التحية للاخ صديق عبد الله --الدينمو المحرك للمنتدى

فعلا اخى سليمان
صديق عبد الله مكسب لمنتدانا وما شاء الله عليه فعلا دينمو عن جد
اثرى المنتدى بكل مفيد ولا ينكر ذلك الا مكابر
بصماته واضحه عن كل ماهو جميل عن المناصير ... فقد وضع بصمات تزيدنا شرفا بقبيلتنا المناصير
الله يطول عمرو ويخلية لاهله المناصير

تشكرون
الأرباب وست الأرابيب

حقيقة اخي سلمان ماقلتة عن اخونا ذو اللب الفريد المتفرد في الكلمات والعبارات وهو فعلا لب هذاء المنتدي واخرون مثل د. م . بروي ونور الهادي عقيد وغيرهم من اعلامي بلدي الحبيب نسال الله ان يجمعنا بهم في هذة الدنياء وفي جنتهي انشاء الله وحفظهم الله اينما كانو هم واسرهم الكريمة

تسلم عبد الدافع.. ناس الدغفلي الكرماء.. هذا من كرمكم

تعجز الكلمات عن شكره
ربنا يديه الصحه ويخليه للجميع يارب
" وربنا يحقق امانيك "

لك التحية باشمهندس صديق وربنا يمتعك بالصحة  العافية ويطول فى عمرك , ويجعلك زخرا للمنتدى والقبيلة .

مرحب بترحيب الشرفاء
الحاج
سليل الإماماب علي
ومهندس نصر الدين
وسامي

كلامك عن الباشمهندس صديق فى محلو أستاذنا سلمان عقيد
فالرجل ماشاء الله عليه موسوعة وموثق لتراث المناصير
اشخاص وأماكن ولغة و و و الكثير ومازال عنده الكثير
الله يديهو العافية ويبقيه لنا ذخرا ومعينا لاينضب ...
تعريجه ...أنا فى الغرب وهو فى الشرق أحيانا أكون
فى المنتدى إلى وقت متأخر ، أجد صديق كذلك فى المنتدى
رغم فارق التوقيت ممايعنى حب هذا الرجل وعشقه وسهره
فى سبيل أهله ... له التحية ...

نعكسها يا الفكي.. نقول أنت في الشرق.. يعني في ( ود عيسى) وأنا في الغرب ( غرب شري) حبل الغرب.. وبيناتنا مركب عبد الله و العجمي تعدي شايلي ناس جايين من شري.. تكندق المركب ويعدوا فيها نفرين.. ويتكلموا ويقهقهوا وصوتهم جايينا في الغرب ونحن في مشرع الحنانين.. تكندق المركب لامن تصل مقدمة حجار جزيرة بت عوجات .. محاذية لبيت سكينة الفي التمر.. ومحاذياً لبابور أحمد ود حسب الله.. بعدين يلاقيهم عرق في مقدمة حجار جزيرة بت عوجات. غصباً عنهم المركب تتحدر.. يجدوا في العدااا ولايستطيعون يشاققوا بالمركب في اتجاه قرية الحنابلة  فغصبا عنها تنحدر المركب لامن تركز في كير الضقولة بالغرب.. الكير المحاذي لكير ود عيسى.. هناك العرق غير حامي يعدوا فيها لامن يصلوا مشرع الحنانين.. ويركز المركب ريسها عبد الله ود العجمي ويعطيه كل راكب قرشين.. حتى البي يعدوا يدفعوا.. والعدااا مساهمة منهم.. قرش في القطعة لى شري وقرش في الرجعة من شري.. وهو قبيل قطعهم الصباح ومنتظرهم ويجوط فيهم إن تأخروا لغاية المغيرب.. لأن المغيرب وكت جوه الخاص سواء كان في المتيرة أو في العبابسة.. جوه الخاص لايحب أحد أن يعترضه أو يهبشه.. هو يعرف كل الناس القطعهم بالصباح الى شري ويحفظهم بالإسم.. فإن أخذتهم في الرجعة مركب غيره، يبقى الويل والعذاب والثبور لصاحب المركب التى رجعتهم الى الغرب.لأنهم لم يعطوه حقه.ز وحقه دائما في الرجعة.. ولا يفعلها أحد ، لأنه يعرف العاقبة من عبد الله ود العجمي..
إذن يا ياباشمهندس أنت في الشرق وأنا في الغرب.. أما شرق  الخليج وغرب ليبيا الآن فهو جديد على المسرح الاجتماعي..
دامت ورجعت مناصيرنا في حلة جديدة وثوب جديد بدون غشاوة الناظرين..

تمام ياباشمهندس الغرب يعنى كل حبل الغرب أى شريط غرب النيل
وبالعكس الشرق وتعرف مناطق الجزائر أى المناطق الجنوبية بالجيهة
اللاتحت لأنها فى إتجاه مجرى النيل ومناطق السيلمانية والسادى بالجيهة
اللافوق ، وبذكرك عبدالله العجمى رحمه الله كان بحق سيد المشرع حيث
كان مشبعا بحبه لعمله وكأنه فصل عليه فقد كان يجيد التعامل باسلوبه
العنيف الهادى ويعرف طبائع الناس ويتعامل معهم كل حسب مايليق به
وأعنى هنا بالتعامل لحظات العبور فهنا هو الإدارى القابض على الدفة
وكان يحسب له تجاوزه ومسامحته للمعوزين ، رحمه الله وتجاوز عنه ..

دا منو البي تشكرو فيه دا الكلام السمح دا كلو فوق ابو حنه لي كم يوم اجي ماره بي جنب البوست دا واعمل فيها ماشايفه حاجه غيره ساكت بس لكن وانا بعيد علي اهلي البارح وانتهزتها فرصه وزولتكم متخصصه في علم الاجتماع وعملت استبيان واي واحد اسألو يقول زي كلام سلمان القالو دا وعاد بعد دا خشمن ينضم مافي يبقالي ياخالد الزول دا تربطلو ماهيه

سهام بالله ما تسحريني؟
الإستبيان عمليتهو وين؟
كان تشيلي ليك ورقة وقلم وتنتهزي فرصة زي الباسقات وتجي تسألي الناس؟
أو تلقي ليك باشي.. وتسأليهم والله سمايي..
بعدين تجيبي لى نتيجة الاستبيان هنا..
( تربطلو ماهية!) دي جملة منصورية صحيحة.. مع كسر ماهية الى ماهيي

فعلا هو كذلك...
تسلم استاذ سلمان..
تعرفت علي صديق عن قرب ومكثت معه عده ايام ..عندما تكون معه تتمني ان لاتفارقه واسرته كذلك..نسال الله ان يحفظهم ويرعاهم وان يعودو سالمين غانمين الي ارض الوطن...

ابن الأخت صاحب البوست والإخوة والأخوات المتداخلين المهندس صديق من نوابغ المناصير المثقفين هذا حديد إنجليزي وما هو صناعة عيين والاعتذار للجميع . كان الناس زمان في بلدنا البوابير أعني طلمبات المياه الرافعة كلها صناعة إنجليزية مئة في المئة وكان بعض البوابير ولا أقول الوابورات يصيبها عطل بحكم عملها المتواصل وكان المهندس الطيب الحسين لها بالمرصاد والبابور التي تخرب دائما ناس بلدنا يقولوا عليها ده صناعة عويين ساكت اتعلموا فيها العويين ( أي الصغار ) فأبوحنة صناعة إنجليزية مئة بالمئة كما ذكرت له التحية وهو أكبر من يقال فيه ولا نحب أن نشكره أكثر من كده والشاعر إبراهيم قال بيت واحد في الاستاذ محمد حسن عون الله . الشكر أصله للناقص يدور به تمامي * وأنت من ولدوك ولد قدامي. صديق من ولدوه قدام القدامي.
أخ صديق أشكرك على سرد سير مركب ود العجمي من مشرع كير ودعوجات إلى مشرع الحنانين ذكرتني أيام المركب طبعا نحن كانت عندنا مركب في مشرع اللشوي قصاد سوق النعوفاب وخط سيرها غير. أخ صديق أنا وأنت كنا في المراكب وما كنا ندري أن العمل في المركب سياحة ، صحة ، رياضة ، مروءة ، ركن تعارف، شهامة، هندسة نهرية، فن ، ... وأخيرا مكسب مادي ، مهنة نترزق منها. كانت فعلا مدرسة الحياة نتمتع بجو النيل الصافي، نشرب من نص البحر، نتمرن رياضيا بالمعادي، هندسة في مسك الدفة ، دقة وفن في وزن الشراع ، ومسك المدري، إبداع وصبر على سكين المركب ، صحة في ذلك الجو بين أشجار النخيل والجروف، تعارف على من يمر عليك حتى تصير تعرف الغريب على البلد وتحترس منه، مروءة تساعد الصغير والمريض على الركوب في المركب .... والخير في عمل المراكب يطول، ما كنا ندري وقتها وإن شاء الله يكون عمل خير نجده في دار قدام. القلم سرقني والرد طال وأكرر تحياتي لك ياهندسة وكل سنة وأنت طيب والتحية للأولاد وأمهم. وتقبلوا مروري.

يااااااه الليلة دكتور مصباح متجلي.. كعادته دكتورنا في فن الكتابة.. يملا الجدول لامن يدفق.. ما شاء الله... وشكرا ليك على الكلمات في حقنا. آمل أن تكون هي كذلك عند  الله كما هي عندك وعند هؤلاء الأعضاء هنا..
 ياخي موضوع المركب ده غييييير.. تعال نفرد ليهو بوست أنا وأنت.. أنا ببداهو وانت تمو.. القامة عبد الرحيم البصير كان بدا موضوع عن المراكب والمشارع ولكن ما مشى فيهو ..  وما ركز على النواحي الركزت عليها أنت في الفايدة من عمل المركب ذاتو.. وكيف تتعامل مع المركب.. ما أي زول بيعرف يسكن المركب؟
 ما أي زول بيعرف يربط حبل المركب؟ حبل المركب عندو خلفة حبل وعقدة حبل خاصة بالبحر فقط.. حاجة كدة خلف خلاف.. تشد كل مرة ولا تنفك ولايقدر يفكها إلا من يعرفها... وهي طريقة علمية كما تدرس تماماً في ( الهندسة البحرية) أو ا( الكلية الحربية البحرية) في السودان ما عندنا كلية حربية بحرية.. لكن في أروبا في..  وخريجها ضابط زيو زي أي خريج في الكلية الحربية. صلاح الدين كرار خريج كلية بحرية.. هناك هندسة بحرية.. تبدأ من الهندسة الكهرومائية.. وتنتهي  بعلوم أسرار البحار.. وضباط البحرية وجنود البحرية يعملون في الغواصات العسكرية والقوارب الحربية.. والبوارج الحربية..
 عقدة الحبل.. هذه تدرس ولها حصة عديل.. المناصير عرفوها بالقريحة وهي مثل عقدة الرياح تدرس وسرعة الموج وشدة الرياح وأنواعها.. كل هذا ريس المركب يعرفه ولا يجازف بمركبه..
 ما أي زول بيعرف يمسك المدري... ممكن زول صعيد يمسك مدري مع سرعة المركب ممكن المدري تكتلو تقد ليهو بطنو..
 برضو ما أي زول بيعرف يمسك دفي
 ما أي زول بيعرف يعدي
 الما بيعرف يعدي ممكن المعداية تقطع أصبعو وهكذا
...........
 بت العم النجلاء الزمراوية الزولة الحبوبة ومقدامه في كل عمل اجتماعي يخص المناصير ليك، شكرا على المساهمة وحمدله على سلامة الظهور.. يديك العافية
 وشكرا بقية المرور مهندسنا الفكى وكل المرور الكرام.زالشكر على تشريفنا
 الله يديني ليكم العافية
 لسه لسة لسه بحول الله عندى الكثير الممكن أقدمو من أجل إسعاد الناس.. موش بالكتابة بس؟ وإنما بتجسيد الاقوال الى أفعال الى عمل مجسد يهم الفرد المنصوري الأغبش..

سلام الاخ الحاج شرف وشكرا  علي ماكتبت  في حق الباشمهندس صديق
  زي ماقال الدكتور النافعابي  هو زول قدامي 
 فله الشكر والتقدير  فقد اوضح بجلاء مكنون الثقافه المنصوريه
 وربنا يحفظك ياود ابحنه

تسلم يا حازم. كم كنت أتشوق للقائك عند حضوري السودان.. ولكن المكالمة التى جرت بيننا أراحتنا كثيرا لسماع صوتك الملئ بمحبة المناصير أهلك، وقد إطمأنينا كثيراً لوجود أمثالك ،   فيمن  هو يحمل هم قضية أهله والإخلاص لأهله..
 كان ربنا مد العمر المرة الجاية نقابلك إن شاء الله ، لأهمية  مقابلتك عندي..

الاخ صديق بن عمنا وجارنا ولم نكن نعلم عنه انه رجل موسوعة حباه الله بذاكرة فذه عرض لنا موروثا تقافقيا هائلا لاجيال عديدة 
بارك الله فيك  وفي عيالك ونقول ما شاء الله  وربنا يعطيك الصحة والعافيه .

المهندس صديق لك التحية أنا كذلك فكرت في موضوع المراكب والمركابة ولكني تذكرات أن الأستاذ البصير قد بدأ فيه دحين أبدأ فيه ياهندسة وأنا ساعدك الأيمن ونحكي برضو الحكايات عن ركاب المراكب وبعيدن أخليك تتم حكاية اللنشي الذي كنت أحبذ ركوبه ولي ذكريات مع والدك رحمه الله كان أبا وأخا بالنسبة لي زادت صلتي به بعد أن اغتربت مع المرحوم عمر الذي لن أنسى فضائله علي ويكفي أنه ود حجة الفريضة. لك التحية وأبدأ والله يعينك.