻠﻠﻴﺎﺕ ..
> ﻭﻣﺴﺌﻮﻝ ﺑﺲ ﺑﺘﺎﻉ ﻧﺎﺳﺎﺕ ..
> ﻋﻤﺎﺭﺍﺗﻮ ﺍﻟﺒﻘﻦ ﻧﺎطحات ..
> ﻭﻋﺮﺑﺎﺗﻮ ﺍﻟﻬﻨﺎﻙ ﺳﻤﺤﺎﺕ ..
> ﻭﺃﻣﻮﺍﻟﻮ ﺍﻟﺒﻘـﺖ ﺷﻴﻜﺎﺕ ..
> ﺭﻭﺍﻳﺔ ﻭﻧﺎﺳﺎ ﺿﻤـــﺔ ﺛﻘﺎﺕ ..

ﻓﻲ ﻧﺎﺱ ﺑﻴﻦ ﻳﻮﻡ ﻭﻟﻴﻠﺔ ذﻭﺍﺕ ..
> ﻭﻧﺎﺱ ﺩﺍﻳﺸﺔ ﻭﺑﻘﺖ ﺃﻣــﻮﺍﺕ ..
> ﺃﺳﺮ ﺧﺎﻣﺎﻫﺎ ب اﻟﻤﻴﺎﺕ ..
> ﻭﺃﺳﺮ ﻋﺎﻳﺸﺎﻫﺎ ﺑﺲ ﺭﻛﺸﺎﺕ ..
> ﺩﻭﺍﻡ ﻏﺮﻗـﺎﻧﺔ ﺳﻠﻔﻴﺎﺕ ..
> ﺻِﺒﺢ ﺷﻌـﺐ ﺍﻟﺒﻠﺪ ﻃﺒﻘﺎﺕ ..
> ﻧﺎﺱ ﻣﺎ ﻧﺎﺱ .. ﻭﻧﺎﺱ ﺭﺍﺣﺎﺕ ..
> ﻧﺎﺱ ﺑﺎﻟﺨﺎﺹ ﻭﻧﺎﺱ ﺑﺎﺻﺎﺕ ..
> ﻭﻧﺎﺱ ﻻﺑﺘﻮﺏ ﻭﻧﺎﺱ ﺁﻻﺕ ..
>
> ﻭﻧﺎﺱ ﻫﺎﺟﻤﻴﻦ ﻭﻧﺎﺱ ﺑﺎﻛﺎﺕ ..
> ﻭﻧﺎﺱ ﻳﺘﻌﺸـﻮﺍ ﺣﻠﻮﻳﺎﺕ ..
> ﻭﻧﺎﺱ ﻃﻮﺍﻟﻲ ﺑﺲ ﻓﺘـَّﺎﺕ ..
> ﻭﺭﻏﻢ ﺗﺮﺍﻛﻢ ﺍﻟﻌـﺒﺮﺍﺕ ..
> ﻭﺻﻮﺗﻨﺎ ﺍﻟﺒﺤﺔ ﻓﻲ ﺍﻟﻨﺒﺮﺍﺕ ..
> ﻭﺁﻫﺎﺗﻨﺎ ﺍﻟﺒﻘـﺖ ﺻﻴﺤﺎﺕ ..
> ﺑﺘﺴﺮﺣﻮﺍ ﺍﻧﺘﻮ ﻓﻲ ﺍﻟﻔﺎﺭﻏﺎﺕ ..
> ﻭﺗﺪﻓﻌــﻮﺍ إﻧﺘﻮ ﻣﻠﻴﺎﺭﺍﺕ ..
> ﺗﺤﻨﺴـﻮﺍ ﺑﻴﻬﺎ ﻓﻲ ﺍﻟﺤﺮﻛﺎﺕ ..
> ﻭﺗﺸﺘﺮﻭﺍ ﺑﻴﻬﺎ ﻓﻲ ﺍﻟﺴﺎﺩﺍﺕ ..
> ﻭﺭﺍﻛﺒﻴﻦ ﺩﻳﻤــﺔ ﻃﻴﺎﺭﺍﺕ ..
> ﺑﺪﻝ ﺳﻔـﺮﻳﺔ ﺩﻭﻻﺭﺍﺕ ..
> ﻓﻨﺎﺩﻕ ﺭﺍﻗـﻴﺔ ﻧﺜﺮﻳﺎﺕ
ﻭﻓﻮﺩ ﺭﺍﺣﺖ ﻭﻓﻮﺩ ﻣﺎ ﺟﺎﺕ ..
>
> ﻭﻧﺎﺱ ﺷﺒﻌﺎﻧﺔ ﺳﻔـﺮﻳﺎﺕ ..
> ﻫﺪﻭﻡ ﻭﺟﻀﻮﻡ ﻭﻛﻨﺠﺎﻻﺕ ..
> ﻭﻧﻘــَّــﺔ ﻣـﻊ ﺍﻟﻔﻀﺎﺋﻴﺎﺕ ..
> ﻭﺷﻌﺐ ﺃﺳﻴﺮ ﺻﺒﺢ ﻳﻘﺘﺎﺕ ..
> ﻋﻠﻲ ﺍﻟﻤﻐﺼﺔ ﺍﻷﺑﺖ ﺗﻨﻔﺎﺕ ..
> ﻭﻋﺎﺷﺖ ﺑﻴﻨﺎ ﺑﺎﻟﺴـَّﻨﻮﺍﺕ ..
> ﺑﻠـــﺪ ﻣﻠﻴﺎﻧﺔ ﺑﺎﻵﻫـﺎﺕ ..
> ﻧﻔﺎﻕ ﻭﺷﻘﺎﻕ ﻭﺍﺭﻫﺎﺻﺎﺕ ..
> ﻭﺧﻮﻑ إﺳﺘﻮﻃﻦ ﺍﻟﺤﺎﺭﺍﺕ ..
> ﻭﻣﺴﺌﻮﻟﻴﻦ ﺿﻤﻴﺮﻫﻢ ﻣﺎﺕ ..
> ﻳﺘﻤﻮ ﺍﻟﺼﻔﻘـﺔ ﻛﻮﻣﺸﻨﺎﺕ ..
> ﻭﻳﻌﻤﻠﻮﺍ ﻓﻴﻬﺎ ﻧﺎﺱ ﺻﻠﻮﺍﺕ ..
> ﺣﻜﻮﻣﺔ ﺧﻮﻑ ﻭﺇﻋﺪﺍﻣﺎﺕ ...
> ﺳﺠﻮﻥ ﻭﺩﻣﻮﻉ ﻭﺩﻓﻌﻴﺎﺕ ..
> ﺣﻜﻢ ﺯﻧﺪﻳﺔ ﺭﺷﺎﺷﺎﺕ ..
> ﻭﺑﺎﻗﻲ ﺍﻟﺸﻠﺔ ﻏﻮﺍﺻـﺎﺕ ..
>
> ﺃﻗﻮﻝ ﻟﻴﻜﻢ ﻛﻼﻡ ب اﻟﺠﺪ ..
> ﺧﻼﺹ ﻭﺍﻟﻠﻪ ﻭﺻﻠﻨﺎ ﺍﻟﺤﺪ ..
> ﻣﺘﻴﻦ ﻳﺪ ﺍﻟﻐﺒﺶ ﺗﺘﻤـﺪ ..
> ﻭﺟﺪﺭﺍﻥ ﺍﻟﺨﺪﺍﻉ ﺗﻨﻬــﺪ ..
> ﻭﻳﺘﻘﺪﻡ ﻋﺸﺎ ﺍﻟﺒﺎﻳﺘﺎﺕ
ﺗﻔﺎﻭﺿﻮﻫﻢ ﻋﻠﻲ ﺍﻟﺜﺮﻭﺓ ..
> ﺗﺴﻴﺒﻮﺍ ﺍﻟﻤـﻦِّ ﻭﺍﻟﺴﻠﻮﻯ ..
> ﻭﺗﻤﺸﻮ ﺗﻜﻮﺳﻮﺍ ﻟﻠﺤﻠﻮﻯ ..
> ﺑﻠﺪ ﻣﻌﻄﻮﻧﺔ ﻓﻲ ﺍﻟﺒﻠﻮﻯ ..
> ﻭﺿﺎﺭﺑﻴﻦ ﺍﻧﺘﻮ ﻛﻨﺪﺍﺷﺎﺕ ..
>
> ﺗﺸﻴﻠﻮ ﻗﺮﻭﺷﻨﺎ ﻟﻠﺨﺎﺭﺟﻴﻦ ..
> ﻭﺗﻘﻌﺪﻭﺍ إﻧﺘﻮ ﺷﺒﻌـﺎﻧﻴﻦ ..
> ﻭﺷﻌﺒﻨﺎ ﻛﻠﻮ ﻣﺤـﺮﻭﻣﻴﻦ ..
> ﻳﻌﻴﺶ ﺑﺎﻻﺳﺘﻼﻑ ﻭﺍﻟﺪﻳﻦ ..
> ﻃﻌﺎﻣﻮ ﻗﻠﻴﻞ ﻭﻛﻠﻮ ﻓﺘﺎﺕ ..
>
> ﻧﻔﻮﺱ ﺷﻘﻴﺎﻧﺔ ﻣﺤﺮﻭﻣـﺔ ..
> ﻭﺭﺅﻭﺱ ﻃﻮﺍﻟﻲ ﻣﻬﻤﻮﻣــﺔ ..
> ﻭﻋﺮﻭﺵ ب اﻟﺒﻄﺶ ﻣﻮﺳﻮﻣﺔ ..
> ﻭﻛﺮﻭﺵ ﻭﻗﺮﻭﺵ ﻭﻣﺎﻳﻘﻮﻣﺎ ..
> ﻋﺮﻭﺽ ﻣﻔﺮﻭﺷﺔ ﻓﻲ ﺍﻟﺴﺎﺣﺎﺕ ..
>
> ﺑﻨﺎﺕ ﺿﺎﺭﺑﺎﻫـﻦ ﺍﻟﺒﻮﺭﺓ ..
> ﻭﻭﻻﺩ ﺑﺲ ﺷﺮﺷﺤﺔ ﻭﻛﻮﺭﺓ ..
> ﺣﻜﺎﻳﺔ ﺷﻌﺐ ﻣﺸﻬﻮﺭﺓ ..
> ﺭﻛﺐ ﻓﻲ ﺣﻜﻤﻮ ﻣﺎﺳﻮﺭﺓ ..
> ﻭﻭﺟﻊ ﺁﻻﻣﻮ ﻛﻤﻴﺎﺕ ..
>ﺑﻴﻮﺕ ﻋﺸﻌﺶ ﻋﻠﻴﻬﺎ ﺍﻟﻬﻢ ..
> ﺣﻜﺎﻭﻳﻜﻢ ﺗﺠﻴﺐ ﺍﻟﻐﻢ ..
> ﺗﻤﺮُّﺩ ﻭﻧﺎﺳﻮ ﺳﺎﻓﻜﻴﻦ ﺩﻡ ..
> ﻳﻔﺎﻭﺿـﻮﻛﻢ ﺑﺘﺪﻓﻌﻮ ﻛﻢ ؟؟
> ﻭﺟﺎﻫﺰﻳﻦ ﺍﻧﺘﻮ ب اﻟﻜﺎﺷﺎﺕ ..
>
> ﻣﻌﺎﺭﺿﺔ ﺑﺲ ﻟﻌﺐ ﺃﻃﻔﺎﻝ ..
> ﻣﻜﺎﺟﺮﺓ ﺑﺲ ﻋﺸﺎﻥ ﺍﻟﻤﺎﻝ ..
> ﻛﺘﺮﺓ ﺃﺣﺰﺍﺏ ﻭﺳﻮﺀ ﺃﺣﻮﺍﻝ ..
> ﺑﻠﺪ ﺟﺪ ﺣﺎﻟﻮ ﺑﻘﻰ ﺑﻄﺎﻝ ..
> ﻣﺤﺎﻝ ﺗﺤﻤﻴﻬﻮ ﺑﺲ ﻛﻠﻤﺎﺕ ..
>
> ﺣﻠﻴﻞ ﻭﻃﻨﻲ ﻭﺣﻠﻴﻞ ﻧﺎﺳﻮ ..
> ﺳﻘﺎﻧﺎ ﺍﻟﻤﺮﺓ ﺑﻲ ﻛﺎﺳﻮ ..
> ﻭﺿﺮﺏ ﻃﺎﻳﻮﻗﻨﺎ ﺑﻲ ﻓﺎﺳﻮ ..
> ﺃﻛﻴﺪ ﺣﻨﻜﺎﺗﻞ ﺃﻧﺠﺎﺳﻮ ..
> ﻭﻧﺼﺒﺢ ﺑﺮﺿﻮ ﻧﺎﺱ ﺣﺮﻛﺎﺕ ..
>> ﻳﻜﻮﻥ ﺩﺍﻙ ﻳﻮﻡ ﻋﻈﻴﻢ ﻓﻨﺎﻥ ..
> ﻭﺗﺮﺟﻊ ﻟﻤـﺔ ﺍﻟﺤﺒﺎﻥ ..
> ﻋﻠﻲ ﺍﻟﺒﻠﺪ ﺍﻟﺼﺒﺢ ﻣﺰﺩﺍﻥ ..
> ﻭﻳﺒﻘﻰ ﺣﻘﻴﻘﺔ ﻫﻮ ﺍﻟﺴﻮﺩﺍﻥ ..
> ﺑﻠﺪ ﻣﺘﻮﺷﺢ ﺍﻟﺒﺮﻛﺎﺕ

رائعه الحاج شرف تجسد واقع السودان تمام الشعب الغلبان دا يعاني من اهات واهات والسياسيين ياكافي البلاء الامانه الفي رقبتم دي ماشغالين بيها عليكم الله في السودان دا الواحد لو جاهد عشان يكافح الامراض والاوبئه وسوء التغذيه والاميه واجتهد عشان يغير حال الناس احسن من يجاهد في الكفار اكان انقذت روح مسلمه انت كدا تذيد عدد المسلمين وفيها اجر كبير.

كـلام فى الصميم من زولا هميم ، وربنا يهدى يصلح ويقيم ...

ماشاء الله بجد الفكي ماهو ساهل 
كلام حلو شديد نسلم بارك الله فيك