موسم فك التسجيلات للمتزوجين القدامى

تذكير بمساهمة فاتح الموضوع :

بدا اليوم موسم فك التسجيلات لقدامى المتزوجين وتشمل برامجه على الاتى
ممكن ان تشطب نفسك من سجلات المتزوجين
او تعيد تسجيل اسمك فى نادى تانى والابقاء بالنادى القديم فى نفس الوقت
وهذا ماسيطبقه اليوم واحدا من كبار قدامى المتزوجين من اولادنا وسوف نحضر مراسم التوقيع نهار اليوم الجمعه (يعنى بدون بارد ولا حلاوه ولا ملح )
توجد وظيفه خاليه
مهمتها
اداره التسجيل والشطب والدعوه والتشجيع
الخدمه مجانيه تطوعيه لاراتب ولاحتى دفع رسوم
من يانس فى نفسه الكفاءه فايتشبر وينط     

ماتتعبو كتير اللاعب اسمو قله الصغير والاسم د لقيناه من نورالهادي اتصلو عليهو او اقرب زول وحاضر التوقيع سلمان عقيد او الحاج شرف الدين جابت لها موت احمر الله يستر زمن الفوارس غار

عطا الله
قلتا اللاعب اسم الكورة بتاعو ( قلة الصغير)
أمال قلة الكبير وين؟
طيب هو ظاهر عليهو شارب ليهو قلة في رمضان ده والله شنو؟
كان جينا للجد
ود أختى أبو مصطفى دائما قاعد يقول النصيحي.. زول نصيحي
قال: ( الحاج أجبن مخلوق في النواحي دي؟)

بدون قصــــد:
واحد في سكرات الموت ..
نادا مرتو وادها وصية
قال ليها بعد اموت عرسي جارنا دا ..
قالت ليه : ليه ..؟
قال ليها: زمااااااااااان باع لي راديو خسران ..

ود الطرشان.. شكلك كدة ما حا تعرس
سوف تظل تحوم بين العبيديي والقمبارات
........
أحسن ليك تلقى كنف رحيم.. وأم رؤوم وواحدة ( دهنا ينجضا..) زي ما قال أبو مصطفى
الزوجة صارت مصباح الحياة
وأكمل نصف دينك القيامي دايري تقوم..
وصية ليك من أخ عزيز  متزوج
كدة راح تكون ضايع ساكت
مافي زول بيحن عليك
منصوريات  عندنا بالكوم.. ما شاء الله يملن العين لامن تفضل
مالك أنت!
بالذات أنت ... العصفورة بتاعتي قالت لى... وضعك المادي ممتاز للغاية.. وبالمناسبة العصفورة بتاعتي نائبة مدير فرع البنك البي تخت فيهو قروشك.. واطلعت على حركة حسابك فيهو؟
بس ما تخاف منها العصفورة دي.. متموم حلوها وأم لطفل واحد.. ربنا يبارك يعني ما عندها غرض.. بس شمار... ولعلمك هي عصفورة نص منصوري ونص رباطابي.... أزيدك... كانت زميلة للمرحوم سليمان سلمان من النعوفاب.. والله جد.. شفت عشان أنت زول ممتاز.. نحن نكشف ليك خبر عصافيرنا كيف؟ ولا نخاف.. لأانو دي عصفورة قوية جداً.. وكان كترتا قللتا ممكن توديك في خبر كان..

الملوك الكتير دا نهايتو شنو الرجل الداير يعرس يمرق لبره ويقول انا
عرستا

صديق عبدالله علي أبوحنة كتب:ود الطرشان.. شكلك كدة ما حا تعرس
سوف تظل تحوم بين العبيديي والقمبارات
....
 بالذات أنت ... العصفورة بتاعتي قالت لى...

تزكر تلفون نكير البوست دا راح مني ما لقيتو ..
انت عصافيرك دي كلها عشوشة ! ابو الدبرك مافي ..!؟ 

كســـــــــــــــــــــــــــــــــــــــــــــــرة:
بتك ما كبرت اعتبرو طلب رسمي ..

لا لسه بعييدة بتي يا ود الطرشان
ايوة برضو عندي عصافير ود أبرق... يعني صقور وحمائم
.............
أميرة قالت الملوك الكتير ده لزومو شنو؟
الداير يعرس ما يمرق لى برة ويقول أنا داير أعرس؟
رجال خوااافة

[quote"(الحاج شرف)"]فوق  للناس العاملين ماشايفنو[/quote]

 


شايفنو لكن ما فاضين قاعدين نطبع ونصور عملنا ملف كامل نقدمه مع مباركة العمرة والعودة بالسلامة انشاء الله

كع كع الموت اللحمر الله اكبر

زولنا من الخبر قطع البحر قطع موية ونور عفيت منك يا اميرة
الموت اللحمر

عطاالله كتب:ماتتعبو كتير اللاعب اسمو قله الصغير والاسم د لقيناه من نورالهادي اتصلو عليهو او اقرب زول وحاضر التوقيع سلمان عقيد او الحاج شرف الدين جابت لها موت احمر الله يستر زمن الفوارس غار

الحبيب والدفعة عطا الله رمضان كريم وأنا والله قبل يومين بحثت عن هذا البوست ولم أجده وقلت الحاج يكون غطس حجره ودحين بجيكم راجع وشايف الرشيد شانى حملة قوية والظاهر الحاج جره واضى .ما قلتوا نوبة .

الحمد لله
الله اكبر
الله اكبر
الحقيقه انا انشغلت شويه لكثره الاتصالات من  بعض اعضاء المنتدى 
 يستفسرون عن الطريقه الامنه للخروج من الاحياء الشعبيه الى مدن غابات الاسمنت
امثال كافورى 1 وكافورى 2 وحى الراقى والمجاهدين  وقاردن سيتى 
وبعضهم طلب زياره للتبرك بالاخ العريس ولكن  بدون تسجيلهم فى السجل المعد للترتيب  وحفظ الحقوق والاولويه
انا حقيقه اول مره اضطر الى قفل الموبايل لكثره الاتصالات وبقينا ما بنعرف منو القصد السلام ومنو القصدو الاستتفسار
فى واحد من الاعضاء اتصل وقال جاى يفطر معاى والغريبه اول مره يتصل بى ولحدى اللحظه دى ماهو عارف بيتى
والغريبه  ماعندى معاه اى معاملات من قبل وعرفت من خلال كلامه   دايرنى اوصف ليهو بيت الاخ العريس  بالمنشيه   او امشى معاه والاغرب من من كل هذا واحد من الاخوان اتصل وقال العريس بقى ذى شافع الروضه يودوه الشغل ويرجعوه  الشقه بعربيه كلك
وصيه
للاخوات
ساعات الدوام بجمهوريه السودان تنتهى عند الثالثه ظهرا
ابعد سكن من اى نقطه بالعاصمه لايتعدى ال45 دقيقه
بعد صلاه العصر  مواعيد الطلبات  من حق الزوج ان يستاذن لمه نصف ساعه
بعد رجوعه  يظل بالبيت الى حين مواعيد الافطار
 بعد الرجوع  يمسك الاولاد يراجع ليهم الدروس الى حين  اذان العشاء والتراويح
وهنا فى نقطه مهمه جدا
يجب ان تلزميه ان يصلى  التراويح فى اقرب مسجد يصلى بالجزء
بعد داك الكبارى بتكون قفلت وناس المنشيه نامو

سجل هذا البوست اعلى نسبه مشاهده  لليوم الخميس حيث بلغت 652
وثانى نسبه بعد64 رد بعد بوست رباعيات للاخ محمد البروى
مما يدل على (اكمل الباقى برااك

[quote"(الحاج شرف)"]الحمد لله
الله اكبر
الله اكبر
وصيه
للاخوات
ساعات الدوام بجمهوريه السودان تنتهى عند الثالثه ظهرا
ابعد سكن من اى نقطه بالعاصمه لايتعدى ال45 دقيقه
بعد صلاه العصر  مواعيد الطلبات  من حق الزوج ان يستاذن لمه نصف ساعه
بعد رجوعه  يظل بالبيت الى حين مواعيد الافطار
 بعد الرجوع  يمسك الاولاد يراجع ليهم الدروس الى حين  اذان العشاء والتراويح
وهنا فى نقطه مهمه جدا
يجب ان تلزميه ان يصلى  التراويح فى اقرب مسجد يصلى بالجزء
بعد داك الكبارى بتكون قفلت وناس المنشيه نامو[/quote]
وصاياك دي قديمه يالحاج شرف يبدو انك مامتابع اخر تقنيات حواء في المتابعه او الربط لانو اصحه من المتابعه لان المتابعه تشتمل اشياء قد لايحللها الدين الحنيف من تفتيش للموبايل والاوراق وسيدخلها في عمل وعيئ جديد بالاضافه الي اعباها المنزليه لكن الربط دا يكون بخلق برامج جاذبه في المنزل يعني مثلا لو عايز يلعب كوشتينه شطرنج يدرس الشفع حتي لو قال عايز يلعب كرة قدم حواء لازم تكون مستعده مافي مشكله ولازم تثقف نفسها في الكوره والمصارعه عشان لما يشتغل التلفاز كوره ومصارعه تناقش صاح بدل ناس النادي واللمه لانو البلاوي كلها من اللمه 
تخريمه
 في زمتك الزمن دا في راجل يفكو براهو لي صلاة التراويح مااظن خصوصا كل مسجد مجهز بمكان لصلاة التراويح

برضو ح نرفع رايه استقلالنا

ههه كدي النشوف لما الجماعه يصلو من العمره اصلي انا واثقه في قريبتي شديد رابطه ربط تمام

ياناس سلام عليكم يا جماعه جانى تهديد بسبب البوست دا وانا دايره انوركم لو اختفيت اعرفوا الحاصل وكل الحاصل جاتنى ضيفه عزيزه من السودان ورحبنا واخدنا وادينا وانشغلتا شويه بواجب الضيافه عارفين رمضان وووقفه المطبخ وعلشان ما تمل ضيفتى فتحتا ليها الكمبيوتر قتليها شوفى اخبار البلد بس للاسف كلها لحظات والا اسمع صوتا وقد اجرت مكالمه تلفونيه والباقى بس خلو المهم هى قفلت الخط من هنا وانا جانى تهديد من احد مشرفى المنتدى بسحب الباص ويرد وعدم تمكينى من دخول المنتدى فستودعكم الله الى ان تحل المشكله بين الضيفه ومشرف المنتدى وارجعليكم منصوره بعد يستسلم مشرفا الغاضب

اميره الحومرى كتب:ياناس   سلام   عليكم   يا  جماعه  جانى  تهديد   بسبب   البوست   دا  وانا   دايره     انوركم   لو  اختفيت   اعرفوا   الحاصل   وكل   الحاصل   جاتنى  ضيفه  عزيزه   من  السودان    ورحبنا   واخدنا  وادينا   وانشغلتا  شويه   بواجب  الضيافه   عارفين    رمضان   وووقفه  المطبخ    وعلشان  ما  تمل    ضيفتى    فتحتا  ليها  الكمبيوتر  قتليها   شوفى  اخبار   البلد    بس  للاسف  كلها   لحظات   والا  اسمع   صوتا    وقد  اجرت  مكالمه   تلفونيه   والباقى  بس  خلو   المهم    هى  قفلت   الخط   من  هنا   وانا  جانى  تهديد  من  احد   مشرفى  المنتدى   بسحب  الباص   ويرد    وعدم    تمكينى  من   دخول    المنتدى   فستودعكم   الله    الى  ان  تحل   المشكله   بين  الضيفه   ومشرف   المنتدى    وارجعليكم    منصوره  بعد يستسلم    مشرفا  الغاضب  

 ماشاء الله ودايما زولت واحد
لكن مشكلتك لها هين
تمشي للفكي (اقصد الفقير) الحل عندو
اوتستعيني بصديقه (مطابق)

مافى زول عاوز يعيد
التسجيلات بابه مفتوح
لايوجد تاريخ نهايه
بس الاستعجال مطلوب  لزوم العمر ماشى
الزواج ده
سنه نبويه
مشروع استراتيجى
مطلب قبيله ودوله
واذكركم بمثنى إن الأصل في الزواج هو من اثنتين فما فوق شرط العدل قال الله سبحانه وتعالى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ) فقد بدأت الآيه الكريمه بالزواج من اثنتين وليس من واحده
انا شخصيا برجى يقول ان خفتم ان لاتعدلو فواحده

لايؤمن احدكم حتى يحب لاخيه مايحب لنفسه ليفهم المعنى لاتومن احداكن حتى تحب لاختها  ماتحب لنفسها

ياود شيخنا انت لسع فى فك التسجيلات دى-- بالمناسبة مسافر بورسودان متين

انا جيت راجع من عطبره  بعد ان قضيت ليله هناك
لاتستطيع ان تفارق الظلط 
نهر النيل دخلت فى منظومه المناخ الاستوائي
ممطر طول النهار والليل وعينك مابتشوف الشمس
المدير العام الان متوجه من المدينه الى  جده
وصينا ان  يرجع مكه يعيد هناك متعللين بسوء الاحوال الجويه بالسودان
برقيه للمدير العام
الاحوال هنا مطمئنه جدا ولايوجد مايعكر الاجواء 
والامن مستتب ولاتوجد مظاهرات
قررنا ان لانذهب الى الاسواق هذا العام نسبه لعدم وجودكم معنا
دمتم
ده انا
اضافه ملونه
كلهم ديل مافيهم  زول عزمنا فطور
نجيبوا جاهز
انا وراهم لحدى مايعاد تسجيلهم

المدير العام ام وزارة الداخلية

اسفين على رفع هذا البوست مجددا ولكن لطلب الكثيرين وللنشاط الذى يقوم به من افتتح فى شانه هذ البوست  تابعنا تحركاته واليكم التفاصيل تباعا
[ندعوك للتسجيل في المنتدى أو التعريف بنفسك لمعاينة هذه الصورة]
العريس يشرح فى تجربته وكيفيه الاعداد لها والحضور يتابعون باهتمام زائد

الحاج شرف ود شيخنا الفقير

يا خى ليك محبة وليك تقدير

مكنونة فى قلوب أهلى المناصير

وديمة تتواصل .... مع الغير

بنسجام .... معدوم النظير

زول بشوش حاشاك كشير

والكرم هيلك ما بيخيل

تعرف الواجب يا أصيل

بس الليله حيرتنا عديل !!

يعنى أيه فك التساجيل ؟؟؟

البوست غامض دايرلو تفسير

الظاهر سفر جناب المدير!!

شكل ليك ... فراغا ً كبير

وبقيت تشطح فى التفاكير

وشلت هم كل القوارير

وصغت من الشرع الدليل

ودار تلم رأسين على خير

عاد أبدا أنت ودق الصدير

وأركز وسو الصفقة دنقير

مايبقى كلام بوستات وتنظير

نحن عاد راضين بالمقادير

وما فينا قدرة تانى لدبيل

والعمر ما فضل الا القليل

نقضيه عبادة وذكر وترتيل

الدبيل كان طاير اليطير

يكفينا فيه تجارب الغير

العدل مهو شيتا ً يسير

والمدبل ما مرتاح ضمير

وقتو كلو سرحان وتفكير

وزمنو كلو تمثيل فى تمثيل

وتلقاه تايه ... وفاقد الدليل

**********************

ارشح نفسي مع رفع السقف الي عماره +عربه BMW+رصيد لايقل عن مليون يورو علشان نتفرغ للرياضه اصلو نحن اصغر بكتير من صاحب التجربه

النفر كتب: 

عاد أبدا أنت ودق الصدير
وأركز وسو الصفقة دنقير
مايبقى كلام بوستات وتنظير

  

يا الزعيم النفر
صاحبي كلامو كلو تنظير انت تنفخ في قربه مقدودة بهنا تاني ما بجي حايم

سامى احمد محمد كتب:يا النفر شاعرنا الكبير
ما يغشك ود الفقير
بى كلامو ونضمو الكتير
اصلو معروف من كان صغير
مقتنع للتوحيد نصير
حكومتو ضابط بى دبابير
ويومى يمشى يحيى المدير
مرة هرشة ومرة نهير
يرتجف زى عصفور صغير
ومنو اقنع فتش الغير
وما بيسوى الصفقة دنقير

سامي جاب ضقلا يكركب يومي يمشي يحيي المدير شكرا يا سامي

شكرا لكم ايها الرائعون

سامى والنفر
تانى ودالفقير بى جاى
ما تشوفوا قعر أضانو

وينو يا إخوان  ود الفقير

مالو صاحبنا قطع الخبير

هبوا يا إخوان سووا النفير

قصوا دربو وشفوا الإتير

وفتشوا الأحياء شبير شبير

سامينا .. إنت الياكا الخبير

وليك تجارب فى التقارير

أرفعها بسراع دون  تأخير

وتكون مدعومة بالتفاصيل

عساهو صاحبنا يكون بخير

وينو يا اخوان الحاج شرف

دا خلا بوستو .. ذى الوقف

حتى مداد حبرو قرب يجف

البوست كان طرحه هادف

وصحابو عاد لاعب محترف

يعرف يمرر وكمان يهدف

وأصلو ما بيلعب مطرف

وديمة للباسطات بيعرف

ليه يسيبنا ويروح ينصرف

وبلا سبب  ياخد منا موقف

كل الجمهور  حباهو وألف

دى الجماهير تهتف هنف

حتى  ريقه  خلاص نشف

ورافعين شعاراتن ترفرف

اليعود لينا الحاج ود شرف

حتى الحراير منصفى صف

فى انتظار .. عودا يشرف

ود شرف حساس ومرهف

ما أظن لجماهيرو يكسف

*******************

يازعيم يازعيم يانفر
نحن متابعون ومكاتبنا مفتوحه للساده  المترديين  وقد  اضفنا عددا من الاقتراحات المقدمه  من بعض الاعضاء
وهى بند التسجيل لاول مره
مطالبه الطرف الاخر بترشيح لاعب اخر لتسجيله بناديه وهذه هى قمه المفهوميه للاشتراكيه الاجتماعيه  من بعض العضوات
هنالك ترتيبات اخرى وارجوا ان لاتثير هذه الكلمه بعض الناس لانها واحده من المقولات المااثوره فى عالم السيره المنصوريه للقضيه
ولكنها كلمه يمكننا  ان  نحتفظ بسرها ولانطالب بتفسيرها للعامه  مع العلم باننا قد فسرناها فى حينها وحقنا ماء الوجه من مقابلة  الطرف الاخر  الا بعد اسبوعين من التسجيل و اعادة التسجيل الغير محدود
التزامنا الصمت  لم  يقصد منه الا اعطاء الفرصه  للساده الاعضاء مزيدا من الوقت للتفكير المؤسس  حتى لايضطروا  لفك التسحيل لواحد من لاعبيه
وفى الختام  نرجوا ان تكون الفرصه التاليه للساده المغتربين  بعد ان تم التسجيل الاول للساده المقيمين  غير الوافدين بالسودان
هنالك بوادر تسجيل لاول مره بين مقيم ونادى مهاجر  ىيقودها واحدا من الاعضاء المهمين والمهمين جدا فى هذا المنتدى
تخريمه
باننا لانقرض الشعر  نرفع  الامر للساده الشعراء  وعلى  راسهم  ود البروى وزعيمنا النفر   للرد نيابه عنا  على المدعو سامى
وبما ان المحرض كالفاعل  يضم الرشيد لقائمة المتهمين
قوموا لصلاتكم يرحكم الله

ود شرف عاد بعد الغياب

وليى ندانا .. تراه استجاب

الف مرحب والفين حباب

وعودا  ً حميدا ً مستطاب

دا بيقدومو ازال الضباب

اصلو  ود شيخنا ارباب

من بشر ابدا ماب يهاب

ويقتنع  بما يراه الصواب

وليفك التسجيل فاتح الباب

بوستو فاتح لكل الشباب

كان محلى وكان مكابراب

والعجايز حيلقوا ترحاب


*****************

دى البوستات البى تعجب

رائع القامة النفر
 ورائع قائد الهيلاهوب  الحاج شرف

طرف [url=/u96]صديق عبدالله علي أبوحنة[/url] أمس في 6:04 pm


وقالت ليهو حكومتو ألبس جلابية حتى تمشي للسيارة؟ الناس ديل ظاهر عليهم ناس حكومة؟ بعدين أنا شكرتها على قراصتا؟ وما قصرتا؟ وقلت ليها نحن ناس بسطاء غبش زيكم؟  نحن مناصير برضو ..كان تخليهو يجينا بي عراقيهو عادي؟ ما تخربي الطبيعة بتاعة الله والبساطة؟ والنبي صلى الله عليه وسلم قال( رب رجل أشعث أغبر، لو أقسم على الله لأبره)

 والمناصير قالوا.. ( مرتك كان قالت ليك أطلع الجبل؟ ما تحرر الواطة؟)) يعني حا تطلعو حا تطلعو؟ وأحس ليك تبدر قبل النهار يحر؟ لأنك حا تطلعو والواطة حارة؟

 





مافى امل



اول مره يكون التسجيل فاتح  لمد طويله ومافيش حد  جاى



اسع كان تسجيل اراضى ولا تحكيم  كان جيتوا باللوارى



ياباشمهندس اشترى سياره ماركه جيب مكيفه لطلوع الجبل لان الشمس بقت حاره من سبعه صباحا




[/size]

بوست للبيع
البوست اعلاه معروض للبيع  وفق قانون  البوستات  الغير بايره
ولان  كل الذين كنا نامل  فيهم التقدم خطوه لاعاده تسجيلهم بائت بالفشل
وعليه سيصبحون هكذا  دون اى بوست يرعى شئونهم
المشترى يحق له مزاوله التحريض وفق سياسه التسجيل واعاده التسجيل
يجوز للبائع استرداد البوست اذا اتضح ان المشترى  قد فرض رسوما على التسجيل واعاده التسجيل
قرع الجرس فى كل مداخل المزاد
جرس فى كل مكان بالخرطوم وجرس بابها وجرس بالرياض وجرس بالامارات السبعه
وجرس فى السماء
ولايوجد هنا الموت اللحمر

[ندعوك للتسجيل في المنتدى أو التعريف بنفسك لمعاينة هذه الصورة]حفرة صفاح يا الحاج

[ندعوك للتسجيل في المنتدى أو التعريف بنفسك لمعاينة هذه الصورة] حفرة صفاح

الفك والربط  ايهما احسن ؟؟؟؟  تجديد العهود والمواثيق او  طريقه لفكها  ؟؟؟؟؟ الاسباب التي تؤدي الي كل منهما (الفك او الاعاده )  غايتو زمان  كان محل العجلاتي لتصليح العجلات  وكان عندي عجله للذهاب للمدرسه اذكر  اكتر حاجه مزعجه كانت لمن الجنزير يعمل مشكله او يصاب بعطل فكان فك الجنزير  مشكله كبيره  وهسع لمن يكون الرباط باالجنزير  مافي طريقه لي فكه  وده ماجنزير عجله  ده جنزير مابقدر عليه الا بواسطه فكي كارب   والجنس الاخر صاحبات الجنازير  اكثر معرفه ودرايه بموضوع الفقرا وبما ان صاحب البوست ود فكي  دايرينو يفتي في هذا الموضوع  موضوع فك الجنزير