الشلاقه لزومو شنو ياسهام

تذكير بمساهمة فاتح الموضوع :

اسع شفتولكم واحده من الحريم النجاض ديل كتبت تاريخ ميلاده والله انا البدله خلاص كتلتني لو عارفي الحكايه فيها تشهير لمده شهر ماكان نقصتو عشره سنه *البيتسوها بي ايدك تغلب اجاويدك *كدي ياريس تمقلبني

شكرا على الكليس على مشاركتك وعلى الكلام الطيب دا,,,,وكل عام والجميع بخير ,,,,,,مارديت عليك وعليهم بدرى بسبب حرف متعطل لدى فى الاب توب .... الشافع الصغير بقى يغير وتعمد بخلع الحرف الذى ياتى بعد الميم مما ادى الى صعوبه التواصل معكم جميعا ,,,,,,ارجو المعذره ....والموبايل اذى مقلتى,,,,, والحرف المافى دا هبلبى عديل كده..... وعمرى اسع على حسب كلام الكليس هو 21 عام قفلت الدرجات كلها والسبب يرجع لوجودى معكم ومع اهلى الكرام ومع سهوله التراحم والتواصل بهذه الطريقه صرت اعرف الكثير,,,,,,
تويقه :الرشيد هوووى افزع مع عزه فى الشمع وقولها اركزى وماتزوقى وخلى الضحك الكهربا فى وما قاعده تقطع ..... يا صديق كلامك ختيتو لى يوم اليله دا اه رايك ايه فى شلاقتى دى الله خلقك شفتو شلاقه زى دى والغطس اميره يغطسك ياصديق

راجعه لك يا سهام بس كلنا مفاتيحنا فى الباى باى لو انتى مغتاح واحد انا اللوحه كلها وكل سنه وانتى طيبه ورمضان كريم

ست الشلاقة رمضان جاب خبرا  !

 ونجضا نجاض قبورة
 مالا قطعت الخبر كدي!

هههههههههههه
كلامك صاح ياصديق

هههههههه
 رمضان قطـَّعك أم قـَـرَضـَـةْ ؟
 عفيت منك يا رمضان !
 لا شلاقة لاغيرو

  وأهو جبتي لينا كلمة تراث هناك منصورية بحتة وهي ( قطعك أ م قرضة )
........
 الحلفاويين طبعا متهمين برقة الدين.. لكن عموما هم ناس طيبين والله؟
.....
 أها قالواا زمان مشى ليهم الزبير؟
 وقال ليهم عايزنكم تنتجوا؟
 وطبعا خلاص ، قوانين سبتمر انتهت من زمن نميري؟
 قام واحد قال ليهو: ( تيب ( طيب) .. تيب عملتو لينا أيش  في رمـدان.. رمضان !
ههههه
 عايز كمان يلغوا ليهو رمضان ؟
.........
 قالوا ليهو يا حاج صالح
 البارح ما جيت صلاة الجمعة؟ الحبشي جاركم داك.. دخل الإسلام والجماعة ضبحوا عجل واللحم المحمر والفتة والرز.. شبعنا لحم محمر بس؟
 ليه ما جيت؟ والحبشي دخل الإسلام؟
 قال ليهم دخل بدل منو؟

ياصديق قالو الصقر ان وقع كترت البطاطب عيب *ماعارفه المثل كده صاح والا غلط انبقي غلط صلحو *عشان المثل دا انا جيتلكم راجعه عشان عارفاك ياصديق حاتسوني مضحكه تجربيها نكات الحلفويين كلها *اه رايك شنو انا منصوريه وماني حلفاويه ولما اقع وقعتي زي وقعه العقاب الهرم *اسع انا بكتب وشايفه الكتابي طشاش طشاش*الاانت يا صديق الا كان قاعد تشيلك جغيمه مويه مع الوضاء انا عارفاك حريف*والله انا في حاجه عجبتني في البوست حقي دا ماكنت قايلاه حايبقي زي بوست الناس الشاطرين ديك ويمشي مقبل للورقه التانيه الظاهر شلاقه العمر جات بفايده بوست طويل افتخر بشلاقتي فيه

ما عليكي يا سهام.. أنت بس تعملي لى غدوة كاربة أنا والمدام لما نجي السودان أصلو أي إجازة بجي بى حتتكم دي؟ عشان أهلي كتار هناك.. ود جيب الله بيعرف الحكايي دي؟
 كان عملتى الغدوة الكاربة... أنا بخليهو ليك يصل الصفحة التاسعة البوست ده؟
   بس كل مرة خشي في شلاقة جديدة..
 لامن رمضان يخلي ليك شوفك طشاش طشاش.. زي ما قلتي.. طشاش طشاش ده معناه دخلتى سن الشيخوخة المبكرة
 والسبب الريس خالد عابدين خلاكي تذكري عمرك؟ وأنت لسه جديدة بريئة ما عارفة شئ؟
 ما عارفة هنا ناس نجلاء زمراوي بي يدسوا عمرن؟ وكل من هو على شاكلتها؟ على شاكلتها ديل زي ناس محاسن؟ وأميرة على عثمان؟ وأميرة الحومري؟ وانتصار حجازي؟
 اقول ليك حاجة يا سهام
حاجة تشكريني عليها!
 ما تخافي
 ختى في بطنك بطيخة صيفي زي ما بيقولوا المصرين
 كل الأمة الأنا ذكرتها دي أنت أصغر منهم.. وزي ما قال ليك دكتور مصباح.. لسه لسه ما شاء الله.. وزي ما قال ليك أبو أحمد لسه شباب ربنا يديكي العافي
 المهم ظبطي الحلة والغدوة أخلى ليك البوست ده يسرح لامن يصل أم سرح ! جماعتكم واحدين موش مشوا أم سرح؟

المثل صاح
 بس مرات ناس يقولوا( الصقر كان وقع كترة الفتافت عيب)
 يبطبط ويفتفت قريب المعنى.. ما عليك

 أنت محظوظة يا أستاذة سهام
 أقول ليك حاجة؟
 جيـبـي اضانك جاي... أوع أميرة علي دي تسمعنا
.......
 أنت أصغر من أميرة علي عثمان بي كم سنة..
 شفتي كيف..
عشان نحن المناصير راجلن على مرتن عندنا عزاز جدا وما بندور زول يلعب بيهن..
 هو الريس مالو ومال عمرك يا أستاذة.. لغاية ما يقول ليكي أكتبيهو والله ما تكتبيهو؟
 وين الأرباب سلمان عقيد
 وود الحاج شرف الدين ود شيخنا
.......
 لكن يا أستاذة سهام
 يبدو لى أنك ظلمتي الريس خالد ساكت
 الريس خالد ما أظن يقول ليك كدي. خالد ده تاكلي وتقشي أيديك في  جلابيتو
 هسه ناس خالد وناس الأرباب وناس ود شرف الدين والرشيد ويس مصطفى وأبو مصطفى. وانتصار حجازي  وغيرن هناك جماعة.. هسه الناس ديل من شدة ديمقراطتين.لى قدام كدة عايزين نرشحهم نطعم بيهم اللجنة القديمة. عشان أثبتوا حياد وعمل جاد.. لى أهلهم بدون فرز
..........
 قلت ليك يا أستاذة سهام القال ليك عمرك وما عمرك
 ده بيكون التقنية الموجودة في الصوفت وييرد بتاعة المنتدى.. وليس خالد
 والله موش كدة

اول حاجه ياصديق انا ساكنه جبره جنوب*جنوب تقاطع البيبسي شارع رقم ١٠ الغدوه هيني انت وحاكومتكم تشرفونا*قلت لي خالد ماعندو يد في القصه دي اه جزاك الله خير اه النقوم اعمل تعديل بيانات بس انا خايفه القاه لابد واصلو بيجيد القر قر قر قر قر*شكلو رمضان ماظهر فيك نهائي *ارجي الراجيك اليله من نجلاء ومحاسن واميره اليله عاد استعد للفليع ديل مابيتقدرن*اماانا رمضان ظهر فوقي وبكثره يعني لو عاوز تفلع دي فرصتك *لكن انا زوله مابقدر اخلي حقي يعني يوم العيد ممكن ارسلك حجر

لالالا ما تعدلي البيانات
 طوالي  ممكن المنتدى يعمل ليك Lockتاني ما بتقدري تدخلى نهائي..
خليك كدة ضرر أخف من ضرر

أيواااااا جبرا وكدا!
 يبدو أن العصفورة  بتاعتي شبكتا طشت شوية؟ أصلها ما زولة عاصمة
جاية من الأقاليم مع الطيور الما بتحمل ليها خرطة؟ ولا في أيدا جواز سفر..مسكينة.. نقوم نحرك عصافير الخريف بتاعات العاصمة
 والعصافير بتاعاتي أنت قلت خايفة يكونوا من ناس بسم الله
 لالا ديل مافي هسه في رمضان
 عندي
  عصفورة حمامة الوادي.. دي الثورة بالوادي
 وعندي عصفورة شقلبان.. دي الثورة
 وعندي عصفورة بري نفر
 وعندي حنان الحتانة
 وعندي صقر اللاماب
 وعندى بلومة الحاج يوسف
 وعندى زهرة أركويت زهرمان نقول لها
 وعندي صقر العباسية
 وعندي زحل أب دوم
 وعندي جلالة الصحافة
 ولسه في كتير
مافي داعي للبوح المستطاب
 ديل كلهم ممكن يجيبوا شلاقة أي زول

هوى هوى انا اصغر زوله هناء والحمد لله ماعندك عصفوره فى الكدرو

ههههههههههههههههههههههههه
 أميرة الحومري؟
 صاح الحمد لله ما عندي عصفورة في الكدرو

سلام اهلى الحنان
مساء الخير عليكم


                       بمناسبة العمر ،،، فى مستوصف فى صفين واحد بتاع رجال والثانى بتاع نسوان ،، الرجال منظمين لاكين النسوان حلفو مايتنظمو قدر ما ينظموهم ثانى يخربو الصف ،، ماعرفو يعملو ليهم شنو ،، فى الاخر طلع ليهم الدكتور وقال ليهم ،، الكبيرة فيكم تجي قدام ،، اتخيلو كلهم رجعو وراء وسابو الشباك فاضى

يااستاذ ساطع مرحب بيك في البوست بتاعي *عليك الله البوست دا بعد ماغرق مشيت ركبتلو طرور وجيتبو قالع مالك *اسع ابو حنه يجينا مقبض الضحك وماشي *استاذ ساطع انت من ياتو منطقه في المناصير*تشكر علي النكته التي اكدت شلاقتي

سهام علي محجوب كتب:  يااستاذ ساطع مرحب بيك في البوست بتاعي *عليك الله البوست دا بعد ماغرق مشيت ركبتلو طرور وجيتبو قالع مالك *اسع ابو حنه يجينا مقبض الضحك وماشي *استاذ ساطع انت من ياتو منطقه في المناصير*تشكر علي النكته التي اكدت شلاقتي

والله جد ي بت علي الشلاقه وصلتيها حدها
حرم غلبتي ود المهدي الفادني شلاقه ي شلاقه
لكن شلاقتك عنده طعم

والله ياابوسفيان انا لايماك*انت زول واصال *وانا اقع وقوم بي شلاقتي دي وانت ماجيتني زائر عند اهلي دا*والله لو بعرف في الكوره كان جيتكم وشاركت معاكم*اسعدني مرورك وكل سنه وانت طيب *اميره عندها بوست بتاع بسكويت وخايفه ابو حنه يكون هرسو كدي النمشي احصلو

سلام اختى سهام ، وجمعة سعيدة عليك يارب ، جد سعيد بمعرفتك
فعلاً كلنا مناصير لاكين مافيش تعارف كامل زي ماقلتى
انا ياستى من جزيرة شري (ود عيسي) جدى حسن احمد الفكي ،، اعمامى ، ناس خليفة حسن الفكى ، وابراهيم حسن الفكى الشهير ب ( الروبي ) وهاشم حسن الفكى ، الى ااااااااخ ،كثار ماشاء الله ،، ومن جهة الام من اسرة النفعابي ، ناس محمد على النفعابي ، كسلا ، اتولت واترعرعت فى فى كسلا وحاليا فى الخرطوم ،، وانتى من وين؟

والله ياساطع حيرتنا عديل كده انت دحن مشيت وين انشاءالله بس ماعندك عوجي ،وبالمناسبه دي انا حاافتح بوست جديد وحااسميه انشاءالله طيب ،يعني اي زول جاتو زهجه من الكتابه والامسافر والا اي سبب تاني يجيني ماري وياخد الاذن عشان مانشفق عليه ،اهلا بعودتك ونتمني ان لا تنقطع مرة اخري وسررت جدا بمعرفتك وكل عام وانت بخير .وجميع اعضاء منتدي المناصير بلدي بخير

وانتى طيبة ،، تسال منك العافية أن شاء الله
موجووود بس مع جري الدنياء وكدة