انطباعات عن الافطارالسنوى الرابع للمنتدى

بحمد الله فقد تم قيام الافطار الجماعى الرابع---بالساحة--وتم التلاقى وتم التعارف --فى اجواء جميلة بالساحة الخضراء---وقد كان حضورا --الاخ الريس--عباس-يس-الحاج -الباشمهندس ود جيب الله -عادل شررى --سارى الليل--الحسن سليمان--جبريل عبد الرحمن--على الحمود --سامى--الرشيد-بكرى ومحمد بلل-عبد السيد--جعفركيحل-الاخ الخبير-عبيد الله--واسرته --الاخت سهام --اسرة الاخ يس--
مجموعة الاطفال --والضيوف ---بعد الافطار والونسات--جلسنا فى اجتماع تمت مناقشة عدة قضايا --على راسها الدار والتى تم تكوين لجنة وكلفت بان تتولى الامر--وتمت مناقشة موضوع حملة الكتب--وكذلك موضوع المكتبة او المكتبات بالخيار المحلى---وايضا الليلة الثقافية الكبرى للتراث المنصورى---ومواضيع اخرى---
اخشى ان اكون قد نسيت احدا من الحضور---واترك التعليق للاخوة الذين حضروا---وايضا الصور---نجم اللقاء الاخ سارى الليل دون منازع--وفاكهة اللقاء الاخ الباشمهندس ود جيب الله--

الحضور
على الحمود   شررى
سلمان عقيد   واسرته  النعوفاب
جعفر عمر كحيل   سور
حامد عبدالرحيم     شررى
بكرى بلل          شررى
عبدالوهاب الخبير     كبنه
حسن سليمان نصرالدين شررى
اسامه هاشم سارى الليل شررى
يسين مصطفى   واسرته كير ود ابوعلى
خالد عابدين       كبنه
الرشيد الافندى       ام دويمه
سامى احمد محمد      شيرى
عباس حسب الله       شيرى
جبريل عبدالرحمن     دربى
عبيد الله على خليفه   واسرته  دربى
محمد خليفه بلل     شررى
عادل شررى    شررى
الباشمهندس ودجيب الله    دربى
ازهرى الحسن     شررى
الحاج شرف   واسرته    شيرى  بسوى سيتى
بالاضافه الى عضو المنتدى الاخت سهام
ومجموعه من الاطفال

الحمد لله الذي تم ليك الافطار في مواعيده
نسال الله ان يتقبل صيامكم وقيامكم

ماشاءلله الافطار عامر نسال الله ان يتم كل الاماني ببركة هذا الشهر الكريم

م بروي كتب:غياب الدينمو الفاعل
نجلاء زمراوي والمتزامن
مع غيابها هنا يترك تساؤلات
عديده ؟؟؟؟؟؟
اهمها:
الزعل الزوله دي منو؟
طبعا لو سبب الغياب زعل
وانا ارجح هذا.
يارب يا اولادنا دايما
ملمومين في السمح

افتقدناها حقيقه زوله راقيه ورزينه والله مايجيب زعل قدر دا لانها طولت لكن برضو انا ارجح قصة عدم الفضوه لانو لو حردانه المنتدي بتظهر في المواقع الاجتماعيه الاخري الزوله قاطعه خبر مره واحده الله وجيبك يانجلاء بالسلامه

ليه العنصر النسائي قليل؟
وهن سادات المنتدى ومعظمهن سادات مجتمع فضليات وبنات جامعيات.. محترمات..
........
عايزين نسمع لى قدام كدة بي فطور نسائي من المرأة في المنتدى فقط.. عضوات منتدى بدون رجل. نوع من التغيير والتفرد.. و ( التمرد) حركة تمرد على الأرباب.. والحاج شرف الدين والريس ويس وكدا

هنيئا لكم بهذا التجمع واللمه الحلوه
انشاالله دايما يارب

قلتو شنو ساري اليل نجم اللقاء
وكيف مايكون نجم اللقاء شرب شاي اللبن كلو
ساري شربت كم كبايه؟؟؟

حيث كان الرائعون من اهل المنتدى كنا
حيث اللمه وجبنه الباشمهندس ود الجيب
وقراصه خالد عابدين بى دمعه الدجاج
وام راس والنجوضى حضورا انيقا من الحمود
وسلطه الفواكهه من سارى الليل
والبقيه حضورا انيقا والكل يحمل بيده تلاته واربعه مواعين والاغلبيه الوجبه البلديه القراصه والحلو مر
والكل استمتع بهذا اليوم
بس ورونا تانى اقرب لمه

يكفي أن هذه اللمة الزول الوناس حسن فيها؟ كان مافي أكل ما ضروري

سلام االصديق الصدوق
والله شوق بى الشوالات
اللمه للحقيقه والتاريخ كانت جميله
وفى مثل هذه اللمات نفتقدكم كثيرا ايها الرائعون
تحيات ورمضانيات وعيديات لكم وكل عام والجيع بخير

جلسة ما منظوور مثيله
ونسة فى وسط النجيلة
والنقاشات جد كفيلة
جوا اعماق القبيلة

تسلموا يا رائعون
كل عام وانتم بخير

اول مره اعرف انو الناس في رمضان بتطلع كانت لمه جميله والحمدلله وجدت اسرتين ونحن الاسره التالته واتعرفت علي اسره يس والحاج شرف واتونسنا وشفتا المعز حقيقه وليس صوره وشفتا سلمان عقيد والحاج وساري ويس طبعا والباقين وحات الله لملمو حاجتوم ومرقو بدون مايجو يسلمو علي وانا متشوقه اشوفون واحد واحد ومما اسعدني مناقشه موضوع الدار ومااحزنني منتدي به ٧٠٦ عضو ويكون الحضور بهذا العدد وحقيقه الساحه الخضراء مش حاتقدر تغمض عينيك وخصوصا للناس السمعو الكلام وجو بدري شويه نتمني الافطار القادم اذا الله حيانا نكون ملمومين كلنا ومعانا عزه ومحاسن وكل المغتربيين

كان افطارا جميلا واخوة اعزاء وقضينا وقتا رائعا
وكل الناس كانت نجوما ساطعة
واعجبني عصودي الحمودقال دي زراعة يدي
لكم الجميع الشكر والتقدير

صفره دايمة   ولمة عامرة  دايما  ان شاء الله

كان لقاءا فريدا ومثمرا من انجح لقاءات المنتدي من حيث الاهتمام ومناقشة قضايا حيوية وهامة مع الاخذ في الاعتبار الجدية والاهتمام من الاعضاء وحيث لكل لقاء نجما فقد كان ساري الليل كما قالوا نجم اللقاء الاوحد التحية له كما شرف اللقاء الاخ عبيد الله واسرته الكريمة .

نحن منتظرين الصور . وأنا سامع طرطشة كلام قالوا الأستاذ الكبير الحاضر الغائب ود المناصير سيصوم رمضان فى الخرطوم ونتمنى أن يكون أحد الحاضرين . فالرجل ان كان فعلا فى الخرطوم فيستحق وحده دعوة لفطور جماعى .

لمة رمضانية طيبة إن شاء الله دايما تامين ولامين ، مع أن نسبة
الحضور قليلة لكنه مقبول وربنا يتقبل الصيام ، وياليت يكون
موضوع ليلة التراث المنصورى من الأولويات فى الفترة القادمة
وبالمناسبة غياب ود المناصير يستحق الإهتمام والتحرى لعل
المانع خير ، والرجل لابد من الإتصال به لعودته للمنتدى الذى
يحبه ، فمكانه شاغرا والمنتدى فى حوجة لأمثاله ...

راحت علينا الجلسة الطيبة دي يا نجلاء

مجتمعين علي الخير يارب