مواقف طريفة في حياتنا

كل منا مرت عليه مواقف طريفة جميلة مضحكة بعضها قد يكون نتيجة للنسيان مثلي ومثل صاحبي ود البروي ودي ماها من الزهايمر ولكنها كترت مشغوليات وبعضها قد تكون مواقف محرجة ولكنها مضحكة وبعضها وبعضها .... وبعضها
فقمت بفتح هذا البوست لنتشارك فيه ذكريات مواقف جميلة مرت بنا يكون فيها شيئ يدخل البهجة والسرور بيننا وذلك لأني أرى أن من المهام الرئيسية لهذا المنتدى أن يكون فيه مثل هذه الأشياء التي تزيد في الروابط بين الناس وتكون شجرة وارفه نلجأ إليها من هجير الغربة وشمس الصنهار في دروب الحياة

لأبدأ بهذه
كنت في احد المرات نهاية الدوام جايي من الكلية بسيارتي وماشي على بيتي وفي نصف الطريق فجأة تخيل إلي أني نسيت مفاتيحي في المكتب في الكلية فوقفت فجأة على جانب الطريق عشان أرجع إلى الكلية وبدأت افكر أسع أقرب محل ألف منه وين عشان أرجع الكلية وانا افكر في ذلك فجأت ضحكت على نفسي لأن مفاتيحي ومعاها مفتاح السيارة هي المشغله السيارة أمال السيارة شغالة بي شنو
ضحكت على نفسي وواصلت مسيري إلى البيت
طبعاً ما كلمت بها المدام عشان ما تضحك علي وإنتو كمان ما تكلموها

من طرف **علي الكليس** الجمعة 26 أبريل 2013, 11:24 pm

د/جسين تحياتي ....موقفك هذا ذكرني بموقف صديق عزيز اسمه الشيخ منور من اولاد البديريه كان معنا بمنطقة القصيم وكان رجلا خلوق وطيب وكريم واخو اخوان الا ان عيبه الوحيد انه كثير النسيان لدرجة قف .مره عمل زياره لوالدته وفي الموعد المحدد لوصولها ركب سيارته لاحضارها من المطار ونحن كنا في منزله لاستقبالها وفجاه نشوف زولنا نازل هو وامه من التاكسي امام المنزل طبعا استغربنا جدا وعند سؤالنا له عن السبب الرجل وضع يده علي راسه وقال والله نسيت عربيتي ..باقي لي دا فاتك بي غادي وجايب فيك قونين

شكرا الأخ على الكليس على هذه المشاركة ولك تحياتي

وهذه واحدة أخرى من مواقف النسيان

سمعت أحدهم يقول كان عندي لقاء فقمت بكتابة نقاط اللقاء في الجوال وبعدها بمدة إتصل علي أحد الأخوة يسألني عن نقاط اللقاء فقلت له لحظة بس وبدأت أفتش في الجوال في الحجرة ما خليت محل وفتشت تحت المخدات وتحت الكراسي وأنا ماسك الجوال في إيدي وإتكلم معاه أقوله بس خليك معاي شوية ولما الحكاية زادت عن حدها وأنا أفتش قلت ليه يا أخي النقاط أنا كاتبها في الجوال وما ني لاقيه فضحك وقال لي إمال إنت بتتكلم معاي من وين

ومن خجلي ما قدرت أقول ليه أنا ناسي الجوال البتكلم منه فقمت قلت ليه لا هي في الجوال الآخر وأنا ما عندي جوال تاني ولا حاجة

تحصل معانا كلنا

من طرف **م بروي** السبت 27 أبريل 2013, 2:05 pm

برفيسور جامعي ضعيف الذاكرة توقف للحديث مع أحد طلابه لدقائق وعندما
انتهى سأل الطالب "أنا كنت ماشي في الاتجاه كدة ولا كدة؟" فأشار الطالب
للاتجاه وعندها قال البرفيسور "يعني بكون فطرت وراجع المكتب".
صباحات الخيرات يا بروف دي المواقف البي تخلي الزول يطمئن بأن الحكايه ما خرف.
نروق ونتذكر ونجيك..قصة الشمباني(البتذكر منو؟) تسلم حبيب الكل

من طرف **(الحاج شرف)** السبت 27 أبريل 2013, 2:23 pm

شكرا د حسين فعلا نحتاج لمثل هذه البوستات

المسافه من البيت للمكتب تقدر بحوالى 17 كيلو

رجعت لاحضار مستندات تخص العمل نسيتها بالمنزل عند وصولى المنزل وجدت اهل البيت على الفطور وطوالى نزلت معهم واكملت افطارى وذهبت للماسوره بالقرب من الباب وغسلت يدى وطلعت على طول ودورت العربه ورجعت المكتب ولم اتذكر المستندات الا وانا جالس على التربيزه

يعنى 17 كيلو ماشى و17 كيلو جاى راحت فى الفاضى

من طرف **م بروي** السبت 27 أبريل 2013, 6:35 pm

(الحاج شرف) كتب:شكرا د حسين فعلا نحتاج لمثل هذه البوستات

المسافه من البيت للمكتب تقدر بحوالى 17 كيلو

رجعت لاحضار مستندات تخص العمل نسيتها بالمنزل عند وصولى المنزل وجدت اهل البيت على الفطور وطوالى نزلت معهم واكملت افطارى وذهبت للماسوره بالقرب من الباب وغسلت يدى وطلعت على طول ودورت العربه ورجعت المكتب ولم اتذكر المستندات الا وانا جالس على التربيزه

يعنى 17 كيلو ماشى و17 كيلو جاى راحت فى الفاضى

راحت في الفاضي ليه؟
ما تراك مليتها لامن قلت عاع

م بروي كتب:

دي المواقف البي تخلي الزول يطمئن بأن الحكايه ما خرف

زمان في وقر كان عمنا شاويش عليه رحمة الله ناس المناصير في وقر يجتمعوا عنده كل عشية للونسة في ديوانه وفي مرة كان شاعر بفتور شديد وكسير في جسمه ولكنه ساكت عليه وخايف أنه يكون مرض وفي إحدى المرات قام واحد من الجماعة قال الأيام ديل أنا جسمي كلو يوجعني ومكسر فقام الباقين من الجماعة كل واحد يقول أي والله أنا كمان أنا نفس الشيئ

فقام شاويش قال لهم كلكم كدي الحمد لله كنت قايل نفسي وحدي

دحين يا صاحبي ود البروي الحمد لله كل الناس تنسى ماني وحدنا الحمد لله الحكايه ماها زهايمر إطمئن ياملك

من طرف **عازه** السبت 27 أبريل 2013, 7:49 pm

كميه من المواقف المضحكه في البوست ربنا يعطيكم العافيه المتداخلين الاكارم انا بحكي ليك موقف خاص بي لكن اوععععععععععه تمسكو اللقب في رمضان امي مره قالت لي تعبانه يابنتي سحري ابوك هي جهزه كورتين واحده مويه وواحده مديدة دخن قالت لي اعطيهو كورة الدخن لما ينتهي ناوليهو المويه وزولتكم قامت عين مغمضه وعين مفتحههههه اعطيت ابوي كورة الماء مع اول رشفه ابوي قال لي يابنتي دي مويه ردت ليهو علي طول مع النعسه يمكن اتقلبت ياابوي عرفني مامركزه مشي براهو جاب كورة الدخن الصباح حكي لاخوتي سموني اتقلبت لحدت العيد جاء الحمدلله نسو الموضوع

التحية والتقدير للدكتور حسين النافعابي الذي عودنا دائماً بإبتكار بعض المواضيع الجميلة الحلوة التي تعمل لينا تنفيسة كبيرة .. والتحية للأخوة الطيبين المتداخلين الذين شاركوا الدكتور ببعض الطرائف.

الطرئف كثيرة جداً.. سوف نحكي لكم بعضها حصلت بالفعل لبعض الأخوان وبعضها حصلت لي..أتذكر في بداية التسعينات كان ايمن ابن الدكتور عبد الله سليمان عليه رحمة الله (الآن ما شاء الله مهندس في أمريكا) عامل عملية زائدة بالمستشفى العسكري بالرياض وقمت زرتهم بالمستشفى وشايل لي ورد.... وطبعاً في العادة الواحد يهدي الورد ويضعه على طاولة المريض ولكن بعد التحية والمجاملة ... قمت ختيت الورد في طاولة الضيوف .. وبعدين افتكرت قلت يا رب انا عملت كدي مالي ؟؟؟.

وايضاً واحد صاحبنا محسي قبل عشرين سنة كان شغال في البنك السعودي الفرنسي وكان مديره غير عربي كل يوم في شكلة وما عاوزه .. والمشاكل قائمة طوالي ودا شيء طبيعي في الدول الغير السودان.. وزهجان منه وما لاقي طريقة يتخلص منه. ففي أحد الأيام أخونا عوض وجد في الجريدة عنوان لوظيفة: مصنع وطني يبحث عن مدير مكتب بمواصفات هو جدير بها.. فقام اخذ الإعلان من الجريدة وصوره وارسله وللأسف نسى وترك الإعلان على ماكنة التصوير..فجاء المدير ووجد الإعلان وقال له ..يا عوض هذا الإعلان نسيته انت على الماكينة.. قال نعم قال له لو ماشي اليوم انا سوف اعطيك Recommendation .. وبالفعل ذهب لهذه الوظيفة وترقى في المصنع وشغل ابنه كمان وزوجه وما زال على رأس العمل وما شاء الله كمان وراكب برادو وهذا بفضل الله وهو يستاهل لأن رجل طيب نعم الأخ.

من الطرايف يقال أن هنالك جماعة كانوا في المعاش في مدينة الأبيض .. ويأتوا كل يوم يتعشوا مع بعض ويسهروا في منزل أحدهم أكثر ترطيبة وعنده عربية كومر قديم نهاية المطاف يقوم يوصلهم إلى منازلهم .... ويقال أن في أحد الأيام يبدوا أنهم زودوا المعيار شوية .. وصاحب الكومر عاوز يدور العربية وابت تقوم والجماعة تدفر وتدفر .. وبعدما تعبوا شديد واحد قال.. أحسن وعياً قال له قم انت مابتعرف تسوق.. للأسف وجد صاحبكم جالس في الكرسي يمين السائق ورافع يديه كأنه ماسك الدركسون ويلف يمين ويسار.. لله في امره شئون.

وسوف نواصل لكم مرة أخرى تقبلوا تحياتي

شكرا دكتور حسين على فتح هذه الواحه الظليلة لنستنشق تحت ظلالها هواءا عليلا يجدد الروح وينعش النفوس.
حدث معى موقف مره كنت عايز بتاع المخزن وهو باكستانى راجل كبير مشيت المخزن ما لقيتوا , المكتب مافى طلعت الادارة الطابق العلوى مالقيتو ياجماعة حاج فضل وين واحد يقول فوق واحد يقول تحت واحد يقول فى الحمام وواحدين بقوا يدورا معاى ما شفتوا حاج فضل ما شفتوا حاج فضل وفجأة لقيتوا قدامى قلت له وين انت انا واحد ساعه يدور ما يحصل انت قال لى شو يريد , اخوكم نسى الموضوع من كترت اللف قلت له سوى صبر انا يسوى فكر يرجع تانى , وضحك على الجميع .

إبن عمي عبد الحفيظ النافعابي زوج إختي وكمان زوجتي هي أخته كان يعمل في مدينة ينبع الصناعيه في المملكة العربية السعودية في إحدى شركات البترول ومدينة ينبع قريبة من المدينة المنورة فكنت أذهب إليه كثيرا في عطلات نهاية الأسبوع ومدينة تنبع بها شواطئ ومنتزهات غاية في الروعة ومتعوب عليها لأنها تابعة للهيئة الملكية

المهم كنت في إحدى المرات وأنا أصلي في الجامع القريب من البيت كان يصلي بجواري واحد سوداني وفي الجلوس للتشهد الأخير وقبل السلام فجأة قام أخونا السوداني ومشى نحو الباب مع أنه الإمام لسع لم يسلم وكمان ورانا في صف أو صفين ما أذكر كل هذا لم يلفت إنتباه صاحبنا هذا أنه الصلاة لم تنته بعد , ولما وصل باب المسجد فجأة تذكر أنه الناس لسع لم يسلموا والصلاة لم تنته بعد فرجع وجلس مكانه بالقرب مني وسلم مع الجماعة

هي المشغوليات الشديده أحياناً تنسي الزول نفسه

حكي لي أحد أصحابي من أولاد غرب السودان عن واحد من جماعتهم يسكن الخرطوم وكانت معاه والدته وفي إحدى المرات جوهم جماعة من جماعتهم نزلوا عندهم ولما أرادوا السفر بالقطر من محطة الخرطوم الزمن داك أصرت والدته أن تذهب معهم إلى المحطه لأنو ديل ناسا وجماعتها

وبعد وصلوا المحطة أجلسها ولدها في إحدى الكنبات عشان يمشي يركب الجماعة في القطر ويجيها ولكن إبنها هذا كان من النسيان لدرجة لم يسبقه عليها أحد

فبعد أن ركب جماعته في القطر خلى أمه في مكانها داك ومشى ركب عربيته وراح البيت ولما وصل البيت زوجته سألته وين أمك طبعا عارفه زولها ينسى شديد

طوالي ضرب رأسو بي إيدو وقالها يا سلام نسيتها في المحطة , وطوالي قام راجع بي عربيته للمحطه وكان معاه واحد تاني من جماعته في البيت مشى معاه ولما وصلوا المحطة طبعا القطر خلاص راح وكل الناس راحت وأمه قاعده وحدها في المحطة

ولما جاها أمه رفضت ستين يمين ورأسها وألف سيف ما تمشي معاه البيت وكيف تنساني وطبعا رفيقه المعاه قعد في الأجاويد ويبوس في رأسها ومعليش يايمه وأمسحيها في وجهي وإنت عارفي ولدك وكاني ماني وده كله ما جاب مريسة تامزينو وحكاية

المهم في النهاية قليب الأم رضت ترجع معاه

ده أظن فات ود البروي بي غادي

تحايا للجميع

تخيل دى قاعدى تقطع لها فى لحم وجمها كديسى كلما تنهرا الكديسى تجى راجعى ، فجأة فى زول دق الباب ، صاحبتنا إتحيرت تسوى شنو أخيراً خلت اللحمة فى محلها وشالت معاها الكديسى ‘ إتفاجأت بالزول الفى الباب

يشيلها الفاتحى ، طوالى قامت ختت الكديسى فى إبطها وشالت الفاتحى ، صاحبنا لمان شاف المنظر دا والكديسى تفرفر دار تتخارج من هذا الوضع خلا الفاتحى ومات بالضحك

تسلموا

من طرف **م بروي** الأحد 28 أبريل 2013, 5:11 pm

سامى احمد محمد كتب:تحايا للجميع

تخيل دى قاعدى تقطع لها فى لحم وجمها كديسى كلما تنهرا الكديسى تجى راجعى ، فجأة فى زول دق الباب ، صاحبتنا إتحيرت تسوى شنو أخيراً خلت اللحمة فى محلها وشالت معاها الكديسى ‘ إتفاجأت بالزول الفى الباب

يشيلها الفاتحى ، طوالى قامت ختت الكديسى فى إبطها وشالت الفاتحى ، صاحبنا لمان شاف المنظر دا والكديسى تفرفر دار تتخارج من هذا الوضع خلا الفاتحى ومات بالضحك

تسلموا

احسن مما يموت بالفاتحي ويخلي الضحك

من طرف **abuahmed** الأحد 28 أبريل 2013, 5:16 pm

والله ياسامي موقف طريف وظريف ومضحك

اها دي المواقف الطريفة البيتضحك ناس البكا

من طرف **abuahmed** الأحد 28 أبريل 2013, 5:18 pm

والله ياسامي موقف طريف وظريف ومضحك

اها دي المواقف الطريفة البيتضحك ناس البكا

من طرف **م بروي** الأحد 28 أبريل 2013, 5:19 pm

د/ حسين النافعابي كتب:حكي لي أحد أصحابي من أولاد غرب السودان عن واحد من جماعتهم يسكن الخرطوم وكانت معاه والدته وفي إحدى المرات جوهم جماعة من جماعتهم نزلوا عندهم ولما أرادوا السفر بالقطر من محطة الخرطوم الزمن داك أصرت والدته أن تذهب معهم إلى المحطه لأنو ديل ناسا وجماعتها

وبعد وصلوا المحطة أجلسها ولدها في إحدى الكنبات عشان يمشي يركب الجماعة في القطر ويجيها ولكن إبنها هذا كان من النسيان لدرجة لم يسبقه عليها أحد

فبعد أن ركب جماعته في القطر خلى أمه في مكانها داك ومشى ركب عربيته وراح البيت ولما وصل البيت زوجته سألته وين أمك طبعا عارفه زولها ينسى شديد

طوالي ضرب رأسو بي إيدو وقالها يا سلام نسيتها في المحطة , وطوالي قام راجع بي عربيته للمحطه وكان معاه واحد تاني من جماعته في البيت مشى معاه ولما وصلوا المحطة طبعا القطر خلاص راح وكل الناس راحت وأمه قاعده وحدها في المحطة

ولما جاها أمه رفضت ستين يمين ورأسها وألف سيف ما تمشي معاه البيت وكيف تنساني وطبعا رفيقه المعاه قعد في الأجاويد ويبوس في رأسها ومعليش يايمه وأمسحيها في وجهي وإنت عارفي ولدك وكاني ماني وده كله ما جاب مريسة تامزينو وحكاية

المهم في النهاية قليب الأم رضت ترجع معاه

ده أظن فات ود البروي بي غادي

صاحبك فطن..أصاب المرا بعدوى النسيان
عشان ما تقعد تذكرو ويرجع المحطه تاني
نحنا قادرين على الهجوله دي؟

من طرف **م بروي** الأحد 28 أبريل 2013, 5:27 pm

الراجل جاب كيلو لحمه
قال للمرا حمريهو للغداء
المرا جوها اخوانها..زايعين بالحيل
لقوا اللحمه في النار ..حتلوها
عدموها العضيمايايي ولا اللحيمايايي
راجلها جا جابتلو الغداء سناسن بي نعيميي
قالها اللحم يينو؟
قالت لو اللحم اكلتو الكديسي
قالها هسه الكديسي السغوويري دي
اكلت الكيلو بي حالو؟
قالت ايي ..نان الكديسي دا يغلبها
اكل اللحم؟
جرى الدكان اتسلف منو الميزان وجاء
كتف الكديسي ختاها في كفه
وختى الكيلو بتاع الحديد(الوزنه) في كفه
طلعوا قدره قدره ..يعن قدر بعض
قالها اه ده الكيلو
الكديسي وينه؟

تسلم أخي سامي وتسلم يا محمد وتسلم يا أبو أحمد والتحايا للزعيم عبد الغني والحاج شرف الدين

حلوه شديد يا سامي وجميلة دي يا ود البروي

نحن ننتظر المزيد فزحمة الدنيا وهجير الإغتراب داير له قفشات مضحكة زي دي

تسلموا يا رائعين

الله يعطيك العافية على البوست الجميييييييل دا
بوست يشرح القلب
تعجبني جدااااااااا المواقف الطريفة
واكيد كل زول مر بمواقف طريف

سامى احمد محمد كتب:
طوالى قامت ختت الكديسى فى إبطها وشالت الفاتحى ، صاحبنا لمان شاف المنظر دا والكديسى تفرفر دار تتخارج من هذا الوضع خلا الفاتحى ومات بالضحك

والله يا سامى انا زاتى لو شفت المنظر دا ح اتفقع قداما بالضحك
بالغت عدييييل

واااااصلو يا جماعة واتحفونا

من طرف **amira ali** الثلاثاء 30 أبريل 2013, 9:29 pm

م بروي كتب:جرى الدكان اتسلف منو الميزان وجاء
كتف الكديسي ختاها في كفه
وختى الكيلو بتاع الحديد(الوزنه) في كفه
طلعوا قدره قدره ..يعن قدر بعض
قالها اه ده الكيلو
الكديسي وينه؟

والله بوست ابدااااع هههههه
صراحة الواحد اطمن
قايتو حكاية باقة الزيت في التلاجة وقارورة الحليب في دولاب المطبخ عادي بعد ده ممكن نحكي
التحية للمرور ولصاحب البوست

شكرا ليكم كتيروالله.من الطرائف عريس جابوليه عروسته ولي سو ء الحظ الدنيا ليل وام العريس راكبه في العربه جوار بتها والعريس كبكابه اول ماوقفة العربيه راح قابض ام العروس وجاري والجماعه يعجبوك عريسنا الليله سار الا واحد من الحاضرين مسك العروس وحصلو عند الباب

شكرا الاخ الدكتور
حسين على فتح هذا البوست الشيق والذى جذب الناس ---اولا تأخرت فى المشاركة لانو
بابورى كانت خربانى-والحمد لله اصلحت ---ابدأ ليكم بموقف طريف حدث لواحد –زمن مواصلات
بصات ابورجيلة فكان واقفا مع الناس فى وسط البص المزدحم ولابس جلابية وعندما اتى
الكمسارى مطقطقا اراد ان يدخل يده فى جيبه ليحاسبه فبالصدفة ادخلها فى جيب الشخص
الذى بجواره والذى يلبس جلابية ايضا—فشعر ان القروش او الاشياء فى ذلك الجيب ليست
له فنظر فوجد انه اخطا-فلم يستطع التصرف فاذا سحب يده فيقول الشخص الاخر انك حرامى
–فغلب حيلة ولكنه فى النهاية دق على كتف الشخص الاخر بيده الاخرى وقال له ياخى انا
دخلت يدى خطأ فى جيبك وعايز امرقا فاستغرب الاخر ذلك ولكنه ابتسم وحل الامر

من طرف **علي الكليس** الأربعاء 01 مايو 2013, 9:14 pm

عمنا ابراهيم تكنون من زعماء منطقة الشمخيه وهو رجل كريم وشهم وذو مروءه ومحبوب جدا من كل الناس .لانه قدامي في كل شي .له ابنين السر وعمر يحبهما جدا ويحب ايضا ان يراهم كذالك في اعين الناس .ابنه عمر مغترب في السعوديه وكانت وصيته له عند حضوره بعد اخذ قسط من الراحه ان يركب حمارته ويمشي يسابل ناس القري القريبه منهم في موتاهم وكان يوصيه ان يرفع يديه بالفاتحه لاي زول يقابله لانه حسب رايه اذا ماعنده وفاه مباشره يكون عنده قرابه مع احد المتوفين اصلو الناس كلهم اهل وهكذا فعل عمر ركب حمارته وفعل كما امره ابوه وادي اي زول الفاتحه وعند رجوعه من اخر قريه مر بمجموعه من الناس قاعدين في تقاه نزل وكتف حمارته وقال ليهم ياجماعه الفاتحه .نط واحد من الجماعه قال ليه نحن قبيل وقت جيتنا فوق واديتنا الفاتحي قلنا ود تكنون المغترب عرفنا وعرف ميتنا وجاء يعمل الواجب معانا اتاريك موصيك تكنون ..

خالتنا زينب بت محمد ود ادم والدة العضو الجيلى شنان عندها مرات دقسات , مره فى مناسبة اجتمعن بنات ود ادم وقالن نشوف عروس لى اخونا على ( دكتور على بمستشفى الكاب ) وقعدن يفكرن من فلان لا ناس فلان احسن وطالت الجلسه فجأة نطت خالتنا زينب وقالت لهن الغبا اليغباكن البنات مو عند حسبو اخوى فى مدنى واتفقع المجلس كلو بالضحك .

من طرف **علي الكليس** الجمعة 03 مايو 2013, 6:16 pm

توقفت بعربتي الامجاد عند احد الاشارات وكانت حمراء وكعادة الشحادين وهم كثر هذه الايام عند الاشارات يمرون علي العربات المتوقفه تقدم احدهم نحو العربيه ومد يده والحقيقه لم تكن معي فكه وهم في الاساس كثيرين وبحكم عملنا اليومي تعودنا عليهم فقلت له .الله يدنا ويديك . تخيل رد الرجل كان شنو قال لي يديك اكتر من كدا يسوي ليك شنو ..؟؟؟؟؟؟؟ تذكرت نظرية النسبيه ربنا يرزقنا القناعه

شكراً الأخوان على هذه المشاركات الجميله

كمان هاكم دي

زمن السودان كان السودان البلد الواحد قبل ما يمسكو الجماعة الذين قال عنهم الشاعر محمد مفتاح الفيتوري من أين أتى هؤلاء وهاداك الزمن كانت البارات فاتحه قبل يقفلها المشير النميري ربنا يرحمه ويغفر له * ضيعناه وضعنا وراه * كان في واحد جنوبي راكب في الباص وسكران وواقف شماعه في البص يده واحده ماسكه في شماعة البص واليد الأخرى شايل فيها زجاجة خمره فقام جاه الكمساري عشان يشيل منه تذكرة البص قام قال للكمساري ما تشوف كيف أعطيك قيمة التذكرة يدي واحدة ماسكه في الشماعة والأخرى شايل فيها قزازة خمره فقام الكمساري قاله خلاص أعطيني زجاجة الخمره أمسكها لك عشان تطلع الفلوس قام الجنوبي قاله بالله شوف ده لو عاوز تساعدني أمسك فوق في الشماعة

طبعا الجنوبي ماهو عاوز يفك قزازة الخمره وكمان لما الكمساري يمسك الشماعة ماني عارف حايساعد الجنوبي كيف الله أعلم

السلام عليك يا ملك وعلى ضيوفك الكرام .. أها لعنا إبليس وفتحنا بوست بيغادي أظنك ما عندك خبره .. عن دور المناصير في القاش وغير القاش الموضوع طويل وخايف يبقى مسلسل تركي ...هاك دي قبل يومين أنا في البيت الصباح ماشي الشغل بعد ما لبست هدوم الشغل مشيت على الشماعه ولبست الجلابيه ومرق لا بره وبعدين إتذكرت أنه في شي غلط براحه رجعت وملصت الجلابيه ... الحمد لله ما في زول شافني

مره اخذت اخوى الصغير للجامعه اديتو قروش وقلتلو جيبلك بارد جانى شايل الماركات وقالى شوفى الراجل قلتلو ادينى بيبسى ادانى شنوا

السلام عليكم ي شباب طبعا المتل يقول بركه الجات منك ي بيت الله
طبعا نقيب النسيايين في ابها الزعيم محمدبروي دا عند قصص
تألف كتب وطالما بدا ابشر ي كمون انتظروني من كتر ماهي مواقف
كتير ماعارف ابدا ليكم من وين وبجيكم راجع

الزعيم أبو سفيان لك تحياتي وسلاماتي
عاد إنت بتقول لي في ود البروي ده معروف زعيم النسيان بي ذاتو ده ما فضل له إلا يقول لأولاده ديل ولاد منو ود البروي ده مرات يأكل غداه وبعد شويه ينسى يكورك جيبو الغداء
يا أخي ود البروي مره ناسي بنته في المدرسه قريب الأسبوع
والطيارة كم مره فايتاه من جده
أسع قريب عنده لقاء مع عبد المطلب الفحل نرجو من ناس المنتدى من هسع يجندوا زول يكون معاه طول الوقت يكورك في أضانو كل مرة لقاء عبد المطلب الفحل لقاء عبد المطلب الفحل يذكره في اليوم 37 مرة

ي خي صاحبك الزعيم من كتر ماه مودر
الدنيا اجازه مافي علاقه بالمدارس لان من بعيد
كان سياره متعطله فجاه قال لي صاحبه سعودي ي خي
اراح نجيب الولد من المدرسه السعودي ما كضب
شغل السياره ومشوا لقوا دار الكلاب ترقع مافي الا الصليعات
صاحب دق الباب مالقي حد ولاجاه حد قال يكون مشي مع السوداني
السعودي عارف صاحبه براحه قالو تعال شغل سياره ونزله عند بيته
جاء في البيت سال الولد انت جيت مع منو الولد قال نحن ماجزين ي بوي
صاحبك قطع فوقه

من طرف **م بروي** الخميس 30 مايو 2013, 6:16 am

انتو منو؟

م بروي كتب:انتو منو؟

kpkنحن معروفيين ونحن قلنا حاجه ولا طرينا زول
الفي بطنه صمصنق براه دانصنق

من طرف **نجلاء زمراوي** الخميس 30 مايو 2013, 2:35 pm

بمناسبه الشحادين الذكرهم استاذ الكليس....
مره في الاستوب جاني احدهم وكان الاستوب قرب يفتح فقمت سرعه اديتو مما يسره له الله...عمك بحلق فوقي وقال لي العربيه شنو نان اخير اكان بقيتي معانا وجدعهم لي.

من طرف **abuahmed** الخميس 30 مايو 2013, 2:48 pm

ابوسفيان

خلي عندك احترام للناس الكبار

الواحد دابو فقع من البيضة يتطاول علي الناس الكبار

(كلب ,نجس عكروت علي قول حمد ودجمرة)

اه يا ظربون

انت شايف البلد ما فيها حاااااكومة ولا شنو

(معليش د. حسين الزول ود اختا لي)

من طرف **نجلاء زمراوي** الخميس 30 مايو 2013, 3:17 pm

ابحمد.الحاكومه ماجايبه خبر تب مخلي سفيان علي كيفو....!!!!!!!

abuahmed كتب:ابوسفيان

خلي عندك احترام للناس الكبار

الواحد دابو فقع من البيضة يتطاول علي الناس الكبار

(كلب ,نجس عكروت علي قول حمد ودجمرة)

اه يا ظربون

انت شايف البلد ما فيها حاااااكومة ولا شنو

(معليش د. حسين الزول ود اختا لي)

معليش- أسف -امسحها لي وجهه-انا ماقائل الطريق مراغب بالرادار قطع اشاره حمراء
اعطوني قسيمه مخالفه علي كلام السعوديه ماها القاصدهنا انتو
تخرييييييييييييييييييييييييييييييييمه
بعدين الحاكومه ماهي فاضي من(ام كرشولا)

أفو أفو يالزعيم أبو سفيان بس من فرد هرشه تمسك الزوغه وتخلني براي

أنا قلت الزعيم ده راجل معروف في أبها وخميس مشيط ومعروف في البلد أسمك يرن زي الطبل قلت أمشي وراه ونقبل أنا وهو على ود البروي نجيب خبره وهو أصلو خبره إنت عارفه ما هو دايرلو جيب حكاويتو عارفنها السعوديين وأهل اليمن وبلاد تركب الأفيال

يازول ما جالك منهم هؤلاء الأعراب سيبك من أبو أحمد وخليك من ود البروي ديل بقدر لك عليهم أنا قوم جر النم فوق ود البروي وجيب لينا الحكاوي المافي زول عارفها إلا إنت وهو أصلو داسيها

من طرف **م بروي** السبت 01 يونيو 2013, 9:14 pm

برضو بي جاي في (حب الديك يسك الديك)؟
المظاهره في أوجها
واحد كان متحمس شديد ويهتف بعنف
ضد النظام الجماعه حملوهو على الأعناق
وصار يهتف بقوة لامن حسو اتقرش
المظاهره فترت.. بدأت أعداد المتظاهرين
في النقصان ...نقصوا زياده
بعد شويه بقو شويه.. قام صاحبنا قال لهم
خلاص نزلوني الناس بقوا شويين ناس الأمن
بعد ده بعرفونا...قالوا ليهو ..عرفناك
نحنا ناس الأمن..يلا معانا سكيتي.
دحين يا ملك اب احمد وسفيان ديل
ناس الأمن انزل امشي معاهم تعالوا
لي في المكتب.

من طرف **amira ali** الأحد 02 يونيو 2013, 1:03 am

في اجازتنا للسودان الصيف الفائت مارين انا وزوجي بي عربتنا نسلم على الاهل -دخلنا عند اقاربنا وهاك يا ونسة وضحك وخبارات وشمارات

فجاة دخلت بت الجيران وابني في يدها قالت لهم يا ناس الولد ده لقيتو في السيلرة البرة دي في الحر ده!!!!

الله .... كل واحد فينا اتلفت علي التاني : انت ما اخدت الولد معاك؟

البوست جميل ويحكي عن مرض العصر .تسلم يا نافعابي وضيوفك

[quote="د/ حسين النافعابي"]أفو أفو يالزعيم أبو سفيان بس من فرد هرشه تمسك الزوغه وتخلني براي

أنا قلت الزعيم ده راجل معروف في أبها وخميس مشيط ومعروف في البلد أسمك يرن زي الطبل قلت أمشي وراه ونقبل أنا وهو على ود البروي نجيب خبره وهو أصلو خبره إنت عارفه ما هو دايرلو جيب حكاويتو عارفنها السعوديين وأهل اليمن وبلاد تركب الأفيال

يازول ما جالك منهم هؤلاء الأعراب سيبك من أبو أحمد وخليك من ود البروي ديل بقدر لك عليهم أنا قوم جر النم فوق ود البروي وجيب لينا الحكاوي المافي زول عارفها إلا إنت وهو أصلو داسيها[والله ي ملك مازغت ولابتهرش
لكن صاحبك حكاوي ماتكمل عشان انا ماعارف ابدا من وين
تانيا اسبوعيا تقع عليه حكايه عشان كدا عايز المها واوديهم ليه
في صالح للنشروغير صالح للنشرعشان كدا عايز اصنف واسردها
بالترتيب والتفصيل الممل عشان تعرف صاحبك

خالى عثمان مره حكا لى امى قصه :بروى قال لى مرتو جيب لى العمه قالتلو فوق السللك يمشى ويجيها ويقولها مالقيتا تانى ترجعوا اخر النهايه فكا السلك وجابو ليها قالها هاك السلك طلعلى عمتى دحن اخوالى ديل تعرفوهم ياناس بروى هم من السويقات

الزعيم أبو سفيات سلامات

وقت أخدت ليك صنه كدي قلت زولي يظهر أنه فعلا إتهرش ولكن وقت جيت راجع هسع خلاص أبدأ من طرف

ماجالك منو ود البروي وإن زاغ ولا ربط خليه علي إنت بس سيبك منو خليك في مشوارك وسوي الصفقه دنقير

د/ حسين النافعابي كتب:الزعيم أبو سفيات سلامات

وقت أخدت ليك صنه كدي قلت زولي يظهر أنه فعلا إتهرش ولكن وقت جيت راجع هسع خلاص أبدأ من طرف

ماجالك منو ود البروي وإن زاغ ولا ربط خليه علي إنت بس سيبك منو خليك في مشوارك وسوي الصفقه دنقير

لالالاكان كدا خلاص ابشر تب ارقد قفا بس اعزل الكويساات واكتب مايهمك

أنا في إنتظار حكاوي الزعيم ود البروي يا زعيم أبها والجنوب كلها أبو سفيان

لك تجياتي

د/ حسين النافعابي كتب:أنا في إنتظار حكاوي الزعيم ود البروي يا زعيم أبها والجنوب كلها أبو سفيان

لك تجياتي

تسلم ي زعيم يملك القوز زي مابقول ود بروي اخبارك
اها اعطيك دي

طبعا صاحبك ود البروي انت عارف مرات يبحلق فيك اعرفه مامركز
طبعا البحليق معناه معروف عنده قصيده يقول
عاد الناس كتر بحليق
ازرب حالتي من دفيقه
مانع الطير من حليقه
حارسه ماغفل تويقه ا-ها
صاحبك كان طالب سعودي امام مسجد قروش وطولت وصاحبك رجل من الحي
يوم من الايام صاحبك كان عنده مشوار فجاه لقي ليه مسجد قال اصلي فيه صاحبك مايقيف الا خلف الامام انتهي الصلاه صاحبك بحلق في الامام علي طريق
القديم وهي مامركز الامام انتبه الي صاحبك بقاه يعاين ليه شديد الامام افتكر انه
يعاين ليه عشان يديه القروش صاحبنا ماجاب وخبر ولاالامام جائب خبر
المام دخل ايده في جيب اعطي الزعيم الدين القديم وصاحبك ماعارف انه طالبه ولا الامام دا مين المهم صاحب صدقت معاه واعطاه قروش
[color=red][/cتخرييييييييييييييييمه
طبعا ي جماعه اكبر شعب في العالم يحب الدين الشعب السعودي