القائد حازم داخل الشبكه

هاتفنى  وكلماته تتسابق شوقا للجميع
ذكر من الاسماء وكانه لم ينسى احد
المكاجرين والمعانا
ناس اللجنه وجماعه النائب
الطلاب  وناس الحله
حجر بيضاء وبرتى  شرى وشررى  سور ودماج ارج وبونى
كبنه والعار
الكاب وام بلجى اب رميله والحيبه شرق وغرب
شرق القناجره والقناويت 
الصليعيه والسلمات
والتابعين وتابع التابعين
نحن فى الخطوط الاماميه  وعوجى تب مابتجيكم
اتكجروا وانصلحوا
باكر الامور بتصفى  والجيوب تتملى
امسكوا فى زولكم  وادوه النصيحه 
وافسحوا المجال  للزول البدق صدروا
وصايه من زولا  شاف الهوايل هنا
الدم ذى المويه  والسكين البيتقطع البصله تقطع الرقبه
احمدو الله انتم فى نعمه
باكر بجيكم 
وكلى شوق لكل زول كتب على صفحات هذا المنتدى
انا راجع محل ماجيت  لاشبكه لاطل 
الغطا السماء والفراش الدايمه
مابنسمع غير الرعد والرعد
 رعد السماء ورعد العدو
لكن بجيكم ان ربنا طول فى العمر
اخوكم حازم

ا استودعناك الله الذى لاتضيع ودائعه

متين يصبح صباح باكر وحازم يرجع ويرجع معه كل منصورى يدافع عن هذا النظام الذى ظلم أهله ...

[quote"(الحاج شرف)"]هاتفنى  وكلماته تتسابق شوقا للجميع
ذكر من الاسماء وكانه لم ينسى احد
المكاجرين والمعانا
ناس اللجنه وجماعه النائب
الطلاب  وناس الحله
حجر بيضاء وبرتى  شرى وشررى  سور ودماج ارج وبونى
كبنه والعار
الكاب وام بلجى اب رميله والحيبه شرق وغرب
شرق القناجره والقناويت 
الصليعيه والسلمات
والتابعين وتابع التابعين
نحن فى الخطوط الاماميه  وعوجى تب مابتجيكم
اتكجروا وانصلحوا
باكر الامور بتصفى  والجيوب تتملى
امسكوا فى زولكم  وادوه النصيحه 
وافسحوا المجال  للزول البدق صدروا
وصايه من زولا  شاف الهوايل هنا
الدم ذى المويه  والسكين البيتقطع البصله تقطع الرقبه
احمدو الله انتم فى نعمه
باكر بجيكم 
وكلى شوق لكل زول كتب على صفحات هذا المنتدى
انا راجع محل ماجيت  لاشبكه لاطل 
الغطا السماء والفراش الدايمه
مابنسمع غير الرعد والرعد
 رعد السماء ورعد العدو
لكن بجيكم ان ربنا طول فى العمر
اخوكم حازم[/quote]
بالله شوف حلاوة النضم اللي اتحرمن منو ده
ربنا بحاسبك يا حازم
قسما بالله ياحاج في بداية بوستي حق بيت البقانه
كتبت(الله.... مشتاق ليك كتير يا حازم..لو ما لاقيتك
كأني ما أجزت ) لكن مسحتها عشان ما افرز..
وكنت ناوي اهريهو ليك بالتلفونات...
هكذا نحن يا حازم أذا أحببنا أحببنا بعنف
لكننا لا نكره.
نناشدك يا يوم بكره ان تسرع

[quote"(الحاج شرف)"]هاتفنى  وكلماته تتسابق شوقا للجميع
ذكر من الاسماء وكانه لم ينسى احد
المكاجرين والمعانا
ناس اللجنه وجماعه النائب
الطلاب  وناس الحله
حجر بيضاء وبرتى  شرى وشررى  سور ودماج ارج وبونى
كبنه والعار
الكاب وام بلجى اب رميله والحيبه شرق وغرب
شرق القناجره والقناويت 
الصليعيه والسلمات
والتابعين وتابع التابعين
نحن فى الخطوط الاماميه  وعوجى تب مابتجيكم
اتكجروا وانصلحوا
باكر الامور بتصفى  والجيوب تتملى
امسكوا فى زولكم  وادوه النصيحه 
وافسحوا المجال  للزول البدق صدروا
وصايه من زولا  شاف الهوايل هنا
الدم ذى المويه  والسكين البيتقطع البصله تقطع الرقبه
احمدو الله انتم فى نعمه
باكر بجيكم 
وكلى شوق لكل زول كتب على صفحات هذا المنتدى
انا راجع محل ماجيت  لاشبكه لاطل 
الغطا السماء والفراش الدايمه
مابنسمع غير الرعد والرعد
 رعد السماء ورعد العدو
لكن بجيكم ان ربنا طول فى العمر
اخوكم حازم[/quote]      



)كلام جمييييييل وعظيم من انسان عظيم وردك الله لدلرك ردا جميلا...وجزيل الشكر لناقل ه>ه الاخبار

من المتوقع ان يصلنا الاخ حازم ويشارك فى لقاء الباسقات
نتمنى ان يكون ذلك مؤكدا باذن الله  ويصلنا

عاد ياربى تغطى عليهو وتحفظو ويعود لينا سالم ؟؟؟ قيادة وريادة ؟؟؟
حازم الحازم
ربنا يغطى عليهو ويحفظه لاولاده وبناته يا رب ؟؟؟

خالد عابدين كتب:ظروف العمل جمعتني أحيانا بالكثير من زملاؤه 
ما أن تقول الاسم إلا ويكمل لك محدثك بالمنصوري وكلمات الثناء والشكر فنسعد  نحن وترتفع هاماتنا فخرا وعزا 
منصور دائما ياحازم  وربنا يجيبك بالسلامة وتحضر هذه اللمة الجميلة 

 الزعيم علم علي راسه نار معروف الي جميغ ناس الجيش السوداني المظلات خاصه والحيش عامه المنصوري رجل المهام الصعبه
ولفد عايشت في جبل الاولياء وكان خير مثال الضابط السوداني وكان بعرفه القاصي  والداني

جزيت عن المناصيرالف خيرجعلك الله ذخرا لوطنك الكبير والصغيره

لقد قابلت الحازم امس

وهو ظاهرا للعيان وسلمنا عليه سلاما حارا

سامى احمد محمد كتب:الحمد لله فقد وصل الأخ حازم فى إجازة قصيرة وهو الآن وسط حفاوة الأهل والأصدقاء
نتمنى له إجازة طيبة هنيئة وسعيدة
وقد إكتحلت عيناى أمس برؤيته
حفظك الله أينما حللت

 يا فرحه ما تمت وياحسره تعاظمت 
هدف اساسي من اهداف اجازتنا نلاقيك
أيها القائد مصدر فخر المناصير
تاني ما تمشي هناك..انت البلد دي هولك وحدك؟
احببناك بعنف وكانت الحسرة كذل
خيرها في غيرها

مرحبا بالاخ حازم وانت بعاصمه اللاءات الثلاثه الزمان 
والمدن الثلاثه
ربنا يقدرك تحومن كلهن
تعزى وتهنئ
ولاترجع

التحيات الزاكيات لكل من كتب  مرحبا  .   وتعجز الكلمات  للثناء  علي قاماتكم السامقه ... ترعرعنا في  طبيعة واحده وموطن واحد وقبيلة واحده  فكل ذلك الثتاء  نابع من  اصالة معدنكم الذي   افتخر بالانتماء اليه ..  شكرا سادتي  فقد اطرأتم علي اكثر ممااستحق  فأنا مازلت درفونا اخربش علي تراب بلدي والذي جميعنا يحتاجنا  لنضع تبانه   علي جداراه ليحاكي حيشان القبائل من حولنا ...
شكرا مديرنا الهمام  خالد عابدين
شكرا الاداري الناجح الحاج شرف
الباقي بجيكم مانحن كلنا  ترابله في ساقيه خالد عابدين
وبعدين  الزول لازم يكادن الجدول وبعد داك يقرع مويتو
شكرا لكم جميعا  
حازم

مرحبا الاخ حازم والف حمد لله علي السلامة من ديك البلاد الموكرة

يا زول .. يا سعادتو الحكاية شنو...... قال شاعرنا ود بروي .. مالك رحلت بعيد علك ما شديد.. يا اخي دارفور والنيل الأزرق دي بس مخلنها للمناصير وله الحكاية شنو يا جماعة ؟؟ ابن عمي سعادتو حسن سليما ن في الفاشر .. ابن اختي في بنك أم درمان .. نيالا.. ونسيبنا ابراهيم محمد ابراهيم كان جلس اكثر من 4 سنوات في دار فور.. وجودابي في النيل الأزرق .. وغيرهم كثيرين.. الف حمداً لله على السلامة اخي حازم .. انشاء الله تكون بخير وتقضي اجازتك مع اهلك وحبايبك في امن وسلام .. ورمضان كريم .. وتقبل خالص تحياتي والتحية والتقدير للأخوان جميعهم.