بكرة الخميس--صدقة الميتين--

بكرة الخميس--صدقة الميتين---فى الخرطوم لاحس لاخبر----هل مازالت متبعة فى بعض الجهات ام تركت---زمان كان ليها شنة ورنة---

سلمان عقيد النعوفابى كتب:بكرة الخميس--صدقة الميتين---فى الخرطوم لاحس لاخبر----هل مازالت متبعة فى بعض الجهات ام تركت---زمان كان ليها شنة ورنة---

 بجد ي ارباب دي كانت اهم شي في رمضان تقع  في اخر خميس
بجد كنا نترقبها  بفارق الصبر في البلد لكن في الخرطزم مالقتني

مره جاتنا واحده من البلد في يوم مثل هذا اليوم وقالت قبلكم ووحدكم مالكم مابتسو صدقه الميتين وكنا الزمن نحن صغار مشت جابت كيس حلاوه من الدكان ومع كل قطعه توزعها كانت تقول صدقه ميتيني*وبعرف واحد تاني والكلام دا حصل بالصدفه انو تبرع بكتب للصف الثامن صدقه لوالده المتوفي مااعظمها من صدقه جاريه

ابن الأخت سلمان لك التحية ولأهل بيتك الكرام. صدقة الميتين برغم تحفظ بعض أهل الفقه عليها كانت شعيرة وعادة تفرح الصغار وتلم الكبار. لما كنا صغار كنا نفرح بها فرحا كثيرا نستعد لها من زمن نحضر غتاية التمر ونحضر خرتاية اللحم ونتحين السليقة الكاربة والشموم الكبير ونبدأ بالبيت الذي يتمتع بهذه الصفة. كنا نقوم فجر ونحوم البيوت عشان نلم التمر وبعد الظهيرة نبدأ بالبيوت نأكل الوجبات ونأخذ الشموم وفي السماء اللمة في الخلوة وهاك يالحم وهاك ياشاي وياتمر وحكاية جميلة. عموما صدقة الميتين من الظواهر التي كانت لها فوائد منها.
- تذكر الناس بالموت.
- تحث الناس على الصدقة.
- تفرح الصغار كثيرا كنا نفرح بها أكثر من يوم العيد.
- كانت تلم الكبار في الخلوات مساءا.
وغيرها من المحاسن التي طانت تسهام بها في العلاقات الاجتماعية.

زمن واندثر يا الارباب
عادة اجتماعية فى زمن مضى
ولا نعلم هل موجودة الان ام لا

كان لنا معها حكايات وحكايات فى
 زمن الصغر لااريد ان اردد ما اوضحه مصباح
فمن الطرائف
كان الصغار عندما يدخلوا البيوت فى الظهرية
لوجبة الغداء يشيلوها رتة  وهم يرددون
كسرة لا  لحم بس
ذكريات جميلة فيها من المرح والسرور

دى من ذكريات الزمن الجميل يا ارباب و وكانت الدنيا بخيرها والناس مترابطين ومتراحمين , وسعيدين بحالهم رغم الفاقة , وشيخنا دكتور مصباح هيج مشاعرنا بالوصف الصادق الجميل للزمن الجميل , كنت اتمنى الا يحرم اطفالنا من العادات الحلوة .

لحم صدقة الميتين طاعم زي
جبا المراسه...ارقد

رحم الله الاموات وادخلهم فسيح جناته وجعل البركة في زرياتهم
صورة الزعيم ودبروي فيها ملامح كثيرة من صورة المرحوم د. عبدالله محمد سليمان او ربما نرى صورة من نحب في من نحب امد الله في ايامه
تسلم ود عقيد وكل سنة وانت طيب

هنا ام ضريوه
امبارح الخميس  وكعادته كل عام احضر الاخ عثمان كلمون خروفا وذبحه ووزعه على مناصير ام ضريوه بالكوم صدق للميتين
بس مافى شفع لافين 
وكل زول اتجيه براه فى بيتو

امبارح الخميس 
وكل زول اتجيه براه فى بيتو

يا ود شيخنا رمضان كريم

ياود شيخنا العيد جا--

الرشيد طه كتب:امبارح الخميس 
وكل زول اتجيه براه فى بيتو

يا ود شيخنا رمضان كريم

 يا ود شيخنا ابو حمد كيييف

ياعزيزى انا سافرت يوم الخميس الخامسه مساء ووصلت عطبره
ورجعت مساء الجمعه بعد ان تعثر السفر الى ابوحمد بسبب الامطار(احضرو نشره الاحوال الجويه )
اتجيهنا فى خروف الصدقه بعد الامطار السمعته بيها ديك
نحن نرسل الكيس والقروش واللحم يجينا
وده دليل كافى باننا فطرنا عند اهلنا بالخرطوم ولم نفطر بالجزيره شيرى 
بالمناسبه
قابلت الزول الفطرته معاه يوم الثلاثاء بام درمان امام فندق البراء بعطبره
تعال نحفر الدفناه سواء فى العوتيب

الرشيد طه كتب:امبارح الخميس 
وكل زول اتجيه براه فى بيتو

يا ود شيخنا رمضان كريم

استاذنا الرشيد كيف حالك .
الحاج شرف دا واقف لو فى رقبتو دى كدى مالك , نشفت ريقو , الشوله مابتخلها .
وبعدين الدورى واقف خلو ياخد راحتو .
سلام.