العجب...في لقاء مرتقب

من طرف **م بروي** الخميس 09 مايو 2013, 10:13 pm

وعد اخونا الدكتور عبد المطلب الفحل بلقاء تلفزيوني
غالبا من نخصص اكبروقت ممكن من هذا اللقاء عن تاريخ
وبطولات أهلنا المناصير عبر التاريخ

ــــــــــــ
نحنا مناصير الحجر النضح ماروق
البركاوي ودلقاي والعرجون والكروق
ونحنا سماحة النيل الطمح لي فوق
أخلاق قمه لافي انسان ولا في جان ولا مخلوق
وكرم الخلوه ماشي صواني فوقهاطبوق
قداحه ملانه بالقماح وشاي مطبوق
إن خاويتنا تلقى رجاله واقفي مروق
إخوان حاره والسند والضهر مطلوق
وإن عاديتنا يا مسكين ركب خاذوق
في ساقة الحارة الشافع يسوق أرقوق
وسيفنا(مطق)والضهر الخريتو شقوق
يوم خواجه في ليلتاً صبح مزنوق
وجاتو أسود وقدامن وقف ممحوق
ورطن(أب جِقرِي)و(المارتين)وهاجت نوق
وولداً حار ملان غيره وقف محروق
وانعقدت ورا حاجبينو سبعه عروق
وشال الأبيض اللصَّاف وطار لي فوق
وخلط الفقره والمخروقه والطايوق
ـــ
لقبه
ـــ
المارتين واب جقري من اسلحتنا النارية زمان
المطق سيف الملك السوكري

ونحن الروعة شيمتنا وفوق الروعة زدنا سموق

شبابنا كريمة أخلاقو سليم النية صافى صدوق

[b]أدهشتنا

قلنا نجاريك فضحكت علينا الكلمات وسخرت منا القوافى

تسلم لنا يا راقى

الله الله ابداع والله ياشاعر البلد---وكمان الشاعر الكبير سامى—جاييكم راجع

من طرف **نورالهادى** الجمعة 10 مايو 2013, 2:42 am

الله الله شاعرنا الكبير ابداع لدرجة الدهشة ,مرينا من هنا واستمتعنا بهذه التحفة الرائعة .

من طرف **علي الكليس** الجمعة 10 مايو 2013, 4:38 pm

لله درك ولافض فوك ايها الشاعر الفحل دمتم رمزا وفخرا لاهلك وقبيلتك .العرب وهم من هم في الفصاحه واللغه كانوا يحتفلون بميلاد شاعر في قبيلتهم .المناصير (القبيله ) فخوره حتي الثماله بك وبكل ال بروي. بفضلكم صار لنا اسم بين القبائل وبكم تعرف الناس علينا وعلي تراثنا وتاريخنا وكرمنا وشهامتنا بعد ان طمسها من كتب التاريخ مع سبق الاصرار والترصد طمسها عن قصد وكانت ستكون الخاتمه بطمس كل المعالم تحت مياه السد ولكنكم بشعركم وغناءكم حفظ كل هذا التراث والتاريخ في وجدان ولسان كل منصوري..اجد نفسي عاجز عن الكتابه عنكم لان مادونتموه في تاريخ القبيله اكبر من الكلمات وهذا يستحق شي اخر غير الكلام امل ان يتم ذالك

من طرف **abuahmed** السبت 11 مايو 2013, 2:06 am

تسلم اخوي محمد

رمية جميلة من سامى ووعد قوي من ودعقيد وتوقع دخول بقية العقد الفريد من شعرائنا

شاعر القبيلة دفر المركب ...... عدوا علي بوني

من طرف **عازه** السبت 11 مايو 2013, 2:30 am

روائع اكثر من جميله يسلم شاعرنا وجميع المتداخلين

من طرف **م بروي** السبت 11 مايو 2013, 1:24 pm

سامى احمد محمد كتب:ونحن الروعة شيمتنا وفوق الروعة زدنا سموق

شبابنا كريمة أخلاقو سليم النية صافى صدوق

[b]أدهشتنا

قلنا نجاريك فضحكت علينا الكلمات وسخرت منا القوافى

تسلم لنا يا راقى

سليم النية صافي صدوق
كلام مطابق لأخلاق اولادنا لو
ما اتلغوست الأخلاق الكنا عارفنها
تسلم سامينا الرائع السامي

من طرف **م بروي** السبت 11 مايو 2013, 1:31 pm

سلمان عقيد النعوفابى كتب:الله الله ابداع والله ياشاعر البلد---وكمان الشاعر الكبير سامى—جاييكم راجع

نورت مطرحك يازعيم

من طرف **م بروي** السبت 11 مايو 2013, 1:32 pm

نورالهادى كتب:الله الله شاعرنا الكبير ابداع لدرجة الدهشة ,مرينا من هنا واستمتعنا بهذه التحفة الرائعة .

الدهشه في وجود الجميل بيننا
تسلم

من طرف **م بروي** السبت 11 مايو 2013, 1:46 pm

علي الكليس كتب:
لله درك ولافض فوك ايها الشاعر الفحل دمتم رمزا وفخرا لاهلك وقبيلتك .العرب وهم من هم في الفصاحه واللغه كانوا يحتفلون بميلاد شاعر في قبيلتهم .المناصير (القبيله ) فخوره حتي الثماله بك وبكل ال بروي. بفضلكم صار لنا اسم بين القبائل وبكم تعرف الناس علينا وعلي تراثنا وتاريخنا وكرمنا وشهامتنا بعد ان طمسها من كتب التاريخ مع سبق الاصرار والترصد طمسها عن قصد وكانت ستكون الخاتمه بطمس كل المعالم تحت مياه السد ولكنكم بشعركم وغناءكم حفظ كل هذا التراث والتاريخ في وجدان ولسان كل منصوري..اجد نفسي عاجز عن الكتابه عنكم لان مادونتموه في تاريخ القبيله اكبر من الكلمات وهذا يستحق شي اخر غير الكلام امل ان يتم ذالك

أنا من وجد نفسه عاجز مكبل لا يقوى
على التعبير لكي آتي بكلمات تفوق
النظم جمالا واتساقا وروعة وحسن تعبير
كما فعلت يا رجل..فقد ادهشتنا دبلوماسيتك
الرصينه وعلمت بعد حديثك كيف يتقدم الإنسان
الصفوف ليقود ويوجه حين يتسلح بحلم نبيل
ويتوشح التسامح ويستنشق عبير التصافي الصافي
تسلم يا أستاذ

من طرف **م بروي** السبت 11 مايو 2013, 1:51 pm

abuahmed كتب:تسلم اخوي محمد

رمية جميلة من سامى ووعد قوي من ودعقيد وتوقع دخول بقية العقد الفريد من شعرائنا

شاعر القبيلة دفر المركب ...... عدوا علي بوني

صديقي السمح
انا لما اشتركت في
هذا الموقع كنت داخل باسم(ودبوني)
لحبنا لتلك البقعه الطيبه من ارضنا
ومحبتاً في أهلها السمحين..ناس ضكرانين
عدينا عليهم يازعيم..الله يقدرنا

من طرف **م بروي** السبت 11 مايو 2013, 1:55 pm

عازه كتب:روائع اكثر من جميله يسلم شاعرنا وجميع المتداخلين

وتسلم الدكتوره التي تستقطع من زمنها الغالي
ليكون لنا منتدى حي كبقيه خلق الله في الوقت الذي
يبخل فيه الناس بكتابة سطرين تسهم في هذا الاتجاه
هنيئا لنا بها وهنيئا للبخلاء بالعزم الضئيل

تسلم وستذنا وعمنا د . م بروي علي الكلمات الرائع المعبر عن تاريخ المناصير والطبيعة التي عشناهافيها والتاريخ الذى دسره الزمن واغمرتوه مياه سد الحمداب
لولا كلماتك وابداعاتكم لراح مع الرياح واندسر تسلم يارائع
والله الكلمات لاتعبر عنك فأيقنت انا الدعاء هو خيرن لكم
ونقول ربنا يوفقك ويسدد خطاك

نحنا مناصير الحجر النضح ماروق
ونحنا اهل السواقى اللى نص الليالى تسوق
نحنا الطين ونحنا الطوف ونحنا الطوريى والواسوق
ونحنا التمر الشمخ فى الطول وحس قمريهو سوا القوق
نحنا النيل ونحنا جروف ونحنا اللقبة والسبلوق
نحنا السار ونحنا البار والعجب ان سدر لافوق
تلقى الدانقا والديوان والخلوة والتقروق
ونحنا خريفنا ضحوى يرزم رعدو ليهو بروق
وساعة الحارة تلقى رجالة صارا جبينا كلو عروق
وراثين الفراسة ومن زمنا بعيد باقين للدخيل خاذوق
وفى تاريخنا شوف كيف كانت نهاية الكرنوق

من طرف **عباس محمد** السبت 11 مايو 2013, 3:40 pm

اندهشنا حتى الثمالة ولم نجد من الكلمات ما نعبر بها
على هذا السيل المتدفق من هذا الابداع المتفرد
يسلم نسيبنا ودبروى
ويسلم الارباب ود عقيد الذى زاد حيرتنا

من طرف **م بروي** السبت 11 مايو 2013, 6:14 pm

عبدالدافع على سليمان كتب:تسلم وستذنا وعمنا د . م بروي علي الكلمات الرائع المعبر عن تاريخ المناصير والطبيعة التي عشناهافيها والتاريخ الذى دسره الزمن واغمرتوه مياه سد الحمداب
لولا كلماتك وابداعاتكم لراح مع الرياح واندسر تسلم يارائع
والله الكلمات لاتعبر عنك فأيقنت انا الدعاء هو خيرن لكم
ونقول ربنا يوفقك ويسدد خطاك

ولدنا عبد الدافع
سلامات وان شاء بسط في الشمال
البركاوي وودلقاي والبور والعرجون والكروق
لا نعني بيهاما تم غمره وبس بل سوف تحل محل حجارنا
شوامخ النخل النضيد وقريبا بحول الله.

من طرف **م بروي** السبت 11 مايو 2013, 7:27 pm

سلمان عقيد النعوفابى كتب:نحنا مناصير الحجر النضح ماروق
ونحنا اهل السواقى اللى نص الليالى تسوق
نحنا الطين ونحنا الطوف ونحنا الطوريى والواسوق
ونحنا التمر الشمخ فى الطول وحس قمريهو سوا القوق
نحنا النيل ونحنا جروف ونحنا اللقبة والسبلوق
نحنا السار ونحنا البار والعجب ان سدر لافوق
تلقى الدانقا والديوان والخلوة والتقروق
ونحنا خريفنا ضحوى يرزم رعدو ليهو بروق
وساعة الحارة تلقى رجالة صارا جبينا كلو عروق
وراثين الفراسة ومن زمنا بعيد باقين للدخيل خاذوق
وفى تاريخنا شوف كيف كانت نهاية الكرنوق

يا سلام وياسلام يا ارباب
جئت با عجزنا عنه
تسلم يا زين

من طرف **م بروي** السبت 11 مايو 2013, 7:34 pm

عباس محمد كتب:اندهشنا حتى الثمالة ولم نجد من الكلمات ما نعبر بها
على هذا السيل المتدفق من هذا الابداع المتفرد
يسلم نسيبنا ودبروى
ويسلم الارباب ود عقيد الذى زاد حيرتنا

النسيب الحبيب
سلام واشواق
لما نقول نحنا اخلاقنا لافي انسان ولافي جان ولا مخلوق
كأننا اياك نعني يا عباس فأنت مثالنا في الخلق الرفيع

من طرف **عازه** السبت 11 مايو 2013, 8:01 pm

ان الكلام لايفي حقكم في التعبير عن بعض ماقدمتموه من كثيرا فشكرا لكم .......... ربما هي مجرد حبر علي ورق ولكننا نعيها ونحفظ اشعاركم ودمتم ذخرا للمناصير

من طرف **نجلاء زمراوي** السبت 11 مايو 2013, 8:25 pm

تسلم شاعرنا القبيله...
جبنا المترجم يترجم قلبنا نحلو القصيده......
دمت زخرا للمناصير
تقبل تحيات الاستاذ

من طرف **م بروي** الأحد 12 مايو 2013, 4:28 am

عازه كتب:ان الكلام لايفي حقكم في التعبير عن بعض ماقدمتموه من كثيرا فشكرا لكم .......... ربما هي مجرد حبر علي ورق ولكننا نعيها ونحفظ اشعاركم ودمتم ذخرا للمناصير

يعجبني الزول الذي لم يتربى في
المناصير ومشحون محبه وغيرة لتلك البقعه
العزيرة وأهلها السمحين..
حبوبه... انتي رايعه

من طرف **م بروي** الأحد 12 مايو 2013, 4:37 am

نجلاء زمراوي كتب:تسلم شاعرنا القبيله...
جبنا المترجم يترجم قلبنا نحلو القصيده......
دمت زخرا للمناصير
تقبل تحيات الاستاذ

أم وضاح ..سلام
دورنا في مقاعد المتفرجين
نشجع بضراوة لكنه سيظل في خانة
جهد المقل فأنتم الفريق المقاتل
من أجل نصرة قبيلة رزحت تحت سياط الظلم
تحياتي للأستاذ الغيور و تحيات
مثلها لصديقي عبد القادر وزوجه الكريمه

من طرف **النفر** الأحد 12 مايو 2013, 7:05 am

صاحبى السمح الرزين وخلوق
ليك منى .... السلام مطبوق
نظم ينداح ذى العسل مدلوق
كل واحد يمنى النفس منو يذوق
بيجك على روااااقه لما أفوق
صاحبك اليومين ديل مزنوق
شى دوام ومعاهو حوامة سوق
عاد ماطارى السفر وللبلد بيتوق
____________________

ود عمتى شكرا لهذا الابداع لك وللقامات السامقة التى شاركت معك , ونحن ناس المساطب الجانبية تشجيع بس .
لك شكرى وتقبل مرورى.

من طرف **م بروي** الأحد 12 مايو 2013, 6:55 pm

النفر كتب:صاحبى السمح الرزين وخلوق
ليك منى .... السلام مطبوق
نظم ينداح ذى العسل مدلوق
كل واحد يمنى النفس منو يذوق
بيجك على روااااقه لما أفوق
صاحبك اليومين ديل مزنوق
شى دوام ومعاهو حوامة سوق
عاد ماطارى السفر وللبلد بيتوق
____________________

توصل بالسلامه يا سليم الذوق
وتفرح بيك ناساً دا تموت بالشوق
كل الشعراء في الحلي التحت والفوق
لافي دوام ولا في زحام ولافي مروق
لازهجان ولا سهران ولا مريوق
عزومات يومي والزول السمح محدوق
ولمة ناس وفرحة ناس وكلات سوق
ـــــــــــــــــــ
لقبه
هدايا جلكسي تشحن كبسي ماها دلوق
قرقرقر

من طرف **م بروي** الأحد 12 مايو 2013, 7:02 pm

نصرالدين ابوزيد حامد كرار كتب:ود عمتى شكرا لهذا الابداع لك وللقامات السامقة التى شاركت معك , ونحن ناس المساطب الجانبية تشجيع بس .
لك شكرى وتقبل مرورى.

سلام ود الخال
ما صنعتموه من أجل القبيله
جهدنا ذرة من يم بجانبه
لكم مليون تعظيم سلام

من طرف **abuahmed** الأحد 12 مايو 2013, 7:05 pm

نضحك، نقرقر، نستمتع، نشجع ونشكر

تسلموا يا رايعين

من طرف **م بروي** الأحد 12 مايو 2013, 7:19 pm

abuahmed كتب:نضحك، نقرقر، نستمتع، نشجع ونشكر

تسلموا يا رايعين

كلو ده ملح؟
خلى الاستهبال وامشي
على الطربيزه ديك فوقها الكشف
قرقرق

اصل الروعه حيضانه وميها وجدولها وبابورها

من طرف **سامى احمد محمد** الأحد 12 مايو 2013, 8:23 pm

ونحن الروعة شيمتنا وفوق الروعة زدنا سموق
شبابنا كريمة أخلاقــو سليم النية صــافى صــدوق

معاملة سمحى لى أبواتنا لى أماتنا مافى عقـــــوق

شديد وعنيف لمان يغضب وسمح ساهل لما يروق

القيم القبيل السمحة فى أجدادنا ما لاقتنى فى مخلوق

عدونا نهينو إن فات الحدود والمرة ليها يضـــوق

نعمر لى بلدنا نعيدو نخيل من تانى روق فـوق روق

ويرجع ليهو قمرى الفاتو يصدح فيه ويسوى القوق

نعمر من جديد واطاطا جداول الموية والسبــــــلوق

وكان تانى البحيرة تفيض برضو نزح نروح لا فـوق

ومهما نغيب ديار منصور ليكى نعود يسوقنا الشــــوق

وللداير يرحل ناسا ليهو بقول ألحس ليهو كوعك ضوق

ـــــــــــــــــــــــــــــــــــــــ

عذراً على تطاولنا شاعرنا الرائع

عذراً المرور الكرام

تقبلوا ( درابنا ) واضحكوا فغاية مانتمنى ألا تفارقكم البسمة أبداً

سامى احمد محمد كتب:
ونحن الروعة شيمتنا وفوق الروعة زدنا سموق
شبابنا كريمة أخلاقــو سليم النية صــافى صــدوق

معاملة سمحى لى أبواتنا لى أماتنا مافى عقـــــوق

شديد وعنيف لمان يغضب وسمح ساهل لما يروق

القيم القبيل السمحة فى أجدادنا ما لاقتنى فى مخلوق

عدونا نهينو إن فات الحدود والمرة ليها يضـــوق

نعمر لى بلدنا نعيدو نخيل من تانى روق فـوق روق

ويرجع ليهو قمرى الفاتو يصدح فيه ويسوى القوق

نعمر من جديد واطاطا جداول الموية والسبــــــلوق

وكان تانى البحيرة تفيض برضو نزح نروح لا فـوق

ومهما نغيب ديار منصور ليكى نعود يسوقنا الشــــوق

وللداير يرحل ناسا ليهو بقول ألحس ليهو كوعك ضوق

ـــــــــــــــــــــــــــــــــــــــ

عذراً على تطاولنا شاعرنا الرائع

عذراً المرور الكرام

تقبلوا ( درابنا ) واضحكوا فغاية مانتمنى ألا تفارقكم البسمة أبداً

والله يا سامى يا اخوى الظاهر عليك داير تطفشنا من المنتدى دا , وقت الكلام الحلو دا دراب يعنى مشاركاتنا نحن بعر يكرمو السامعين والله شنو يعنى .تسلم سامى .

تسلم أخى نصر الدين ــ بالطريقة دى الواحد يقوم يصدق وبعدين يصك آذانكم ويعمى أبصاركم

أى حاجة ولا تطفيشتك من المنتدى ـ لك ودى وتقديرى

من طرف **abuahmed** الإثنين 13 مايو 2013, 3:35 am

ود بروي وود بوني

قريت مساهمه سامي واخدت تلاتة برجات في الحوش

كيفني ليك

مش ختة كويسة في الكشف

والله سامي رائع

نحن في انتظار بقية المبدعين

من طرف **ود عون الله** الإثنين 13 مايو 2013, 4:19 am

سند ضهري علي ضهر الجياد والنوق

ايا جنيات اقيفو حداي بنات منصور اقيفن روق

مناصير الحجر والنيل جبال منشحطة فيها بروق

شربنا العزة في الأرحام وفي لبن العقا الممقوق

وردة ريدنا طورية تكادن في بحور الشوق

تشبع للبعيد والجار قبل شافعنا ذاتو يضوق

نلوك الدنيا ناطا الجوع وما ناكل حرام مسروق

نشد الحيل نعدل الميل نرفع للوقع مصفوق

وللكازانا في العركات نحنا القرحة والشاقوق

نغير دفة التيار نبدل غربو يبقي شروق

عدونا نقطعوا الطنات نشرب دمو بالشربوق

تعال اسمع الم تسمع جمال كرنوق

كانت قصة في العيساب والخواجةكان منفوخ بارم شنبو زي دقشوق

بدورلي خيول بدور راحلات بدور النوق معاها علوق

عاد اشمرت جنيات وجانا العمدة زايد طوق

واتقلب الحجر مخلوق

كتاب العزة في وش الرجال ملصوق

كان الامر بالنظرات امر منظور وغير منطوق

اشوف تتسابق الجنيات حب الموتة زادن شوق

سريع اتقاسمو الكرنوق والمنفوخ صبح حنقوق

وااااسفاي علي التاريخ صبح مسروق

من طرف **abuahmed** الإثنين 13 مايو 2013, 1:45 pm

ود بوني

شفت الولاد ديل رايعين كيف

ياسلام ياسلام

عارف يا صاحبي ودبروي

مرة من المرات ونحن في بلاد الغربة

الجالية عملت ليها احتفال بالاستقلال وكان الفنان كابلي وقدم روائعه والقاعة مليانة بالمغتربين والمغتربات والامهات

واحد من الحضور (مسنن شوي) مسك المكرفون من الكابلي واداها ليك زغرودة كاربة ، والقاعة ضجت بالضحك

وصاحبك قل ليهم طيب الحريم اسوي ليهم شنو رغم الابداع والهجيج هن ساكتات ساي ما لازم اقوم بالواجب

غايتو يا صاحبي نحن نستمتع بروائع اولادنا ونبرج في الحوش

تسلموا يا رايغين

واصلوا كتابة التاريخ شعرا

ود عون الله كتب:سند ضهري علي ضهر الجياد والنوق

ايا جنيات اقيفو حداي بنات منصور اقيفن روق

مناصير الحجر والنيل جبال منشحطة فيها بروق

شربنا العزة في الأرحام وفي لبن العقا الممقوق

وردة ريدنا طورية تكادن في بحور الشوق

تشبع للبعيد والجار قبل شافعنا ذاتو يضوق

نلوك الدنيا ناطا الجوع وما ناكل حرام مسروق

نشد الحيل نعدل الميل نرفع للوقع مصفوق

وللكازانا في العركات نحنا القرحة والشاقوق

نغير دفة التيار نبدل غربو يبقي شروق

عدونا نقطعوا الطنات نشرب دمو بالشربوق

تعال اسمع الم تسمع جمال كرنوق

كانت قصة في العيساب والخواجةكان منفوخ بارم شنبو زي دقشوق

بدورلي خيول بدور راحلات بدور النوق معاها علوق

عاد اشمرت جنيات وجانا العمدة زايد طوق

واتقلب الحجر مخلوق

كتاب العزة في وش الرجال ملصوق

كان الامر بالنظرات امر منظور وغير منطوق

اشوف تتسابق الجنيات حب الموتة زادن شوق

سريع اتقاسمو الكرنوق والمنفوخ صبح حنقوق

وااااسفاي علي التاريخ صبح مسروق

لافض فوك يادكتور ود عون الله , حاجه كده ذى النسيم تدخل فى مسارب الروح وتنعش الوجدان وتغسل الآذان .
واصلوا يا مبدعى بلادى , وعاوزين صالون ودبروى للابداع دا يكون لنا واحة نستظل فيها من هجير الغربة , تسلموا وربنا يحفظكم .

دكتورنا الرائع جداً ود عون الله أدهشتنا يا جميل

أين كان هذا ؟

إقترح فتح بوست بإسم الوجه الآخر للأعضاء تسكب فيه مثل هذه الإشراقات

تسلم لنا

يا سلام يا دكتور---يا ود بروى لى سامى اخدلك برجات فى الحوش—طيب لى ود عون الله حاتعمل شنو—اقترح ان يفتح بوست ويكون مثبتا لابداعات الاعضاء من الشعر---وياريت يبدأ شاعر البلد ود بروى واقترح ان تبدأ الناس على قافية وموسيقى اغنية الله هوى--

من طرف **عباس محمد** الإثنين 13 مايو 2013, 8:56 pm

ادهشنا دكتور عون الله بهذا النظم
ومن قبله الاخ سامى الجمنا بالدهشة
كما حيرنا الارباب ودعقيد
اقترح فتح بوستات لثلاثتهم عندنا هناك
على وزن ما قام به القامة النفر والباشمهندس الفكى احمد
ونحن فقط نضحك نقرقر نتبسط
تسلموا يا رائعون مع اصل الروعة نسيبنا ودبروى

ربنا يحفظكم ويخليكم لي وطنكم المناصير مهذب امامكم يكون الكلااااااااااااام

من طرف **م بروي** الخميس 16 مايو 2013, 3:45 am

لا حوووووووووولا بالله كل الرايعين
ديل جوا بي جاي وأثروا المحل ده
وأنا ما جايب خبر؟؟؟
بجيكم فرداً فرداً ..سامحوني
يا أحلى أولاد بلدنا

من طرف **(الحاج شرف)** الجمعة 17 مايو 2013, 3:23 am

[quote="م بروي"]وعد اخونا الدكتور عبد المطلب الفحل بلقاء تلفزيوني
غالبا من نخصص اكبروقت ممكن من هذا اللقاء عن تاريخ
وبطولات أهلنا المناصير عبر التاريخen]القصيده التى اكمل بها شاعرنا ودبروى خبره
جعلت الجميع ينصرف عن الموضوع
يوم موعد هذا اللقاء سوف نترك مشاغلنا وجرينا ونقعد حليقه حول التلفزيون
هذا الجهاز الذى احتله الساده الاطفال واصبحنا لانعرف موقعه فى بيتنا فقط نسمع صوته من بعيد
بعد ان شفرنا مايستحق التشفير
عليك ان تعد العده وعلى الجميع المسانده بالراى والمعلومه
ولتكن بدايه حقيقيه لتصحيح التاريخ
بعد ان طمس نعوم شقير واتباعه وسابقيه كل مجاهدات المناصير وبطولاتهم فى ام دويمه وجبل موسى والكربكان
حتى لايسجل التاريخ انتصاراتهم على الدول الغربيه الكبرى فى ذلك الزمان بموت قادتهم
بارض المناصير